ᐅᖃᐅᓯᖃᖅᑐᖅ ᑲᓇᐃᑎᐊᓐ ᓄᐊᑦᒥᒃ
ᑮᓇᐅᔭᖃᖅᑎᑦᑎᔨᐅᓂᖅ
ᑲᑎᑕᐅᓯᒪᔪᑦ ᑐᔅᓯᕋᐅᑎᖏᑦ
ᑕᐃᒪᓕ ᕿᓂᕈᕕᑦ ᐊᑭᑭᓪᓕᒋᐊᕈᑎᒥᒃ ᑲᑎᑕᐅᓯᒪᔪᑦ ᐊᑭᖓᓂᒃ 9−ᖑᓗᑎᒃ ᐅᕝᕙᓘᓐᓃᑦ ᐅᖓᑖᓃᓪᓗᑎᒃ ᐊᐅᓪᓚᕋᓱᐊᖅᑐᑦ, ᐊᑏ ᐅᖃᕝᕕᒋᓚᐅᒃᑭᑦ groupbookings@canadiannorth.com
ᓄᓇᓕᒻᒥ ᐊᑐᕈᒫᓐᓂᐊᖅᑐᓕᐅᕐᓂᕐᒧᑦ ᐱᓕᕆᔾᔪᑎ
ᑲᓇᐃᑎᐊᓐ ᓄᐊᑦ ᐅᑉᐱᕈᓱᒻᒪᑦ ᐃᓱᒪᖃᕐᓂᕐᒥᒃ ᐅᑎᖅᑎᑦᑎᓂᕐᒥᒃ ᓄᓇᓕᓐᓄᑦ ᐊᒻᒪᓗ ᐊᕕᑦᑐᖅᓯᒪᓂᕐᒧᑦ ᐱᔨᑦᑎᖅᑕᑦᑎᓐᓄᑦ. ᐱᒍᒪᓂᕆᔭᕗᑦ ᐋᖅᑭᒍᑎᓯᒪᒻᒪᑦ ᓄᓇᓖᑦ ᐱᒍᒪᓂᖏᓐᓄᑦ – ᐱᒻᒪᕆᐅᒋᔭᐅᑉᐸᑦ ᓄᓇᓕᒻᒧᑦ ᐱᔨᑦᑎᖅᑕᑦᑎᓐᓄᑦ, ᐱᒻᒪᕆᐊᓗᒻᒪᑦ ᐅᕙᑦᑎᓐᓄᑦ. ᓴᓇᕕᖁᑕᐅᓂᑦᑎᓐᓄᑦ, ᐃᑲᔪᖅᓱᐃᒐᑦᑕ ᐊᔾᔨᒌᖏᑦᑑᑎᑦ ᖃᓄᐃᑦᑐᑐᐃᓐᓇᐃᑦ ᓄᐊᓴᐃᓃᑦ ᐊᒻᒪᓗ ᑮᓇᐅᔭᖃᖅᑎᑦᑎᔩᑦ ᐱᒋᐊᖅᑎᑦᑎᒍᑎᖏᑦ ᑮᓇᐅᔭᓕᐅᕋᓱᐊᖏᑦᑐᓄᑦ ᐃᖅᑲᓇᐃᔭᕐᕕᖁᑎᓄᑦ. ᑕᒪᒃᑯᐊ ᖃᓄᐃᓘᖅᑎᑦᑎᒍᑎᑦ ᐊᒻᒪᓗ ᐱᓕᕆᔾᔪᑏᑦ ᐱᕕᖃᖅᑎᑦᑎᒻᒪᑕ ᐅᕙᑦᑎᓐᓂᒃ ᐱᓕᕆᓪᓚᕆᓪᓗᑕ ᐊᒻᒪᓗ ᐱᓕᕆᖃᑎᒌᓐᓇᓪᓗᒋᑦ ᐱᔨᑦᑎᖅᐸᑦᑕᕗᑦ.
ᓄᓇᓕᒻᒥ ᐊᑐᕈᒫᓐᓂᐊᖅᑐᓕᐅᕐᓂᕐᒧᑦ ᐱᓕᕆᔾᔪᑎ ᐱᓕᕆᐊᖃᕐᒪᑦ ᑎᓴᒪᑦ ᒪᑭᑕᑎᑦᑎᒍᑎᓂᒃ ᑮᓇᐅᔭᖃᖅᑎᑦᑎᓂᕐᒧᑦ ᐋᖅᑭᔅᓱᐃᔾᔪᑎ ᒪᑯᓄᙵᖓᒪᑦ:
- ᐃᓕᓐᓂᐊᖅᑐᓕᕆᓂᕐᒧᑦ ᐅᑯᓄᖓ/ᐅᑭᐅᖅᑕᖅᑐᒦᑦᑐᓄᑦ
- ᐱᓕᐅᑎᔪᓄᑦ/ᓂᕿᑦᑎᐊᕙᓐᓄᑦ
- ᐊᓯᐅᑎᑦᑎᑦᑕᐃᓕᒪᓂᕐᒧᑦ ᐅᑭᐅᖅᑕᖅᑐᒥ ᐃᓕᖅᑯᓯᕐᒧᑦ
- ᓯᕗᓕᖅᑏᑦ
ᐃᑲᔪᕈᑎᕗᑦ
ᐱᔭᐅᑎᑦᑎᓲᖑᒐᑦᑕ ᐃᑉᐱᒍᓱᑦᑎᐊᕈᑎᒋᓗᒋᑦ ᓂᐅᕕᐊᔅᓴᓂᒃ ᒪᑯᑎᒎᓇ ᖃᖓᑕᓲᒃᑯᑦ ᐊᐅᓪᓚᖅᑐᓂᒃ ᐅᕝᕙᓘᓐᓃᑦ ᐅᓯᔭᐅᔪᓄᑦ ᐃᑲᔪᕈᑎᒋᓗᒋᑦ. ᑐᓂᓯᓲᖑᖏᑦᑐᒍᑦ ᑮᓇᐅᔭᓪᓚᕆᓐᓂᒃ ᐃᑲᔫᑎᓂᒃ.
ᑐᔅᓯᕋᓚᐅᕆᑦ ᑮᓇᐅᔭᖃᖅᑎᑕᐅᒍᑎᓂᒃ ᑲᓇᐃᑎᐊᓐ ᓄᐊᑦᑯᓐᓂᒃ
ᐱᒍᓐᓇᖅᑎᑕᐅᒐᔭᕈᕕᑦ ᐱᒍᓐᓇᖅᓯᑎᑕᐅᒍᑎᒥᒃ ᐃᑲᔪᖅᑕᐅᒐᔭᕐᓗᑎᑦ, ᖃᓄᐃᓗᖅᑎᑦᑎᓂᕐᒥᒃ ᐋᖅᑭᔅᓱᐃᔩᑦ ᐱᔭᕇᖅᓯᒋᐊᖃᕋᔭᖅᑐᖅ ᐊᒻᒪᓗ ᑐᓂᔭᐅᓗᓂ ᖃᕋᓴᐅᔭᒃᑰᑎᑦᑎᒍᑎᑦᑎᒍᑦ ᑐᔅᓯᕋᐅᑎ ᑕᑕᑎᕆᐊᓕᒃ. ᑐᔅᓯᕋᓲᖑᔪᒍᑦ ᐊᔾᔨᓪᓗᐊᖏᓐᓂᒃ ᑐᓴᐅᒪᔾᔪᑎᔅᓴᓂᒃ ᑭᒃᑯᓕᒫᓂᑦ ᑐᔅᓯᕋᐅᑎᓕᐅᖅᑐᓂᒃ ᑮᓇᐅᔭᖃᖅᑎᑕᐅᒍᒪᓪᓗᑎᒃ, ᑭᒃᑯᓕᒫᑦ ᐊᔾᔨᒌᒥᒃ ᐱᓇᓱᒍᓐᓇᖁᓪᓗᒋᑦ ᐃᑲᔪᖅᑕᐅᒍᑎᓂᒃ. ᑕᒪᓐᓇ ᐱᕕᖃᖅᑎᑦᑎᒻᒪᑦ ᐅᕙᑦᑎᓂᒃ ᐊᑑᑎᖃᑦᑎᐊᖅᑐᒥᒃ ᐊᒻᒪᓗ ᑭᖑᕙᓯᖏᓪᓗᓂ ᐃᓱᒪᓕᐅᕈᑎᒋᒍᓐᓇᕋᑦᑎᒍ.
ᑲᓇᐃᑎᐊᓐ ᓄᐊᑦ ᑮᓇᐅᔭᖃᖅᑎᑦᑎᔩᑦ ᑲᑎᒪᔨᕋᓛᕗᑦ ᑲᑎᒻᒪᓲᖑᒻᒪᑕ ᒪᕐᕈᐃᖅᓱᓪᓗᑎᒃ ᑕᖅᑭᒥ, ᐅᑯᓇᓂ 2−ᖓᓂ ᐊᒻᒪᓗ 4−ᖓᓂ ᐊᐃᑉᐱᓐᓂ. ᑐᓂᓯᖁᔨᕗᒍᑦ ᑐᔅᓯᕋᐅᑎᔅᓯᓐᓂᒃ ᖃᔅᓰᓇᐅᓛᖃᕐᓗᓂ 6−ᓂᒃ ᐱᓇᓱᐊᕈᓯᓐᓂᒃ ᓯᕗᓂᖓᒍᑦ ᖃᓄᐃᓘᖅᑎᑦᑎᒋᐊᓚᐅᖏᓐᓂᔅᓯᓐᓂ. ᐊᑏ ᑐᑭᓯᓇᑦᑎᐊᕐᓗᓯ ᖃᓄᐃᑦᑐᓂᒃ ᐱᒍᒪᒻᒪᖔᔅᓯ. ᐱᔾᔪᑎᒋᓪᓗᒋᑦ ᐊᒥᓲᖃᑦᑕᕐᒪᑕ ᑐᔅᓯᕋᐅᑎᒋᔭᐅᔪᑦ ᐱᖃᑦᑕᖅᑕᕗᑦ, ᐱᓕᕆᖃᑕᐅᖏᓐᓇᕈᓐᓇᖃᑦᑕᖏᓐᓇᑦᑕ ᐃᓘᓐᓇᖏᓐᓂ ᐱᓕᕆᔾᔪᑎᓂ/ᐱᓕᕆᒋᐊᕐᕕᔅᓴᐅᔪᓂ. ᑭᖑᕙᖏᓪᓗᑎᒃ ᐃᓱᒪᓕᐅᕈᑕᐅᖃᑦᑕᕐᓂᐊᕐᒪᑕ ᑐᙵᕕᒋᓗᒋᑦ ᑐᓴᐅᒪᔾᔪᑎᔅᓴᑦ ᐱᔭᐅᓯᒪᔪᑦ ᐊᒻᒪᓗ ᑭᐅᔭᐅᖃᑦᑕᕐᓂᐊᕆᓪᓗᑎᒃ ᑎᑎᕋᖅᓯᒪᔪᑎᒍᑦ ᐃᕐᖐᓇᖅᑕᕈᑎᐅᑉ ᑐᕌᕈᑎᖓᓄᑦ ᑎᑎᕋᖃᐅᔭᖓᒍᑦ ᐃᕝᕕᑦ ᑕᑕᑎᕆᐊᓕᒻᒥ.
ᑕᐃᒪᓕ ᕿᓂᖅᑐᒥᓂᐅᒍᕕᑦ ᑲᑎᑕᐅᓯᒪᔪᑦ ᐊᐅᓪᓚᕋᓱᐊᖅᑐᑦ ᐊᑭᑭᓪᓕᒋᐊᕈᑎᖓᓂᒃ, ᐊᑏ ᑐᔫᑎᒋᓚᐅᒃᑭᑦ ᓇᓗᓇᐃᔭᖅᓯᒪᓗᒋᑦ ᐅᕗᖓ groupbookings@canadiannorth.com
ᑭᒃᑰᕚᑦ ᐱᒍᓐᓇᖅᑎᑕᐅᖏᑦᑑᑦ?
- ᐃᒻᒥᓂᖅᓱᖅᑐᑦ – ᑕᐃᒃᑯᐊ ᕿᓂᖅᑐᑦ ᐃᒻᒥᓄᑦ ᐱᕚᓪᓕᕈᑎᔅᓴᒥᓂᒃ. ᐱᔪᒪᒐᑦᑕ ᐃᑲᔪᕈᒪᓪᓗᑕ ᐱᕚᓪᓕᖅᑎᑕᐅᖁᓪᓗᒋᑦ ᐃᓘᓐᓇᑎᒃ ᓄᓇᓖᑦ.
- ᐃᖅᑲᓇᐃᔭᕐᕕᖁᑎᑦ ᐊᑎᓕᐅᖅᓯᒪᖏᑦᑐᑦ ᐃᑲᔪᕋᓱᐊᖅᑎᑦ ᐅᕝᕙᓘᓐᓃᑦ ᐊᑎᓕᐅᖅᓯᒪᓗᑎᒃ ᑮᓇᐅᔭᓕᐅᕋᓱᐊᖏᑦᑐᑦ ᑲᑐᔾᔨᖃᑎᒌᑦ
- ᐅᑉᐱᕋᓱᐊᖅᑐᑦ ᐅᕝᕙᓘᓐᓃᑦ ᒐᕙᒪᓕᕆᓂᕐᒥ ᐃᖅᑲᓇᐃᔭᕐᕕᖁᑎᑦ
- ᑕᕐᕋᓕᐅᖅᑕᐅᓯᒪᔪᑦ ᑐᕌᑦᑕᐅᑎᒋᔪᑦ ᐊᒻᒪᓗ ᑐᕌᑦᑕᐅᑎᒋᖏᑦᑐᑦ ᑐᓂᓯᒍᑕᐅᔪᑦ ᑕᕝᕙᐅᔪᓄᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᔾᔪᑎᒧᑦ
ᐃᓕᓴᕆᓗᒍ ᐱᓕᕆᖃᑎᒌᓐᓂᕗᑦ
ᑕᐅᖅᓯᒍᑎᒋᓗᒍ ᐃᑲᔪᕐᓂᕆᔭᑦᑎᓐᓄᑦ, ᐱᒍᒪᓲᖑᔪᒍᑦ ᐃᓕᓴᕆᔭᐅᒍᑎᒥᒃ ᐃᑲᔪᕈᑎᖃᕐᓂᑦᑎᓐᓄᑦ ᑲᓇᐃᑎᐊᓐ ᓄᐊᑦ ᐱᔭᐅᑎᓚᐅᖅᑕᖓᓂᑦ. ᐊᒥᓱᑲᓪᓛᓗᒻᒪᑕ ᐊᑐᕈᓐᓇᖅᑕᕗᑦ ᐱᓕᕆᐊᖑᒍᑎᒋᒍᓐᓇᖅᑕᖏᑦ ᑕᒪᒃᑯᐊ:
- ᑲᓇᐃᑎᐊᓐ ᓄᐊᑦ ᑕᖅᓴᖁᑎᖓ ᐱᒍᒥᓇᖅᓴᐃᒍᑎᓃᑦᑐᑦ, ᑎᑎᕋᖅᓯᒪᔪᓕᐊᖑᓯᒪᔪᒦᑦᑐᖅ ᐊᒻᒪᓗ ᐱᔭᐅᓂᖅᓴᐅᓕᖅᑎᑦᑎᒐᓱᐊᕈᑎᓂ ᐱᖁᑎᓂ/ᐊᓐᓄᕌᓂ
- ᓇᑯᒻᒦᖑᔪᓯ ᓴᕿᑎᑦᑎᒐᔅᓯ ᐃᖅᑲᓇᐃᔭᕐᕕᖁᑎᐅᑉ ᐃᓄᓕᒫᓄᑦ ᑐᓴᖅᑕᐅᑎᑦᑎᒍᑎᖓᑕ ᐱᔭᔅᓴᐅᑎᑦᑎᕕᖏᓐᓂᒃ
- ᑲᓇᐃᑎᐊᓐ ᓄᐊᑦ ᑕᖅᓴᖁᑎᖓᑕ ᑕᑯᔅᓴᐅᑎᑕᐅᓂᖓᓄᑦ ᖃᓄᐃᓘᖅᑎᑦᑎᕕᒋᔭᔅᓯᓐᓂ
- ᖃᐃᖁᔨᔾᔪᑎ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓂᒃ ᐃᓚᐅᖁᓪᓗᒋᑦ ᖃᓄᐃᓘᖅᑎᑦᑎᓂᕐᒧᑦ
- ᖁᔭᓕᔾᔪᑎ ᐃᓯᕈᓐᓇᐅᑎᑦ ᖃᓄᐃᓘᖅᑎᑦᑎᓂᕐᒧᑦ
- ᐅᖃᓪᓚᑦᑐᒧᑦ ᑕᐃᔭᐅᖃᓯᐅᑎᓗᓂ/ᓇᑯᒻᒦᖅᑕᐅᑎᓪᓗᒋᑦ ᖃᓄᐃᓘᖅᑎᑦᑎᓂᕐᒥ ᑲᓇᐃᑎᐊᓐ ᓄᐊᑦ ᐊᑭᓖᓯᒪᓂᖓᓄᑦ
- ᓇᑯᒻᒦᖅᑕᐅᓂᖅ ᑕᑯᔅᓴᐅᑎᑕᐅᓗᓂ ᓄᓇᓕᐅᑉ ᑎᑎᕋᖅᓯᒪᔪᑦ ᐱᕙᓪᓕᐊᔪᓕᕆᔾᔪᑎᖓᓂ
- ᐊᔾᔨᙳᐊᖓᓂ ᖃᓄᐃᓘᖅᑎᑦᑎᓂᐅᑉ
ᑮᓇᐅᔭᖃᖅᑎᑦᑎᓂᕐᒧᑦ ᑐᔅᓯᕋᐅᑎ
ᐊᑏ ᐱᔭᐅᑎᑦᑎᓚᐅᕆᑦ ᑐᓴᐅᒪᔾᔪᑎᔅᓴᒥᒃ ᑕᐅᓇᓂ ᐱᔪᒪᓗᑎᒃ ᑲᓇᐃᑎᐊᓐ ᓄᐊᑦᑯᑦ ᑮᓇᐅᔭᖃᖅᑎᑦᑎᒍᑎᖓᓂᒃ.
ᒥᒃᓵᓄᑦ
