ᓵᓐᑕ ᐃᑲᔪᑦᑎᖃᒻᒪᑦ ᓄᓇᕐᔪᐋᓕᒫᒥ, ᐊᒻᒪᓗ ᐊᒥᓱᐋᓗᐃᑦ ᑕᐅᑦᑐᖃᒃᑐᑎᒃ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᑦᑎᖏᑎᑐᑦ.
ᑕᒪᒃᑯᐊ ᐃᓄᒐᕈᓪᓕᒐᐃᑦ ᐃᓕᓴᓐᓇᕈᓐᓃᔅᓯᒪᔪᑦ ᐊᐅᓚᑦᑎᔨᐅᒻᒪᑕ ᐊᐅᓚᑕᐅᕙᑦᑐᓂᒃ ᐊᕐᕌᒍᑕᒪᑦ ᐱᙳᐊᓄᑦ ᐊᐅᓚᑕᐅᔪᓂᒃ, ᑎᑭᑎᑕᐅᓪᓗᑎᒃ ᖁᕕᐊᓱᕕᐅᑎᓪᓗᒍ ᖁᕕᐊᓱᓐᓂᕆᔭᐅᔪᑦ ᓱᕈᓯᓐᓄᑦ ᓄᓇᓕᒥᐅᑕᐅᔪᓄᑦ ᐱᔨᑦᓯᐸᑦᑕᑦᑎᓐᓄᑦ. ᑕᒪᒃᑯᐊ ᓄᓇᓖᑦ ᖃᔅᓰᓐᓇᕈᓗᓐᓂᒃ ᓂᐅᕕᕕᖃᓲᖑᒻᒪᑕ ᐊᒻᒪᓗ ᑭᒡᓕᓕᓯᒪᓪᓗᑎᒃ ᓂᕈᐊᕕᐅᒍᓐᓇᓂᖏᑦ ᐱᙳᐊᓂᒃ, ᓂᐅᕕᐊᕆᔭᐅᔪᐃᓐᓈᐅᒌᓱᖑᓪᓗᑎᓪᓗ ᕿᒪᒥᐊᓗᒃ ᐱᔭᐅᒍᒪᓂᖏᑦ.
ᐱᙳᐊᓄᑦ ᐊᐅᓚᑕᐅᔪᑦ ᐱᒋᐊᓚᐅᔅᓯᒪᒻᒪᑕ ᑭᖑᓂᖓᒍᑦ ᑲᓇᐃᑎᐊᓐ ᓄᐊᑦ ᐊᖓᔪᖄᖓ ᐊᒻᒪᓗ ᐊᖓᔪᖅᑳᒃ ᐊᖓᔪᖃᐅᑎᓂ ᐊᐅᓚᑦᑎᔨ (CEO), ᓯᐊᓕ ᑎ ᑲᕆᐊ, ᐅᑎᓚᐅᑦᑎᓪᓗᒍ ᐃᕐᓂᔭᑦᑐᑯᓯᒪᓂᖓᓂᒃ ᐊᐅᓪᓚᓪᓗᓂ ᓄᕕᐱᕆ 2015−ᒥ.
ᐃᖅᑲᓇᐃᔭᑦᑎᑦ ᐱᓕᕆᐊᖃᕈᒪᓕᓚᐅᒻᒪᑕ ᑕᒪᑐᒥᖓ.
ᐸᕐᓇᔅᓯᓂᖅ ᐱᒋᐊᑦᑎᑕᐅᓲᖑᓕᑦᑐᓂᒃ ᓯᑎᐱᕆᐅᓕᑐᐋᕋᖓᑦ. ᓂᐅᕕᐋᓴᖃᓐᓂᒻᒧᑦ, ᓄᓇᓕᒻᒥ ᐊᑐᕈᒫᓂᐅᑦᑐᓕᐅᓂᒻᒧᑦ ᐊᒻᒪᓗ ᐸᕐᓇᓂᒻᒧᑦ ᐱᓕᕆᖃᑎᒌᑦᑐᑦ ᓂᕈᐊᓲᖑᒻᒪᑕ ᓇᒧᖓᓂᐊᒻᒪᖔᑦ ᓴᓐᑕ ᐅᐸᒍᑎᓂᐊᓪᓗᓂ ᐊᒻᒪᓗ ᖃᐅᔨᓴᓪᓗᓂᒋᑦ ᐱᙳᐊᓂᒃ ᐱᔭᐅᒋᐋᓕᓐᓂᒃ ᑐᙵᕕᒋᓗᒋᑦ ᓱᕈᓰᑦ ᐅᑭᐅᖃᓐᓂᖏᑦ ᒪᓕᓪᓗᒋᑦ ᐊᒻᒪᓗ ᑭᓱᑦ ᐱᔭᐅᒍᒪᓂᑉᐹᖑᒻᒪᖔᑕ ᑕᒪᑐᒪᓂ ᐊᕐᕌᒍᒥ. ᑕᒫᓂ ᐊᕐᕌᒍᒥᒃ, ᐱᖓᓱᓂᒃ ᓄᓇᓕᓐᓂᑦ ᓂᕈᐊᓚᐅᖅᑐᒍᑦ ᐱᓕᕆᖃᑎᒌᑦᑐᑎᒍᑦ: ᐃᖃᓗᑦᑑᑦᑎᐊᖅ, ᐊᐅᓱᐃᑦᑐᖅ ᐊᒻᒪᓗ ᖃᐅᓱᐃᑦᑐᖅ.
ᑮᓇᐅᔭᓂᒃ ᓄᐋᓴᐅᓂᖅ ᐱᒋᐊᓚᐅᔅᓯᒪᒻᒪᑦ ᐅᑐᐱᕆᒥ, ᑕᐃᔭᐅᓪᓗᓂ “30−ᓂᒃ ᐅᓪᓗᓂ ᑕᑕᕋᓱᐋᓚᐅᓪᓚᕗᑦ ᖃᒧᑎᕗᑦ,” ᐃᓱᒫᓗᑦᑎᑦᑎᒐᑎᒃ ᐃᑲᔪᑦᑕᐅᓪᓗᑎᒃ ᐃᖅᑲᓇᐃᔭᑦᑏᑦ ᐃᓚᖏᓐᓄᑦ ᐊᒻᒪᓗ ᐱᖃᓐᓇᕆᔭᖏᓐᓄᑦ − ᐊᒻᒪᓗ ᑮᓇᐅᔭᖅ $5,000−ᓄᑦ Canada Goose. ᐱᓕᕆᒍᒪᓯᒪᔪᑦ ᑕᐃᑯᙵᓪᓗᑎᒃ ᑎᒍᓯᒋᐊᑦᑐᓲᖑᒻᒪᑕ ᐱᙳᐊᓂᒃ ᑕᐃᑲᙵᑦ Mastermind Toys, ᑖᒃᑯᐊᓗ ᐱᔭᐅᑎᑦᑎᓲᖑᓪᓗᑎᒃ ᓈᒪᓕᑦᑎᑦᑎᒍᑎᓂᒃ ᖁᕕᐊᓲᑎᓂᒃ ᐃᒻᒧᓯᔅᓱᐃᓪᓗᑎᒃ.
ᐱᓕᕆᖃᑎᒌᓐᓂᖅ ᑕᕝᕗᖓ ᓄᖅᑲᖏᒻᒪᑦ. ᐱᖃᓐᓇᕆᔭᕗᑦ CargoJet ᐃᓱᒫᓗᑦᑎᑦᑎᒐᑎᒃ ᐅᓯᓚᐅᒻᒪᑕ ᐱᙳᐊᓂᒃ ᐅᕙᒍᑦ ᐃᐊᒻᒪᑕᒦᑦᑐᒧᑦ ᐅᓯᔭᐅᓂᐊᑦᑐᕕᖓᓄᑦ ᑐᓂᐅᖅᑲᑕᐅᒍᓐᓇᔅᓯᖁᓪᓗᒋ. ᐱᓕᕆᖃᑎᒌᑦᑐᖁᑎᕗᑦ ᐱᓕᕆᖃᑎᖃᓲᖑᒻᒪᑕ ᓄᓇᓕᓐᓂᒃ ᐸᕐᓇᑦᑎᓪᓗᒋᑦ ᖃᓄᐃᓘᕈᑎᒋᔭᐅᓂᐊᑦᑐᓂᒃ ᑐᓂᐅᖅᑲᐃᓂᐊᑦᑎᓪᓗᒋᑦ ᐱᙳᐊᓂᒃ, ᓲᕐᓗ ᑭᙵᕐᓂ ᐊᒻᒪᓗ ᐃᓄᕕᒻᒥ 2023−ᒥ.
ᐆᒻᒪᑎᒃᑯᑦ ᐃᑉᐱᒋᓪᓗᒍ ᓇᑯᒻᒦᓗᒋᑦ ᐃᖅᑲᓇᐃᔭᑦᑎᕗᑦ, Canada Goose, CargoJet ᐊᒻᒪᓗ Mastermind Toys, ᑖᒃᑯᐊᓗ ᑲᑎᖃᑦᑕᐃᓐᓇᓲᖑᓪᓗᑎᒃ ᐊᕐᕌᒍᓂ ᑭᖑᓕᕇᒃᑐᓂ ᐃᑲᔪᕈᒪᓪᓗᑎᒃ ᑖᒃᑯᓂᖓ ᐱᒋᐊᖅᑎᑦᑎᓪᓗᒋᑦ.
