ᑐᓴᐅᒪᔭᐅᑲᐅᑎᒋᔭᕆᐊᖃᕐᑐᖅ, ᐊᐃᕆᓕ 7, 2022 ᐊᑕᕚ, ᐊᓐᑎᐅᓕᔪ – ᑖᒃᑯᐊ ᑲᑎᒪᔨᒋᔭᐅᔪᑦ ᐳᕌᑦᓕ ᖃᖓᑕᔫᓕᕆᔨᒃᑯᑦ, ᖃᖓᑕᑎᑦᑎᕙᖕᒪᑕ ᖃᐅᔨᒪᔭᐅᑦᑎᐊᕐᑐᑦ ᑲᓇᐃᑎᐊᓐ ᓄᐊᑦ, ᐅᖃᕈᓐᓇᕐᓯᖕᒪᑕ, ᐊᖑᑎ ᕋᓵᓐ ᑐᒻᓗᔾ ᑎᓕᔭᐅᓂᖓᓄᑦ ᐃᓱᒪᑕᕆᔭᐅᓚᐅᑲᖕᓂᐊᕐᑐᖅ ᐊᒻᒪᓗ ᐊᐅᓚᑦᑎᔨᒋᔭᐅᓂᐊᕐᑐᖅ, ᐱᒋᐊᕐᓗᓂ ᐊᐃᕆᓕ 6, 2022.

ᑎᓕᔭᐅᓂᕆᔭᖓ ᐃᓂᒋᓚᐅᑲᖕᓂᐊᕐᑕᖓᓂᑦ ᑯᓕᔅ ᐃᕗᓕ, ᕿᒪᓚᐅᕐᒪᒍ ᑲᓇᐃᑎᐊᓐ ᓄᐊᑦ ᐊᐃᕆᓕ 6, 2022. ᑖᒃᑯᐊ ᑲᑎᒪᔨᒋᔭᐅᔪᑦ ᖁᔭᓕᔪᑦ ᑯᓕᔅᒥᑦ ᐃᑲᔪᕈᓐᓇᓚᐅᕐᓂᖓᓄᑦ ᐱᓕᕆᕝᕕᒋᔭᐅᔪᒥᑦ ᐊᒻᒪᓗ ᓯᕗᓂᒃᓴᖃᑦᑎᐊᖁᔭᐅᒐᓗᐊᕐᐳᖅ ᐱᓕᕆᐊᕆᔭᒃᓴᒃᕆᓂᐊᕐᑕᖏᓐᓂᑦ.

ᐊᖑᑎ ᑐᒻᓗᔾ ᐃᓚᒋᔭᐅᓕᓚᐅᕐᒪᑦ ᑲᓇᐃᑎᐊᓐ ᓄᐊᑦ 2008 ᑐᒡᓕᕆᔭᐅᓪᓗᓂ ᐃᓱᒪᑕᕆᔭᐅᔪᒧᑦ, ᐋᕿᒃᑕᐅᔭᕆᐊᖃᕐᑐᓂᑦ ᓴᓇᔭᐅᔭᕆᐊᓕᖕᓂᑦ ᐊᒻᒪᓗ ᐊᐅᓚᐅᑎᖃᕐᑐᓂᑦ ᖃᐅᔨᓴᕐᑐᓕᕆᓂᐅᓂᕐᒧᑦ ᐊᒻᒪᓗ ᐊᐅᓚᐅᑎᖃᕐᑐᓂᑦ ᖃᐅᔨᓴᕐᑐᓕᕆᓂᐅᓂᕐᒧᑦ ᐱᓕᕆᐊᕇᓐᓇᕐᑕᖓ 13 ᐊᕐᕌᒍᓄᑦ. ᐱᓕᕆᐊᕇᓐᓇᕐᒪᒍ ᑐᓴᐅᒪᑎᑦᑎᑦᑎᐊᖏᓐᓇᕐᖢᓂᓗ ᐃᖏᕋᑎᒻᒪᒍ ᓯᕗᓕᐅᕐᐸᓪᓕᐊᖏᓐᓇᕐᖢᓂᐅᒃ ᐊᒻᒪᓗ ᑐᑭᓯᐅᒪᑦᑎᐊᕐᒪᒍ ᐆᒻᒪᖁᑎᓕᕆᓂᖅ ᖃᓄᐃᓕᖓᔭᕆᐊᖃᕐᓂᖏᓐᓂᑦ ᐃᖏᕋᔭᕆᐊᖃᕐᓂᖏᑦ ᐊᐅᖕᓇᕐᒥᐅᑕᐅᔪᑦ ᖃᖓᑕᓂᕆᕙᒃᑕᖏᑦ. ᑐᕌᒐᕇᓐᓇᕐᒪᒍ ᖃᓄᐃᖏᑦᑎᐊᖁᓪᓗᒋᑦ ᓴᕿᑦᑎᓕᓚᐅᕐᒪᑦ ᑎᒍᒥᐊᕐᑕᐅᓕᕐᖢᓂᓗ ᒫᓐᓇᓵᖑᓚᐅᕐᑐᖅ ᕗᔅᑎᐊ ᐊᒻᒪᓗ ᑲᓇᐃᑎᐊᓐ ᓄᐊᑦ.

40 ᐊᕐᕌᒍᓄᑦ ᐊᑐᕐᓯᒪᓕᕐᒪᔾᔪᒃ ᖃᖓᑕᔫᓕᕆᓂ, ᑲᑎᒪᔨᐅᔪᑦ ᐃᒃᐱᒍᓱᖕᒪᑕ ᕋᓵᓐ ᐃᓂᖃᓚᐅᑲᖕᓂᐊᕐᓂᕆᔭᖓ ᓯᕗᓕᐅᓂᐊᕐᓂᕆᔭᖓ ᐃᑲᔫᑎᖃᕐᓂᐊᕐᑐᖅ ᑭᖑᓪᓕᐅᓂᐊᕐᑐᖅ ᐃᓱᒪᑕᕆᔭᐅᓗᓂ ᐊᒻᒪᓗ ᐊᐅᓚᑎᑦᑎᔨᒋᔭᐅᓂᐊᕐᑐᖅ ᑲᔪᖏᕐᓯᑦᑎᐊᕈᓐᓇᕐᓂᐊᕐᓂᕆᔭᖓ, ᐊᒻᒪᓗ ᐃᑲᔪᕈᓐᓇᑦᑎᐊᕈᓐᓇᕐᓂᐊᕐᑐᖅ ᐊᒻᒪᓗ ᓯᕗᓕᐅᑦᑎᐊᕈᓐᓇᕐᓂᐊᕐᑐᖅ ᐱᓕᕆᕝᕕᒋᔭᑦᑎᓐᓄᑦ ᐃᓂᑖᕋᓱᐊᑦᑎᐊᕐᓂᕐᒥᓂᑦ.

ᐊᖑᑎ ᑐᒻᓗᔾ ᒫᓐᓇᐅᔪᖅ ᑎᒍᒥᐊᕐᒪᑦ ᑲᓇᑕᒥᐅᑕᐅᓪᓗᓂ AME (ᖃᖓᑕᔫᓕᕆᓂᕐᒧᑦ ᐋᕿᒃᑕᐅᔭᕆᐊᖃᕐᑐᓂᑦ ᓴᓇᔭᐅᔭᕆᐊᓕᖕᓂᑦ ᐊᒻᒪᓗ ᐊᐅᓚᐅᑎᖃᕐᑐᓂᑦ ᖃᐅᔨᓴᕐᑐᓕᕆᓂᐅᓂᕐᒧᑦ) ᐱᔪᓐᓇᐅᑎᖃᕐᖢᓂᓗ, ᐊᒻᒪᓗᑲᓐᓂᖅ FAA (ᐊᒥᐊᓕᑲᒥᐅᑦ ᒐᕙᒪᑐᖃᑯᖏᓐᓂᑦ ᖃᖓᑕᔫᓕᕆᓂᕐᒧᑦ ᐊᒡᓚᕕᒥᐅᑕᐅᔪᓐᓇᕐᓂᕐᒧᑦ) ᐱᔪᓐᓇᐅᑎᖃᕐᑐᖅ. ᑎᒍᒥᐊᕐᒥᔭᖓ B.Sc ᖃᓄᖅ ᖃᖓᑕᕙᖕᒪᖔᖏᓐᓂᑦ ᐊᐅᓚᐅᑎᖃᕐᑐᓂᑦ ᐊᒻᒪᓗ ᑎᒍᒥᐊᕐᒥᔭᖓ ᖁᑦᑎᖕᓂᕐᐹᓃᖃᑕᐅᖃᑦᑕᕐᓯᒪᔪᖅ ᐱᓕᕆᕝᕕᒋᔭᐅᔪᓂᑦ ᐃᓚᒋᔭᐅᓪᓗᑎᒃ ᐃᐊ ᑐᓛᓐᓵᑦ ᐊᒻᒪᓗ ᐊᓯᖏᑦ ᓄᓇᕐᔪᐊᓕᒫᒥᑦ ᖃᖓᑕᔫᓕᕆᓂᕐᒧᑦ ᐱᓕᕆᕝᕕᒋᔭᐅᔪᓂᑦ.

“ᐃᖏᕋᕙᓪᓕᐊᒐᑦᑕ ᐊᓯᔾᔩᕙᓪᓕᐊᓂᑦᑎᓐᓂᑦ, ᐃᑲᔪᕐᑎᒋᔪᓐᓇᕐᓂᐊᕐᓂᕆᔭᕗᑦ ᕋᓵᓐ ᓯᕗᓕᐅᕈᓐᓇᕐᓂᕆᔭᖓ ᐊᒻᒪᓗ ᐱᓕᕆᔪᓐᓇᑦᑎᐊᕿᓂᕆᔭᖓ ᖃᖓᑕᔫᓕᕆᓂᕆᓂᐊᕐᑕᖓ ᐃᖏᕋᓂᕆᔭᖏᑦ ᐊᑑᑎᖃᕐᑐᒻᒪᕆᐊᓘᕗᖅ. ᐅᒃᐱᕆᔪᓐᓇᑦᑎᐊᕋᑦᑎᒍᑦ ᕋᓵᓐ ᐊᒻᒪᓗ ᐃᖃᓇᐃᔭᕐᑎᒋᔭᕗᑦ, ᖃᖓᑕᖃᑦᑕᕐᑐᓪᓗ ᐊᒻᒪᓗ ᓄᓇᓕᖕᒥᐅᑕᐅᔪᓄᑦ,” ᐅᖃᓚᐅᕐᑐᖅ ᑐᑭᒧᐊᒃᑎᒋᔭᐅᔪᖅ ᐃᒃᓯᕙᐅᑕᖅ ᔮᓂ ᐊᑕᒻᔅ.

-30-

ᑲᓇᐃᑎᐊᓐ ᓄᐊᑦ ᒥᔅᓵᓄᑦ:

ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ ᐱᔨᑦᑎᖃᑦᑕᖅᑕᖏᑦ 25 ᓄᓇᓖᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᓗᑦᑕᐅᖅ ᐋᑐᕚ, ᒫᓐᑐᕆᐊᓪ ᐊᒻᒪ ᐃᐊᑦᒪᑕᓪ ᐊᔾᔨᒌᖏᑦᑐᓂ ᖃᖓᑕᓲᓂᑦ Boeing“737 ᐊᒻᒪ ATR“42 ᖃᖓᑕᓲᑦ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ,

ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.

ᑐᑭᓯᒋᐊᒃᑲᓐᓂᕈᒪᒐᕕᑦ ᖃᐅᔨᒋᐊᕐᕕᒋᒍᒃ:

ᐋᓂ ᑖᒻᓕᓐᓴᓐ

ᐊᐅᓚᑦᑎᔨᒋᔭᐅᔪᖅ, ᑐᓴᕐᑐᓕᕆᓂᕐᒧᑦ

ᑲᓇᐃᑎᐊᓐ ᓄᐊᑦ

mediarelations@canadiannorth.com