ᑲᓇᐃᑎᐊᓐ ᓄᐊᑦ ᐃᑲᔪᖅᑐᐃᔪᑦ Actua ᐃᓕᓐᓂᐊᑎᑦᑎᔨᓂᑦ ᓇᔅᓴᕐᓂᖃᖅᑐᑦ ᐊᓯᔾᔩᓂᖃᖅᑐᓂᑦ STEM ᐊᑐᖅᑕᐅᕙᑦᑐᓂᑦ ᐅᑭᐅᑕᖅᑐᒥ ᒪᒃᑯᑦᑐᓄᑦ
Actua, ᑲᓇᑕᒥ ᓯᕗᓕᖅᑎᐅᔪᑦ ᖃᐅᔨᓴᓂᕐᒧᑦ, ᖃᕋᓴᐅᔭᓕᕆᓂᕐᒧᑦ, ᓴᓇᓯᒪᔪᓕᕆᓂᕐᒧᑦ ᐊᒻᒪ ᓈᓴᐅᓯᕆᓂᐅᔪᓂᑦ (STEM) ᒪᒃᑯᑦᑐᓄᑦ ᐃᑲᔪᖃᑦᑕᖅᑐᑦ ᑲᑐᔾᔨᖃᑎᒌᓂᑦ, ᐃᖅᑲᓇᐃᔭᖅᑎᑦᑎᕙᑦᑐᑦ ᐃᑲᔪᖃᑦᑕᖅᑐᓂᑦ ᐃᓕᓐᓂᐊᑎᑦᑎᔨᓂᑦ ᐊᕐᕌᒍᑕᒫᑦ ᑐᓂᓯᓪᓗᑎ ᑕᕝᕙᓂᑦᑕᐅᑎᒋ ᖃᐅᔨᓴᓂᕐᒧᑦ, ᖃᕋᓴᐅᔭᓕᕆᓂᕐᒧᑦ, ᓴᓇᓯᒪᔪᓕᕆᓂᕐᒧᑦ ᐊᒻᒪ ᓈᓴᐅᓯᕆᓂᐅᔪᓂᑦ ᐃᓕᓐᓂᐊᓂᕐᒧᑦ ᐊᑐᖅᑕᐅᔪᓂᑦ ᒪᒃᑯᑦᑐᓄᑦ ᔫᑳᓐᒥ, ᓄᓇᑦᓯᐊᖅ ᐊᒻᒪ ᓄᓇᕗᑦ. ᑖᓐᓇ “ᒪᒃᑯᑦᓄᑦ ᒪᒃᑯᑦᑐᓃᖔᖅᑐᑦ” ᐊᑐᖅᑕᐅᔪᓐᓇᕐᓂᖓ ᐃᑲᔪᖅᑐᖅ ᐱᕈᖅᑎᑦᑎᓗᑎ ᓇᒻᒥᓂᖅ ᐱᓕᕆᔪᓐᓇᕐᓂᖃᓂᕐᒧᑦ ᑲᑎᑦᑎᑦᑐᒋᑦ ᐱᓕᕆᐊᒧᑦ ᐃᓚᒋᔭᐅᖃᑕᐅᔪᑦ ᐊᑦᑐᐊᓂᖃᕈᓐᓇᖅᑐᓂᑦ ᒪᓕᒐᔅᓴᑦᑎᐊᕙᓂᑦ ᐊᑐᖅᑕᐅᔪᓐᓇᖅᑐᓂᑦ ᓴᖅᑭᑎᑦᑎᔪᑦ ᐊᑦᑕᓇᖏᑦᑐᒥ ᐊᒻᒪ ᐃᓚᒋᓕᐅᔾᔨᔪᓂᑦ ᕿᒥᕐᕈᐊᕐᓗᒋᑦ ᖃᐅᔨᓴᓂᕐᒧᑦ, ᖃᕋᓴᐅᔭᓕᕆᓂᕐᒧᑦ, ᓴᓇᓯᒪᔪᓕᕆᓂᕐᒧᑦ ᐊᒻᒪ ᓈᓴᐅᓯᕆᓂᐅᔪᓂᑦ.
ᐱᓕᕆᐊᑦ ᓴᓇᓯᒪᓂᖃᕐᒥᔪᑦ ᐱᓕᒐᕆᖃᑎᖃᖅᑐᑎᑦ ᑭᒡᒐᖅᑐᐃᔪᓂᑦ ᓄᓇᓕᒻᒥᐅᑕᓂᑦ ᓄᓇᓕᓐᓂᑦ, ᓲᕐᓗ ᓄᓇᖃᖅᑳᖅᓯᒪᔪᑦ ᐃᓐᓇᑐᖃᐃᑦ, ᑕᑯᔅᓴᐅᑎᑦᑎᓗᑎ ᐊᑐᓂ ᓄᓇᓕᒻᒧᑦ ᐊᔾᔨᐅᖏᑦᑐᑦ ᐱᖅᑯᓯᓄᑦ ᖃᐅᔨᒪᔭᐅᔪᓂᑦ ᐊᒻᒪ ᐱᖅᑯᒥᓯᓄᑦ ᐃᓱᒪᒋᔭᐅᔪᓄᑦ.
ᐃᑲᔪᖅᑕᐅᓂᖅ ᑲᓇᐃᑎᐊᓐ ᓄᐊᑦᑯᓐᓂᑦ ᐱᔪᓐᓇᑎᑦᑎᔪᑦ Actua ᐃᓕᓐᓂᐊᑎᑦᑎᔨᖏᓐᓂ ᐊᐅᓪᓚᕐᓗᑎ ᐅᑭᐅᑕᖅᑐᒥ ᓄᓇᓕᓐᓄᑦ ᐊᒻᒪ ᐱᔪᒥᓇᖅᑎᑦᑎᕕᒋᓗᒋᑦ ᒪᒃᑯᑦᑐᑦ STEM ᐃᓕᓐᓂᐊᓂᒃᑯᑦ. ᑕᒪᓐᓇ ᐊᑐᐃᓐᓂᖃᖅᑎᑦᑎᔪᒥᑦ ᐃᖅᑲᓇᐃᔮᖑᔪᖅ ᐃᑲᔪᖅᓱᕈᓐᓇᑎᐊᖅᑕᕗᑦ!
