ᐃᖃᓗᓐᓂ, ᐱᓕᕆᔩᑦ ᖃᔪᑐᕐᕕᒃ ᓄᓇᓕᒻᒥ ᓂᕿᑖᕐᕕᒃ ᐃᖅᑲᓇᐃᔭᖃᑦᑕᖅᑐᑦ ᖃᐅᑕᒫᑦ ᐱᐅᓯᑎᒋᐊᖅᑐᒍ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ, ᐃᑲᔪᖅᑐᑎ ᖃᐅᔨᒪᓂᐅᔪᓂᑦ ᐱᕈᖅᑎᑦᑎᓂᕐᒧᑦ, ᐊᒻᒪ ᓴᖅᑭᑎᑦᑎᓪᓗᑎ ᓴᓐᖏᓂᖅᓴᐅᑎᑦᑎᓂᕐᒥᑦ ᓄᓇᓕᒻᒥᑦ ᑲᑐᑎᑕᐅᔪᒃᑯᑦ ᓂᕆᔭᔅᓴᓂᑦ, ᐃᓕᓐᓂᐊᕐᓂᓕᕆᓂᕐᒥᑦ, ᐊᒻᒪ ᐱᔭᔅᓴᐅᓂᖅᓴᐅᓂᖏᓐᓄᑦ ᑕᒪᒃᑭᓐᓄ ᐃᓄᐃᑦ ᓂᕿᖏᑦ ᐊᒻᒪ ᓂᕿᑦᑎᐊᕙᓐᓂᑦ.
ᒫᑦᓯᒥ, ᐃᓕᓴᕆᔭᐅᓯᒪᔪᒥᑦ ᐃᑲᔪᕐᓂᖃᓕᓚᐅᖅᑐᒍᑦ ᓄᑖᑎᒍᑦ ᐱᓕᕆᖃᑎᒋᖃᑎᖃᓂᕐᒥᑦ ᐊᖏᕈᒻᒥᑦ ᐃᑲᔪᕐᓂᐊᖅᑐᓂᑦ ᐊᖏᓪᓕᒋᐊᕐᓗᒍ ᐊᑦᑐᖅᑕᐅᓂᖏᑦ.
ᖃᔪᑐᕐᕕᒃ ᐊᔾᔨᒌᖏᑦᑐᓂᑦ ᐱᓕᕆᐊᖃᖅᑎᑦᑎᔪᑦ ᐱᓪᓚᕆᐅᔪᓂᑦ ᐊᔾᔨᒌᖏᑎᑦᑎᔪᓂᑦ:
- ᖃᐅᑕᒫᑦ ᐆᓇᖅᑐᑦ ᓂᕆᔭᔅᓴᐃᑦ: ᐱᔨᑦᑎᖅᑕᐅᔪᑦ ᓇᒡᒐᔾᔭᐅᒥ ᑎᑭᑦᑐᒍ ᑕᓪᓕᒥᕐᒧᑦ, ᓂᕿᑦᑎᐊᕙᖃᖅᑎᑦᑎᔪᑦ ᐊᒻᒪ ᑐᓐᖓᓱᑎᑦᑎᓂᕐᒧᑦ ᐃᓂᐅᓪᓗᓂ.
- ᐱᓇᓱᐊᕈᓯᑕᒫᑦ ᐱᕈᖅᑐᒥᓃᑦ ᐊᒻᒪ ᐃᓄᐃᑦ ᓂᕿᖏᑦ ᐴᖅᑲᖅᓯᒪᔪᑦ: ᑖᒃᑯᐊ ᐴᖅᑲᖅᓯᒪᔪᑦ ᐱᔭᔅᓴᐅᑎᑦᑎᔪᑦ ᐱᕈᖅᑐᒥᓂᕐᓂᑦ ᓰᕐᓇᖅᑐᓂᑦ, ᐱᕈᖅᑐᒥᓃᑦ, ᐊᒻᒪ ᓄᓇᓕᒻᒦᖔᖅᑐᑦ ᐃᓄᐃᑦ ᓂᕿᖏᑦ ᐊᖑᓇᓱᑦᑎᓂᑦ ᓄᓇᕗᓕᒫᒥᑦ – ᑐᓂᐅᖅᑲᖅᑕᐅᔪᑦ ᐊᑐᖅᑐᑎ ᐊᑭᓖᒍᓐᓇᖅᑕᖏᓐᓂ ᐊᑭᓖᓪᓗᑎ ᐊᐅᓚᑕᐅᓂᖃᖅᑐᑦ ᑲᒪᒋᔭᖃᑦᑎᐊᖅᑐᒥᑦ ᐊᒻᒪ ᐃᓱᒪᖅᓲᑕᐅᓂᖏᓐᓄᑦ.
- ᓂᕿᓕᐅᓂᕐᒧᑦ ᐃᓕᓐᓂᐊᕐᓂᐅᔪᑦ: ᒪᑐᐃᖓᔪᖅ ᑕᒪᒃᑭᓐᓄᑦ ᓱᕈᓯᕐᓄᑦ ᐊᒻᒪ ᐃᓐᓇᓄᑦ, ᑖᒃᑯᐊ ᐃᓕᓐᓂᐊᕐᓂᐅᔪᑦ ᐃᓕᓐᓂᐊᑎᑦᑎᔪᑦ ᖃᐅᔨᒪᓂᐅᔭᕆᐊᖃᖅᑐᓂᑦ, ᕿᓂᖅᑐᑎ ᓄᑖᓂ ᓂᕿᓕᐅᕋᔅᓴᓂᑦ, ᐊᒻᒪ ᓴᖅᑭᔮᖅᑎᑎᓪᓗᑎ ᓂᕿᑦᑎᐊᕙᓐᓂᑦ ᓂᕈᐊᖅᑕᐅᔪᓂᑦ.
- ᐃᓱᒪᒋᔭᐅᓯᒪᔪᓂᑦ ᓂᕆᔭᔅᓴᐃᑦ: ᒫᑦᓯᒥ, ᐱᓕᕆᕕᐅᔪᖅ ᐱᓕᕆᑎᑦᑎᓚᐅᖅᑐᖅ ᐊᒥᓱᒐᓚᓐᓂᑦ ᐊᐳᕆᑲᓐ ᐊᒻᒪ ᑭᐅᕆᐲᐊᓐ ᓂᕆᔭᔅᓴᓂᑦ, ᓄᖅᑲᐅᓯᖅᑐᒍ ᒧᕌᑲᓐ ᐃᓱᒪᒋᔭᐅᓂᖏᑦ ᐅᓐᓄᖓᓂ ᑐᑭᒧᐊᖅᑎᑕᐅᔪᖅ ᐳᓛᖅᑐᒧᑦ ᓂᕿᓕᐅᖅᑎᒧᑦ.
- ᓄᑖᖅ ᐃᓄᐃᑦ ᓂᕿᖏᓐᓂ ᐊᒻᒪ ᐊᖏᔪᑎᓂᑦ ᓂᐅᕕᕐᕕᒃ: ᒪᑐᐃᕋᑖᖅᓯᒪᔪᖅ, ᓂᐅᕕᕐᕕᒃ ᐱᑕᖃᖅᑎᑦᑎᔪᖅ ᓂᕆᔭᐅᒐᔪᖃᑦᑕᖅᑐᓂᑦ ᐸᓂᖅᑐᓂᑦ ᐊᒻᒪ ᐃᓄᐃᑦ ᓂᕿᖏᓐᓂ, ᐊᑐᖅᑐᑎ ᓱᓕ ᐊᑭᓖᒍᓐᓇᖅᑕᖏᓐᓂ ᐊᑭᓖᓪᓗᑎ ᐊᑕᖅᑕᐅᓂᖓ ᓂᖀᑦ ᐱᔭᔅᓴᐅᖏᓐᓇᑎᓪᓗᒋᑦ ᑭᒃᑯᓕᒫᓄᑦ.
ᐃᓚᒋᓪᓗᓂᐅᒃ ᐄᐳᕈᒥ ᐃᖃᓗᓐᓅᕐᓂᕆᓚᐅᖅᑕᑎᓐᓄᑦ, ᓄᖅᑲᕐᕕᒋᔪᓐᓇᒪᐅᖅᑕᕗᑦ ᓄᑖᖅ ᓂᐅᕕᕐᕕᒃ ᐊᒻᒪ ᑕᑯᓪᓗᒋᑦ ᐊᑦᑐᖅᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ. ᐱᓕᕆᔩᑦ ᑐᓂᓯᓚᐅᖅᑐᑦ ᐸᕐᓇᐅᑎᖏᓐᓂ ᐊᑐᕐᓗᑎ ᐅᕙᒍᑦ ᐱᓕᕆᖃᑎᒋᓐᓂᖓᓄᑦ ᓂᕿᓕᐅᕐᕕᒻᒥ ᐃᖅᑲᓇᐃᔭᖅᑏᑦ ᖃᓪᓗᓈᑦ ᓄᓇᖓᓐᓄᑦ ᕿᓚᒥᐅᔪᒥᑦ ᐃᓕᓐᓂᐊᓂᕐᒧᑦ ᓂᕿᓕᐅᖅᑎᐅᓯᒪᖃᑦᑕᖅᑐᓄ ᓂᕿᓕᐅᖅᑎᓄᑦ – ᐅᑎᒧᑦ ᓇᔅᓴᖅᑐᑎ ᓄᑖᓂᑦ ᖃᐅᔨᒪᓂᐅᔪᓂᑦ ᐊᒻᒪ ᓄᑖᓂᑦ ᐃᓱᒪᒋᔭᐅᔪᓂᑦ ᐃᑲᔪᖅᑐᑎᑦ ᐱᕈᖅᐸᓪᓕᐊᓂᖏᓐᓄᑦ ᐱᓕᕆᐊᖏᑦ.
ᐅᐱᒍᓱᑦᑐᒍᑦ ᐃᑲᔪᕐᓗᒍ ᖃᔪᑐᕐᕕᒃ ᐃᖅᑲᓇᐃᔭᖅᑕᖏᑦ ᐊᒻᒪ ᑲᔪᖏᖅᓯᒪᓂᖏᓐᓄᑦ ᓄᓇᓕᒻᒧᑦ ᑐᑭᒧᐊᖅᑎᑕᐅᔪᓂᑦ ᐋᖅᑭᒍᑎᓂᑦ ᓯᕗᓪᓕᐅᑎᑦᑎᔪᓂᑦ ᐱᔭᔅᓴᐅᓂᖏᓐᓄᑦ, ᐅᐱᒋᔭᖃᓂᕐᒧᑦ, ᐊᒻᒪ ᑲᑎᓐᖓᑦᑎᓂᕐᒧᑦ.
