ᔨᐊᓗᓇᐃᑉ ᓱᓕ ᖁᕕᐊᓱᑦᑎᑦᑎᒻᒪᑦ ᑭᖑᓂᖓᒍᑦ ᐊᓯᒃᑲᓐᓂᖓᓂᒃ ᐳᐃᒍᕋᔅᓴᐅᖏᑦᑐᒥᒃ ᐱᓇᓱᐊᕈᓯᖅ ᓄᙳᖃᓚᐅᖅᑎᓪᓗᒍ Folk on the Rocks−ᒧᑦ, ᐅᑭᐅᖅᑕᖅᑑᑉ ᐊᖏᓛᖑᓪᓗᓂ ᖁᕕᐊᓱᖃᑎᒌᒍᑕᐅᓂᖓ ᐅᓐᓄᐊᒃᑯᑦ ᓯᕿᓐᓂᖅᑐᒥ.
ᐊᑐᖅᑕᐅᓂᐊᕐᓗᓂ ᔪᓚᐃ 17−ᒥᑦ 19−ᒧᑦ, 46−ᖓᓂ ᐊᕐᕌᒍᑕᒫᑦ ᖁᕕᐊᓱᖃᑎᒌᓐᓂᖅ ᑲᑎᖃᑎᒌᑦᑎᑦᑎᒻᒪᑦ ᓄᓇᓕᓐᓂᒃ ᑲᑎᓪᓗᑎᒃ ᐱᖓᓱᓄᑦ ᐅᓪᓗᓄᑦ ᑕᑯᔅᓴᐅᓗᑎᒃ ᓂᔾᔭᐅᓯᔭᕐᓗᑎᒃ, ᓴᓇᙳᐊᖅᓯᒪᔪᓂᒃ, ᓂᕿᓂᒃ ᐊᒻᒪᓗ ᐃᓕᖅᑯᓯᕐᒥᒃ ᐱᓕᕆᔾᔪᑎᓕᐊᕆᓯᒪᔪᓂᒃ. ᑕᒪᑐᒪᓂ ᐊᕐᕌᒎᑉ ᑭᖑᓕᕇᔅᓯᓯᒪᓂᖏᑦ ᐃᓚᖃᓚᐅᖅᐳᑦ ᓴᓇᙳᐊᖅᑎᓂᒃ ᐅᑭᐅᖅᑕᖅᑐᓕᒫᖓᓃᙵᖅᓯᒪᔪᓂᒃ ᑲᓇᑕᐅᑉ, ᐃᓚᒋᔭᐅᓪᓗᑎᒃ ᐊᐃᓴᓇᕖ, ᒪᐃ ᒪᕐᑎᓐ, ᒍᕋᐃᑦ ᓕᐊᒃᔅ ᓱᐃᒪᔅ, ᐊᒻᒪᓗ ᓴᐃᓐᑦ ᐊᕐᓇᐅᑦ ᐃᓚᒋᔭᐅᓗᑎᒃ ᓄᓇᓕᒻᒥ ᐊᒻᒪᓗ ᓴᖅᑭᑉᐸᓪᓕᐊᔪᑦ ᐱᓕᕆᑦᑎᐊᕈᓐᓇᖅᑐᑦ. ᐱᓇᓱᐊᕈᓯᐅᑉ ᐃᓱᓕᓐᓂᖓ ᐊᑐᒃᑲᓐᓂᓚᐅᕐᒪᑦ ᐃᓱᓕᒍᑎᖃᕐᓗᓂ ᐳᐃᒍᕋᔅᓴᐅᖏᑦᑐᒥᒃ ᑐᓴᕋᓐᓈᖅᑎᑦᑎᔪᓂᒃ ᔭᐊᓗᓇᐃᑉ ᐊᓪᓚᒪᔪᖏᑕ ᕿᓚᐅᔾᔭᖅᑎᖏᓐᓂᒃ.
ᑕᒪᓐᓇ ᐱᒋᐊᓚᐅᖅᓯᒪᓪᓗᓂ 1980−ᒥ ᐊᑕᐅᓯᕐᒥ−ᐅᓪᓗᒥ ᑕᑯᔅᓴᐅᑎᑦᑎᔪᖃᓂᐊᕐᓗᓂ ᓄᓇᓕᒻᒥ ᑕᑯᕋᓐᓈᖅᑎᑦᑎᔨᓂᒃ ᐱᕈᖅᓯᒪᓕᕐᒪᑦ ᐃᓚᒋᔭᐅᓪᓗᓂ ᑲᓇᑕᐅᑉ ᓯᕗᓕᖅᓯᓪᓗᓂ ᐊᐅᔭᒃᑯᑦ ᐱᕕᖃᕐᓂᕐᒥᒃ ᓂᔾᔭᐅᓯᔭᕐᓂᕐᒥᒃ ᐊᒻᒪᓗ ᐃᓕᖅᑯᓯᕐᒥᒃ ᖁᕕᐊᓱᒍᑎᖃᕐᓗᑎᒃ. ᐅᓪᓗᒥ, Folk on the Rocks ᐱᒐᔅᓴᐅᑎᑦᑎᒻᒪᑦ ᐅᖓᑖᓃᑦᑐᓂᒃ 35−ᓂᒃ ᐃᑲᕐᕋᓂᒃ ᐱᓕᕆᔾᔪᑎᓕᐊᕆᓯᒪᔪᓂᒃ ᑕᑯᕋᓐᓈᖅᑎᑦᑎᕕᓐᓂ, ᐱᖃᓯᐅᑎᔭᐅᓪᓗᑎᒃ ᐅᑭᐅᖅᑕᖅᑐᒥᒃ ᓴᓇᙳᐊᖅᑕᐅᓯᒪᔪᑦ, ᓄᓇᓕᒻᒥ ᐊᒻᒪᓗ ᓄᓇᕐᔪᐊᓕᒫᒥᑦ ᓂᖀᑦ, ᐃᓚᒌᑦ−ᐱᑦᑎᐊᖃᑦᑕᐅᑎᓗᑎᒃ ᖃᓄᐃᓘᖃᑎᒌᓐᓂᐅᔪᑦ, ᐊᒻᒪᓗ ᐱᕕᖃᓕᕈᑕᐅᓪᓗᑎᒃ ᖃᐅᔨᖃᑦᑕᐅᑎᓗᑎᒃ ᓄᓇᓕᒻᒥ ᐃᖅᑲᓇᐃᔭᕐᕕᖁᑏᑦ.
ᑲᓇᐃᑎᐊᓐ ᓄᐊᑦ ᐅᐱᒍᓱᑦᑎᐊᖅᑐᓂ ᐃᑲᔪᖃᑦᑕᖅᓯᒪᒻᒪᑦ Folk on the Rocks−ᒥᒃ ᖁᓕᐅᔪᑦᑐᓄᑦ ᐊᕐᕌᒍᓄᑦ, ᖁᕕᐊᓱᖃᑎᒌᒍᑎᖃᕐᓂᕐᒧᑦ ᖁᕕᐊᓱᖃᑎᒌᓪᓗᑎᒃ ᐅᑭᐅᖅᑕᖅᑐᒥ ᓴᓇᑐᓂᐅᔪᒥᒃ, ᐃᓕᖅᑯᓯᕐᒥᒃ ᐊᒻᒪᓗ ᓄᓇᓕᓐᓂᒃ ᖃᓂᒌᑦᑎᐊᕐᓗᑎᒃ ᐋᖅᑭᖃᑎᒌᔅᓯᒪᓂᖏᓐᓄᑦ ᐅᕙᒍᑦ ᐱᓕᕆᒍᒪᓂᑦᑎᓐᓄᑦ ᐋᖅᑭᓗᒋᑦ ᑐᑭᖃᑦᑎᐊᕐᓗᑎᒃ ᐊᑐᖅᑕᐅᓕᕐᓗᑎᒃ ᓄᓇᓕᓐᓂᒃ ᐱᔨᔅᓯᑉᐸᑦᑕᑦᑎᓐᓂᒃ.
ᐊᑐᓂᓕᒫᖓᓂ ᐱᓇᓱᐊᕈᓯᐅᑉ ᐃᓱᓕᓐᓂᖓ, ᑲᓇᐃᑎᐊᓐ ᓄᐊᑦ ᐱᓕᕆᖃᑎᒌᖏᑦ ᓇᔪᖅᑕᐅᔪᒥ ᐱᓕᕆᖃᑎᖃᓕᓚᐅᕐᒪᑕ ᖁᕕᐊᓱᖃᑎᒌᕕᐅᔪᓅᖃᑦᑕᖅᑐᓂᒃ ᐊᒻᒪᓗ ᐃᓚᓕᐅᑎᓪᓗᑎᒃ Folk on the Rocks−ᒧᑦ ᖁᕕᐊᓱᖃᑎᒌᓐᓂᕐᒧᑦ. ᖃᐃᖁᔭᐅᓯᒪᔪᑦ ᑕᒪᐅᙵᖃᑦᑕᓚᐅᕐᒪᑕ ᐅᕙᒍᑦ Polaroid−ᒧᑦ ᐊᔾᔨᓕᐅᖅᑕᐅᖃᑦᑕᕆᐊᖅᑐᓪᓗᑎᒃ ᐊᔾᔨᓕᐅᖅᑕᐅᕕᒻᒥ ᖁᕕᐊᓱᖃᑎᒌᕕᒻᒥᑦ ᐊᒻᒪᓗ ᐃᓗᑐᔪᐊᓗᓂᒃ ᓇᓴᖅᑖᖅᑐᑦᑐᑎᒃ, ᓯᕿᓂᖅᑐᔅᓯᐅᑎᓂᒃ ᐃᒡᒐᖅᑖᕐᓗᑎᒃ, ᐊᒻᒪᓗ ᐊᓯᖏᓐᓂᑦ ᑲᓇᐃᑎᐊᓐ ᓄᐊᑦ ᑕᓗᐊᖃᕕᖓᓂ ᐃᑲᔪᖅᑕᐅᖁᓪᓗᒋᑦ ᖁᕕᐊᓱᒍᑎᖃᖅᑎᓪᓗᒋᑦ ᐱᓇᓱᐊᕈᓯᐅᑉ ᐃᓱᓕᓐᓂᖓᓂᒃ ᐊᓕᐊᓇᐃᒍᓱᓪᓗᑎᒃ.
ᓇᑯᒻᒦᑉᐸᕗᑦ ᐃᖅᑲᓇᐃᔭᕐᕕᖁᑏᑦ, ᐃᑲᔪᖃᑦᑕᓚᐅᖅᑐᑦ, ᑕᑯᕋᓐᓈᖅᑎᑦᑎᔪᑦ ᐊᒻᒪᓗ ᑕᐃᒃᑯᐊᓕᒫᖅ ᑕᒪᐅᙵᖃᑦᑕᓚᐅᖅᑐᑦ ᑐᑯᔭᖅᑐᕐᓗᑎᒃ ᐅᕙᑦᑎᓐᓂᒃ. ᐅᐱᒍᓱᒃᑲᑦᑕ ᐃᑲᔪᖅᓱᐃᖏᓐᓇᕈᒪᓪᓗᑕ ᖃᓄᐃᓘᕈᑎᒋᔭᐅᔪᓂᒃ ᑕᐃᒃᑯᓂᖓ ᐃᓄᓐᓂᒃ ᑲᑎᖃᑎᒌᑦᑎᑦᑎᕙᑦᑐᓂᒃ ᐊᒻᒪᓗ ᑕᑯᔅᓴᐅᑎᑦᑎᕙᑦᑐᓂᒃ ᓴᓇᑐᓂᕐᒥᓂᒃ ᐊᒻᒪᓗ ᓴᓇᒃᑲᐅᓂᖅᐹᖑᔪᓂᒃ ᐅᑭᐅᖅᑕᖅᑐᒥ, ᐊᒻᒪᓗ ᓂᕆᐅᑦᑎᐊᓕᖅᑐᒍᑦ ᖁᕕᐊᓱᖃᑎᒌᓐᓂᐅᓛᖅᑐᒥᒃ ᐊᕐᕌᒍᓂᐊᖅᑐᒥ!
