ᐱᓇᓱᐊᕈᓯᐅᓚᐅᖅᑐᒥᒃ, ᑲᓇᐃᑎᐊᓐ ᓄᐊᑦ ᐅᐱᒍᓱᒃᐳᖅ ᑲᑎᖓᑎᑦᑎᔪᓐᓇᕋᒥᒃ ᐱᓇᓱᐊᖃᑎᒌᖕᓂᒃ, ᑕᕐᓂᒃᑯᑦ, ᐊᒻᒪᓗ ᒪᒪᕆᔭᐅᓛᑦ ᐆᓇᖅᓯᑎᓯᒪᔪᑦ ᑯᑮᔅ ᓄᓇᕗᑦ ᐅᓪᓗᐊ ᖁᕕᐊᓱᒍᑎᒋᓪᓗᒍ ᐃᖃᓗᖕᓂ ᐊᒻᒪᓗ ᐊᓯᖏᓐᓂ.
ᑕᒪᐅᓐᓇ ᐃᑲᔪᖅᑎᒌᒡᖢᑎᒃ ᐊᔾᔨᒌᙱᑦᑐᑦ ᐱᓇᓱᐊᖃᑎᒌᑦ, ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᑦ ᐃᓚᐅᓚᐅᖅᑐᑦ ᐱᓐᖑᐊᖅᑐᓂ ᐃᖃᓗᖕᓂ ᐊᒻᒪᓗ ᐃᖃᓗᒃᑑᑦᑎᐊᕐᒥ, ᑐᓂᐅᖃᐃᓚᐅᖅᑐᑦ ᒪᒪᕆᔭᐅᓛᓂᒃ ᐆᓇᖅᓯᑎᓯᒪᔪᑦ ᑯᑮᔅ, ᐃᓂᖃᖅᑎᑦᑎᓚᐅᖅᑐᒍᑦ ᐊᔾᔨᓕᐅᖅᑕᐅᕕᖕᒥᒃ ᐊᔾᔨᖑᐊᖃᕐᓂᐊᕋᑦᓯ ᖁᖓᔮᕐᓗᓯ, ᐊᒻᒪᓗ ᑐᓂᔭᐅᓗᓯ ᖃᖓᑦᑕᐅᑎᑦ ᓵᓚᖃᖅᑐᓄᑦ ᐊᑐᓂ ᓄᓇᓕᖕᓂ.
ᑕᐃᒪᓗ ᐊᒥᓱᑦ ᖁᕕᐊᓱᒍᑎᖃᓚᐅᖅᑐᑦ ᓄᓇᕗᒻᒥ, ᖃᐅᔨᒪᔪᒪᖕᒥᔪᒍᑦ ᑖᒃᑯᐊ ᐊᐅᓪᓚᖅᓯᒪᔪᑦ ᓄᓇᒥᖕᓂᑦ ᐋᓐᓂᐊᕕᓕᐊᖅᓯᒪᓪᓗᑎᒃ ᑐᓴᖅᑎᑦᑎᔪᓐᓇᕐᒥᔪᑦ ᑕᒪᑐᒥᖓ ᐅᓪᓗᒥᒃ. ᑲᓇᐃᑎᐊᓐ ᓄᐊᑦ ᐱᓇᓱᐊᖃᑎᒌᑦ, ᐃᓚᒋᔭᐅᓪᓗᑎᒃ ᐊᖓᔪᖅᑳᖅ–ᑐᖏᓕᖓ, ᐅᓯᔭᒃᓴᓄᑦ ᐊᒻᒪᓗ ᒥᑦᑕᕐᕕᖕᒥ ᐱᔨᑦᑎᕋᖅᑎ, ᒪᑎᐅ ᐸᓚᒪᓐᑕᓐ ᐊᒻᒪᓗ ᐊᖓᔪᖅᑳᖅ ᑐᑭᒧᐊᒃᑎ, ᖃᕆᓴᐅᔭᓕᕆᔨ, ᐊᓇ ᓕᖕ, ᖁᕕᐊᓱᓚᐅᖅᑐᑦ ᓛᒐ ᐸᕙᓐ ᐋᑐᕚᒥ ᑐᓂᐅᖃᐃᓪᓗᑎᒃ ᐆᓇᖅᓯᑎᓯᒪᔪᑦ ᑯᑮᔅ ᐊᒻᒪᓗ ᖃᖓᑦᑕᐅᑎᒃᓴᓂᒃ, ᖁᕕᐊᓱᖃᑎᒌᒡᓗᑎᒃ ᐋᓐᓂᐊᕕᓕᐊᖅᓯᒪᔪᑦ ᐊᒻᒪᓗ ᐃᓚᖏᑦ.
ᐊᑕᐅᓯᐅᙱᑦᑐᒥ ᐅᓪᓗᓂᒃ ᓇᓪᓕᐅᓐᓂᖅᓯᐅᓚᐅᖅᑐᑦ ᐊᒻᒪᓗ ᒪᒪᖅᑐᓂᒃ ᓂᕆᓪᓗᑎᒃ, ᓄᓇᕗᑦ ᐅᓪᓗᐊ ᓇᓗᓇᐃᖅᓯᓚᐅᖅᑐᖅ ᐅᖃᖅᓯᒪᔪᓂᒃ ᓄᓇᕗᑦ ᐱᖁᔭᕐᔪᐊᖓᓂ ᑕᐃᑲᓂ ᔪᓚᐃ 9, 1993. ᐅᓇ ᓄᓇᕗᖑᓚᐅᖅᑐᖅ ᐊᐃᕆᓕ 1, 1999, ᐊᕕᒃᖢᓂ ᓄᓇᑦᓯᐊᕐᒥᑦ. ᐃᓕᓴᖅᓯᓯᒪᔪᖅ ᐃᓄᐃᑦ ᓄᓇᖓᓂ ᐊᒻᒪᓗ ᓇᓪᓕᐅᓐᓂᖅᓯᐅᖅᑐᑦ ᑎᐊᓕᑐᐊᓕᔅ ᑖᒃᑯᐊᓗ ᒐᕙᒪᒃᑯᑦ ᓴᓇᖃᑎᒋᔭᑎᒃ ᓴᐳᒻᒥᓗᒋᑦ ᐊᒻᒪᓗ ᐊᑐᖅᑕᐅᑎᓪᖢᒋᑦ ᐃᓄᐃᑦ ᐱᐅᓯᖏᑦ, ᐅᖃᐅᓯᖓ, ᐊᒻᒪᓗ ᐱᖁᑎᑐᖃᕕᓂᖏᑦ.
ᓄᓇᕗᑦ ᐅᓪᓗᐊ ᑕᒪᐃᓐᓂᑦ ᓇᓪᓕᐅᓐᓂᖅᓯᐅᕈᑕᐅᓚᐅᖅᑐᖅ ᐃᒻᒪᑲᓪᓚᒃ ᐊᑐᖅᓯᒪᔭᒥᖕᓂᒃ ᐊᒻᒪᓗ ᓴᕿᑎᑦᑎᓚᐅᖅᑐᖅ ᑲᔾᔮᕐᓇᑑᓂᖓᓂᒃ, ᐱᐅᓯᑐᖃᓖᑦ ᐊᒻᒪᓗ ᑎᒍᒥᐊᖅᑐᖅ ᑐᑭᖃᑦᑎᐊᕐᓂᖓᓂᒃ ᐃᓄᖏᓐᓄᑦ ᑖᒃᑯᐊᓗ ᑖᔅᓱᒥᖓ ᐊᖏᕐᕋᖃᖅᑐᑦ. ᐅᓪᓗᒥ ᐅᐱᒋᔭᕗᑦ ᓄᓇᓕᕗᑦ, ᖁᕕᐊᓱᒍᑎᒋᓗᒍ ᑭᓇᐅᓂᖓ, ᐊᒻᒪᓗ ᐃᓕᓴᕆᓗᒍ ᐱᐅᓯᑐᖃᑦ ᐊᒻᒪᓗ ᓯᕗᓂᒃᓴᑦᑎᐊᕙᐃᑦ ᐊᔪᖏᑎᑦᑎᔪᑦ ᓄᓇᕗᒻᒥ ᐊᔾᔨᒋᔭᐅᓇᓂ ᐊᒻᒪᓗ ᐱᒻᒪᕆᐅᓪᓗᓂ ᐃᓚᒋᔭᖓ ᑲᓇᑕ.
