ᑲᓇᐃᑎᐊᓐ ᓄᐊᑦ ᐅᐱᒍᓱᒃᐳᖅ ᐃᑲᔪᕈᓐᓇᕋᒥ ᐊᕐᕌᒍᑕᒫᑦ ᐊᐅᒃᑯᓛᑉ ᑯᕝ ᓵᓚᒃᓴᕋᓱᒃᑐᑦ, ᐱᙳᐊᓚᐅᖅᑐᑦ ᑳᑦᑎᓐᓄ, ᑯᐸᐃᒃ, ᐃᑲᔪᖅᖢᑎᒃ ᐃᑲᔪᖅᑏᑦ ᓄᓇᓕᖕᓂ ᑲᑐᔾᔨᖃᑎᒌᑦ (ICA).
ᐃᓂᖃᖅᑐᑦ ᐃᖃᓗᖕᓂ, ᐃᑲᔪᖅᑏᑦ ᓄᓇᓕᖕᓂ ᑲᑐᔾᔨᖃᑎᒌᑦ ᓄᓇᓕᖕᓂ-ᐊᐅᓪᓗᑎᓪᓗᑎᒃ ᐊᐅᓚᑦᓯᔨᐅᔪᑦ ᐱᓇᓱᐊᑦᑎᐊᖅᐸᒃᑐᑦ ᓴᕿᑦᑎᕙᒃᖢᑎᒃ ᑐᑭᖃᑦᑎᐊᖅᑐᓂᒃ ᐱᕕᖃᖅᑎᑦᑎᓂᖅ ᓄᓇᖃᖅᑐᓄᑦ ᑕᒪᐅᓐᓇ ᓄᓇᓕᒃᑎᒍᑦ ᐃᖏᕐᕋᓯᑎᑦᑎᓯᒪᓪᓗᑎᒃ, ᐱᓕᕆᑎᑦᑎᔾᔪᑎᖃᖅᖢᑎᒃ, ᐊᒻᒪᓗ ᖃᓄᐃᓕᐅᖅᑎᑦᑎᖃᑦᑕᖅᖢᑎᒃ. ᑕᒪᐅᓐᓇ ᓴᓇᔭᒥᒃᑎᒍᑦ, ᐅᑯᐊ ᐊᐅᓚᑦᓯᔩᑦ ᐃᑲᔪᓲᑦ ᓴᙱᒃᑎᐹᓪᓕᖅᑎᓪᓗᒋᑦ ᓄᓇᓖᑦ ᑲᑎᖓᔪᓐᓇᕐᓂᖏᑦ ᐊᒻᒪᓗ ᐃᑲᔪᖅᑐᑦ ᐱᓕᕆᐊᖑᔪᓂᒃ ᐱᐅᓯᕚᓪᓕᖅᑎᑦᑎᓂᐊᖅᑐᓄᑦ ᐃᓅᓯᖏᓐᓄᑦ ᓄᑕᖃᑦ, ᒪᒃᑯᒃᑐᑦ, ᐊᒻᒪᓗ ᐃᓚᒌᑦ ᓄᓇᕗᒻᒥ.
ᑕᒪᑐᒪᓂ ᐊᕐᕌᒍᒥ ᐱᙳᐊᖅᑎᑦᑎᓂᖅ ᐱᕈᖅᑎᑦᑎᓚᐅᖅᑐᖅ ᑮᓇᐅᔭᒃᓴᓂᒃ ᐱᒻᒪᕆᐅᔪᓄᑦ ᓄᓇᓕᖕᓂ ᐱᓕᕆᐊᖑᔪᓄᑦ: ᐊᑯᓂ ᓴᓇᔭᐅᔭᕆᐊᖃᓕᖅᑐᖅ ᑐᐊᐸᖓ ᐃᖃᓗᐃᑦ ᐊᓇᐅᓕᒑᕐᕕᒃ, ᐊᖏᕐᕋᖓᑦ ᐃᖃᓗᐃᑦ ᐃᓐᓇᐃᑦ ᐊᓇᐅᓕᒑᖅᑎᑦ ᑲᑐᔾᔨᖃᑎᒌᑦ. ᐅᑯᐊ ᐋᕿᒋᐊᖅᓯᓂᖓ ᐱᐅᓯᑎᑦᑎᓂᐊᖅᑐᖅ ᐱᙳᐊᕐᕕᖓᓂᒃ ᐊᒻᒪᓗ ᐊᑦᑕᕐᓇᖅᑐᖃᓐᖏᓕᕐᓗᓂ, ᐊᑐᖅᑕᐅᔪᓐᓇᖅᑐᖅ ᓂᕈᑐᓂᖅᓴᐅᓕᕐᓗᓂ ᒪᒃᑯᒃᑐᓄᑦ ᐱᒡᒍᓴᐅᑎᓲᓄᑦ ᐃᓕᑦᑎᓂᐊᕐᒪᑕ, ᐱᙳᐊᕐᓂᐊᕐᒪᑕ, ᐊᒻᒪᓗ ᐱᒡᒍᓴᐅᑎᓂᐊᕐᒪᑕ.
ᑕᐃᒪᓐᓇᐅᖕᒪᑦ ᐅᓇ ᑮᓇᐅᔭᒃᓴᖃᖅᑎᑦᑎᓂᖅᐳᑦ ᐊᒻᒪᓗ ᐃᓚᐅᓕᖅᐳᑦ ᑕᒪᑐᒪᓂ ᖃᓄᐃᓕᐅᕈᑕᐅᔪᒥ, ᑲᓇᐃᑎᐊᓐ ᓄᐊᑦ ᐃᑲᔪᕐᓂᐊᖅᑐᖅ $25,000 ᐃᑲᔫᑎᒃᓴᖏᓐᓄᑦ ᐃᑲᔪᖅᑏᑦ ᓄᓇᓕᖕᓂ ᑲᑐᔾᔨᖃᑎᒌᑦ ᓄᓇᓕᖕᓄᑦ ᐃᖏᕐᕋᓯᑎᓯᒪᔭᒥᒃᑎᒍᑦ ᐊᒻᒪᓗ ᑲᔪᓯᔪᒥᒃ ᐱᕙᓪᓕᐊᑎᑦᑎᓂᐊᕐᒪᑕ ᒪᒃᑯᒃᑐᓂᒃ ᐱᙳᐊᕐᕕᖃᖅᑎᑦᑎᓗᑎᒃ ᐃᖃᓗᖕᓂ. ᑲᓇᐃᑎᐊᓐ ᓄᐊᑦ ᑐᓂᓯᓚᐅᕐᒥᔪᑦ ᐃᑲᔫᑎᒥᖕᓂᒃ ᒪᕐᕉᖕᓂᒃ ᐅᑎᖅᔭᕐᓗᑎᒃ ᖃᖓᑦᑕᐅᑎᓂᒃ ᐱᙳᐊᖅᑐᑦ ᓂᕆᔭᖅᑐᕐᓗᑎᒃ ᐊᑭᑦᑐᕋᐅᑎᓗᑎᒃᓗ, ᐃᑲᔫᑎᓂᐊᖅᑐᓄᑦ ᑮᓇᐅᔭᒃᓴᒃᑲᓐᓂᖏᓐᓄᑦ ᓄᓇᓕᖕᓂ ᐱᓕᕆᐊᖑᔪᓄᑦ ᐅᑯᐊᓗ ᐃᑲᔫᑎᓂᐊᖅᑐᑦ ᓄᓇᓕᖕᓄᑦ.
ᑕᐃᒫᒃ 100% ᐱᙳᐊᕈᑕᐅᔪᑦ ᑐᓂᔭᐅᔪᑦ ᑖᒃᑯᓄᖓ ᐃᑲᔪᖅᑏᑦ ᓄᓇᓕᖕᓂ ᑲᑐᔾᔨᖃᑎᒌᑦ, ᖃᓄᐃᓕᐅᕈᑕᐅᔪᓂᑦ ᐱᕈᖅᑎᑕᐅᔪᑦ ᑮᓇᐅᔭᐃᑦ ᖃᑭᔾᔪᑎᒃᓴᒃᑲᓐᓂᐅᓂᐊᕐᒪᑕ ᐃᖏᕐᕋᓯᑎᑕᐅᓯᒪᔪᑎᒍᑦ ᐃᑲᔪᖅᑐᑦ ᐃᖃᓗᖕᓂ ᓄᓇᓕᖕᓂᒃ.
ᑲᓇᐃᑎᐊᓐ ᓄᐊᑦ ᐅᐱᒍᓱᒃᑐᖅ ᐃᑲᔪᕈᓐᓇᕋᒥ ᐃᖏᕐᕋᓯᑎᑕᐅᓯᒪᔪᒥᒃ ᓴᙱᒃᑎᒋᐊᖅᑎᑦᑎᓂᐊᖅᑐᖅ ᓄᓇᓕᖕᓂ ᑕᒪᐃᓐᓂ ᐅᑭᐅᖅᑕᖅᑐᒥ ᐊᒻᒪᓗ ᐱᐅᓯᕚᓪᓕᖅᑎᑦᑎᓗᓂ ᐃᓅᓯᖏᓐᓂᒃ ᑭᒃᑯᑐᐃᓐᓇᐃᑦ ᐱᔨᑦᑎᕋᖅᑕᑎᒃ. ᓂᕆᐅᒃᐳᒍᑦ ᑐᓴᐅᒪᓂᐊᕋᑦᑕ ᖃᓄᑉᐸᓪᓕᐊᖕᒪᖔᑕ ᐱᕙᓪᓕᐊᑎᑕᐅᓂᖓ ᐃᖃᓗᖕᓂ ᐊᓇᐅᓕᒑᕐᕕᖓ ᐱᐅᓯᕚᓪᓕᖅᑎᑕᐅᔪᖅ ᐊᒻᒪᓗ ᑕᑯᔪᓐᓇᖅᑐᒍᑦ ᐊᑯᓂᐅᔪᒥᒃ ᐊᒃᑐᐃᓂᐊᖅᑐᑦ ᖃᑭᔾᔪᑎᒃᓴᓕᐊᖑᔪᑦ ᒪᒃᑯᒃᑐᑦ ᐱᙳᐊᕐᕕᖓᓄᑦ, ᐋᕿᒃᓱᖅᑕᐅᓯᒪᔪᑦ ᐱᒡᒍᓴᐅᑎᕕᒃᓴᑦ, ᐊᒻᒪᓗ ᓄᓇᓕᖕᓂ ᖃᓄᐃᖏᑦᑎᐊᕐᓂᐊᕐᒪᑕ ᐃᖃᓗᖕᓂ.
