ᓰᑏᐱᕆ 18−ᒥᑦ, ᑲᓇᐃᑎᐊᓐ ᓄᐊᑦ ᐊᒻᒪ ᑲᓇᑕ ᒎᔅ ᑲᑎᖃᑎᒋᓚᐅᖅᑐᑦ ᐊᖅᓴᕐᓃᑦ ᑐᔪᕐᒥᕕᒻᒥ ᐊᒻᒪ ᑲᑎᒪᕕᒃ ᐃᖃᓗᓐᓂ ᑲᓇᑕ ᒎᔅ ᑭᓱᓕᕆᔾᔪᑎᓄᑦ ᖃᓄᐃᓘᖅᑕᐅᔪᒥᑦ.
ᖃᓗᐃᓘᖅᑕᐅᔪᖅ ᑲᑎᑦᑎᑦᑎᓚᐅᖅᑐᖅ ᓄᓇᓕᒻᒥ ᒥᖅᓱᖅᑎᓂᑦ ᐊᒻᒪ ᐊᓐᓄᕌᔅᓴᓂᑦ ᓴᓇᖃᑦᑕᖅᑐᓂᑦ ᐊᑭᖃᖏᑦᑐᓄᑦ ᐊᓐᓄᕌᓕᐅᖅᑕᐅᔪᓐᓇᖅᑐᓂᑦ, ᓯᖀᕈᑎᓂᑦ, ᐊᓐᓄᕌᔅᓴᔭᓂᑦ ᐊᒻᒪ ᑭᓪᓕᖏᓐᓂ ᐊᑎᒋᓕᐅᕐᓗᑎ, ᐊᓐᓄᕌᓕᐅᕐᓗᑎ ᐊᒻᒪ ᐊᒥᓱᒃᑲᓂᕐᓂᑦ. ᐃᑲᔪᖅᑐᑎ ᐊᖅᓴᕐᓃᑦ ᑐᔪᕐᒥᕕᒃ, ᖃᓄᐃᓘᖅᑕᐅᔪᖅ ᑐᙵᓱᑎᑦᑎᔪᓂᑦ ᐃᓂᖃᖅᑎᑦᑎᓚᐅᖅᑐᑦ ᓄᓇᓕᒻᒥᐅᑕᓂᑦ ᑲᑎᓪᓗᑎ ᐊᒻᒪ ᓂᕈᐊᕐᓗᑎ ᓱᓇᒃᑯᑖᓂᑦ ᑭᖑᓪᓕᕐᒥᑦ ᓴᓇᓂᐊᖅᑕᖏᓐᓄᑦ.
ᐅᓪᓗᖓ ᐱᒋᐊᕐᓂᖃᓚᐅᖅᑐᖅ ᐃᓐᓇᑐᖃᐃᑦ ᐃᑲᕋᖓᓂ, ᐃᓐᓇᑐᖃᕐᓄᑦ ᑐᕌᖓᔪᓂᑦ ᐱᕕᔅᓴᖃᖅᑐᑎᑦ ᑲᑎᖅᓱᐃᓗᑎ ᓱᓇᒃᑯᑖᓂᑦ ᒪᑐᖏᑦ ᒪᑐᐃᓚᐅᖅᑎᓐᓇᒋᑦ ᑭᒃᑯᑐᐃᓐᓇᕐᓄᑦ ᐃᓄᓐᓄᑦ. ᓄᓇᓕᒻᒥᐅᑕᐃᑦ ᖃᐃᓚᐅᖅᑐᑦ ᐊᒥᓲᓪᓗᑎ, ᐊᕙᓗᔭᐅᓪᓗᓂ ᐊᓐᓄᕌᔅᓴᔭᒧᑦ ᐊᖅᓴᕐᓃᑦ ᑐᔪᕐᒥᔪᒃ.
ᑲᓇᐃᑎᐊᓐ ᓄᐊᑦ ᐊᐅᓚᑦᑎᔨᒻᒪᕆᒃ ᓯᐊᓕ ᑎ ᑲᕆᐊ ᐊᒻᒪ ᑲᓇᑕ ᒎᔅ ᐊᖏᔪᖅᑳᖓ, ᖃᓄᐃᑦᑑᓂᖏᓐᓄᑦ ᐊᒻᒪ ᑮᓇᐅᓕᐅᕋᓱᐊᓂᕐᒧᑦ ᑭᐅᕆ ᐸᐃᑯ ᑕᒪᒃᑭ ᐃᓚᒋᓚᐅᖅᑕᖏᑦ ᐱᓕᕆᔩᑦ ᑐᓂᐅᖅᑲᐃᓪᓗᑎ ᓱᓇᒃᑯᑖᓂᑦ ᐊᒻᒪ ᑲᑎᓐᓂᖃᖅᑐᑎᑦ ᓄᓇᓕᒻᒥᐅᑕᓂᑦ. ᐃᓚᒋᔭᐅᖃᑕᐅᓂᖏᑦ ᐱᕕᔅᓴᖃᖅᑎᑦᑎᓚᐅᖅᑐᑦ ᑲᑎᖃᑎᖃᕐᓗᑎ ᓄᓇᓕᒻᒥᐅᑕᓂᑦ ᐱᓕᕆᔭᐅᔪᒧᑦ ᐃᑲᔪᖅᑐᓂᑦ.
ᑐᓂᐅᖅᑲᐃᓪᓗᑎ ᓱᓇᒃᑯᑖᓂᑦ ᓄᑖᓄᑦ ᐱᔾᔪᑎᖃᖅᑐᓂᑦ
2009−ᒥᓂᑦ, ᑲᓇᑕ ᒎᔅ ᕿᓱᓕᕆᔾᔪᑎᖃᕐᕕᖓ ᐱᓕᕆᐊᖅ ᐊᑐᖅᑕᐅᖏᓐᓂᑯᓂᑦ ᓱᓇᒃᑯᑖᖃᖅᑎᑦᑎᓯᒪᔪᑦ ᐅᖓᓯᑦᑐᒦᑦᑐᓄᑦ ᐅᑭᐅᑕᖅᑐᒥ ᓄᓇᓕᓐᓄᑦ, ᐃᑲᔪᖅᑐᑎ ᒥᖅᓱᓂᕐᒧᑦ ᐱᖅᑯᓯᓂᑦ ᑐᓂᐅᖅᑲᐃᓯᓐᓈᖅᑐᑎ ᑖᒃᑯᓂᖓ ᓱᓇᒃᑯᑖᓂᑦ ᓄᑖᓄ ᐱᔾᔪᑎᖃᖅᑎᑕᐅᓪᓗᑎ.
ᓄᓇᓕᒻᒥᐅᑕᐃᑦ ᓴᓇᖃᑦᑕᖅᑐᓄᑦ, ᐊᑐᖅᑕᐅᖏᓐᓂᑯᐃᑦ ᓱᓇᒃᑯᑖᑦ ᐃᑲᔪᖅᑐᑦ ᐱᕕᔅᓴᖃᖅᑎᑎᓪᓗᑎ ᖃᐅᔨᒪᓂᖏᑦ ᐊᒻᒪ ᖃᓄᖅᑑᕈᓐᓇᕐᓂᖏᑦ ᐊᑐᖅᑕᐅᓕᕐᓗᑎ. ᐊᓐᓄᕌᓕᐅᖅᑕᐅᔪᓐᓇᖅᑐᑦ, ᐃᓗᓕᖏᑦ ᐊᒻᒪ ᑭᓪᓕᖏᑦ ᐃᓚᒋᓕᖅᐸᑦᑕᖏᑦ ᐊᑎᒋᖏᓐᓄᑦ, ᐊᓐᓄᕌᓄᑦ ᐊᒻᒪ ᐊᓯᖏᓐᓄᑦ ᓴᓇᔭᐅᔪᓄᑦ ᖃᐅᔨᒪᓂᖏᓐᓄᑦ ᐊᒻᒪ ᒥᖅᓱᒃᑲᐅᓂᖏᓐᓄᑦ ᐃᓄᐃᑦ ᐊᑐᖃᑦᑕᖅᑕᖏᓐᓂ. ᖃᓄᐃᓘᖅᑕᐅᔪᑦ ᑕᐃᒪᓐᓇᑎᑐᑦ ᑲᑎᑦᑎᒻᒥᔪᑦ ᐃᓐᓇᑐᖃᕐᓂᑦ, ᒥᖅᓱᖅᑎᓂᑦ ᐊᒻᒪ ᐊᓯᖏᓐᓂ ᓄᓇᓕᒻᒥᐅᑕᓂᑦ ᑲᑐᑎᔭᐅᔪᓂᑦ ᐱᔪᒪᓂᖃᕐᕕᐅᔪᓂᑦ ᓴᓇᓂᕐᒧᑦ.
ᐱᓕᕆᖃᑎᒌᓐᓂᐅᔪᖅ ᐃᑲᔪᖅᑐᑦ ᑲᑎᑦᑎᑎᓪᓗᑎ ᓄᓇᓕᓐᓂᑦ ᓱᓇᒃᑯᑖᓄᑦ
ᑲᓇᐃᑎᐊᓐ ᓄᐊᑦ ᐅᐱᒍᓱᓚᐅᖅᑐᑦ ᖃᖓᑕᓲᒃᑰᑎᑦᑎᓪᓗᑎ ᓱᓇᒃᑯᑖᓂᑦ ᐃᖃᓗᓐᓄᑦ ᐊᑭᖃᖏᑦᑐᓂᑦ ᐊᒻᒪ ᐃᑲᔪᖅᑐᑎ ᑐᓂᐅᖅᑲᑕᐅᓪᓗᑎ ᖃᓄᐃᓘᖅᑕᐅᔪᒧᑦ. ᐃᖏᕋᔾᔪᑎᖃᖅᑎᑎᓪᓗᑎ ᐊᒻᒪ ᑕᕝᕙᑦᑕᐅᑎᒋ ᐃᑲᔪᓂᕐᒥᑦ, ᐱᓕᕆᔨᕗᑦ ᐃᑲᔪᓚᐅᖅᑐᑦ ᑖᒃᑯᓂᖓ ᓱᓇᒃᑯᑖᓂᑦ ᐊᑭᖃᖏᑦᑐᓂᑦ ᐊᑐᐃᓐᓇᐅᑎᑕᐅᓪᓗᑎ ᓄᓇᓕᒻᒥ ᒥᖅᓱᖅᑎᓄᑦ ᐊᒻᒪ ᓴᓇᖃᑦᑕᖅᑐᓄᑦ.
ᐃᑲᔪᓂᕐᒥᑦ ᐱᓕᕆᔭᐅᔪᑦ ᐅᑯᓇᑎᑐᑦ ᑐᕌᖅᑕᑎᓐᓂ ᐃᓅᓯᕐᒥᑦ ᐱᐅᓂᖅᓴᐅᑎᑦᑎᔪᑦ ᓄᓇᓕᓐᓂᑦ ᐱᔨᑦᑎᖃᑦᑕᑕᑦᑎᓐᓂ.
ᖁᔭᓐᓇᒦᒃ ᑲᓇᑕ ᒎᔅ, ᐱᓕᕆᔨᐅᔪᑦ ᐃᑲᔪᓚᐅᖅᑐᑦ ᖃᓄᐃᓘᖅᑕᐅᔪᒥᑦ ᓴᖅᑭᑎᑦᑎᓪᓗᑎ, ᐊᒻᒪ ᑭᒃᑯᓕᒫᑦ ᐃᓚᒋᔭᐅᓚᐅᖅᑐᑦ ᐅᕙᑦᑎᓐᓄᑦ ᐃᖃᓗᓐᓂ. ᐅᐱᒍᓱᓚᐅᖅᑐᒍᑦ ᐃᓚᒋᔭᐅᓪᓗᑕ ᐅᓪᓗᖓᓂ ᐊᒻᒪ ᑕᑯᔪᒪᓂᐊᖅᑕᕗᑦ ᓴᓇᔭᐅᕙᑦᑐᑦ ᑖᒃᑯᓄᖓ ᓱᓇᒃᑯᑖᓄᑦ ᐱᔪᒪᓂᖃᖅᑎᑎᓪᓗᑎ.
