ᑲᓇᐃᑎᐊᓐ ᓄᐊᑦ ᐃᑲᔪᖅᑐᐃᖃᑕᐅᓂᐊᖅᑐᖅ ᑕᑯᔅᓴᐅᑎᑦᑎᓂᕐᒥ ᓄᓇᖃᖅᑳᖅᑐᒥᓃᑦ ᓴᓐᓇᖑᐊᒐᖏᓐᓂ ᐊᒻᒪ ᐃᓕᖅᑯᓯᖏᓐᓂ ᑮᓇᐅᔭᖃᖅᑎᑦᑎᓪᓗᑎ ᓄᑖᒥᒃ ᑕᑯᔅᓴᐅᑎᑦᑎᓂᐅᓂᐊᖅᑐᒥ ᒪᑯᐊᑦ ᓯᑑᕗᑦ ᑕᑯᔭᒐᖃᖅᕕᖓᓂ ᒪᓐᑐᐊᕆᒥ. ᒫᓇᓯ ᐊᒃᐸᓕᐊᐱᒃ – ᐃᓄᐃᑦ ᓯᓚᕐᔪᐊᖓ ᐋᖅᑭᑦᑕᐅᓯᒪᔪᖅ ᒫᑦᓯ 9, 2025−ᒧᑦ.
ᓴᓇᙳᐊᖅᑎᑦᑎᐊᕙᒻᒪᕆᐅᖃᑕᐅᔪᖅ ᐅᓪᓗᒥ, ᒫᓇᓯ ᐃᓕᓚᐅᕐᑐᖅ ᓱᕈᓯᐅᓪᓗᓂ ᑕᑯᓐᓇᖃᑦᑕᖅᑐᓂ ᐃᓚᖏᓐᓂ, ᐊᓈᓇᑦᓯᐊᒃᑯᖏᓐᓂ ᐋᑕᑕᑦᓯᐊᒃᑯᖏᓐᓂᓪᓗ. ᒫᓐᓇ ᓴᓇᙳᐊᖅᑎᒻᒪᕆᐊᓕᕐᑐᖅ, ᓴᓇᖃᑦᑕᕐᑐᖅ ᑭᒡᒐᖅᑐᐃᔪᓂᒃ ᐅᖃᐅᓯᑐᖃᕐᓂᒃ, ᐃᓕᖅᑯᓯᑐᖃᒃᑯᑦ, ᑕᕐᓂᖓᓃᖔᖅᑐᓂᒃ ᐊᒻᒪ ᐅᑭᐅᖅᑕᖅᑑᑉ ᐆᒪᔪᖏᓐᓂ. ᓄᖅᑲᕈᓐᓇᖏᑦᑐᖅ ᒪᑭᒪᑎᑦᑎᓂᖓ ᐅᖃᐅᓯᒃᑯᑦ ᐱᖅᑯᓯᓂᒃ ᐅᓂᒃᑳᓂᒃᑯᑦ.
“ᑭᓱᓕᒫᑦ ᐱᓕᕆᐊᕆᔭᒃᑲ ᑕᑯᒃᓴᐅᑎᑦᑎᓇᓱᑦᑐᑦ ᐃᓚᖏᓐᓂᒃ ᐃᓕᖅᑯᓯᑦᑕ ᐱᖅᑯᓯᑐᖃᒃᑯᑦ, ᐱᔭᕆᐊᑭᑦᑐᓂᒃ ᓲᕐᓗ ᐊᖑᓇᓱᓐᓂᕐᒥᒃ, ᐊᓐᓄᕌᓂᒃ ᐊᑐᖃᑦᑕᕐᓂᕐᒥᒃ ᐊᒻᒪ ᐅᓂᒃᑳᖅᑐᐊᓂᒃ,” ᒫᓇᓯ ᐅᖃᖅᑐᖅ. “ᐃᓱᒪᔪᖓᓕ ᑕᐃᒫᒃ ᑭᓯᐊᓂ ᐱᐅᕐᓱᐊᕈᓐᓇᕋᑦᑎᒍ ᐃᓕᖅᑯᓯᕗᑦ ᐃᓄᓐᓄᑦ ᑕᑯᔭᐅᓗᓂ.”
ᑕᑯᔅᓴᐅᑎᑦᑎᓂᐊᕐᑐᑦ 40−ᓂᒃ ᓴᓇᙳᐊᒐᕐᓂ ᓴᓇᓯᒪᔪᑦ ᖃᓗᕋᖅᑐᐃᑦ, ᐊᕐᕕᐅᑉ ᓴᐅᓂᖏᓐᓂ, ᑐᑦᑑᑉ ᓇᔾᔪᖏᓐᓂ ᐊᒻᒪ ᐊᓯᖏᓐᓂ ᓱᓇᑐᐃᓐᓇᕐᓂ ᓄᐊᑕᒥᓂᖏᓐᓂ ᐃᒃᐱᐊᕐᔪᕐᒧᑦ ᐊᕐᕌᒍᑕᒫᖅ ᐊᖏᕐᕋᑲᐃᓐᓇᕋᐃᒻᒪᑦ, ᐃᓅᕕᒥᓂᖓ. ᓴᓇᐅᒐᐃᑦ ᐱᑎᑕᐅᔪᑦ ᐆᒪ ᕋᐃᒪᓐ ᕗᕉᓱᓚᐅᕐᑑᑉ ᐃᓄᐃᑦ ᓴᓇᙳᐊᒐᖏᓐᓂ ᓄᐊᑦᑎᖃᑦᑕᓚᐅᕐᑐᖅ.
ᐃᓄᐃᑦ−ᓇᒻᒥᓂᖓ ᑲᒻᐸᓂᐅᓪᓗᓂ, ᑲᓇᐃᑎᐊᓐ ᓄᐊᒃᑯᑦ ᐅᐱᒍᓱᑉᐳᑦ ᐃᑲᔪᖅᑐᐃᓂᐊᕐᓂᖏᓐᓄᑦ ᑲᑐᔾᔨᖃᑎᒌᓂᑦ ᔭᒐᐃᑎᑦᑎᑕᐃᓕᒐᓱᐊᕐᑐᑦ ᓄᓇᖃᖅᑳᖅᑐᒥᓃᑦ ᐃᓕᖅᑯᓯᖏᓐᓂ, ᐅᓂᒃᑳᖏᓐᓂ, ᓴᓇᙳᐊᒐᖏᓐᓂ ᐊᒻᒪ ᐅᓂᒃᑳᖅᑐᐊᖏᓐᓂ. ᒪᑯᐊᑦ ᓯᑑᕗᑦ ᑕᑯᔭᒐᖃᖅᕕᖓ ᓴᖅᑭᑎᑦᑎᓲᖑᕗᑦ ᐱᓕᕆᐊᒃᓴᓂᒃ ᐱᕐᔪᐊᖑᓪᓗᑎᒃ ᐊᒻᒪ ᐃᓚᓕᐅᔾᔨᓪᓗᑎᒃ ᑕᑯᒋᐊᖅᑐᕐᑐᓂᒃ ᐃᓄᓐᓄᑦ ᐱᐅᓯᕆᔭᐅᕙᓚᐅᖅᑐᓂᒃ ᐊᒻᒪ ᒫᓐᓇᓕᓴᕐᓂᒃ ᐊᑲᐅᖏᓕᐅᕈᑎᓂᒃ ᐊᒻᒪ ᓇᓗᓇᐃᖅᓯᓪᓗᑎᓪᓗ ᐆᒻᒪᕆᖕᓂᖏᓐᓂᒃ ᐊᔾᔨᒌᙱᓐᓂᖏᓐᓂᓪᓗ ᐃᓄᐃᑦ, ᐊᓪᓚᐃᑦ ᐊᒻᒪ ᐊᓪᓚᖓᔪᑦ ᓴᓇᙳᐊᖅᑎᖏᑦ.
ᖃᐅᔨᒋᐊᒃᑲᓐᓂᕐᓗᑎᑦ ᒫᓇᓯᐅᑉ ᒥᑦᓵᓄᑦ: https://manasie.com/
ᖃᐅᔨᒋᐊᒃᑲᓂᕐᓗᑎᑦ ᑕᑯᔅᓴᐅᑎᑦᑎᓂᐅᑉ ᒥᑦᓵᓄᑦ: https://www.musee-mccord-stewart.ca/en/exhibitions/manasie-akpaliapik-inuit-universe/
ᓴᐅᒥᕐᓂ: ᔪᐊᓪ ᕈᐃ, ᑐᑭᒧᐊᖅᑎᑦᑎᔨ ᓂᐅᕐᕈᑕᐅᔪᓄᑦ ᐊᒻᒪ ᓄᓇᓕᓐᓂ ᐱᓕᕆᖃᑎᖃᕐᓂᖅ, ᑲᓇᐃᑎᐊᓐ ᓄᐊᑦ; ᓖᔅ ᕗᕉᓱ; ᐊᓂ ᐊᒃᐸᓕᐊᐱᒃ; ᒫᓇᓯ ᐊᒃᐸᓕᐊᐱᒃ; ᐋᓐ ᐃᐊᔅᓴᐸᓯ, ᐊᐅᓚᑦᑎᔨᒻᒪᕆᒃ ᒪᑯᐊᑦ ᓯᑑᕗᑦ ᑕᑯᔭᒐᖃᖅᕕᖓᓂ; ᑖᓂᐅᓪ ᑐᕈᐃᓐ, ᐊᐅᓚᑦᑎᔨ, Musée national des beaux-arts du Québec−ᒥ; ᐊᒻᒪ ᐃᐊᑦ ᕈᒪᓇᐅᔅᑭ, ᐃᒃᓯᕙᐅᑕᖅ ᐳᓚᕋᖅᑐᓕᕆᓂᕐᒧᑦ ᑭᒡᒐᖅᑐᐃᔨ, ᐳᓚᕋᖅᑐᓕᕆᓂᖅ ᓄᓇᕗᑦ.
ᓴᐅᒥᕐᓂ: ᔪᐊᓪ ᕈᐃ, ᑐᑭᒧᐊᖅᑎᑦᑎᔨ ᓂᐅᕐᕈᑕᐅᔪᓄᑦ ᐊᒻᒪ ᓄᓇᓕᓐᓂ ᐱᓕᕆᖃᑎᖃᕐᓂᖅ, ᑲᓇᐃᑎᐊᓐ ᓄᐊᑦ; ᑖᓂᐅᓪ ᑐᕈᐃᓐ, ᐊᐅᓚᑦᑎᔨ, Musée national des beaux-arts du Québec−ᒥ; ᐊᓂ ᐊᒃᐸᓕᐊᐱᒃ; ᒫᓇᓯ ᐊᒃᐸᓕᐊᐱᒃ; ᓖᔅ ᕗᕉᓱ; ᐋᓐ ᐃᐊᔅᓴᐸᓯ, ᐊᐅᓚᑦᑎᔨᒻᒪᕆᒃ ᒪᑯᐊᑦ ᓯᑑᕗᑦ ᑕᑯᔭᒐᖃᖅᕕᖓᓂ; ᐊᒻᒪ ᐃᐊᑦ ᕈᒪᓇᐅᔅᑭ, ᐃᒃᓯᕙᐅᑕᖅ ᐳᓚᕋᖅᑐᓕᕆᓂᕐᒧᑦ ᑭᒡᒐᖅᑐᐃᔨ, ᐳᓚᕋᖅᑐᓕᕆᓂᖅ ᓄᓇᕗᑦ.
