ᓅᐳ ᐃᓪᓗᖅ ᐃᑭᓐᓂᕆᓚᐅᖅᑕᖓ ᔮᓄᐊᕆ 8−ᒥ ᐃᖃᓗᓐᓂᑦ ᐱᕐᕈᓗᐊᕿᓂᐅᓚᐅᕐᒪᑦ, 30 ᐅᖓᑖᓂᑦ ᐃᓚᒌᖑᔪᑦ ᐃᓪᓗᖃᕈᓐᓃᖅᑐᑎᒃ. ᖁᔭᓕᕗᒍᑦ ᐋᓐᓂᖅᑐᖃᓚᐅᖏᒻᒪᑦ ᐅᕝᕙᓘᓐᓃᑦ ᐃᓅᒍᓐᓃᖅᑐᖃᓚᐅᖏᒻᒪᑦ ᐱᕐᕈᓪᓗᐊᕿᓂᐅᔪᒧᑦ.
ᖁᔭᒋᕙᕗᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪᓗ ᑭᒃᑯᑐᐃᓐᓇᐃᑦ ᐃᑲᔪᕈᓐᓇᓚᐅᕐᓂᖏᓐᓄᑦ ᐃᓄᓐᓂᒃ ᑐᐊᕕᕐᓇᖅᑐᒃᑰᖅᑎᓪᓗᒋᑦ ᐊᒻᒪᓗ ᑭᖑᓂᐊᒍᑦ ᐊᓂᒍᕐᓯᒪᓕᕋᓗᐊᖅᑎᓪᓗᒍ.
ᐊᒥᓱᑲᓪᓚᐃᑦ ᓇᒻᒥᓂᕆᔭᐅᔪᑦ, ᓄᓇᓕᓐᓂ ᓯᕗᓕᖅᑏᑦ, ᐊᒻᒪᓗ ᑲᑐᔾᔨᖃᑎᒌᑦ ᐃᑲᔪᖅᓱᐃᑦᑕᐅᑎᒋᒍᓐᓇᓚᐅᕐᑐᑦ ᐃᓄᓐᓂᒃ ᐅᐱᓐᓇᕋᓂ ᐱᕐᕈᓗᐊᕿᓂᐅᔪᖅ ᐃᓅᓯᕐᒥᒃ ᐊᓯᔾᔩᔪᒻᒪᕆᐊᓘᒻᒪᑦ. ᐅᐱᒍᓱᑉᐳᒍᑦ ᐃᑲᔪᖅᑐᐃᒍᓐᓇᕋᑦᑕ ᑖᒃᑯᓂᖓ ᐊᑦᑐᖅᑕᐅᓯᒪᔪᓂᑦ ᐅᑯᓅᓇ:
- ᖃᖓᑦᑕᐅᑏᑦ ᒥᑭᓪᓕᕚᓪᓕᖅᑎᑕᐅᔪᑦ ᒫᑦᓯ 31, 2025−ᕈᕋᓱᐊᕐᓂᖓᓄᑦ ᐃᖃᓗᓐᓂ ᐋᑐᕚᒧᑦ ᐊᑦᑐᖅᑕᐅᓚᐅᖅᑐᓄᑦ
- ᐊᑭᖃᙱᑦᑐᑦ ᐅᓯᔾᔪᑎᒃᓴᐃᑦ ᓴᓂᕐᕙᒃᑕᐅᔪᑦ ᐃᓄᒻᒧᑦ ᐊᑕᐅᓯᕐᒧᑦ ᐊᐅᓪᓚᖅᑎᑦᑎᒋᐊᖃᖅᐸᑕ ᐃᖃᓗᐃᑦ ᐋᑐᕚ ᐊᑯᓐᓂᖓᓂ ᐅᕝᕙᓘᓐᓃᑦ ᐃᖃᓗᐃᑦ ᐊᒻᒪᓗ ᒪᓐᑐᕆᐊ
ᑲᓇᐃᑎᐊᓐ ᓄᐊᑦᑯᑦ ᐱᔨᖅᑎᕋᖅᑎᖏᑦ ᐅᖄᓚᖃᑦᑕᓚᐅᕐᑐᑦ ᐃᓚᒌᓄᑦ ᐃᑲᔪᖅᑐᐃᒍᒪᓐᓂᖏᓐᓄᑦ ᒥᑦᓵᓄᑦ ᖃᐅᔨᒃᑲᐃᒍᒪᓪᓗᑎᑦ.
ᐃᕝᕕᑦ, ᐅᕝᕙᓘᓐᓃᑦ ᓇᓪᓕᒋᔭᐃᑦ, ᐊᑦᑐᖅᑕᐅᓯᒪᒍᑦᓯ 1088 ᓅᐳ ᐃᓪᓗᖅ ᐃᑭᓐᓂᕆᐅᓚᐅᖅᑕᖓᓄᑦ, ᖃᐅᔨᒃᑲᐃᒋᐊᕆᑦ ᐅᕙᒍᑦ ᐱᔨᖅᑎᕋᖅᕕᖓᓄᑦ ᐅᕗᖓ 1-800-267-1247 ᑐᑭᓯᒋᐊᒃᑲᓂᕐᓗᑎᑦ. ᐊᑲᕐᕉᑎᖃᕈᒪᒍᕕᑦ ᐊᑭᖃᙱᑦᑐᒥᒃ ᐱᖁᑎᓂᒃ ᑐᔪᐃᔾᔪᑎᒃᓴᓄᑦ ᖃᐅᔨᒋᐊᕐᕕᒋᓗᒍ 1-800-267-1247.
