ᐃᓅᓯᒃ ᓯᕿᓂᖅ ᐅᑎᕐᓂᖓᓄᑦ ᓇᓪᓕᐅᓂᖅᓯᐅᓚᐅᖅᑐᑦ ᔮᓐᓄᐊᕆ 10-12-ᖑᑎᓪᓗᒍ, ᑐᙵᓱᐊᑎᑦᑎᓪᓗᑎᑦ ᐊᒻᒪᓗ ᓇᓪᓕᐅᓂᖅᓯᐅᖅᑐᑎᑦ ᓯᕗᓪᓕᖅᐹᖅ ᓯᕿᓂᖅ ᐅᑎᖅᑎᓪᓗᒍ ᖃᐅᒪᑎᑦᑎᓂᖓᓂᒃ 30 ᐅᓪᓗᐃᑦ ᑖᕕᒡᔪᐊᓚᐅᖅᑎᓪᓗᒍ ᑕᒫᓂ ᐊᕕᑦᑐᖅᓯᒪᔪᒥ.
ᑲᓇᐃᑎᐊᓐ ᓄᐊᑦ ᐃᓕᓴᕆᔭᐅᓯᒪᓪᓗᓂ ᖃᖓᑕᓲᓕᕆᔨᐅᔪᑦ ᐱᖓᓱᓄᑦ ᐅᓪᓗᓄᑦ ᓇᓪᓕᐅᓂᖅᓯᐅᖅᑐᖃᖅᑎᓪᓗᒍ ᐃᑲᔫᑎᓖᑦ ᐊᒻᒪᓗ ᐱᔾᔪᓯᐊᖅᑎᑦᑎᓚᐅᖅᑐᑦ ᓇᓪᓕᐅᓂᖅᓯᐅᕆᐊᖃᑕᐅᔪᒥᒃ.
ᓇᓪᓕᐅᓂᖅᓯᐅᕐᓂᖃᓚᐅᕐᒪᑕ ᓄᓇᓕᓐᓂ ᐃᓕᖅᑯᓯᖓᓂᒃ ᐊᑐᖅᖢᑎᑦ, ᓂᕿᖏᓪᓗ, ᒧᒥᖅᐸᑦᑐᑎᓪᓗ, ᓂᔾᔭᐅᓯᔭᖅᑐᑎᑦ, ᓴᓇᙳᐊᒐᕐᓂᒃ ᓂᐅᕕᐊᒃᓴᖃᖅᑐᑎᑦ, ᐃᓕᖅᑯᓯᕐᒨᖓᔪᓂᒃ ᐃᓕᓐᓂᐊᖅᑎᑦᑎᓪᓗᑎᑦ, ᐊᐳᑎᒥᒃ ᐊᑐᖅᖢᑎᑦ ᓂᓚᒻᒥᓪᓗ ᓴᓇᙳᐊᖅᖢᑎᑦ, ᐊᒻᒪᓗ ᐊᖏᔪᐊᓗᓐᓂᒃ ᖁᒻᒧᐊᑦᑎᑕᐅᓲᕐᓂᒃ ᖃᐅᒻᒪᓲᖁᑎᖃᖅᑐᑎᑦ ᓯᕙᑖᕐᕕᑉ ᐅᓐᓄᖓᓂ.
ᑕᑯᓂᐊᕐᓗᒍᑦ ᐅᑯᐊ ᖁᕕᐊᓱᑦᑐᑯᓗᐃᑦ ᑮᓇᖏᑦ!
ᐅᐱᒋᕙᕗᑦ ᐃᐊᓪ ᐊᑦᔪ! ᐃᐊᓕ ᓵᓚᒃᓴᓚᐅᖅᑐᖅ ᐱᔾᔪᓯᐊᖅᑐᓂ ᐅᑎᐅᑎᖐᓐᓂᒃ ᖃᖓᑦᑕᐅᑏᓐᓂᒃ ᐃᓅᕕᒻᒥ ᐃᐊᑦᒪᓐᑕᓐ−ᒧᑦ.
ᑲᓇᐃᑎᐊ ᓄᐊᑦ ᐅᐱᒍᓱᑉᐳᖅ ᐃᑲᔪᖅᑎᐅᔪᓐᓇᕐᓂᖓᓂᒃ ᑕᒪᔅᓱᒥᖓ ᓇᓪᓕᐅᓂᖅᓯᐅᕐᓂᕐᒥᒃ ᐃᑲᔪᓲᑦ ᓄᓇᓕᒻᒥ ᐱᐅᔪᒃᑯᑦ, ᐃᓕᖅᑯᓯᖓᓅᖓᓂᖃᑦᑎᐊᖅᑐᒥᒃ ᓇᓪᓕᐅᓂᖅᓯᐅᕐᓂᒃᑯᑦ ᐱᖅᑯᓯᑐᖃᐅᔪᓂᓪᓗ ᖁᕕᐊᓲᑎᖃᖅᑐᑎᑦ. ᐃᓅᓯᕆᔭᐅᔪᓂᑦ ᐱᐅᓯᑎᑦᑎᒍᓯᕆᓲᕗᑦ ᓄᓇᓕᓐᓂ ᐱᔨᑦᑎᖅᐸᑦᑕᑦᑎᓐᓂ.