ᖁᓛᓂ ᔫᓐ, ᐃᓚᒋᓪᓗᒍ ᐱᓕᕆᖃᑎᒋᔭᖏᑦ ᑖᒃᑯᐊ ᐃᒻᒪᑕᓐ ᐃᐅᒃᔅ ᑲᓇᑕᒥ ᐊᖅᓴᖅᑏᑦ, ᐅᐱᒍᓱᒃᐳᒍᑦ ᐃᑲᔪᕈᓐᓇᕋᑦᑕ ᒪᒃᑯᒃᑐᑦ ᓴᐃᒻᒪᑎᖓᓂᒃ ᐊᖅᓴᖅᑎᑦ ᐊᐅᓪᓚᖅᓯᒪᕕᒋᔭᖏᓐᓂ ᔭᓗᓇᐃᕝᒥ.
ᐅᓇ ᖃᓄᐃᓕᐅᕈᑕᐅᔪᖅ ᑲᑎᖓᑎᑦᑎᓂᐊᖅᑐᖅ ᐅᖓᑖᓂ 50 ᐃᓕᓐᓂᐊᖅᑎᑦ ᐅᓪᓗᖅ ᐊᑕᐅᓯᖅ ᐊᖅᓴᕐᓗᑎᒃ, ᐃᓕᓐᓂᐊᖅᑎᑕᐅᓗᑎᒃ, ᐊᒻᒪᓗ ᓄᓇᓕᖕᓂ ᑲᑎᖓᑦᑎᐊᕐᓗᑎᒃ ᐱᖃᑎᒋᓗᒋᑦ ᐃᓚᖏᑦ ᐃᐅᒃᔅ ᐊᐅᓚᑦᓯᔨᖏᑦ, ᑖᒃᑯᐊᓗ ᒫᓐᓇ ᐊᖅᓴᖅᑎ ᔨᐅᓕᑦ ᐳᓕᒃᒥᓐ. ᐱᓕᕆᖃᑎᒌᑦ ᐱᕕᖃᖅᑎᑕᐅᓚᐅᕐᒥᔪᑦ ᐳᓛᕆᐊᖅᖢᑎᒃ ᐱᖓᓱᓄᑦ ᐊᔾᔨᒌᓐᖏᑦᑐᓄᑦ ᐃᓕᓐᓂᐊᕐᕕᖕᓄᑦ ᑕᒪᐃᓐᓂ ᓄᓇᓕᖅᐸᐅᔭᕐᓂ ᐊᒻᒪᓗ ᑲᑎᓪᖢᒋᑦ ᐃᓕᓐᓂᐊᖅᑎᑦ ᐊᒻᒪᓗ ᐃᓕᓴᐃᔨᖏᑦ.
ᐅᓇ ᐊᐅᓪᓚᖅᓯᒪᑎᑦᑎᓂᖅ ᑐᓂᓯᓯᒪᔪᖅ ᑕᒪᐃᓐᓄᑦ, ᐃᓚᐅᔪᓪᓗ ᐱᕕᖃᖅᑎᑕᐅᔪᑦ ᐃᓕᑦᑎᓗᑎᒃ ᐱᒻᒪᕆᐅᔪᒃ ᐱᓐᖑᐊᕈᓯᑦ, ᐊᔪᕈᓐᓃᑦᑎᐊᕐᓗᑎᒃ ᐊᖅᓴᕈᓯᕐᓂᒃ, ᐊᑎᓕᐅᕐᓗᑎᒃ, ᐊᔾᔨᓕᐅᖅᑕᐅᓗᑎᒃ ᐱᖃᑎᒋᓗᒍ ᔨᐅᓕᑦ ᐳᓕᒃᒥᓐ, ᐊᒻᒪᓗ ᐱᖁᑎᑖᖅᑎᑕᐅᓗᑎᑦ ᑲᓇᐃᑎᐊᓐ ᓄᐊᑦ ᐊᐅᔭᖅᓯᐅᑎᓂᒃ.
ᑕᐃᑲᓂ ᐳᓛᖅᑎᓪᓗᒋᑦ ᔭᓗᓇᐃᕝ, ᐃᓚᒋᔭᐅᔪᑦ ᐃᐅᒃᔅ ᐊᐅᓚᑦᓯᔨᑦ ᖃᖓᑕᓪᓗᑎᒃ ᕿᒥᕐᕈᐊᖅᑎᑕᐅᓚᐅᖅᑐᑦ ᓄᓇᖓᓐᓂ ᑖᔅᓱᒪᖓᑦ ᑲᓇᐃᑎᐊᓐ ᓄᐊᑦ ᑲᑉᑕᓐ ᔨᐊᕝ ᐸᐅᑕᓐ. ᖃᖓᑕᔭᖓᑦ ᑕᑯᑎᑦᑎᓚᐅᖅᑐᖅ ᐅᑭᐅᖅᑕᖅᑐᒥ ᑲᔾᔮᕐᓇᖅᑐᒥᒃ ᐊᒻᒪᓗ ᑕᑯᔭᕆᐅᖅᖢᓂ ᓄᓇᓕᖕᓂ ᐱᔨᑦᑎᕋᖅᑕᒥᓂᒃ.
ᐱᓇᓱᐊᖃᑎᒌᑦ ᑕᐃᒪᓐᓇ ᐱᒻᒪᕆᐅᔪᑦ ᐃᓚᒋᖕᒪᒍ ᑲᓇᐃᑎᐊᓐ ᓄᐊᑦ ᐱᓕᕆᕙᒃᑕᖏᑕ ᐱᔾᔪᑎᒋᓪᓗᒍ ᐱᓕᕆᐊᕆᓇᓱᐊᖅᑕᑦᑎᓐᓂᒃ ᐆᒻᒪᖅᐹᓪᓕᖅᑎᑦᑎᓯᒪᖕᒪᑦ. ᖁᖏᐊᖅᑎᑦᑎᓚᐅᖅᑐᑦ ᓴᖕᖏᔫᓂᖓᓂᒃ ᐱᒡᒍᓴᐅᓂᖅ ᑲᑎᖓᑎᑦᑎᓲᖅ ᐃᓄᖕᓂᒃ, ᐱᓕᕆᖃᑎᒌᒃᑎᑦᑎᓲᖅ ᓄᓇᓕᖕᓂᒃ ᑲᑎᑦᑎᓪᖢᒋᑦ, ᐊᒻᒪᓗ ᐃᑲᔪᖅᑐᖅ ᒪᒃᑯᒃᑐᓂᑦ ᐊᔪᕈᓐᓃᑦᑎᐊᕐᓗᑎᒃ ᐊᒻᒪᓗ ᐃᓅᓯᓕᒫᒥᖕᓂ ᐊᔪᖏᓐᓂᐊᖅᑕᖏᑦ.
ᖁᔭᓐᓇᒦᒃ ᐃᒻᒪᑕᓐ ᐃᐅᒃᔅ, ᐊᖅᓴᖅᑎᑦ ᓄᓇᑦᓯᐊᖅ, ᐊᒻᒪᓗ ᔭᓗᓇᐃᕝ ᓄᓇᓖᑦ ᐃᑲᔪᓚᐅᕐᒪᑕ ᐅᐃᒍᖅᑕᐅᔮᔪᓐᓃᖅᑐᖅ ᐊᑐᖅᑕᖓᑦ ᑕᒪᕐᒥᒃ ᒪᒃᑯᒃᑐᑦ ᑖᒃᑯᐊ ᐃᓚᐅᓚᐅᖅᑐᑦ.
