ᒪᕐᕉᒃ ᑲᓇᑕ ᓂᕐᓕᒃᑯᑦ ᓴᓇᓯᒪᔪᓕᐅᖅᑏᒃ ᐱᓕᕆᐊᓕᕆᔪᑦ ᑐᓂᓯᑐᐃᓐᓇᖅᓯᒪᔪᑦ ᖃᓂᒋᔭᐸᓗᐊᓂ 35,000 ᑭᓗᒍᕌᒻ ᐅᑭᐅᑕᖅᑐᒥ ᓴᓇᓯᒪᔪᑦ ᖃᓪᓗᓈᖅᑕᖏᑦ ᐅᑭᐅᑕᖅᑐᒥ. ᓈᒻᒪᑦᑐᑦ ᒥᖅᓗᓂ 17,500 ᐊᑎᒋᓂᑦ!
ᓴᖅᑭᕈᓐᓇᓚᐅᖅᑐᑦ ᒦᑲ ᐊᑕᒍᑦᑕᖅ ᐊᒻᒪ ᐅᓖᐱᑲ ᕿᓕᖅᑎ ᐅᐸᔅᓯᓚᐅᖅᑎᓪᓗᒋᑦ ᑲᓇᑕ ᓂᕐᓕᒃᑯᑦ ᑭᓱᖃᐅᑎᖃᕐᕕᖓᓂ 2007−ᒥᑦ. ᖃᐅᔨᓚᐅᖅᑐᑦ ᐃᓚᖏᑦ ᐃᒋᑕᐅᔪᑦ ᖃᓪᓗᓈᖅᑕᐃᑦ ᐊᒥᐊᒃᑯᖏᑦ ᓴᓇᔭᐅᔪᓂᑦ ᐊᒻᒪ ᐊᐱᕆᓪᓗᑎ ᐊᖏᕋᐅᔾᔨᒍᓐᓇᕐᒪᖔᑕ ᒥᑦᑎᒪᑕᓕᒻᒧᑦᑦ ᐊᑎᒋᓕᐅᓂᐊᕐᓗᑎ ᐱᖃᓐᓇᖏᓐᓄᑦ ᐊᒻᒪ ᐃᓚᖏᓐᓄᑦ.
ᑭᐅᔭᐅᑐᐃᓐᒻᓇᓚᐅᖏᑦᑐᑦ “ᐄ,” ᑭᓯᐊᓂ ᐱᓕᕆᐊᓪᓚᑦᑖᖑᓕᓚᐅᖅᑐᖅ. ᐅᕙᓐᖓᓂᑦ 2009, ᑲᓇᑕ ᓂᕐᓕᒃᑯᑦ ᑐᓂᓯᑐᐃᓐᓇᖃᑦᑕᖅᓯᒪᔪᑦ ᐃᓯᕆᐅᑎᓂᑦ, ᓯᖀᓂᑦ, ᐃᓗᐊᓂ ᑭᓱᖏᓐᓂ ᐊᒻᒪᓗᑦᑕᐅᖅ ᖃᓪᓗᓈᖅᑕᓂᑦ 12−ᓄᑦ ᓄᓇᓕᓐᓄᑦ ᐅᑭᐅᑕᖅᑐᓕᒫᒥ ᑲᓇᑕᒥ.
ᓄᓇᖃᖅᑳᖅᓯᒪᔪᓂᑦ ᒥᖅᓱᖅᑎᓂᑦ ᐱᔪᓐᓇᑎᑦᑎᔪᑦ ᖃᓪᓗᓈᖅᑕᓂᑦ ᐊᒻᒪ ᓱᓇᒃᑯᑖᓂᑦ ᐃᑲᔪᖅᓯᓈᖅᑐᑎ ᑲᓇᑕ ᓂᕐᓕᒃᑯᓐᓂ ᑲᒪᒋᔭᖃᑦᑎᐊᓂᕐᒥᑦ “ᐊᑐᒃᑲᓂᖅᑕᐅᔪᑦ” ᐊᒥᐊᒃᑯᖏᓐᓂ ᓱᓇᒃᑯᑖᓂᑦ.
ᐃᓄᓐᓄᑦ ᓇᒻᒥᓂᕆᔭᐅᓪᓗᓂ ᑎᒥᐅᔪᖅ ᖃᖓᑕᖃᑦᑕᖅᑐᑦ ᑐᕌᖅᑕᐅᔪᓄᑦ ᐅᖓᓯᑦᑐᒦᑦᑐᓂ ᓄᓇᓕᓐᓂ, ᑲᓇᐃᑎᐊᓐ ᓄᐊᑦ ᐅᐱᒍᓱᑦᑐᑦ ᐃᑲᔪᕐᓗᒍ ᐱᓕᕆᐊᖅ. ᐃᑲᔪᑐᐃᓐᓇᖃᑦᑕᖅᑐᑦ ᐋᖅᑭᔅᓱᐃᓪᓗᑎ ᐊᒻᒪ ᐊᒡᒍᐃᓪᓗᑎ ᖃᓪᓗᓈᖅᑕᓂᑦ ᐊᑎᒋᒧᑦ ᓈᒻᒪᑦᑐᓂᑦ ᑕᑯᓂᖏᑦ, ᖃᖓᑕᑎᑉᐸᑦᑕᕗᑦ ᑲᑎᓐᖓᔪᓂᑦ ᓄᓇᓕᓐᓄᑦ ᐊᑭᖃᕐᓇᑎ.
ᐱᖓᓱᑦ-ᔮᑦ ᑕᑭᓂᖏᑦ ᐅᑭᐅᑕᖅᑐᒥ ᓴᓇᔭᐅᓯᒪᔪᑦ ᓈᒻᒪᓐᓂᖃᖅᑐᑦ ᐊᑎᒋᒋᓕᐅᕐᓗᑎ ᖃᓄᐃᑦᑐᑐᐃᓐᓇᕐᓂ ᐊᖏᓂᖏᓐᓂ.
ᐃᖅᑲᓇᐃᔭᖅᑎᕗᑦ ᐃᑲᔪᑐᐃᓐᓇᖃᑦᑕᕐᒥᔪᑦ ᑐᓂᓯᑐᐃᓐᓇᓂᕐᒧᑦ ᖃᓄᐃᓘᖅᑕᐅᔪᓂᑦ ᑲᓇᑕ ᓂᕐᓕᒃᑯᓐᓄ, ᒪᑐᐃᖅᐸᑦᑕᑎᓐᓄᑦ ᒪᑐᐃᑦ ᓄᓇᓕᒻᒧᑦ.
ᐅᕙᓐᖓᓂᑦ 2019, ᐅᐱᒍᓱᑦᑐᑕ ᐱᓕᕆᖃᑎᖃᖅᑐᒍᑦ, ᐱᓕᕆᑎᑦᑎᖃᑎᒌᑦᑐᑕ ᑲᓇᑕᓕᒫᒥᑦ. ᒫᓐᓇᕋᑖᖑᓛᖑᓯᒪᔪᒥᑦ, ᑐᓂᓯᓚᐅᖅᑐᒍᑦ 4,500 ᑭᓗᒍᕌᒻ ᓱᓇᒃᑯᑖᓂ ᑲᖏᕐᖠᓂᕐᒧᑦ ᔪᓚᐃᒥ ᐊᒻᒪᓗᒃᑲᓐᓂᖅ 5,500 ᑭᓗᕈᕌᒻ ᐃᖃᓗᓐᓄᑦ ᓄᕕᐱᕆᒥ.
ᑕᑯᔪᒪᓛᖅᑐᒍᑦ ᑭᖑᓪᓕᕐᒥ ᑐᓂᔭᐅᑐᐃᓐᓇᓛᖅᑐᓂᑦ – ᑕᑯᓛᖅᑯᒍᑦ ᑕᐃᑲᓂ!
ᐊᐃᕗᕆ ᖁᕕᐊᓱᑦᑐᖅ ᐃᓗᓪᓕᕈᓐᓇᓚᐅᕐᖓᒋᑦ ᒪᕐᕉᑦ ᐊᑐᒃᑲᓐᓂᕋᔅᓴᐅᔪᑦ ᐴᖏᒃ ᑲᓇᑕ ᓂᕐᓕᒃᑯᓐᓄᑦ ᑐᓂᔭᐅᑐᐃᓐᓇᖅᑐᑦ.
ᑭᑎ ᒪᓕᑦᑐᖅ ᕿᓂᖅᑐᑎᑦ ᐅᖅᑰᔪᓂ ᖃᓪᓗᓈᖅᑕᓂᑦ. ᐃᒻᒪᖃ ᓄᑖᕈᓐᓂᐊᖅᑐᖅ ᐊᑎᒋᓗᓂᐅᒃ!
ᐊᑕᐅᓯᖅ ᑭᑉᐹᕆᑦᑐᖅ ᔮᑦ ᐅᑭᐅᑕᖅᑐᒥ ᓴᓇᔭᐅᓯᒪᔪᑦ ᖃᓪᓗᓈᖅᑕᐃᑦ ᐅᖁᒪᐃᓐᓂᖃᖅᑐᑦ ᑐᖔᓂᑦᑎᐊᖅ 6 ᐊᐅᓐᔅ.