ᑭᖑᕚᕆᔭᐅᓂᐊᖅᑐᑦ ᖃᖓᑕᓲᓕᕆᕙᑦᑐᑦ ᐊᒻᒪᓗ ᐊᐅᓚᓯᓕᕆᔨᒻᒪᕇᑦ ᐅᐱᓐᓇᒻᒪᕆᑦᑐᑦ, ᑕᐃᒪᐃᒻᒪᑦ ᐅᐱᓐᓇᖅᑎᒐᓱᐊᓚᐅᖅᑐᒍᑦᑕᐅᖅ!
ᐃᓕᓐᓂᐊᖅᑏᑦ ᓕᔅᒐᕐ ᓯᓚᑦᑐᖅᓴᕐᕕᒻᒥ ᐃᓚᒋᔭᐅᓚᐅᖅᑐᑦ ᐃᓕᓐᓂᐊᕐᕕᒃ ᖁᑦᑎᓐᓂᖅᓴᒥᒃ ᖃᐅᔨᓴᕐᓂᕐᒧᑦ ᐊᒻᒪᓗ ᐱᓕᒻᒪᒃᓴᕐᓂᕐᒧᑦ ᖃᖓᑕᓲᓕᕆᓂᕐᒥᒃ, ᐊᐅᓪᓚᖃᑦᑕᕐᓂᕐᒧᑦ ᐊᒻᒪᓗ ᐊᓂᕐᓂᖃᕐᓇᙱᑦᑐᓕᕆᓂᕐᒧᑦ (CARTAMS) ᐃᓕᓐᓂᐊᕋᒃᓴᖓ ᐃᓚᐅᕕᒋᓲᕗᑦ ᖃᐃᓚᐅᖅᑐᑦ ᑲᓇᐃᑎᐊᓐ ᓄᐊᑦ−ᒃᑯᑦ ᖃᖓᑕᓲᖃᕐᕕᖓᓄᑦ ᐋᑐᕚᒥ. ᑐᑭᒧᐊᑦᑎᑦᑎᔨᕗᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᔭᐃᓴᓐ ᕿᓚᕝᕙᖅ, ᕿᒥᕐᕈᓇᒃᑎᓚᐅᖅᑕᖏᑦ ᖃᖓᑕᓲᒃᑯᕕᒻᒥ ᐊᓕᐊᓇᐃᑦᑐᒃᑯᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᖃᖅᑐᓂ ᕿᒥᕐᕈᓚᐅᖅᑐᑎᒍᑦ ᐊᑦᑕᓇᖅᑕᐃᓕᒪᓂᕐᒨᖓᔪᑦ.
ᐃᓕᓐᓂᐊᖅᑏᑦ ᐃᒃᓯᕙᒍᓐᓇᓚᐅᖅᑐᑦ ᖃᖓᑕᓲᕐᒥ ᐊᖁᑎᖃᕐᕕᖓᓂᒃ, ᖃᐅᔨᓴᖅᑐᑎᑦ ᖃᖓᑕᓲᑉ ᐋᖅᑭᒃᓱᖅᓯᒪᓂᖏᓐᓂᒃ ᐃᓗᓕᖏᓐᓂᒃ ᐃᓗᐊᓃᑦᑐᓂᑦ ᐋᖅᑭᒃᓯᕕᐅᓯᒪᙱᑦᑎᓪᓗᒋᑦ ᐊᒻᒪᓗ ᑕᑯᒍᓐᓇᓚᐅᖅᑐᑎᑦ ᑕᒪᐃᓐᓂ ᐃᓗᐊᓃᑦᑐᓂᑦ ᓂᐱᖏᓐᓂᓪᓗ ᖃᖓᑕᓲᖃᕐᕕᑦᑕ. ᖁᔭᓐᓇᒦᒃ ᑲᓇᑕᒥ ᖃᖓᑕᓲᓕᕿᔨᒃᑯᑦ ᐊᒻᒪᓗ ᐊᓂᕐᓂᖃᕐᓇᙱᑦᑐᓕᕆᓂᕐᒧᑦ ᑕᑯᔭᒐᖃᕐᕕᒃ ᐅᐸᓗᖓᐃᔭᐃᔪᓐᓇᓚᐅᕐᒪᑕ ᑕᒪᔅᓱᒥᖓ ᖃᓄᐃᓕᐅᕐᓂᐅᓚᐅᖅᑐᒥᒃ ᐊᒻᒪᓗ ᑕᑯᒃᓴᐅᑎᑦᑎᓂᖃᖅᑐᑎᑦ ᑲᓇᐃᑎᐊᓐ ᓄᐊᑦ−ᒃᑯᓐᓂ ᑖᒃᑯᓄᖓ ᐊᔪᙱᑦᑐᒻᒪᕆᑯᓗᓐᓄᑦᓄ ᐃᓕᓐᓂᐊᖅᑎᓄᑦ! ᐅᑕᖅᑭᒍᓐᓇᙱᑦᑎᐊᒻᒪᕆᑉᐳᒍᑦ ᐃᖅᑲᓇᐃᔭᖅᑎᑖᕆᓛᕐᓂᑦᑎᓐᓂᒃ!
