ᐅᑭᐅᖅᑕᖅᑑᑉ 60 ᐅᐊᓐᓇᖓᓂ ᐱᓕᕆᐊᖅ ᐆᒻᒪᑎᒋᔭᐅᕗᖅ ᑲᓇᐃᑎᐊᓐ ᓄᐊᑦᑯᑦ ᐃᖅᑲᓇᐃᔭᖅᑎᖏᓐᓄᑦ.
ᐱᓕᕆᐊᖅ ᐊᐅᓚᑕᐅᔪᖅ ᐃᓄᓐᓄᑦ ᐊᑭᓕᕐᓱᖅᑕᐅᓇᑎ ᐅᑯᑎᒎᓇ ᑲᑐᔾᔨᖃᑎᒌᑦ ᓴᐃᓐᑦ ᕕᓐᓴᓐᑦ ᑎ ᐹᓪ ᐅᐊᓕᓂᕐᒥᑦ, ᖃᖓᑐᐃᓐᓇᑦᑎᐊᒃᑯᑦ ᐊᒻᒪᓗ ᐃᑲᔪᖅᑐᐃᕙᑦᑐᑦ ᐃᓄᓐᓂᒃ ᓄᓇᓕᓐᓂ ᐅᑭᐅᖅᑕᖅᑐᓕᒫᒥ. ᓂᕿᓂᒃ ᑐᓂᐅᖅᑲᐃᓪᓗᑎᒃ, ᐃᓗᒥᐅᑕᓂᒃ ᓱᓇᑐᐃᓐᓇᕐᓂᒃ, ᐊᓪᓕᓂᕐᓂᒃ ᐊᒻᒪᓗ ᐃᓪᓗᒥᐅᑕᓂᒃ, ᐱᔨᖅᑎᕋᕐᓂᐅᔪᒻᒪᕆᒃ ᐊᒻᒪᓗ ᐅᐱᒍᓱᒻᒪᕆᑉᐳᒍᑦ ᐃᓚᒋᔭᐅᒋᒐᑦᑕ.
ᐅᑭᐅᖅᑕᖅᑐᒥᐅᑕᐃᑦ ᓇᓗᓇᐃᖅᑕᐅᔪᓐᓇᖅᐳᑦ ᐃᓄᖁᑎᖏᑦ ᑐᙵᓇᕐᓂᖏᓐᓄᑦ, ᑭᓯᐊᓂᑦᑕᐅᖅ ᐊᒃᑐᖅᑕᐅᓴᕋᐃᒃᑭᓪᓗᓂ ᐊᒃᑐᐃᔾᔪᑕᐅᔪᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᖁᐊᖅᓵᕐᓇᖅᑐᓄᑦ ᐊᒻᒪᓗ ᓄᓇᓖᑦ ᐅᖓᓯᓐᓂᖏᓐᓄᑦ. ᐊᒥᓱᑦ ᓄᓇᓖᑦ ᐃᑲᔪᖅᑕᐅᕙᑦᑐᑦ ᐅᑭᐅᖅᑕᖅᑑᑉ 60 ᐅᐊᓐᓇᖓᓂ ᐱᓕᕆᐊᖓᓄᑦ ᑭᓯᐊᓂ ᖃᖓᑕᓲᒃᑯᑦ ᐅᐸᒐᔅᓴᐅᒻᒪᑕ ᐊᒻᒪᓗ ᐊᑐᕆᐊᒃᑯᑦ ᐅᕝᕙᓘᓐᓃᑦ ᓄᓇᓯᐅᑎᑯᑖᒃᑯᑦ ᐅᐸᒐᔅᓴᐅᓇᑎ. ᖃᖓᑕᓲᓕᕆᓂᖅ ᐱᔨᖅᑎᕋᖅᑎᒻᒪᕆᐅᒻᒪᑦ ᐊᒻᒪᓗ ᐃᓄᓐᓄᑦ ᐃᓅᓯᕆᔭᐅᓪᓗᓂ. ᖃᐅᔨᒪᒐᑦᑕ, ᐅᑭᐅᖅᑕᖅᑑᑉ 60 ᐅᐊᓐᓇᖓᓂ ᐱᓕᕆᐊᖅ ᓯᕗᓪᓕᖅᐸᐅᔾᔨᖃᑦᑕᕐᒪᑦ ᑐᓂᐅᖅᑲᐃᓂᒧᑐᐃᓐᓇᐅᖏᑦᑐᖅ, ᑭᓯᐊᓂ ᐃᓄᐃᑦ ᐊᑭᓕᕐᓱᖅᑕᐅᓇᑎ ᐃᑲᔪᖃᑦᑕᕐᒪᑕ ᓄᓇᓕᓐᓅᖃᑦᑕᖅᑐᑎᒃ ᑲᔪᓯᔪᓐᓇᖁᓪᓗᒍ ᐊᔾᔨᐅᖏᑦᑐᑦ ᐱᔭᐅᔭᕆᐊᖃᖅᑐᑦ ᐃᓄᓐᓅᖓᔪᑦ. ᑐᒃᓯᕋᐅᑕᐅᔪᑦ ᑭᓯᐊᓂ ᓱᓇᑐᐃᓐᓇᐃᑦ ᑐᓂᔭᐅᕙᑦᑐᑦ ᐊᒻᒪᓗ ᐱᔨᖅᑎᕋᕐᓂᖅ ᐊᑐᖅᑕᐅᓂᐊᕐᑐᖅ ᑐᒃᓯᕋᐅᑕᐅᑉᐸᑦ ᑭᓯᐊᓂ. ᑕᕝᕘᓇ ᑲᓇᐃᑎᐊᓐ ᓄᐊᑦᑯᑦ ᐃᑲᔪᖅᑐᐃᓂᖃᖅᐳᑦ.
ᖃᖓᑕᓲᓕᕆᓂᐅᓪᓗᓂ ᐊᔾᔨᐅᖏᑦᑐᒥᒃ, ᐃᓄᐃᑦ ᐃᓅᓯᖏᓐᓂ ᐱᐅᓯᑎᑦᑎᒐᓱᐊᖅᐳᒍᑦ ᓄᓇᓕᓐᓂ ᐱᔨᖅᑎᕋᖅᕕᒋᕙᑦᑕᑎᓐᓄᑦ. ᖃᖓᑕᒍᕕᑦ ᑲᓇᐃᑎᐊᓐ ᓄᐊᑦᑯᓐᓄᑦ, ᐅᑭᐅᖅᑕᖅᑑᑉ 60 ᐅᐊᓐᓇᖓᓂ ᐃᓄᐃᑦ ᐊᑭᓕᕐᓱᖅᑕᐅᓇᑎ ᐱᓕᕆᐊᖃᖅᐸᑦᑐᑦ ᓄᓇᓕᓐᓂ ᐅᐸᔅᓯᒍᓐᓇᖅᑐᑦ ᐃᓄᓐᓂᒃ ᑕᑯᒋᐊᖅᑐᕐᓗᑎ, ᐃᓚᒋᔭᐅᓪᓗᑎ ᐃᓐᓇᑐᖃᐃᑦ ᐊᒻᒪᓗ ᑕᐃᒃᑯᐊᓗ ᐃᓄᓐᓅᖓᔪᑦ ᐅᕝᕙᓘᓐᓃᑦ ᑮᓇᐅᔭᑎᒍᑦ ᐃᑲᔪᖅᑕᐅᔭᕆᐊᓖᑦ, ᐊᑐᓂ ᑲᒪᒋᔭᐅᓂᐊᕐᓗᑎᒃ ᐊᒻᒪᓗ ᐃᑉᐱᒍᓱᓐᓂᖃᖅᑐᒥᒃ. ᐃᓄᐃᑦ ᐊᑭᓕᕐᓱᖅᑕᐅᓇᑎ ᐱᓕᕆᐊᖃᖅᐸᑦᑐᑦ ᖃᐅᔨᒪᔪᑦ ᓇᒻᒥᓂᖅ ᓄᓇᓕᓐᓂ ᐱᔭᐅᔭᕆᐊᖃᖅᑐᓂᒃ ᑲᔪᓯᑎᑦᑎᒋᐊᖃᕐᓂᖏᓐᓄᑦ ᐃᒪᓐᓇ ᐊᓯᔾᔨᖅᑕᐅᔪᓐᓇᖏᓪᓗᓂ. ᐊᑕᐅᓯᖅ ᐳᓛᕆᐊᕐᓂᖅ, ᐊᑕᐅᓯᖅ ᐅᐸᑦᑕᖅ, ᐊᓯᔾᔩᒍᓐᓇᖅᑐᖅ ᒥᑭᓪᓕᒋᐊᖅᑎᑦᑎᓂᕐᒥᒃ ᐱᐅᖏᑦᑐᓂᒃ ᐊᒃᑐᐃᓂᐅᔪᓂᒃ ᐅᖓᓯᓐᓂᖏᑕ ᓄᓇᓖᑦ ᐊᒻᒪᓗ ᑲᑎᑎᑦᑎᒐᓱᐊᖅᑐᑦ ᑕᕝᕘᓇ ᐊᑭᓕᖅᓱᖅᑕᐅᓇᑎᒃ ᐱᔨᖅᑎᕋᕐᓂᒃᑯᑦ ᐱᓕᕆᐊᖅ.
ᑲᓇᐃᑎᐊᓐ ᓄᐊᑦᑯᑦ ᐅᐱᒍᓱᑉᐳᑦ ᑎᑎᕋᖅᑕᐅᓯᒪᖃᑕᐅᓂᖏᑕ ᐊᒥᓱᒻᒪᕇᑦ ᑯᐊᐳᕇᓴᐃᑦ ᐊᔪᕐᓇᙱᑎᑦᑎᓂᖏᓐᓄᑦ ᐊᒻᒪᓗ ᐃᓚᐅᖏᓐᓇᕐᓂᐊᕐᓂᖏᑕ ᐅᑭᐅᖅᑕᖅᑑᑉ 60 ᐅᐊᓐᓇᖓᓂ ᐱᓕᕆᐊᖓᓄᑦ.
ᐅᖃᓕᒫᕈᓐᓇᖅᑕᐃᑦ ᐱᔾᔪᑎᖃᓗᐊᕐᑐᖅ ᐅᑭᐅᖅᑕᖅᑑᑉ 60 ᐅᐊᓐᓇᖓᓂ ᐅᑭᐅᖅᑕᖅᑑᑉ 60 ᐅᐊᓐᓇᖓᓂ – ᑲᑐᔾᔨᖃᑎᒌᑦ ᓴᐃᓐᑦ ᕕᓐᓴᓐᑦ ᑎ ᐹᓪ – ᑲᓇᑕᒥ ᑲᑎᒪᔩᑦ
