ᑲᓇᐃᑎᐊᓐ ᓄᐊᑦᑯᑦ ᐱᓕᕆᖃᑎᖃᖅᐸᑦᑐᑦ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᒃᑯᖏᓐᓂ ᐊᖏᓪᓕᒋᐊᖅᑕᐅᓂᖓᑕ ᐊᑐᐃᓐᓇᐅᑎᑕᐅᔪᖅ ᐃᓅᓱᑦᑐᓄᑦ ᕼᐋᑭᓐᓂᖅ
ᐃᓅᓱᑦᑐᐃᑦ ᐃᖃᓗᓐᓂ ᐊᔪᕈᓐᓃᖅᓴᖅᐸᓪᓕᐊᖃᑦᑕᕐᒪᑕ ᓯᑯᒥ ᖁᔭᓕᕕᒋᕙᕗᑦ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᑦ – ᐊᒻᒪᓗ ᐅᐱᒍᓱᒃᐳᒍᑦ ᐱᓕᕆᖃᑕᐅᔪᓐᓇᓂᕆᔭᑦᑎᓐᓂ ᐱᓕᕆᐊᖏᓐᓂᒃ.
ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᑦ, ᑮᓇᐅᔭᓕᐅᕋᓱᑦᑎᐅᓇᑎ ᑲᑐᔾᔨᖃᑎᒌᖑᔪᑦ ᐃᑲᔪᖅᑐᐃᓪᓗᑎᒃ ᓄᑲᖅᑎᐅᓂᕐᓴᓂᒃ ᕼᐋᑭᖅᑎᓂᒃ ᐃᖃᓗᓐᓂ, 250−ᕈᔪᐃᑦ ᐱᙳᐊᖃᑦᑕᕐᑐᑦ ᐊᕐᕌᒍᖃᖅᑐᓂᒃ 6−ᒥ 17−ᒧᑦ.
ᑭᒃᑯᑐᐃᓐᓇᐃᑦ ᕿᑐᕐᖓᖃᖅᑐᑦ ᕼᐋᑭᖃᑦᑕᖅᑐᓂᒃ, ᐊᑭᖏ ᕼᐋᑭᒧᑦ ᐊᐳᒃᑕᕈᑕᐅᖃᑦᑕᕐᒪᑕ. ᐃᓛᒃ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᑦ ᐊᑭᖏᑦ ᐃᓗᓕᖃᖅᑐᑦ ᐱᔭᕆᐊᖃᓪᓚᕆᑦᑐᓂᒃ ᓲᕐᓗ ᒎᓕᐅᑉ ᐱᖁᑎᖏᑦ, ᐊᓐᓄᕌᓂᒃ ᐊᔪᕈᓐᓃᖅᓴᕈᑎᓂᒃ, ᐊᓐᓄᕌᓂᒃ, ᓯᑯᓄᑦ ᐊᑭᓕᒃᑲᓐᓂᕆᐊᓕᓐᓂᒃ, ᓇᓪᓕᐅᒃᑯᒫᓂᒃ ᐊᒻᒪᓗ ᐊᓯᖏᓐᓂᑦ ᐊᓪᓚᕝᕕᓕᕆᔾᔪᑎᓄᑦ ᐊᑭᓕᖅᓱᕆᐊᓖᑦ, ᐱᙳᐊᕕᔾᔪᐊᓂᐅᔪᑦ ᐃᓚᓕᐅᔾᔨᑲᓐᓂᓲᖑᒻᒪᑦ ᐊᑭᒋᑎᑕᐅᒃᑲᓐᓂᖅᑐᓂᒃ.
ᑕᒫᓂ ᐊᕐᕌᒍᒥᒃ, ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᑦ ᓴᖅᑮᓚᐅᕐᑐᑦ “ᑮᓇᐅᔭᑎᒍᑦ ᐊᐳᖅᑕᕈᑎᖃᖅᑕᖏᑦᑐᒥᒃ ᕼᐋᑭᕐᓇᒥᒃ.” ᐅᓇ ᐃᓚᐅᑎᑦᑎᒋᐊᒃᑲᓐᓂᕋᓱᐊᕐᑐᖅ ᐱᙳᐊᖅᑎᓂᒃ ᐃᓚᐅᔪᓐᓇᖁᓪᓗᒋᑦ ᐱᙳᐊᕕᔾᔪᐊᓂᐅᔪᓂᒃ ᑕᒫᓂ ᓄᓇᓕᑦᑎᓐᓂ ᐅᐊᓐᓇᒥ.
ᑎᒥᐅᔪᒧᑦ ᐱᓕᕆᖃᑎᒌᑦ ᓲᕐᓗ ᑲᓇᐃᑎᐊᓐ ᓄᐊᑦᑯᑦ ᐃᑲᔪᖅᑐᐃᖃᑦᑕᕐᑐᑦ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᒃᑯᖏᓐᓂ ᒥᑭᓪᓕᒋᐊᖅᑎᑦᑎᒐᓱᐊᖅᑐᑎᒃ ᑮᓇᐅᔭᑎᒍᑦ ᐊᐳᖅᑕᕈᑕᐅᔪᓂᒃ ᐱᙳᐊᖅᑎᖏᓐᓄᑦ. ᐊᑐᕐᐸᑦᑕᕗᑦ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᒃᑯᑦ ᑕᐅᑐᒐᖓ ᕼᐋᑭᕐᓂᖅ ᐊᑐᖅᑕᐅᓂᖅᓴᐅᖁᓪᓗᒍ ᐃᓅᓱᑦᑐᓄᑦ ᐃᖃᓗᓐᓂ ᑕᒪᓐᓇ ᐃᓚᒋᔭᐅᑎᑕᐅᓪᓗᓂ ᐱᔭᒃᓴᕆᔭᑦᑎᓐᓄᑦ ᐃᓅᓯᕗᑦ ᐱᐅᓂᖅᓴᐅᖁᓪᓗᒍ ᓄᓇᓕᓐᓂ ᐱᔨᑦᑎᕋᖃᑦᑕᖅᑕᑦᑎᓐᓄᑦ. ᑲᓇᐃᑎᐊᓐ ᓄᐊᑦᑯᑦ ᐃᑲᔪᖅᑐᐃᓯᒪᓕᖅᑐᑦ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᒃᑯᖏᓐᓂ ᐊᕐᕌᒍ ᑕᓪᓕᒪᑦ ᐅᖓᑖᓄᑦ, ᐱᔨᖅᑎᕋᖅᑎᐅᓪᓗᑎ ᖃᖓᑕᓲᓕᕆᓂᒃᑯᑦ. ᐱᓕᕆᖃᑎᒋᓂᕆᔭᕗᑦ ᐱᓕᕆᖃᑦᑕᑐᒻᒪᕆᐅᔪᑦ ᐱᙳᐊᖅᑎᑦ ᐊᐅᓪᓚᕆᐊᖃᖅᑎᓪᓗᒋᑦ, ᐱᓗᐊᖅᑐᒥᒃ ᐱᙳᐊᕕᔾᔪᐊᕐᓂᐅᔪᒥᒃ.
ᑐᑭᓯᒋᐊᒃᑲᓐᓂᕆᑦ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᑦ ᒥᑦᓵᓄᑦ
