ᐄᐳᕈ 15, 2021 – ᐋᑐᕚ, ᐋᓐᑎᐊᕆᔫ – ᓄᓇᕗᑦ ᒐᕙᒪᖓᑦᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓗᓇᐃᖅᓯᔪᑦ ᑲᓇᐃᑎᐊᓐ ᓄᐊᑦᑯᓐᓂᒃ ᐊᑕᐅᓯᖅ ᐃᖅᑲᓇᐃᔭᖅᑎᕗᑦ ᓄᕙᒡᔪᐊᕐᓇᖅ−19-ᖃᕐᓂᕋᖅᑕᐅᓪᓗᓂ ᐃᖃᓗᖕᓂ. ᐱᓕᕆᖃᑎᒋᔭᕗᑦ ᖃᐅᔨᓴᖅᑎᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂᑦ ᐃᑲᔪᖅᑐᖅᖢᒋᓪᓗ ᓇᓗᓇᐃᖅᓯᒐᓱᖕᓂᖏᓐᓂᒃ ᑭᒃᑯᑦ ᖃᓂᓐᓂᖃᑐᐃᓐᓇᖅᓯᒪᖕᒪᖔᑕ ᓄᕙᒡᔪᐊᕐᓂᖃᖅᑐᕐᒥ. ᐱᒻᒪᕆᐅᑎᒋᒻᒪᕆᒃᑕᕗᑦ ᐃᖅᑲᓇᐃᔭᖅᑎᕗᑦ ᑭᒃᑯᑐᐃᓐᓇᐃᓪᓗ ᐱᔨᑦᑎᕋᐅᑎᕙᒃᑕᕗᑦ ᐊᑦᑕᕐᓇᖅᑐᕐᒦᖁᓇᒋᑦ. ᐊᑦᑕᕐᓇᖅᑐᕐᒦᑕᐃᓕᔾᔪᑎᑦ ᓄᕙᒡᔪᐊᕐᓇᖅ−19−ᒥᑦ ᒪᓕᒃᑕᐅᑦᑎᐊᖅᑐᑦ ᐃᓚᒋᓪᓗᒋᑦ ᒪᑐᐊᖅᓯᒪᓂᖅ, ᖃᓂᒌᓗᐊᖅᑕᐅᓕᓂᖅ ᐊᒻᒪᓗ ᐃᕐᒥᑦᑎᐊᖃᑦᑕᕐᓂᖅ ᐊᓪᓚᒡᕕᒋᔭᐅᔪᓂ.

ᓄᓇᕗᑦ ᐋᓐᓂᐊᖃᕐᓇᖏᑦᑐᓕᕆᔨᖏᑦ ᖃᐅᔨᓴᑲᐅᑎᒋᑎᓪᓗᒋᑦ ᓄᕙᒡᔪᐊᕐᓂᓕᖕᒥᑦ ᖃᐅᒌᓚᐅᖅᑐᒃᓴᓂᒃ ᐊᒻᒪᓗ ᐊᑦᑕᕐᓇᖅᑐᕐᒦᑦᑕᐃᓕᔾᔪᑎᑦ ᒪᓕᒃᑕᐅᑎᓪᓗᑎᒃ, ᐃᓱᒫᓗᖁᔨᙱᑦᑐᒍᑦ ᐃᖅᑲᓇᐃᔭᕐᕕᑦᑎᓐᓅᖅᑐᓂ ᐊᑦᑕᕐᓇᙱᒻᒪᑦ ᐊᒻᒪᓗ ᐊᐅᓚᑎᒋᐊᖃᖅᑕᕗᑦ ᑲᔪᓯᓯᒪᖕᒪᑕ. ᖃᖓᑦᑕᐅᑎᓖᑦ ᐊᓯᔾᔩᔪᒪᒍᑎᒃ ᐃᓂᒃᓴᐅᓕᐅᖅᑕᐅᓯᒪᓂᖏᓐᓂᒃ ᐅᖄᓚᒍᖕᓇᖅᑐᑦ ᐃᓂᒃᓴᓕᐅᕐᕕᑦᑎᓐᓄᑦ 1-800-267-1247 ᐅᕝᕙᓘᓐᓃᑦ ᑎᑎᕋᕐᓗᓂ ᐅᕗᖓ contact@canadiannorth.com. ᐅᖄᓚᕙᒃᑐᑦ ᐅᓄᕐᓂᖅᓴᐅᓂᐊᕋᓱᒋᔭᕗᑦ ᐅᓪᓗᒥ ᐅᖄᓚᓂᕈᕕᑦ ᐅᑕᖅᑭᑦᑎᐊᖁᕙᑦᑎᒋᑦ ᑭᐅᒐᓱᒃᑎᓪᓗᑕ.

ᓂᕆᐅᖕᒥᔪᑦ ᐅᓯᑲᖅᑕᕐᓂᓕᕆᓂᕗᑦ ᑭᖑᕙᖅᓯᒪᑲᐃᓐᓇᕐᓂᐊᕐᒪᑕ ᐃᖃᓗᖕᓄᑦ ᐊᒻᒪᓗ ᐃᖃᓗᖕᓂᑦ. ᓯᕗᓪᓕᐊᑎᓛᖅᑕᕗᑦ ᓂᕆᔭᒃᓴᑦ, ᐋᓐᓂᐊᖅᑐᓅᖓᔪᑦ ᐱᖁᑎᑦ ᐊᒻᒪᓗ ᐊᓯᖏᑦ ᐱᔭᕆᐊᖃᒻᒪᕆᒃᑐᑦ. ᐅᓯᑲᖅᑕᕐᕕᖕᒧᑦ ᐊᐅᓪᓚᐃᔪᒪᔪᑦ ᐱᔭᕆᐊᖃᒻᒪᕆᒃᐸᑕ ᑭᓯᐊᓂ ᖃᐅᖃᑦᑕᓚᐅᕐᓗᑎᒃ ᐊᑲᐅᓂᖅᓴᐅᔪᖅ ᒫᓐᓇ.

ᖁᔭᓐᓇᒦᒻᒪᕆᒃᑕᕗᑦ ᐱᔨᑦᑎᕋᐅᑎᕙᒃᑕᕗᑦ ᐃᑲᔪᖅᑐᐃᖕᒪᑕ ᐅᑕᖅᑭᑦᑎᐊᕐᒪᑕᓗ ᐱᔨᑦᑎᕋᓱᒃᑎᓪᓗᑕ ᑕᒪᓐᓇ ᐊᑐᖅᑕᐅᑎᓪᓗᓂ ᑭᓇᑐᐃᓐᓇᕐᓗ ᐊᑦᑕᕐᓇᖅᑐᒦᑎᑦᑕᐃᓕᓂᑦᑎᓐᓂᒃ. ᖁᔭᒋᒻᒪᕆᖕᒥᔭᕗᑦ ᐃᖅᑲᓇᐃᔭᖅᑎᕗᑦ ᐃᖃᓗᖕᓂᑦ ᓇᒥᓕᒫᕐᓗ ᐊᒃᓱᖂᑎᖃᕐᒪᑕ ᐊᑦᑕᕐᓇᖅᑕᐃᓕᓂᕐᒥ.

ᖃᐅᔨᒋᐊᕐᕕᒋᓗᒍ:

ᑭᐊᕙᓐ ᖃᑉᓗᑦᓯᐊᖅ

ᑐᑭᒧᐊᒃᑎᑦᑎᔨᒻᒪᕆᒃ, ᑐᓴᐅᒪᖃᑦᑕᐅᑎᓕᕆᔨᑦ

kkablutsiak@canadiannorth.com