Skip to content

Canadian North ᑐᓴᕐᑎᓯᔪᑦ ᑎᓕᔭᐅᓂᖓᓂᒃ ᒪᑕᓖᓐ ᐊᓚᒃᑲᕆᐊᓪᓚᐅᑉ ᓄᐃᑕᐅᕐᖃᒥᒧᑦ ᑲᒪᔨᒻᒪᕆᐅᓯᑎᓗᒍ, ᐃᓄᐃᑦ ᐱᓇᓱᒐᑦᓴᖃᕐᑎᑕᐅᓂᖏᓐᓄᑦ ᐊᒻᒪᓗ ᐱᓯᑎᐅᒍᑎᓖᑦ ᓯᕗᓂᑦᓴᓕᐅᕐᑕᐅᕕᖓᓄᑦ.

ᑐᓴᕐᑕᐅᑲᐱᒋᐊᓖᑦ, ᕕᕗᐊᔨ 25, 2021 (ᐋᑐᕗᐊ, ᐊᓐᑎᐊᔨᔪ) – Canadian North ᑎᒻᒥᔫᖏᑦ ᑐᓴᕐᑎᓯᒋᐊᒥᒃ ᐊᓕᐊᓕᕐᖁᑦ ᑎᓕᔭᐅᓂᖓᓂᒃ ᒪᑕᓖᓐ ᐊᓚᒃᑲᕆᐊᓪᓚᐅᑉ ᓄᑖᒧᑦ ᐱᓇᓱᒐᕐᒧᑦ ᑲᒪᔨᒻᒪᕆᐅᓯᑎᓗᒍ, ᐃᓄᐃᑦ ᐱᓇᓱᒐᑦᓴᖃᕐᑎᑕᐅᓂᖏᓐᓄᑦ ᐊᒻᒪᓗ ᐱᓯᑎᐅᒍᑎᓖᑦ ᓯᕗᓂᑦᓴᓕᐅᕐᑕᐅᕕᖓᓄᑦ ᐱᐊᓛᕐᑎᓗᒍ ᒫᑦᓯ 22, 2021-ᒥ. ᐊᓚᒃᑲᕆᐊᓪᓚᒃ ᐱᓇᓱᕝᕕᖃᓛᕐᑐᖅ ᐃᖃᓗᐃᑦ, ᓄᓇᕘᒥ, ᐊᒻᒪᓗ ᓯᕗᓕᓯᓗᓂ Canadian North ᐃᓄᓐᓂᒃ ᐱᓇᓱᒐᑦᓴᖃᕐᑎᓯᕕᖓᓂ, ᑲᒪᖃᑕᐅᑎᑦᓯᕕᖓᓂ, ᐱᕙᓪᓕᐊᑎᑦᓯᕕᖓᓂ, ᐊᒻᒪᓗ ᐱᓇᓱᐊᕐᑐᑦ ᓄᕐᙯᓇᕐᑎᑕᐅᑦᑌᓕᓂᖏᓐᓂ ᐊᒻᒪᓗ ᐃᓕᓐᓂᐊᑎᑦᓯᓂᕐᓄᑦ ᐱᓇᓱᐊᕈᑦᔨᐅᑎᖏᓐᓂ ᑎᒥᐅᑉ ᐃᓘᓐᓈᒍᑦ.

“ᐊᖏᕆᐊᒥᒃ ᑖᑦᓱᒥᖓ ᓄᑖᒥᒃ ᐱᕕᑦᓴᒥᒃ ᑲᒪᖃᑕᐅᑎᑦᓯᓂᕐᓄᑦ ᐊᒻᒪᓗ ᐱᓇᓱᒐᑦᓴᑖᕐᑎᑕᐅᓂᖏᓐᓄᑦ ᐅᓄᕐᓂᓭᑦ ᐃᓄᐃᑦ ᑎᒻᒥᔫᖁᑎᓕᓐᓂ ᐃᓘᓐᓈᒍᑦ ᐃᓄᐃᑦ ᐱᒋᔭᖓᓂᐅᒃ ᓈᒻᒪᑐᒥᒃ ᓯᕗᒧᐊᒍᑎᖃᓯᒋᐊᒥᒃ ᐃᑉᐱᓇᓕᕐᑐᖅ. ᓈᒻᒪᓯᐊᕐᑐᖅ ᓯᕗᓂᕐᒥ ᐱᒍᒪᓲᕐᓅᕙᖓ ᑕᑯᒍᒪᑦᓱᖓ ᐊᒥᓲᓂᕐᓴᓂᒃ ᐃᓄᓐᓂᒃ ᐊᒻᒪᓗ ᐊᓯᖏᓐᓂᒃ ᓄᓇᖃᕐᖄᑐᕕᓂᕐᓂᒃ ᑎᒍᓯᕙᓪᓕᐊᔪᓂᒃ ᐅᓄᕐᓂᓴᓂᒃ ᐊᒻᒪᓗ ᐳᕐᑐᓂᕐᓴᓂᒃ ᐱᓇᓱᒐᕐᓂᒃ ᓄᓇᓕᑦᑎᓂ. ᕿᓚᓈᓕᕐᑐᖓ ᓯᕗᓕᓚᖓᒋᐊᒥᒃ ᐱᒻᒪᕆᓐᓂᒃ ᐱᒋᐊᕐᑎᑕᐅᔪᓂᒃ ᐃᔪᕐᓯᐅᑕᐅᓚᖓᑦᓱᑎᒃ ᑲᒪᖃᑕᐅᑎᑕᐅᓂᖏᓐᓂᒃ ᐊᒻᒪᓗ ᓄᐃᑎᕐᓗᒋᑦ ᐃᓅᖃᑎᒌᑦᓯᐊᓃᑦ ᑕᒪᖏᓐᓂ Canadian North ᐃᓗᐊᓂ ᐊᒻᒪᓗ ᓯᓚᑖᓂ,” ᓚᓚᐅᕐᑐᖅ ᒪᑕᓕᓐ ᐊᓚᒃᑲᕆᐊᓪᓚᒃ.

ᐊᓚᒃᑲᕆᐊᓪᓚᒃ ᐃᓕᓚᖓᓕᕐᑐᖅ Canadian North-ᒧᑦ ᓲᓱᒋᔭᐅᑦᓯᐊᓱᓂ ᓱᖏᐅᓐᓂᖃᓕᕐᓱᓂ ᑐᓴᕋᑦᓴᓂᐊᕐᑎᐅᓂᕐᒥᒃ, ᐱᓂᐊᕐᓂᓕᕆᓂᕐᓂᒃ ᐊᒻᒪᓗ ᒪᑭᑕᒐᓱᐊᕈᑎᑦᓭᑦ ᐱᕙᓪᓕᐊᓂᖏᓐᓂᒃ. ᐱᓇᓱᐊᕐᓯᒪᔪᖅ ᐊᑯᓂ ᑐᓴᕋᑦᓴᓂᒃ ᐅᖄᔨᐅᑦᓱᓂ ᓰᐱᓰ ᑕᕐᕋᒦᒃᑯᓂ ᐃᖃᓗᓐᓂ, ᓯᕗᓪᓕᒥ ᑐᓴᕋᑦᓴᓂᐊᕐᑎᐅᓯᒪᑦᓱᓂ ᐊᒻᒪᓗ ᑌᒪ ᑭᖑᓂᖓᒍᑦ ᐅᖄᔨᒋᔭᐅᑦᓱᓂ ᖁᓪᓕᒧᑦ, ᓰᐲᓰ ᓄᓇᕗᑦ ᐅᓪᓛᑯᑦ ᓈᓚᐅᑎᒃᑯᑦ ᑐᓴᕋᑦᓴᓕᕆᕕᖓᓂ. ᐊᓚᒃᑲᕆᐊᓪᓚᖅ ᐱᓇᓱᕐᓯᒪᒻᒥᔪᖅ APTN-ᑯᓂ ᕗᐃᓂᐯᒻᒥ, ᐅᖄᔨᐅᑦᓱᓂ ᐊᒻᒪᓗ ᐃᓂᕐᓯᔨᐅᑦᓱᓂ Contact-ᒥ, ᑳᓇᑕᓕᒫᒥ ᓯᕙᓂᕐᑕᐅᒍᓐᓇᕕᐅᑦᓱᓂ ᐱᓇᓱᐊᒐᖓᓄᑦ. ᐅᑎᕐᓱᓂ ᓄᓇᕘᒧᑦ, ᐊᓚᒃᑲᕆᐊᓪᓚᒃ ᐱᓇᓱᐊᓯᔪᕕᓂᖅ ᒪᓕᒐᕐᒧᑦ ᓄᓇᕗᑦ ᑐᖕᖓᕕᒃ Inc.-ᑯᓂ, ᓄᓇᖃᕐᓂᕋᕐᓂᒧᑦ ᑎᒥᐅᒍᑎᓕᒻᒥ ᑭᒡᒐᑐᕐᓱᒋᑦ ᓄᓇᕘᒥᐅᑦ ᐃᓄᐃᑦ. ᑌᒪ ᐊᕐᕌᒍᓂ ᓯᑕᒪᓂ ᐳᕐᑐᓂᕐᓴᓂᒃ ᐃᑲᔪᕐᑎᖑᕐᑐᕕᓂᖅ ᓄᓇᕘᑦ ᐊᖓᔪᕐᖄᒪᕆᒋᓯᒪᔭᖓᓂᒃ ᐄᕙ ᐋᕆᐊᒥᒃ. ᖃᒻᒥᐅᓂᕐᐹᖅ ᒪᑕᓖᓐ ᐅᖄᔨᐅᖃᑦᑕᓚᐅᕐᑐᖅ ᐃᒐᓛᒃᑯᓂ, ᑖᓐᓇᑑᑦᓱᓂ ᐱᓇᓱᐊᕈᓯᐅᑉ ᐃᓗᐊᓂ ᐃᓄᑦᑎᑐᑦ ᑐᓴᕋᑦᓴᓂᐊᕐᕕᒥ ᑳᓇᑕᓕᒫᒥ ᓰᐲᓰᑉ ᑏᕖᖓᑎᒍᑦ.

“ᒪᑕᓖᓐ ᐊᓚᒃᑲᕆᐊᓪᓚᒥᒃ ᐃᓚᑖᕆᐊᖅ ᓯᕗᓕᓚᖓᔪᒥᒃ ᐱᕙᓪᓕᐊᓂᕐᓂᒃ ᐊᒻᒪᓗ ᐱᓇᓱᑦᑏᑦ ᐱᒃᑭᓂᐅᓂᖏᓐᓄᑦ ᐱᓇᓱᐊᕈᑦᔨᐅᑎᒥᒃ ᐃᑲᔪᕐᓯᔭᐅᓐᓇᓚᖓᓕᕐᑐᖅ ᑲᔪᓯᑎᑦᓯᑎᓪᓗᑕ ᓯᕗᓂᕐᒥ ᐱᓇᓱᐊᕐᑕᑎᓐᓂᒃ – ᑲᔪᓯᓂᖃᑦᓯᐊᑐᓂᒃ ᐃᓄᖁᑎᑦᑕ ᐃᓅᓯᖏᓐᓂᒃ ᐱᐅᓯᐅᒥᑎᑦᓯᒋᐊᕐᓂ, ᓂᐅᕕᕐᑎᖁᑎᑦᑎᓂᒃ, ᐊᒻᒪᓗ ᓄᓇᓕᓐᓂᒃ ᑭᒡᒐᑐᕐᑕᑎᓐᓂᒃ.” ᓚᓚᐅᕐᑐᖅ ᑯᕆᔅ ᐋᕕᕆ, ᐊᖓᔪᕐᖄᖓ ᐊᒻᒪᓗ ᑐᑭᒧᐊᑦᑎᓯᔨᖓ Canadian North. ᑭᒡᒐᑐᕐᓱᒋᑦ ᐳᕐᑐᓂᕐᓴᕗᑦ ᐊᒻᒪᓗ ᑲᑎᒪᔨᕗᑦ Canadian

North-ᒥ, ᐃᑲᔪᓚᐅᖕᖓ ᑐᖕᖓᓱᑦᑎᓯᑎᓪᓗᖓ ᒪᑕᓖᓐᒥᒃ ᐅᖄᕕᖃᖃᑦᑕᓂᐊᕐᒪᑦ ᐊᒥᓱᐃᓂᒃ ᑲᔪᓯᑎᑦᓯᔨᓂᒃ ᐱᓇᓱᒐᕐᒥᓂ ᓄᑖᒥ”.

-30-

ᓱᓇᐅᓂᖓ Canadian North:

Canadian North 100%-ᑎᒍᑦ ᐱᒋᔭᐅᔪᖅ ᐃᓄᓐᓄᑦ ᑎᒻᒥᔫᖁᑎᖃᕐᕕᐅᓱᓂ ᐃᓄᓐᓂᒃ ᐱᑐᑦᓯᒪᑎᑦᓯᔨᐅᑦᓱᓂ ᐊᒻᒪᓗ ᐅᓯᔨᐅᑦᓱᓂ ᐊᑐᕋᑦᓴᓂᒃ ᐃᓄᐃᑦ ᓄᓇᖓᓕᒫᒥ ᐊᒻᒪᓗ Denendeh-ᒥ ᐊᑦᑕᓇᕋᓂ, ᑲᔪᓯᑎᑦᓯᓯᐊᕈᓐᓇᓱᓂ, ᐊᒻᒪᓗ ᑌᒪᖕᖓᑦ ᐃᓄᑦᓯᐊᖑᕕᖃᕐᓱᓂ ᐊᒻᒪᓗ ᐃᑲᔪᕐᓯᑎᐅᑦᓱᓂ ᓂᐅᕕᕐᑎᓂᒃ ᑭᒡᒐᑐᕐᕕᒃ. ᑭᒡᒐᑐᕐᑐᖅ 26-ᓂᒃ ᓄᓇᓕᓐᓂᒃ ᓄᐊᔅ ᕕᐊᔅᑎᐊᔨᑐᔨᒥ, ᓄᓇᕕᒻᒥ, ᐊᒻᒪᓗ ᓄᓇᕘᒥ, ᐊᒻᒪᓗ ᐋᑐᕗᐊᒥ, ᒪᓐᑐᔨᐊᓚᒥ, ᐊᒻᒪᓗ ᐃᐊᑦᒪᓐᑕᓐᒥ, ᑎᒻᒥᔫᖁᑎᖃᕐᓱᓂ ᐃᓱᕐᕆᓇᕐᑐᓂᒃ ᐳᔪᓕᓐᓂᒃ ᐊᒻᒪᓗ ATR 42-ᓂᒃ ᑎᒻᒥᔫᓂᒃ. Canadian North ᐱᐅᓂᕐᐸᐅᓱᓂ ᓵᑕᕐᓂᑎᒍᑦ ᑭᒡᒐᑐᕐᑎᐅᒥᔪᖅ ᐊᒥᓲᓈᕐᑎᑐᓂᒃ ᐊᑐᕋᑦᓴᖃᕐᑎᓯᔨᐅᑦᓱᓂ ᑭᒡᒐᑐᕐᑕᐅᒍᒪᔪᓂᒃ ᑲᔪᓯᑎᑦᓯᓯᐊᕈᓐᓇᑐᒧᑦ, ᐃᓱᕐᕆᓇᕐᑐᒧᑦ, ᐊᒻᒪᓗ ᐊᑭᑐᓗᐊᖕᖏᑐᒧᑦ ᑎᑭᑦᑕᕈᓐᓇᓱᓂ/ᐊᐅᓪᓚᑕᕈᓐᓇᓱᓂ ᑭᒡᒐᑐᕐᑕᐅᒋᐊᓖᑦ ᓇᓃᓐᓂᖏᑦ ᒪᓕᑦᓱᒋᑦ ᐊᒻᒪᓗ ᐃᖏᕐᕋᑎᑦᓯᒥᑦᓱᓂ ᑎᒻᒥᔫᓂᒃ ᐊᒥᐊᔨᑲᐅᑉ ᑕᕐᕋᓕᒫᖓᓂ ᐊᒻᒪᓗ ᐅᖓᑖᓄᒐᓴᒃ ᑎᒥᒥᒍᑦ ᐱᖕᖑᐊᓗᑎᒃ ᐱᓕᐅᑎᒋᐊᕐᑐᑐᓂᒃ, ᓄᓀᑦ ᐊᓯᖏᓐᓂᒃ ᑕᑯᔭᕐᑐᑐᓂᒃ, ᕿᒥᕐᕈᑎᑦᓯᓂᕐᓂᒃ ᐃᖏᕐᕋᑎᑦᓯᔨᓂᒃ, ᐊᒻᒪᓗ ᐊᒥᓱᐃᓂᒃ ᐊᓯᖏᓐᓂᒃ ᐃᓚᒌᑦᑎᑐᓂᒃ. Canadian North ᐃᓘᓐᓈᒍᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᔦᓴᒃᑯᓄᑦ ᐊᒻᒪᓗ ᐃᓄᕕᐊᓗᐃᑦ ᐱᕙᓪᓕᐊᑎᑦᓯᓂᕐᓄᑦ ᑯᐊᐳᔦᓴᖓᓄᑦ.

ᑐᑭᓯᒋᐊᓪᓚᕈᒪᒍᕕᑦ, ᐅᓇ ᐅᖄᕕᐅᒍᓐᓇᑐᖅ:

ᑭᐊᕕᓐ ᑲᑉᓗᑦᓯᐊᒃ

ᑲᒪᔨᒻᒪᕆ ᐳᕐᑐᓂᕐᓴᖅ, ᓂᐅᕕᕐᓂᓄᑦ ᐊᒻᒪᓗ ᑐᓴᐅᒪᐅᑎᓕᕆᓂᕐᓄᑦ

Canadian North
ᐅᖄᒍᑎᖓ: ᐅᖄᒍᑎᐊᐱᑎᒍᑦ 613-282-2440 | kkablutsiak@canadiannorth.com
ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒋᒃ: www.canadiannorth.com  | charters.canadiannorth.com

Share this News: