ᑭᖑᕚᕆᔭᑦ ᖃᖓᑕᓲᕐᒥ ᐊᖁᑎᓄᑦ ᒫᓐᓇ ᓄᓇᒦᑦᑐᑦ, ᐊᒻᒪᓗ ᐃᓕᓐᓂᐊᖅᑐᓂᒃ ᑮᓇᐅᔭᖅᑎᒍᑦ ᐃᑲᔫᓯᐊᖅᑖᖅᑎᑦᑎᓲᖑᕗᒍᑦ ᐃᑲᔪᖅᑕᐅᖁᓪᓗᒋᑦ ᖃᖓᑕᓲᕈᓐᓇᕋᔭᕐᒪᑕ.
ᐃᓄᖕᓄᑦ ᓇᖕᒥᓂᖁᑎᖏᔭᐅᓪᓗᓂ ᑲᑐᔾᔨᖃᑎᒌᖑᔪᖅ, ᑲᓇᐃᑎᐊᓐ ᓄᐊᑦ ᐱᓇᓱᐊᒐᓖᑦ ᐊᑑᑎᖃᑦᑎᐊᖅᑐᒥᒃ ᐱᐅᓯᕚᓪᓕᖅᑎᑦᑎᓗᑎᑦ ᐃᓄᖁᑎᑦᑕ ᐃᓅᓯᖏᖕᓂᒃ, ᖃᖓᑕᓲᖅᐸᑦᑐᖁᑎᕗᑦ ᐊᒻᒪᓗ ᓄᓇᓕᐅᔪᑦ ᐱᔨᑦᑎᖅᐸᑦᑕᕗᑦ. ᐃᓚᒋᐊᕈᑎᒋᔭᐅᓪᓗᓂ ᐃᑲᔪᕐᓂᕆᕙᑦᑕᑦᑎᓐᓄᑦ ᓄᓇᓕᕗᑦ ᐱᕈᖅᐸᓪᓕᐊᖁᓪᓗᒋᑦ, ᑐᓂᓯᖃᑦᑕᕐᓂᑰᕗᒍᑦ 17−ᓂᒃ ᐊᕐᕌᒍᓂᑦ ᐃᓕᓐᓂᐊᖅᑎᓄᑦ ᓄᓇᕗᒻᒥᐅᑕᐅᔪᓄᑦ ᐊᒻᒪᓗ ᓄᓇᑦᓯᐊᕐᒥ.
ᐆᑦᑑᑎᒋᓪᓗᒍ, ᐃᖅᑲᓇᐃᔭᖃᑎᒋᓲᕗᑦ ᐊᓪᓚᐃᑦ ᓱᓇᒃᑯᑖᓕᕆᓂᕐᒧᑦ ᐃᓕᓕᓐᓂᐊᕐᕕᒃ ᐊᒻᒪᓗ ᒪᐅᓐᑦ ᕈᐊᔪᓪ ᓯᓚᑦᑐᖅᓴᕐᕕᕐᔪᐊᖓ ᐃᑲᔪᕈᒪᓪᓗᒋᑦ ᐃᓕᓐᓂᐊᐊᖅᑏᑦ ᑮᓇᐅᔭᓕᐅᖃᓱᐊᓲᕐᓄᑦ ᖃᖓᑕᓲᓕᕆᕙᑦᑐᓂᒃ ᐊᖁᑎᐅᓕᕐᓗᑎᑦ ᓚᐃᓴᓐᓯᑖᕐᓗᑎᑦ. ᓯᒪᑦᑐᖅᓴᕐᕕᒻᒥ ᖃᖓᑕᓲᕐᒥᒃ ᐊᖁᑎᐅᓂᕐᒧᑦ ᐃᓕᓐᓂᐊᕋᒃᓴᖓ ᐊᒡᒐᒃᑯᑦ ᐆᑦᑐᕋᖅᑎᑦᑎᒍᓐᓇᓲᖅ ᐊᖁᑎᐅᓗᑎᑦ ᐱᓕᒻᒪᒃᓴᖅᑎᑕᐅᓲᑦ ᓄᓇᖃᖅᑳᖅᓯᒪᔪᑦ ᓄᓇᖃᖅᑳᖅᓯᒪᙱᑦᑑᒐᓗᐊᓪᓗ ᖃᖓᑕᓲᕐᒥ ᐊᖁᑎᐅᓂᕐᒧᑦ ᓚᐃᓴᓐᓯᑖᕈᒪᔪᑦᐅ ᐅᕝᕙᓘᓐᓃᑦ ᐃᖅᑲᓇᐃᔭᕐᓗᑎᑦ ᖃᖓᑖᓲᓕᕆᕙᑦᑐᓂᒃ. ᐃᓕᓐᓂᐊᕈᑎᒃᓴᑦ ᒪᓕᑦᑐᑦ ᐃᖏᕐᕋᔪᓕᕆᔨᕐᔪᐊᒃᑯᑦ ᑲᓇᑕᒥ ᐊᑐᐊᒐᕋᓛᖏᓐᓂᒃ ᐊᒻᒪᓗ ᒪᓕᑦᑕᐅᔭᕆᐊᓕᓐᓂᒃ ᐊᖁᑎᐅᓗᓂ ᐱᓕᒻᒪᒃᓴᖅᑕᐅᔭᕆᐊᓕᖕᓄᑦ.
ᑕᑎᖃᓲᖑᕗᒍᑦ ᐃᓕᓴᐃᔨᓂᒃ, ᖃᐅᔨᒪᑦᑎᐊᓛᑦ ᐃᓕᓐᓂᐊᖅᑎᖁᑎᒥᓂᒃ, ᓇᓗᓇᐃᖅᓯᓗᑎᑦ ᑕᐃᒃᑯᐊ ᓴᐱᓕᔪᐃᑦᑐᓂᒃ, ᑲᒪᒋᔭᖃᐃᓐᓇᓲᕐᓂᒃ, ᒪᑭᓴᕋᐃᑦᑐᓂᒃ ᐊᒃᓱᕈᖅᑐᒃᑰᓚᐅᕋᓗᐊᖅᑐᓂᒃ ᐊᒻᒪᓗ ᓴᙱᔪᒃᑯᑦ ᓯᕗᓕᖅᑎᐅᔪᓐᓇᓲᕐᓂᒃ, ᐊᒻᒪᓗᑦᑕᐅᖅ ᑮᓇᐅᔭᓂᒃ ᐱᔭᕆᐊᖃᖅᑐᓂᒃ. ᑮᓇᐅᔭᖅᑎᒍᑦ ᐃᑲᔫᓯᐊᖅᑖᖁᔨᓂᖏᑦ ᓴᖅᑮᓯᒪᕗᑦ ᐅᓪᓗᒥᒨᖓᓛᕐᓂᒃ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑐᓄᑦ ᑮᓇᐅᔭᖅᑎᒍᑦ ᐃᑲᔫᑎᓂᑦ ᐅᑯᓄᙵᖅᑐᑎᑦ ᐹᑐᕆᒃ ᑯᕇᕕᐅᕐ, ᑰᓪᑕᓐ ᐅᓚᑉᓴᓐ, ᑖᑦ ᕋᐃᔭᓐ ᐊᒻᒪᓗ ᕋᓱᓪ ᓴᐃᓗᕐ ᓄᓇᖃᖅᓯᒪᔪᑦ ᓱᓇᒃᑯᑖᓕᕆᓂᕐᒧᑦ ᓯᓚᑦᑐᖅᓴᕐᕕᖓ, ᐊᒻᒪᓗ ᕌᕗᑦ ᕙᑐᕆᒃ ᐊᒻᒪᓗ ᓯᑦᓂ ᓂᑰᓪ ᒪᐅᓐᑦ ᕈᐊᔪᓪ ᓯᓚᑦᑐᖅᓴᕐᕕᕐᔪᐊᖓᓂᒃ ᐃᓕᓐᓂᐊᖅᑐᖅ.
ᐅᐱᒋᔭᐃᓐᓇᕆᕙᔅᓯ ᑭᒃᑯᓕᒫᑦ! ᑕᑰᑎᓛᕆᕗᒍᑦ ᖃᖓᑕᓕᕐᒥᒍᑦᑕ!
