ᑖᒃᑯᐊ ᒫᓐᓇᓴᐅᑎᒋᒃᑯᑦ ᑐᓴᖅᑕᐅᒋᐊᓖᑦ ᒫᑦᔨ 21, 2022, ᐋᑐᕚᒥ, ᐊᓐᑎᐅᕆᐅᓪ -ᑲᓀᑎᐊᓐ ᓄᐊᕐᔅᑯᑦ ᑐᓴᖅᑎᑦᓯᕗᑦ ᖃᖓᑕᓂᒃᑯᑦ ᐱᒍᑦᔨᒍᑎᑦᓴᓂᒃ ᒪᓐᑐᔨᐊᓪᓚᒧᑦ ᑰᑦᔪᐊᒧᓪᓗ, ᒫᓐᓇ ᐃᓂᑦᓴᓕᐅᕈᓐᓇᓕᕐᑯᓯ ᑕᒡᒎᓇ canadiannorth.com.
ᐱᒋᐊᕐᓗᓂ ᐁᕐᕆᓕ 4, 2022, ᑕᒪᓐᓇ ᖃᖓᑕᓂᖅ ᒪᕐᕈᕕᖃᑦᑕᓚᖓᓯᒻᒪ ᐊᓪᓕᑐᖃᕇᒥ, ᐱᖓᔪᐊᓐᓂᓗ ᐊᒻᒪᓗ ᓂᕿᑦᓯᑐᓂ, ᐱᕕᑦᓴᑖᕐᑎᑦᓯᒋᐊᓪᓚᓗᓂ ᐱᕕᖃᕐᓂᓴᐅᒐᔭᕐᑐᓂᒃ ᖃᖓᑕᓂᕐᒧᑦ ᓄᓇᓕᓐᓄᑦ.
“ᐊᓕᐊᓱᓪᓗᑕ ᐅᖃᕈᒪᓕᕆᕗᒍᑦ ᐱᕙᓪᓕᐊᓂᕐᒨᓕᖓᔪᒥᒃ ᐅᖃᐅᓯᖃᕆᐊᒥᒃ ᓯᕗᒧᑉᐸᓪᓕᐊᓂᕐᒧᑦ ᓂᕆᐅᓐᓂᖃᕐᓱᑕ ᖃᓂᒪᓇᕐᔪᐊᖑᓚᐅᕐᑐᒥᒃ ᕿᒣᕙᓪᓕᐊᓂᕐᒨᓕᖓᔪᒥᒃ. ᖃᖓᑕᖃᑦᑕᑐᖁᑎᑦᑎᓐᓂᒃ ᐱᕕᑦᓴᖃᕐᑎᑦᓯᒋᐊᓪᓚᒍᒪᓂᕐᒥᒃ ᐱᓇᓱᐊᕈᓯᐅᑉ ᐃᓗᐊᓂ ᒪᓐᑐᔨᐊᓪᓚᒧᑦ ᐊᒻᒪᓗ ᑰᑦᔪᐊᒧᑦ ᐃᓚᒥᓐᓂᒃ, ᐃᓚᓐᓈᒥᓐᓂᓗ ᑕᑯᔭᕐᑐᓗᑎᒃ. ᓇᑯᕐᒦᕈᒪᕗᒍᑦ ᖃᖓᑕᕙᑦᑐᓂᒃ ᕿᓄᐃᓵᑦᓯᐊᓚᐅᕐᒪᑕ ᐅᑕᖅᑭᓯᐊᕐᓱᑎᒃ, ᐱᓇᓱᐊᕐᐸᓪᓕᐊᑎᓪᓗᑕ ᐱᓇᓱᐊᕋᓱᐊᕐᑕᕗᓐᓂᒃ ᑲᔪᓯᑎᑦᓯᒐᓱᐊᕐᓱᑕ: ᐊᑑᑎᖃᑦᓯᐊᑐᒥᒃ ᐃᓱᐊᕐᓯᐅᒥᑎᑦᓯᖁᓪᓗᑕ ᐃᓄᖁᑎᑦᑕ ᐃᓅᓯᖏᓐᓂᒃ, ᖃᖓᑕᕙᑦᑐᖁᑎᑦᑎᓐᓂᒃ ᓄᓇᓕᖁᑎᑦᑎᓐᓂᓗ ᑕᒪᒃᑯᓂᖓ ᐱᔨᑦᓯᖃᑦᑕᑕᑦᑎᓐᓂᒃ.” ᐋᓐᑐᔫ ᐴᑉ, ᑐᖓᓕᐅᔪᖅ ᐊᖓᔪᖅᑳᒧᑦ, ᐱᔨᑦᓯᑕᑦᑎᓐᓄᑦ ᐊᒻᒪᓗ ᐱᒍᑦᔨᕙᑦᑕᑎᓐᓄᑦ
-30-
ᑲᓀᑎᐊᓐ ᓄᐊᕐᔅᑯᓐᓅᓕᖓᔪᑦ:
ᑲᓀᑎᐊᓐ ᓄᐊᕐᔅᑯᑦ 100%-ᒥᒃ ᐃᓄᓐᓄᑦ ᐱᖁᑎᒋᔭᐅᒻᒪᑕ ᖃᖓᑦᑕᔫᖁᑎᒋᔭᐅᑦᓱᑎᒃ ᐃᓄᓐᓂᒃ ᑲᓲᒪᑎᑦᓯᔨᐅᕗᑦ ᐅᓯᖃᑦᑕᓱᑎᓪᓗ ᓂᕿᓂᒃ ᑲᓇᑕᐅᑉ ᐅᑭᐅᖅᑕᑐᓕᒫᖓᓂ – ᐊᑦᑕᓀᑦᑐᒥᒃ, ᐅᑉᐱᕆᔭᑦᓴᐅᑦᓯᐊᓱᑎᒃ ᐊᒻᒪᓗ ᑌᒪᖕᖓᑦ ᑐᖕᖓᓇᕐᓱᑎᒃ ᑲᒪᑦᓯᐊᓱᑎᓪᓗ ᐱᒍᑦᔨᔭᒥᓐᓂᒃ. ᑲᓀᑎᐊᓐ ᓄᐊᕐᔅᑯᑦ ᐱᒍᑦᔨᕙᑉᐳᑦ ᓄᓇᓕᓐᓂᒃ 25-ᓂᒃ ᑖᒃᑯᓇᓂ ᓄᓇᑦᓯᐊᒥ, ᓄᓇᕕᒻᒥ ᐊᒻᒪᓗ ᓄᓇᕘᕐᒥ, ᐊᒻᒪᓗ ᐋᑐᕚᒥ, ᒪᓐᑐᔨᐊᓪᓚᒥ, ᐃᓐᒪᓐᑕᓐᒥ – ᐊᒻᒪᓗ ᑐᕌᓐᑐᒥ – ᖃᖓᑦᑕᔫᓂᒃ ᐊᑐᖃᑦᑕᐳᑦ ᐳᐃᖕ 737-ᓂᒃ ᐊᒻᒪᓗ ATR 42-ᓂᒃ ᖃᖓᑦᑕᔫᓂᒃ ᐊᑐᕐᓱᑎᒃ. ᑲᓀᑎᐊᓐ ᓄᐊᕐᔅᑯᑦ ᓵᑕᕐᑕᐅᓲᒍᒋᕗᑦ ᐱᒍᑦᔨᑎᑕᐅᑦᓱᑎᒃ ᐊᖏᔫᑎᓂᒃ ᐅᓯᔭᐅᒋᐊᖃᕐᑐᖃᓕᕐᑎᓪᓗᒍ ᑲᒪᑦᓯᐊᕈᓐᓇᑐᓂᒃ ᕿᓕᕐᑐᖃᓕᑐᐊᕐᒪᑦ, ᐅᑉᐱᕆᔭᑦᓴᐅᔪᓂᒃ ᐊᒻᒪᓗ ᐊᑭᑭᑦᑑᓂᕐᓴᐅᔪᓂᒃ ᖃᖓᑕᑎᑦᓯᓂᕐᒧᑦ ᐊᒥᐊᕆᒃᑲᑦ ᑕᕐᕋᖓᓂ ᐊᒻᒪᓗ ᐊᓯᒋᐊᓪᓚᖏᓐᓄᑦ ᐱᖕᖑᐊᕕᑦᔪᐊᕆᐊᕐᑐᓄᑦ, ᐅᒥᐊᕐᔪᐊᒃᑰᕆᐊᓕᓐᓄᑦ, ᐳᓚᕋᑎᓄᑦ ᐊᒻᒪᓗ ᐊᓯᖏᓐᓄᑦ. ᑲᓀᑎᐊᓐ ᓄᐊᕐᔅᑯᑦ ᐃᓄᓐᓄᑦ ᐱᒋᔭᐅᓪᓚᕆᑉᐳᖅ ᒪᑭᕝᕕᒃᑯᑦ ᑯᐊᐳᕇᓴᖓᓐᓄᑦ ᐊᒻᒪᓗ ᐃᓄᕕᐊᓗᒃᑯᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᖓᓐᓄᑦ.
ᖃᐅᔨᒋᐊᓪᓚᒍᒪᒍᕕᑦ, ᐅᕗᖓ ᖃᐅᔨᒋᐊᕈᓪᓚᐳᑎᑦ:
ᑭᕙᓐ ᖃᑉᓗᑦᓯᐊᖅ
ᑲᒪᔨᒻᒪᕆᐅᖃᑕᐅᔪᖅ, ᐱᔪᒥᓇᕐᓭᔨᓄᑦ ᐊᒻᒪᓗ ᑐᓴᐅᒪᐅᑎᓕᕆᓂᕐᓄᑦ
ᑲᓀᑎᐊᓐ ᓄᐊᕐᔅ
mediarelations@canadiannorth.com
