ᑯᐃᓐᒋᔭᐅᔪᑦ ᐅᓪᓗᓕᒫᖅ:
ᓄᐊᒪᓐ ᐅᐃᓪᔅᒥᑦ ᐱᖅᑯᓯᕆᔭᐅᔪᖅ ᐅᑎᖅᑐᖅ

ᐊᕐᕌᒍᒐᓴᓐᓄᑦ ᓄᖅᑲᖓᓚᐅᖅᑎᓪᓗᒋᑦ, ᓄᐊᒪᓐ ᐅᐃᓪᔅᒥᑦ ᐳᐃᒍᖅᑕᐅᒍᓐᓇᙱᑦᑐᖅ ᐱᖅᑯᓯᕆᔭᐅᔪᖅ ᐅᑎᓕᓚᐅᕐᒥᔪᖅ ᓴᖅᑭᔮᖅᑎᑕᐅᓂᖓ.

ᑐᙵᕕᖃᑦᑎᐊᖅᑐᓂ ᓄᓇᓕᐅᔪᒥᑦ, ᑖᓐᓇ ᒪᐃ ᑯᐃᓐ ᓵᓚᖃᕋᓱᐊᕐᓂᐅᓲᖅ ᑲᑎᖅᓱᐃᔪᖅ ᖁᕕᐊᓱᓐᓂᕐᒥᑦ, ᐃᓕᖅᑯᓯᕆᔭᐅᓚᐅᖅᑐᓂᑦ, ᐊᒻᒪᓗ ᓄᓇᓕᖃᕐᓂᕐᒥᑦ ᐅᐱᒍᓱᓐᓂᕐᒥᑦ. ᑲᓇᐃᑎᐊᓐ ᓄᐊᑦ ᐅᐱᒍᓱᓚᐅᖅᑐᑦ ᐃᑲᔪᕈᓐᓇᓚᐅᕐᖓᑕ ᓄᐊᒪᓐ ᐅᐃᓪᔅ ᖃᑦᑎᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ ᐊᑎᖅᑎᑕᐅᓂᕐᒧᑦ.

ᐱᒋᐊᙵᖅᑎᑕᐅᓚᐅᖅᑐᖅ ᐃᐊᓱ ᐃᖅᑲᓇᐃᔭᖅᑎᖏᓐᓄᑦ ᐊᕐᕌᒍᒐᓴᐅᓚᐅᖅᑐᓂᑦ, ᑖᓐᓇ ᒪᐃ ᑯᐃᓐ ᖁᕕᐊᓱᓐᓂᖅ ᓴᖅᑭᓚᐅᖅᓯᒪᒻᒪᑦ ᐊᕐᓇᖅᑕᖃᑦᓯᐊᙱᑎᓪᓗᒍ ᓄᓇᓕᐅᔪᒥᑦ. ᐅᐱᕐᖓᑦᓵᒥᑦ ᐱᒋᐊᕈᑎᖃᕐᓂᕐᒥᑦ ᐊᒻᒪᓗ ᖁᕕᐊᓱᑎᑦᓯᓂᕐᒥᑦ, ᐊᖑᑏᑦ ᓄᐊᒪᓐ ᐅᐃᓪᔅᒥᑦ ᐊᓐᓄᕌᖃᑦᑕᓚᐅᕐᒪᑕ ᐊᕐᓇᙳᐊᖑᓪᓗᑎ ᓵᓚᖃᕋᓱᐊᕐᓂᕐᒧᑦ ᒪᐃ ᑯᐃᓐ ᓂᐊᖁᒻᒥᐅᑕᒥᑦ. ᐱᖅᑯᓯᕆᔭᐅᓕᓚᐅᖅᑐᖅ ᐊᖅᑯᑎᐅᓪᓗᓂ ᑎᑭᓕᕋᑖᖅᑐᓄᑦ ᐊᒻᒪᓗ ᒪᒃᑯᑦᑐᓄᑦ ᐃᓐᓇᕐᓄᑦ, ᖁᕕᐊᓱᓐᓂᒃᑯᑦ ᓵᓚᖃᕋᓱᐊᕐᓂᕐᒥᑦ, ᐃᓱᒪᑦᓴᖅᓯᐅᕐᓂᒃᑯᑦ ᐊᓐᓄᕌᑦᓴᖏᓐᓂᒃ, ᐊᒻᒪᓗ ᓄᓇᓕᒻᒥᐅᓄᑦ ᖁᕕᐊᒋᔭᐅᓗᑎᒃ.

ᓄᖅᑲᖓᑲᐃᓐᓇᓚᐅᖅᑎᓪᓗᒋᑦ ᓄᕙᒡᔪᐊᕐᓇᖅ-19-ᒥ, ᓄᐊᒪᓐ ᐅᐃᓪᔅ ᖃᑦᑎᕆᔨᒃᑯᑦ ᐱᒋᐊᖅᑎᑦᑎᒃᑲᓂᓕᓚᐅᖅᑐᑦ ᖁᕕᐊᓲᑕᐅᓲᒥᑦ. ᑕᒪᑐᒪᓂ ᐊᕐᕌᒍᒥᑦ ᐃᓄᒋᐊᓚᐅᖅᑐᑦ, ᐃᓪᓚᖃᑦᑕᓚᐅᖅᑐᑦ, ᐊᒻᒪᓗ ᓄᓇᖅᑲᑎᒌᑦ ᐅᐱᒍᓱᑦᑐᑎᒃ ᓄᑲᖅᑎᐅᓂᖅᓴᐃᑦ “ᒪᐃ ᑯᐃᓐᒋᔭᐅᔪᑦ” ᑕᑯᑦᓴᐅᑎᓪᓗᒋᑦ.

ᑮᓇᐅᔭᓕᐊᑦ ᑲᑎᓐᓂᐅᔪᒥᑦ ᐃᑲᔪᖅᑐᑦ ᓄᐊᒪᓐ ᐅᐃᓪᔅ ᖃᑦᑎᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ, ᑮᓇᐅᔭᑦ ᑐᕌᖅᑎᑕᐅᓪᓗᑎᒃ ᐃᑯᐊᓪᓚᑦᑎᑦᓯᑦᑕᐃᓕᒪᓂᕐᒧᑦ, ᖁᖁᐊᕈᑎᓄᑦ ᐊᖏᕐᕋᕆᔭᐅᔪᓂᑦ, ᐊᒻᒪᓗ ᐃᑲᔪᕐᓂᕐᒥᑦ ᐃᓚᒌᖑᔪᓂᑦ ᐃᓪᓗᖏᑦ ᐃᑭᑦᑎᓪᓗᒋᑦ.

ᑲᓇᐃᑎᐊᓐ ᓄᐊᑦ ᐅᐱᒍᓱᓚᐅᖅᑐᑦ ᑐᓂᓯᓂᕐᒥᑦ ᐊᑕᐅᓯᕐᒥᑦ ᐅᑎᐅᑎᓂᑦ ᖃᖓᑦᑕᐅᑎᒥᑦ ᒪᕐᕉᓐᓄᑦ ᓄᐊᒪᓐ ᐅᐃᓪᔅᒥᑦ ᐃᐊᒻᒪᑕᓐᒧᑦ ᓵᓚᖃᖅᑐᒧᑦ ᑕᕝᕙᓂ ᐊᕐᕌᒎᔪᒥᑦ ᓵᓚᑦᓴᕋᓱᐊᖅᑐᓂᑦ. ᓂᐊᖁᒻᒥᐅᑕᐃᑦ ᐃᓕᔭᐅᔭᕆᐊᓖᑦ ᖁᓛᓃᑦᑐᓂᑦ ᒪᑐᐃᖅᑕᖅᑐᓂᑦ.

📸 ᑕᑯᒋᐊᒃᑲᓐᓂᕆᑦ ᖁᕕᐊᓲᑕᐅᓚᐅᖅᑐᒥᑦ ᐅᕙᓂ Norman Wells Historical Society (ᓄᐊᒪᓐ ᐅᐃᓪᔅ ᐊᑐᖅᑕᐅᓂᑰᔪᓂᑦ ᑲᑐᔾᔨᖃᑎᒌᑦ) ᕙᐃᔅᐳᒃᑯᑦ