A Few Travelling Tips
ᐱᔭᔅᓴᐅᔪᓐᓇᖅᑐᖅ ᐊᐅᓪᓚᕐᓂᖅ
ᑲᓇᐃᑎᐊᓐ ᓄᐊᑦ ᑐᙵᓱᒃᑎᑦᑎᒻᒪᑦ ᐃᓘᓐᓇᖏᓐᓂᒃ ᐃᑭᒪᔪᓂᒃ ᐃᓚᒋᔭᐅᓪᓗᑎᒃ ᑕᐃᒃᑯᐊ ᐃᔅᓯᕚᕐᓗᑎᒃ ᑲᐃᓪᓗᐊᕈᑎᒦᑦᑐᓂᒃ, ᑕᐃᒃᑯᓂᖓ ᐊᖏᓂᖅᓴᒥᒃ ᐃᓂᖃᕆᐊᓕᓐᓂᒃ, ᑕᐃᒃᑯᓂᖓ ᐊᐅᓪᓚᖅᑐᓂᒃ ᕿᑐᙵᖃᕐᓗᑎᒃ ᐅᕝᕙᓘᓐᓃᑦ ᑎᒍᐊᖁᑎᖃᕐᓗᑎᒃ, ᐊᒻᒪᓗ ᑕᐃᒃᑯᓂᖓ ᓂᕆᔭᖏᑦ ᐱᖃᓯᐅᔾᔨᖏᒋᐊᖃᖅᑐᑦ ᐊᒻᒪᓗ ᑕᐃᒃᑯᓂᖓᓪᓗᐊᖅ ᓂᕆᓂᐊᖅᑕᖏᑦ ᐱᑕᖃᕆᐊᓕᓐᓂᒃ.
ᓈᒻᒪᔅᓴᖏᔾᔪᑎᓖᑦ
ᓈᒻᒪᔅᓴᖏᔾᔪᑎᓖᑦ ᑕᒪᓐᓇᐅᒐᓗᐊᖅᑎᓪᓗᒍ ᑲᓇᐃᑎᐊᓐ ᓄᐊᑦ ᐱᑕᖃᕐᓂᐅᓴᑎᑦᑎᒍᓐᓇᖏᑦᑐᖅ ᐲᓇᑦ ᖃᖅᑯᐊᒐᓐᓂᒃ, ᖃᖅᑯᐊᒐᓐᓂᒃ ᐅᕝᕙᓘᓐᓃᑦ ᓂᕿᓂᒃ ᓈᒻᒪᔅᓴᖏᔾᔪᑎᓕᓐᓄᑦ ᐱᑕᖃᖅᑎᑦᑎᖏᓪᓗᑎᒃ ᓇᔪᖅᑕᐅᔪᒥ ᓇᓪᓕᐊᓐᓂᑐᐃᓐᓇᖅ ᖃᖓᑕᑎᑦᑎᓂᕆᔭᑦᑎᓐᓂ, ᐱᓕᕆᓇᓱᐊᒡᒐᕐᓂᐊᖅᑐᒍᑦ ᓴᐳᒻᒥᔭᐅᖁᓪᓗᒋᑦ ᐋᖅᑭᔅᓯᓗᑕ ᓴᐳᒻᒥᒐᓱᐊᕐᓗᒋᑦ ᐃᑭᒪᔨᐊᕆᔭᕗᑦ.
ᐃᑉᐱᒍᓱᑦᑎᐊᖅᑐᒍᑦ ᐃᓱᒫᓗᑎᒋᔭᐅᔪᓂᒃ ᓈᒻᒪᒋᖏᑕᖃᕐᓂᕐᒧᑦ ᐊᑲᐅᒍᓐᓃᓱᓂᒃ, ᐊᒻᒪᓗ ᑐᑭᓯᐊᓪᓗᑎᒍ ᑕᐃᒃᑯᐊ ᐃᓚᖏᑦ ᐊᑭᓖᔨᒋᓲᕗᑦ ᐱᒍᒪᖏᑐᐃᓐᓇᕆᐊᖃᕐᒪᑕ ᐃᔅᓯᕚᖅᑎᑕᐅᒍᒪᖏᓪᓗᑎᒃ ᖃᓂᔅᓴᓗᐊᕐᓗᑎᒃ ᐳᓯᓂᒃ ᐅᕝᕙᓘᓐᓃᑦ ᒥᑭᔪᓂᒃ ᕿᒻᒥᓂᒃ ᖃᖓᑕᖃᑕᐅᑎᓪᓗᒋᑦ. ᑕᒪᓐᓇ ᐱᓪᓗᒍ ᐱᔾᔪᑎᒋᔭᐅᔪᖅ, ᐃᒪᐃᓘᖁᔨᕗᒍᑦ, ᓈᒻᒪᔅᓴᖏᒍᑎᖃᕐᓗᑎᑦ ᐊᑲᐅᒍᓐᓃᓱᑦ, ᐅᖃᐅᔨᒋᐊᖃᖅᑐᑎᑦ ᐃᑭᕕᔅᓴᓕᐅᖅᑎ ᑭᒡᒐᖅᑐᐃᔨᒥᒃ ᐅᕝᕙᓘᓐᓃᑦ ᐃᓯᖅᑕᕐᕕᒻᒥ ᑭᒡᒐᖅᑐᐃᔨᒥᒃ ᖃᖓᑕᓲᕆᓂᐊᖅᑕᐃᑦ ᐊᐅᓪᓚᕆᐊᓚᐅᖏᓐᓂᖓᓂ ᓴᓂᓕᖃᖁᓇᑎᑦ ᐊᑭᓖᓯᒪᔪᒥᒃ ᐊᐅᓪᓚᖅᑐᒥᒃ ᑎᒍᐊᖁᑎᓕᒻᒥᒃ. ᐱᓕᕆᒐᓱᐊᕋᔭᖅᑐᒍᑦ ᐱᔾᔪᑎᖃᑦᑎᐊᕐᓗᑕ ᐱᓕᕆᒐᓱᐊᕐᓗᑕ ᐊᓯᐊᓅᖅᑎᑕᐅᒐᓱᐊᖅᑎᓪᓗᒍ ᐅᕝᕙᓘᓐᓃᑦ ᑎᒍᐊᖁᑎᖓ ᐊᒻᒪᓗ ᑎᒍᐊᖁᑎᓕᒃ.
ᐃᑭᒪᕕᐅᔪᒥ ᑐᓴᖅᑕᐅᑎᑦᑎᒍᑏᑦ
ᐊᑐᓕᖅᑎᓪᓗᒋᑦ ᑕᐃᔅᓱᒪᓂ ᐃᑭᒪᔨᐊᕆᔭᐅᔪᑦ ᓇᒻᒥᓂᖅ−ᓇᓗᓇᐃᕐᓗᑎᒃ ᓈᒻᒪᔅᓴᖏᒍᑎᖃᕐᓂᕐᒥᓐᓂᒃ ᐃᓂᔅᓴᓕᐅᖅᑕᐅᓗᑎᒃ ᐅᕝᕙᓘᓐᓃᑦ ᐊᐅᓪᓚᕆᐊᖅᑐᓕᖅᑎᓪᓗᒋᑦ, ᑐᓴᖅᑕᐅᑎᑦᑎᔪᖃᕐᓂᐊᖅᑐᖅ ᐃᖅᑲᓇᐃᔭᖅᑎᒧᑦ ᑐᔅᓯᕋᖅᑎᓪᓗᒍ ᐃᓱᒫᓗᑦᑎᐊᖁᔨᓗᓂ ᐊᓯᒥᓐᓂᒃ ᐃᑭᒪᖃᑕᐅᔪᓂᒃ ᓂᕆᖁᓇᒋᑦ ᓂᕿᓂᒃ ᐃᓚᖃᖅᑐᓂᒃ ᓈᒻᒪᒍᓐᓃᕈᑕᐅᒍᓐᓇᖅᑐᓂᒃ. ᑕᐃᒪᓕ ᒪᓕᑦᑎᐊᖅᑐᐃᓐᓇᐅᑎᑦᑎᒍᓐᓇᖏᓐᓇᑦᑕ ᑐᔅᓯᕋᐅᑎᒋᔭᑦᑎᓐᓂᒃ, ᐊᑐᑦᑎᐊᕋᓱᐊᕐᓂᐊᖅᑐᒍᑦ ᑐᓴᖅᑎᒐᓱᐊᕐᓗᒋᑦ ᐊᓯᑎᑦ ᐃᑭᒪᔨᐊᕆᔭᕗᑦ ᖃᖓᑕᓲᕐᕕᒋᔭᓐᓃᑦᑐᑦ.
ᓂᕆᔭᐅᓂᐊᖅᑐᓕᐅᖅᑎᑦ ᓂᕿᓂᒃ
ᑲᓇᐃᑎᐊᓐ ᓄᐊᑦ ᖁᕕᐊᓱᑦᑐᖅ ᐱᔭᐅᑎᑦᑎᒋᐊᔅᓴᖅ ᓂᕆᔭᐅᓂᐊᖅᑐᓂᒃ, ᐃᓚᒋᔭᐅᓪᓗᑎᒃ ᐆᓇᖅᑐᑦ ᓂᕆᔭᐅᓂᐊᖅᑐᑦ, ᐊᒥᓱᓂ ᖃᖓᑕᑎᑦᑎᒍᑎᑦᑎᓐᓂ. ᑕᐃᒫᖑᒐᓗᐊᖅᑎᓪᓗᑕ ᐊᔪᕆᖅᓯᐅᔾᔨᓯᒪᓗᑕ ᓂᕆᔭᐅᓂᐊᖅᑐᓕᐅᖅᑎᓂᒃ ᐱᔭᐅᖁᔨᓇᑦᑕ ᖃᖅᑯᐊᒐᓕᓐᓂᒃ, ᑕᐃᒫᖑᓂᐅᓴᑐᐃᓐᓇᓐᓂᕋᐃᖏᑦᑐᒍᑦ ᖃᓄᐃᑦᑐᑐᐃᓐᓇᐃᑦ ᓂᖅᑮᑦ ᐱᔭᐅᑎᑕᐅᔪᖅ ᖃᖓᑕᓲᒥ ᖃᖅᑯᒐᖅᑕᖃᖏᑦᑐᐃᓐᓇᐅᓂᕋᖏᑕᕗᑦ. ᐊᐅᓚᒍᓐᓇᖏᓐᓇᑦᑕ ᐊᒥᓱᓂᒃ ᓂᕆᔭᔅᓴᓕᐅᖅᑎᓂᒃ ᐊᒻᒪᓗ ᐱᔭᐅᑎᑦᑎᖃᑦᑕᖅᑐᓂᒃ ᐊᒻᒪᓗ ᐱᔭᐅᓂᐊᖅᑐᓕᕆᔨᐅᖃᑦᑕᖅᑐᑦ ᑕᒪᑐᒪᓂ ᑕᐃᒪᐃᓘᓐᓂᐅᔪᓂ. ᓇᓪᓕᐊᑐᐃᓐᓇᖅ ᐃᑭᒪᔨᐊᕆᔭᕗᑦ ᓈᒻᒪᒋᖏᑕᖃᓲᑦ ᐅᕝᕙᓘᓐᓃᑦ ᐃᑉᐱᓐᓂᖅᓴᕋᐃᑦᑐᑦ ᑭᓱᓕᐊᕆᓯᒪᔪᓂᒃ ᐃᓗᐊᓂᑐᐃᓐᓇᕆᐊᓕᓐᓂᒃ ᐃᑭᒪᕕᐅᔫᑉ ᑲᒪᒋᔭᖃᕐᒪᑕ ᓇᔅᓴᕆᐊᖃᕐᓗᑎᒃ ᐊᑑᕈᓐᓇᖅᑕᖏᓐᓂᒃ ᐃᓅᓕᓴᐅᑎᓂᒃ ᐊᒻᒪᓗ ᓈᒻᒪᑦᑎᖅᓯᒪᓗᑎᒃ ᓴᐳᒻᒥᒍᑎᖏᑦ ᐱᓯᒪᒋᐊᖃᖅᑎᓪᓗᒋᑦ.
ᐃᖃᐃᓕᓴᕐᓂᕐᒧᑦ ᐅᔾᔨᖅᓱᖅᑕᐅᑦᑎᐊᕆᐊᓕᑦ – ᐃᒪᐃᓘᕈᓐᓇᖅᑐᑎᑦ:
:
- ᐱᓯᒪᓪᓚᕆᒐᓱᐊᕆᑦ ᓇᓪᓕᐊᓐᓂᑐᐃᓐᓇᖅ ᐊᒻᒪᓗ ᐃᓘᓐᓇᖏᓐᓂᒃ ᖃᐅᔨᒪᒋᐊᖅᓯᑦᑎᐊᕈᑎᓂᒃ ᐃᓚᒋᔭᐅᓗᑎᒃ ᐊᐅᓪᓚᕐᓂᐊᕐᓗᑎᑦ ᐅᖃᐅᔾᔭᐅᒋᐊᕈᑎᓂᒃ ᐃᕝᕕᑦ ᓘᑦᑕᖓᓂᒃ ᓯᕗᓂᖓᒍᑦ ᐃᑭᓚᐅᖏᑎᓪᓗᑎᑦ ᐃᓚᖓᓐᓄᑦ ᖃᖓᑕᔾᔪᑎᒋᓚᖓᔭᑦᑕ.
- ᑕᐃᒪᓕ ᐃᓅᓕᓴᐅᑎᖃᕆᐊᖃᖅᑎᑕᐅᒍᕕᑦ ᐆᒻᒪᑎᓯᐅᑎᒥᒃ ᐃᒻᒥᓂᑦ ᐱᒋᐊᖅᑕᐅᑎᒋᓲᒥᒃ ᑲᐱᒍᑎᒥᒃ (ᑐᑭᓕᐅᑎᓗᒍ EpiPen), ᐃᑭᒋᐊᖃᖏᑦᑐᑎᑦ ᖃᖓᑦᑕᒍᑎᒋᓂᐊᖅᑕᓐᓄᑦ ᐱᓯᒪᒐᓗᐊᕐᒪᖔᖅᐱᐅᒃ ᖃᐅᔨᒋᐊᓚᐅᖏᓪᓗᑎᑦ.
- ᐃᑭᒪᓂᐊᖅᑐᑦ ᓇᔅᓴᖁᔭᐅᕗᑦ ᐱᓯᒪᓗᒋᑦ ᓇᒻᒥᓂᖅ ᓂᕆᓂᐊᖅᑕᓂ ᓇᒻᒥᓂᖅ ᓂᕆᓂᐊᖅᑎᓪᓗᒋᑦ ᐅᔾᔨᖅᑐᑦᑎᐊᕋᓱᐊᕈᑕᐅᓗᑎᒃ ᓂᕆᔭᐅᓂᐊᖅᑐᑦ ᐃᓚᖃᑐᐃᓐᓇᕆᐊᖃᕐᒪᑕ ᓈᒻᒪᔅᓴᖏᔾᔪᑕᐅᒍᓐᓇᖅᑐᓂᒃ.
ᖃᐅᔨᒪᑎᑦᑎᒍᑎ ᐃᑭᒪᓂᐊᖅᑐᓄᑦ
ᑕᐃᔅᓱᒪᑐᐊᖅ ᑲᒪᒋᔭᕆᒻᒪᒍ ᐃᑭᒪᓂᐊᖅᑑᑉ ᓇᒻᒥᓂᖅ−ᓇᓗᓇᐃᕐᓗᑎᒃ ᐃᑉᐱᓐᓂᓴᕋᐃᓐᓂᕐᒥᓐᓂᒃ ᐅᕝᕙᓘᓐᓃᑦ ᓈᒻᒪᒋᖏᑕᖃᕐᓂᕐᒥᓐᓂᒃ ᐲᓇᑦ ᖃᖅᑯᐊᒐᓐᓂᒃ, ᖃᖅᑯᐊᒐᕐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᓂᕿᓂᒃ ᑕᐃᔅᓱᒪᓂ ᐃᓂᔅᓴᓕᐅᓕᖅᑎᓪᓗᒋᑦ ᐊᒻᒪᓗ ᐃᓘᓐᓇᓕᒫᖏᓐᓂᒃ ᐅᔾᔨᖅᑐᑦᑎᐊᕐᓗᑎᒃ ᐃᒻᒥᓐᓂᒃ ᓴᐳᒻᒥᖁᓪᓗᒋᑦ.
ᓇᒻᒥᓂᕆᓗᒋᑦ ᓂᕆᓂᐊᖅᑕᑎᑦ
ᐃᓚᒋᔭᐅᒃᑲᓐᓂᖅᑎᓪᓗᒍ ᐱᔭᐅᖏᓐᓇᖃᖅᑕᓱᑦ ᐊᒻᒪᓗ ᑕᒧᓗᒐᔅᓴᐃᑦ ᖃᖓᑕᑎᓪᓗᑕ ᓂᕆᔭᔅᓴᐃᑦ ᐊᒻᒪᓗ ᒥᑭᓛᒥᒃ 48 ᐃᑲᕐᕋᓂ ᖃᐅᔨᑎᑕᐅᒋᐊᖃᖅᑐᒍᑦ, ᑲᓇᐃᑎᐊᓐ ᓄᐊᑦ ᖁᕕᐊᒻᒥᔪᖅ ᐱᔭᔅᓴᐅᑎᑦᑎᑎᓪᓗᒍ ᓂᕈᐊᕐᕕᔅᓴᐅᔪᓂᒃ ᓂᕆᔭᔅᓴᓂᒃ ᓈᒻᒪᑦᑎᖅᓯᒪᔪᓂᒃ ᑕᐃᒃᑯᓄᖓ ᓂᕆᒋᐊᖃᖏᑕᖏᓐᓄᑦ ᐱᒍᓐᓇᖅᑎᑕᐅᖏᑦᑐᓂᒃ ᐊᒻᒪᓗ ᐊᑐᖅᑕᐅᑦᑎᐊᕆᐊᓕᓐᓂᒃ ᓂᕆᒋᐊᖃᖅᑕᖏᓐᓂᒃ ᐱᒋᐊᖃᖅᑎᑕᐅᔪᓄᑦ. ᐊᑏ ᐊᐅᓪᓚᕐᓂᐊᖅᑎᓪᓗᑎᑦ ᑭᒡᒐᖅᑐᐃᔨᒋᔭᐃᑦ ᐅᕝᕙᓘᓐᓃᑦ ᐃᓂᔅᓴᓕᐅᕐᓂᕐᒧᑦ ᑭᒡᒐᖅᑐᐃᔨᒋᔭᐃᑦ ᖃᐅᔨᒪᑎᒍᑦ ᑕᐃᓱᒪᓂ ᐃᑭᕕᔅᓴᓕᐅᓕᖅᑎᓪᓗᑎᑦ. ᐊᑏ ᖃᐅᔨᒪᒍᒃ ᑕᒪᓐᓇ ᐱᔨᑦᑎᕋᐅᑎ ᑭᓪᓕᖃᑐᐃᓐᓇᕆᐊᖃᕐᒪᑦ ᐃᓚᖏᓐᓂᒃ ᖃᖓᑕᓂᐅᔪᓂ ᑲᓇᐃᑎᐊᓐ ᓄᐊᑦ ᖃᖓᑕᕕᒋᓲᖏᓐᓂ.
ᐋᓐᓂᐊᕕᓕᐊᕐᓂᕐᒧᑦ ᐊᐅᓪᓚᕐᓂᖅ
ᐋᓐᓂᐊᕕᓕᐊᕐᓂᕐᒧᑦ ᐊᐅᓪᓚᕐᓂᖅ ᑕᐃᒃᑯᐊ ᐊᐅᓪᓚᖅᑐᑦ ᐋᓐᓂᐊᕕᓕᐊᕐᓗᑎᒃ ᐃᑉᐱᒋᔭᐅᑦᑎᐊᕐᓗᑎᒃ ᑐᔅᓯᕋᕐᕕᐅᕗᑦ ᐱᓕᕆᖃᑎᖃᖁᔭᐅᓪᓗᑎᒃ ᓘᑦᑕᒥᒃ ᐱᔭᕇᖅᑕᐅᖁᓪᓗᒍ ᖃᓄᐃᖏᑦᑎᐊᖅᑐᑦ ᐊᐅᓪᓚᕈᓐᓇᖅᑎᑕᐅᔪᓄᑦ ᑕᑕᑎᕆᐊᓕᒃ. ᑖᓐᓇ ᑐᓴᐅᒪᔾᔪᑎᔅᓴᖅ ᐅᕙᑦᑎᓐᓂᒃ ᐃᑲᔪᕐᓂᐊᕐᒪᑦ ᐸᕐᓇᒍᑎᒋᓗᒍ ᑐᙵᓱᑦᑎᑕᐅᓗᑎᒃ ᐃᑭᒪᔨᐊᕆᔭᕗᑦ ᐊᑦᑕᕐᓇᖅᑐᒦᖏᓪᓗᑎᒃ ᖃᓄᐃᓘᕆᐊᕐᓂᓕᒫᓂ ᐊᐅᓪᓚᖅᑎᓪᓗᒋᑦ.
ᓇᒥᑐᐃᓐᓈᕈᓐᓇᖅᑐᑦ ᐃᑲᔪᕈᑏᑦ
ᓇᒥᑐᐃᓐᓈᕈᓐᓇᖅᑐᑦ ᐃᑲᔪᕈᑏᑦ ᑲᓇᐃᑎᐊᓐ ᓄᐊᑦ ᐱᓯᒪᓂᐊᖅᑐᖅ ᐃᑲᔪᕈᑎᓂᒃ ᐊᑭᓕᕆᐊᖃᖅᑎᑕᐅᖏᓪᓗᑎᒃ:
- ᐃᔅᓯᕚᕐᓗᑎᒃ ᑲᐃᓪᓗᐊᕈᑎᓂᒃ
- ᐱᓱᑎᓪᓗᒍ ᐊᔭᑉᐸᔅᓯᒪᕝᕕᓐᓂᒃ, ᐊᔭᐅᑉᐱᐊᓂᒃ, ᐅᓂᕐᒥᒑᕈᑎᓂᒃ ᐊᒻᒪᓗ ᕿᕋᑕᖁᓯᐅᑎᓯᒪᔪᓂᒃ
- ᑐᓴᐅᒪᖃᑎᒋᒍᑎᓂᒃ ᐱᓕᕆᔾᔪᑎᓕᐊᕆᓯᒪᔪᓂᒃ
- ᑭᓱᑯᑦᑎᖑᐊᓕᐅᑎᓯᒪᔪᓂᒃ ᐅᕝᕙᓘᓐᓃᑦ ᐋᓐᓂᐊᓱᕆᓂᕐᒧᑦ ᐱᓕᕆᔾᔪᑎᓕᐊᕆᓯᒪᔪᓂᒃ
ᐃᓚᖏᑦ ᓇᓕᐊᓐᓄᐊᕈᑏᑦ ᐃᑲᔪᕈᑏᑦ ᓲᕐᓗ ᒪᑯᐊ ᕚᑕᓖᒨᖅᑐᑦ ᐃᔅᓯᕚᖅᑎᓪᓗᒍ ᑲᐃᓪᓗᐊᕈᑏᑦ ᐊᒻᒪᓗ ᐃᖏᕐᕋᔾᔪᑎᕋᓛᑦ ᐊᔪᖅᑎᑕᐅᒍᓐᓇᖅᑐᑦ ᐃᓚᖏᓐᓂ ᖃᖓᑕᓲᑦ ᖃᓄᐃᑦᑑᓂᖏᓐᓄᑦ, ᐊᑏ ᐅᖃᐅᓯᕆᖃᓯᐅᑎᓂᐊᖃᑎᑦ ᐱᓯᒪᒋᐊᖃᖅᑕᑎᑦ ᐃᓂᔅᓴᓕᐅᓕᖅᑎᓪᓗᑎᑦ.
ᐊᓂᖅᓵᖅᑑᑎᑦ ᐱᔨᑦᑎᕈᑎ
ᐊᓂᖅᓵᖅᑑᑎᑦ ᐱᔨᑦᑎᕈᑎ ᒪᓕᒃᑐᒋᑦ ᐊᑐᐃᓐᓇᐅᑉᐸᑕ, ᑲᓇᐃᑎᐊᓐ ᓄᐊᑦ ᐊᓂᖅᓵᖅᑑᑎᑦ ᐊᓂᑦᑎᒋᔾᔪᑎᑦ ᐱᔨᑦᑎᕈᑎ ᐊᑐᐃᓐᓇᐅᓂᐊᖅᑐᑦ ᑕᒪᐃᓐᓂ ᖃᖓᑕᓕᕌᖓᑦᑕ. 48 ᐃᑲᕐᕋᓂ ᐅᖃᐅᔾᔨᓯᒪᕙᒌᕆᐊᖃᖅᑎᑕᐅᔪᑦ. ᐊᑏ ᐱᔭᕇᕐᓗᒍ ᑕᑕᑎᑦᑎᐊᕐᓗᒍ ᐊᓂᖅᓵᖅᑑᑎᒥᒃ ᑐᔅᓯᕋᐅᑎ ᖃᖓᑕᓂᐊᖅᑐᓄᑦ ᑕᑕᑎᕆᐊᓕᒃ, ᑐᓂᓗᒍ ᐅᓇ ᑕᑕᑎᕆᐊᓕᒃ ᑲᓇᐃᑎᐊᓐ ᓄᐊᑦᑯᓐᓄᑦ ᐊᑏ ᐊᑐᖅᑕᐅᔮᙱᑦᑐᖅ ᐊᒻᒪᓗ ᐊᑐᖅᑕᐅᓂᐊᖅᑐᖅ ᑭᓯᐊᓂ ᐱᔾᔪᑎᖃᑦᑎᐊᕈᑦᑕ ᐃᑲᔪᖅᑕᐅᓂᐊᕋᕕᑦ ᖃᖓᑕᓂᐊᖅᑎᓪᓗᑎᑦ ᑭᙴᒪᒋᔭᕐᓄᑦ.
ᑲᓇᐃᑎᐊᓐ ᓄᐊᑦ ᐊᖏᖅᓯᓂᐊᖅᑐᖅ ᐃᑭᒪᓂᐊᖅᑐᒥᒃ ᐱᖃᖅᑎᑕᐅᔪᒥᒃ ᐃᑲᔪᖅᑕᐅᒍᑎᒥᒃ ᐊᓂᖅᑎᕆᒍᑎᖓᓂᒃ ᐳᓪᓚᒃᑯᕕᒻᒥᒃ, ᐅᕝᕙᓘᓐᓃᑦ ᐱᓯᒪᔭᒐᕐᒥᒃ ᐊᓂᕐᓂᖃᐅᑎᒥᒃ ᐋᖅᑭᔅᓱᖅᓯᒪᒍᑎᖏᓐᓂᒃ ᖃᖓᑕᑎᓪᓗᑕ ᐊᑐᖅᑕᐅᓂᐊᖅᑐᒥᒃ ᒪᓕᔅᓯᒪᑦᑎᐊᑐᐊᖃᑕ ᑕᐃᒃᑯᓂᖓᓪᓗᐊᖅ ᒪᓕᑦᑕᐅᖁᔭᐅᔪᓂᒃ ᒪᓕᓪᓗᑎᒃ. ᐱᔾᔪᑎᒋᓪᓗᒍ ᐅᓄᕆᐊᓇᖅᑐᑦ ᐱᖁᑎᑦ ᓇᔅᓴᖅᑕᐅᔭᕆᐊᖃᙱᓐᓂᖏᑦ, ᑕᒪᕐᒥᒃ ᐊᓂᖅᓵᖅᑑᑎᑦ ᑐᔅᓯᕋᐅᖅᑕᐅᓗᑎᒃ ᑭᓯᐊᓂ ᓯᕗᓂᐊᒍᑦ, ᑕᐃᒪᓗ ᐅᓯᓕᐅᔾᔨᓂᐊᖅᑐᒍᑦ ᐃᑭᒪᔪᖅ ᐊᑐᕐᓂᐊᖅᑕᖓᓂ ᐅᕝᕙᓘᓐᓃᑦ ᑲᓇᐃᑎᐊᓐ ᓄᐊᑦ, ᑐᓴᖅᑎᑦᑎᓯᒪᑦᑎᐊᕆᐊᖃᖅᐳᑎᑦ ᓯᕗᓂᑐᖃᖓᓂ ᐊᐅᓪᓚᓚᐅᙱᓐᓂᕐᓂ. ᐊᑏ ᖃᐅᔨᒋᐊᓚᐅᒃᑭᑦ ᐊᑐᖅᑕᕗᑦ ᐊᑭᖏᓐᓄᑦ ᒪᓕᑦᑕᐅᒋᐊᓕᒃ 14. ᐃᓚᖏᑦ ᓇᒻᒥᓂᕆᔭᐅᔪᑦ ᐊᓂᖅᑎᕆᔾᔪᑏᑦ ᐊᐅᓪᓚᖅᑎᑕᐅᔪᑦ ᐅᓯᔭᐅᓗᑎᒃ ᓯᕗᓂᖓᒍᑦ ᐋᖅᑭᔅᓱᖅᑕᐅᓯᒪᒋᐊᖃᖅᑎᑕᐅᔪᑦ.
ᐊᓂᖅᑎᕆᔾᔪᑎᒧᑦ ᐴᖅᑯᑎᑦ ᐊᓂᐊᑦᑎᕙᓪᓕᐊᓂᖃᕆᐊᓕᑦ 2 ᓖᑕᑦ ᐊᑐᓂ ᒪᓇᑦᓯᓂ (LPM) ᐅᕝᕙᓘᓐᓃᑦ 4 ᓖᑕᑦ ᐊᑐᓂ ᒪᓇᑦᓯᓂ (LPM). ᑎᑭᐅᒪᓗᑎᒃ ᐊᓂᐊᑦᑎᕙᓪᓕᐊᓂᖏᑦ 2 LPM O2 ᐊᓂᖅᑎᕆᔭᒐᖅ ᐴᖅᑯᑎᑦ ᐊᑐᕈᓐᓇᕐᒪᑕ ᑎᑭᐅᒪᐸᓗᑦᑐᓂ 6.5 ᐃᑲᕐᕋᓂ. ᑎᑭᐅᒪᓗᑎᒃ ᐊᓂᐊᑦᑎᕙᓪᓕᐊᓂᖏᑦ 4 LPM O2 ᐊᓂᖅᑎᕆᔭᒐᖅ ᐴᖅᑯᑎᑦ ᐊᑐᕈᓐᓇᕐᒪᑕ ᑎᑭᐅᒪᐸᓗᑦᑐᓂ 3.5 ᐃᑲᕐᕋᓂ.
ᐊᑭᖃᖅᑐᖅ $50−ᒥᑦ $57.50−ᒧᑦ ᐃᓂᓕᐅᕆᒍᕕᑦ ᑲᓇᐃᑎᐊᓐ ᓄᐊᑦ ᐅᓯᔨᐅᔾᔨᓯᒪᖁᓗᒍ ᐊᓂᖅᓵᖅᑑᒥᒃ. ᐊᑭᐊ(ᖏᑦ) ᐃᓚᓕᐅᑎᔭᐅᓂᐊᖅᑐᖅ ᖃᖓᑦᑕᐅᑎᖕᓄᑦ ᐊᒻᒪᓗ ᐊᑭᓕᖅᓯᒪᒋᐊᖃᖅᑐᑦ ᑕᐃᑲᓂ ᐃᓂᓕᐅᕆᓯᒪᑎᓪᓗᑎᑦ ᐊᐅᓪᓚᕐᕕᔅᓴᕐᓄᑦ ᐱᔨᑦᑎᕋᖅᑕᐅᓂᐊᕋᕕᑦ.
ᐊᓯᖏᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᖅᑕᐅᔪᑦ
ᐊᓯᖏᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᖅᑕᐅᔪᑦ ᐃᑦᑎᕐᕕᓄᑦ ᐃᑲᔪᖅᑕᐅᓂᖅ
ᑲᓇᐃᑎᐊᓐ ᓄᐊᑦ ᐃᑲᔪᕐᓂᐊᖅᑐᑦ ᐊᐅᓪᓚᖅᑐᓄᑦ ᐊᒻᒪ ᑎᑭᑦᑐᓄᑦ ᐃᖏᕐᕋᑎᑕᐅᓗᑎᒃ ᐃᑦᑎᕐᕖᑦ ᖃᖓᑕᓲᒃᑯᕕᒻᒥᑦ ᓂᐅᕋᐃᕕᓐᓄᑦ.
ᐃᑭᒋᐊᖅᑐᓕᕐᓂᖅ ᐊᒻᒪᓗ ᓂᐅᑎᑦᑎᒍᑎ ᐃᑲᔪᕈᑎ
ᑲᓇᐃᑎᐊᓐ ᓄᐊᑦ ᐃᑭᒪᔪᖁᑎᑦᑎᓐᓂ ᐃᑲᔪᕐᓂᐊᖅᑐᑦ ᖃᖓᑕᓲᒃᑯᕕᒻᒥ ᐃᓪᓗᓄᑦ ᐃᑦᑎᕐᕕᓄᑦ/ᑲᓇᑕᒧᑦ ᐃᓯᖅᑐᓄᑦ ᐊᒻᒪ ᑲᓇᑕᐅᑉ ᓯᓚᑖᓃᖔᖅᑐᓕᕆᓂᕐᒧᑦ ᐊᒻᒪ ᐊᐅᓪᓚᕐᕕᖏᓐᓄᑦ/ᑲᑎᙵᓂᖃᑎᒋᔭᖏᓐᓄᑦ ᖃᖓᑕᓲᒧᑦ ᐅᕝᕙᓘᓐᓃᑦ ᓂᐅᕋᐃᕕᓐᓄᑦ ᓄᓇᒃᑯᑦ ᐃᖏᕐᕋᑎᑕᐅᔪᓂᑦ.
ᖃᖓᑕᓲᒥ ᐊᔪᕆᔅᓯᐅᔾᔨᒍᑕᐅᔪᑦ
ᑲᓇᐃᑎᐊᓐ ᓄᐊᑦᑯᓐᓂ, ᐊᑦᑕᕐᓇᖅᑕᐃᓕᒪᓂᖅ ᓯᕗᓪᓕᖅᐹᖑᑎᒃᑲᑦᑎᒍᑦ ᓯᕗᓪᓕᐅᑎᒋᐊᓕᓐᓂ. ᐃᖅᑲᓇᐃᔭᖅᑎᓪᓚᕆᖁᑎᕗᑦ ᐊᔪᕈᓐᓃᖅᓴᑎᑕᐅᓯᒪᔪᑦ ᖃᖓᑕᑎᓪᓗᒋᑦ ᐃᖅᑲᓇᐃᔭᖅᑏᑦ ᐱᔭᐅᑎᑦᑎᓂᐊᕐᒪᑕ ᓇᒻᒥᓂᕐᒧᑦ ᐊᑦᑕᕐᓇᖅᑕᐃᓕᒪᒍᑎᓂᒃ ᐊᔪᕆᔅᓯᐅᔾᔨᓗᑎᒃ ᑕᐃᒃᑯᓄᖓ ᐃᓄᓐᓄᑦ ᐱᑐᐃᓐᓇᐅᖏᑦᑐᓂᒃ ᐱᒋᐊᓕᓐᓂᒃ ᖃᖓᑦᑕᓚᐅᖏᓐᓂᖏᓐᓂ. ᐃᓚᒃᑲᓐᓂᖓ ᐱᔨᑦᑎᕈᑎ ᐊᔪᕆᔅᓯᐅᔾᔭᐅᒍᑎᑦ ᐱᔭᐅᑎᑕᐅᑐᐃᓐᓇᕆᐊᓕᑦ ᐊᐅᓪᓚᖅᐸᓪᓕᐊᑎᓪᓗᒋᑦ.
ᐃᓂᔅᓴᕆᔭᐅᑎᑕᐅᕙᒌᖅᓯᒪᔪᑦ ᐃᔅᓯᕚᕐᕕᐅᓂᐊᖅᑐᑦ
ᐃᓂᔅᓴᕆᔭᐅᑎᑕᐅᕙᒌᖅᓯᒪᔪᑦ ᐃᔅᓯᕚᕐᕕᐅᓂᐊᖅᑐᑦ ᐱᔭᔅᓴᐅᑎᑕᐅᕗᑦ ᐊᑭᓖᒃᑲᓐᓂᕆᐊᑐᓇᑎᒃ ᐊᒻᒪᓗ ᐋᖅᑭᑦᑕᐅᒍᓐᓇᖅᑐᑎᒃ ᐃᓂᔅᓴᓕᐅᖅᑐᖃᖅᑎᓪᓗᒍ ᐱᓕᕆᐊᖑᓗᑎᒃ ᐅᕝᕙᓘᓐᓃᑦ ᐃᓂᔅᓴᓕᐅᕐᓂᒃᑯᑦ. ᐊᔾᔨᐅᖏᑦᑐᒥᒃ ᐃᔅᓯᕙᕐᕕᖃᕐᓂᖅ ᐋᖅᑭᒃᓱᖅᑕᐅᒍᓐᓇᖅᑐᖅ – ᑲᓇᐃᑎᐊᓐ ᓄᐊᑦ ᐲᖅᑎᒐᔅᓴᐅᔪᓂᒃ ᐃᑯᓯᔅᓯᒪᕕᖃᕐᒪᑕ ᐊᑲᐅᓯᑎᑦᑎᒍᑕᐅᓪᓗᑎᒃ ᓅᕝᕕᔅᓴᐅᖁᓪᓗᒋᑦ ᐃᑭᒪᔪᑦ ᐃᔅᓯᕙᐅᑕᖏᓐᓂᒃ. ᐲᖅᑎᒐᔅᓴᐅᔪᑦ ᐃᑯᓯᔅᓯᒪᕖᑦ ᐃᔅᓯᕙᐅᑕᐃᑦ ᑕᐅᕙᓃᑉᐳᑦ ᖃᓂᒋᔭᖓᓂ ᖁᕐᕖᑦ.
ᐃᓂᔅᓴᕆᔭᐅᑎᑕᐅᕙᒌᖅᓯᒪᔪᑦ ᐃᔅᓯᕚᕐᕕᑦ ᐊᑐᐃᓐᓇᐅᔪᖃᖏᑐᐃᓐᓇᕆᐊᓕᒃ ᐱᔾᔪᑎᒋᓪᓗᒍ ᓄᕙᔾᔪᐊᕐᓇᖅ ᐅᖓᓯᒌᒋᐊᖃᕐᓂᖏᓐᓄᑦ ᐊᑐᖅᑕᐅᒋᐊᖃᖅᑎᓪᓗᒍ.
ᖃᖓᑕᓲᒧᑦ ᐃᑭᒋᐊᖅᑐᖅᐸᒌᕐᓂᖅ
ᐃᑭᒋᐊᖅᑐᖅᐸᒌᕐᓂᖅ ᐱᔭᔅᓴᐅᑎᑕᐅᕗᖅ ᐃᑭᒪᓂᐊᖅᑐᓄᑦ ᐊᐅᓪᓚᕐᓗᑎᒃ ᒥᑭᔪᓂᒃ ᕿᑐᙵᓕᔭᖅᑐᓄᑦ ᐊᒻᒪᓗ ᑕᐃᒃᑯᓄᖓ ᐃᑲᔪᖅᑕᐅᒋᐊᓕᓐᓄᑦ ᐅᕝᕙᓘᓐᓃᑦ ᐱᕕᖃᖅᑎᑕᐅᒋᐊᓕᓐᓄᑦ ᐃᑭᒋᐊᖅᑐᕋᓱᐊᖅᑎᓪᓗᒋᑦ ᖃᖓᑕᓲᒧᑦ
ᐱᔨᑦᑎᕋᕐᓂᕐᒧᑦ ᐆᒪᔪᐃᑦ
ᐱᔨᑦᑎᕋᕐᓂᕐᒧᑦ ᐆᒪᔪᐃᑦ ᐃᖅᑲᓇᐃᔭᖅᑎᓪᓚᕆᓄᑦ ᐊᔪᕈᓐᓃᖅᓴᑎᑕᐅᓯᒪᓗᑎᒃ ᐱᔨᑦᑎᕋᕐᓂᕐᒧᑦ ᐆᒪᔪᐃᑦ, ᑕᐃᒃᑯᐊᓗ ᐃᑲᔪᕐᓗᑎᒃ ᐊᑭᓖᔨᒋᕙᑦᑕᑦᑎᓐᓂᒃ ᐱᒡᒐᕈᑎᖃᕐᓗᑎᒃ, ᐅᓯᔭᐅᓲᖑᕗᑦ ᐃᓘᓐᓇᖏᓐᓂ ᖃᖓᑕᓲᓂ ᖃᓄᐃᑦᑐᕋᔭᓂ ᐃᓂᖃᖅᑎᑦᑎᕕᖓᓂ ᐊᑭᓕᕆᐊᖃᖅᑎᑕᐅᖏᓪᓗᑎᒃ. ᐱᔨᑦᑎᕋᕐᓂᕐᒧᑦ ᐆᒪᔪᐃᑦ ᐊᔪᖅᑎᑕᐅᖏᑦᑐᑦ ᓇᑎᕐᒦᖏᓐᓇᕐᓗᑎᒃ ᐃᑭᒪᔫᑉ ᐃᓯᒐᖏᓐᓃᓪᓗᑎᒃ ᐊᑐᖅᑎᑕᐅᑐᐊᖃᑕ ᐊᑐᕆᐊᖃᒃᒃᑕᖏᓐᓂᒃ ᐊᓄᓯᒪᒍᑎᓂᒃ. ᑲᓇᐃᑎᐊᓐ ᓄᐊᑦ ᐱᒋᐊᖃᕋᔭᖅᑐᖅ ᑎᑎᕋᖅᓯᒪᔪᓂᒃ ᓇᓗᓇᐃᖅᓯᔾᔪᑎᓂᒃ ᑕᐃᓐᓇ ᐃᖅᑲᓇᐃᔭᖅᑎᓪᓚᕆᐅᓗᓂ ᐱᔨᑦᑎᕋᕐᓂᕐᒧᑦ ᐆᒪᔪᓄᑦ ᐃᓕᓐᓂᐊᕐᕕᒻᒧᑦ ᐊᔪᕈᓐᓃᖅᓴᑎᑕᐅᓯᒪᓗᓂ ᑖᔅᓱᒪ ᐱᔨᑦᑎᕋᕐᓂᕐᒧᑦ ᐆᒪᔪᖁᑎᖓ.
ᐊᐅᓪᓚᖃᑎᖃᕐᓂᖅ ᐸᖅᑭᔨᒥᒃ
ᐊᐅᓪᓚᖃᑎᖃᕐᓂᖅ ᐸᖅᑭᔨᒥᒃ ᐸᖅᑭᔨᐅᑉ ᖃᖓᑦᑕᐅᑎᖓ
ᐸᖅᑭᔨ ᑕᐃᓐᓇ ᐱᓯᒪᔅᓯᔪᖅ ᐊᒻᒪᓗ ᐸᖅᑭᓗᓂᐅᒃ ᐃᑭᒪᔪᖅ ᐊᔪᕈᑎᓕᒃ ᖃᖓᑕᓂᖏᓐᓂ, ᐊᑭᓖᒋᐊᖃᖅᑎᑕᐅᔾᔮᖏᑦᑐᖅ ᖃᓄᐃᑦᑐᑐᐃᓐᓇᕐᓂᒃ ᖃᖓᑦᑕᐅᑎᓂᒃ ᐸᖅᑭᔅᓯᑎᓪᓗᒍ ᖃᖓᑦᑕᐅᑎᒥᓂᒃ ᐊᑭᓖᔪᒥᒃ ᐃᑭᒪᔪᒥᒃ, ᑭᓯᐊᓂ ᐊᑭᓖᒋᐊᖃᖅᑎᑕᐅᓂᐊᖅᑐᖅ ᑖᒃᓯᔭᕈᑎᓂᒃ, ᐊᑭᓕᕆᐊᓕᓐᓂᒃ ᐊᒻᒪᓗ ᐊᑭᓕᖅᑕᐅᖁᔭᐅᔪᓂᒃ. ᐃᓅᓕᓴᖅᑕᐅᓂᕐᒧᑦ ᓇᓗᓇᐃᒃᑯᑕᖅ ᐃᑲᔪᖅᑕᐅᔪᒧᑦ ᐃᑭᒪᓂᐊᖅᑐᒧᑦ ᐱᔭᐅᓯᒪᒋᐊᖃᕐᓂᐊᖅᑐᖅ
ᐃᑲᔪᕐᓂᖅ ᐱᒡᒐᓇᖅᑐᓂᑦ ᐊᑐᐃᓐᓇᐅᔪᑦ ᐊᔪᕈᑎᖃᖅᑐᓄᑦ
ᖃᓄᐃᑦᑐᑐᐃᓐᓇᕐᓄᑦ ᑐᓴᖅᑎᑦᑎᒍᑎᓄᑦ ᐅᕝᕙᓘᓐᓃᑦ ᓈᒻᒪᔅᓴᖏᒍᑕᐅᔪᓄᑦ ᐱᔾᔪᑎᖃᖅᑐᓂᑦ ᐅᕙᒍᑦ ᐊᔪᕈᑎᓕᓐᓄᑦ ᐃᑲᔪᕐᓂᕐᒧᑦ ᐱᔨᑦᑎᖅᑕᓄᑦ, ᑎᑎᕋᕐᓗᑎᑦ ᖃᕋᓴᐅᔭᒃᑯᑦ accessibility@canadiannorth.com
ᕿᒥᕐᕈᖃᑦᑕᖅᑕᕗᑦ ᐊᑕᖏᖅᑐᒋᑦ ᓈᒻᒪᔅᓴᖏᒍᑕᐅᔪᑦ ᐊᒻᒪ ᐃᓱᒫᓘᑕᐅᔪᑦ ᕿᓚᒥᐅᔪᒃᑯᑦ ᐊᒻᒪ ᑭᐅᑦᑕᐅᑎᒋᓪᓗᑕ ᖃᓄᓕᒫᖅ ᕿᓚᒥᐅᓇᓱᑦᑐᒃᑯᑦ. ᐃᓚᖏᑦ ᓈᒻᒪᔅᓴᖏᒍᑕᐅᔪᑦ, ᐅᖃᐅᔾᔨᒋᐊᕈᑏᑦ ᐅᕝᕙᓘᓐᓃᑦ ᐊᑐᓕᖁᔭᐅᔪᑦ ᐃᒪᐃᒍᓐᓇᖅᑐᑦ, ᑭᓯᐊᓂᓕ, ᐊᑯᓂᐅᓂᖅᓴᐅᔭᕆᐊᓖᑦ ᐊᒻᒪ ᐱᓇᓱᐊᖅᑕᐅᓗᑎᒃ ᐱᓕᕆᐊᕆᓗᒋᑦ. ᐊᑐᖅᑕᐅᒐᔪᑦᑐᒥᓪᓕ, ᐊᑕᖏᖅᑐᒥ ᑭᐅᓂᐅᔪᓂᑦ ᐊᒻᒪ ᓇᓗᓇᐃᔭᐃᓂᐅᔪᓂᑦ ᑐᓂᔭᐅᓂᐊᖅᑐᑦ ᐃᓗᐊᓂ 30 ᐅᓪᓗᓂᑦ ᐅᕝᕙᓘᓐᓃᑦ ᓈᒻᒪᓐᓂᖃᖅᑐᓂ ᕿᓚᒥᐅᓇᓱᑦᑐᒃᑯᑦ.
ᑎᑎᕋᕈᓐᓇᕐᒥᔭᑎᑦ ᐅᖃᐅᓯᔅᓴᑎᑦ ᐅᕗᖓ:
Canadian North
c/o Tanya Freeman
20 Cope Drive
Kanata Ontario
K0A 2W0
ᐋᖅᑭᔅᓯᒍᓐᓇᖏᒃᑯᕕᑦ ᐃᕝᕕᑦ ᐅᖃᐅᓯᖓᓂᑦ ᐅᕝᕙᓘᓐᓃᑦ ᓈᒻᒪᔅᓴᖏᒍᑎᖓᓂ ᑕᕝᕗᖓᑦᑕᐅᑎᒋ ᐅᕙᑦᑎᓐᓄᑦ, ᐃᑲᔪᖅᑕᐅᔪᒪᒍᓐᓇᕐᒥᔪᑎᑦ ᐅᑯᓇᖓᑦ ᑲᓇᑕᒥ ᐃᖏᕐᕋᔪᓕᕆᓂᕐᒧᑦ ᑎᒥᖓᑕ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ.
ᐱᔭᔅᓴᐅᓂᖓᓄᑦ ᐸᕐᓇᐅᑎ, ᑐᓴᖅᑎᑦᑎᒍᑎᓂᒃ ᐱᕙᓪᓕᐊᓂᖓ ᐊᒻᒪ ᐱᕙᓪᓕᐊᓂᖓᓄᑦ ᐅᓂᒃᑳᑦ
ᑲᓇᐃᑎᐊᓐ ᓄᐊᑦ ᑲᔪᖏᖅᓯᒪᔪᑦ ᐱᑕᖃᖅᑎᑦᑎᓗᑎᒃ ᐱᔭᔅᓴᐅᔪᓐᓇᖅᑐᓂᑦ ᖃᖓᑕᓲᒃᑯᑦ ᐃᓂᔅᓴᓕᐅᖅᓯᒪᔪᓕᒫᓄᑦ ᓇᒧᙵᕐᕕᖏᓐᓄᑦ.
ᐱᔭᔅᓴᐅᓂᖓᓄᑦ ᐃᖏᕐᕋᔪᓕᕆᓂᕐᒧᑦ ᐸᕐᓇᐃᓂᕐᒧᑦ ᐊᒻᒪ ᑐᓴᖅᑎᑦᑎᓂᕐᒧᑦ ᒪᓕᑦᑕᐅᔭᕆᐊᓖᑦ (ATPRR) ᐊᒻᒪᓗᑦᑕᐅᖅ ᐱᔭᔅᓴᐅᔪᓐᓇᖅᑐᖅ ᑲᓇᑕ ᐱᖁᔭᖅ (ACA) ᐊᒻᒪ ᐱᔭᔅᓴᐅᔪᓐᓇᖅᑐᖅ ᑲᓇᑕ ᒪᓕᑦᑕᐅᔭᕆᐊᓖᑦ (ACR) ᐱᑕᖃᕆᐊᖃᖅᑎᑦᑎᔪᑦ ᑖᒃᑯᐊ ᑲᓇᐃᑎᐊᓐ ᓄᐊᑦ ᐃᖏᕐᕋᑎᑦᑎᓂᕐᒧᑦ ᐱᔨᑦᑎᕋᐅᑎᖃᖅᑎᑎᓪᓗᑎᒃ (TSP) ᐱᑕᖃᕆᐊᖃᖅᑎᑕᐅᔪᑦ ᐊᑦᑐᐊᓂᓕᓐᓄᑦ ᐸᕐᓇᐃᓂᕐᒧᑦ, ᑐᓴᖅᑎᑦᑎᓂᕐᒧᑦ, ᐊᒻᒪ ᑐᓴᖅᑎᑦᑎᒍᑎᓂᒃ ᐱᕙᓪᓕᐊᓂᖏᓐᓄᑦ ᓇᓗᓇᐃᕈᓐᓇᕐᓂᐊᕐᓗᒋᑦ ᐊᒻᒪ ᐲᕐᓗᒋᑦ ᐊᐳᕈᑎᐅᔪᑦ, ᐊᒻᒪ ᐱᑦᑕᐃᓕᑎᑦᑎᓗᑎᒃ ᓄᑖᓂᒃ ᐊᐳᕈᑎᐅᔪᓂᒃ.
ᑲᓇᐃᑎᐊᓐ ᓄᐊᑦ ᓴᖅᑭᑎᑦᑎᔭᕆᐊᖃᖅᑐᑦ ᐊᒻᒪ ᐱᓯᒪᑦᑎᔭᕆᐊᖃᖅᑐᑦ ᐱᔭᔅᓴᐅᓂᖏᓐᓄᑦ ᐸᕐᓇᐅᑎᒥᒃ, ᑐᓴᖅᑎᑦᑎᒍᑎᓂᒃ ᐱᕙᓪᓕᐊᓂᖓᓂᒃ ᐊᒻᒪ ᐱᕙᓪᓕᐊᓂᖓᓄᑦ ᐅᓂᒃᑳᓂᒃ ᓇᓗᓇᐃᔭᐃᔪᓂᒃ ᑲᑐᔾᔨᖃᑎᒌᒧᑦ ᐊᑐᐊᒐᖏᓐᓂᒃ, ᐱᓕᕆᐊᖏᓐᓂᒃ, ᐊᑐᖃᑦᑕᖅᑕᖏᓐᓂᒃ, ᐊᒻᒪ ᐱᔨᑦᑎᖅᑕᐅᔪᓂᒃ ᐃᓂᖓᓃᑦᑐᓂᒃ.
ᑐᖅᑯᖅᑕᐅᓯᒪᔪᓂᑦ ᐅᓂᒃᑳᑦ
Travel Info
