ᓴᖅᑭᑎᑕᐅᑦᑕᐅᑎᒋᔪᑦᓴᖅ, ᐊᐅᑉᐱᖅ, ᔭᓐᓄᐊᕆ 18, 2022 (ᐋᑐᕚ, ᐋᓐᑎᐅᕆᔫ) – ᑲᓇᐃᑎᐊᓐ ᓄᐊᑦᑯᑦ ᓴᖅᑭᑎᑦᓯᓯᒪᓕᖅᑐᑦ ᓇᐃᑦᑐᒥᒃ ᑕᕐᕆᔮᑦᓴᕐᒥᒃ “ᐱᔨᑦᓯᕋᕐᓂᖅ ᓄᓇᓕᓐᓂᑦ ᑲᒪᑦᓯᐊᕐᓂᒃᑯᑦ: 2021ᒥ ᐱᙳᐊᕐᓂᒃ ᐸᔪᑦᑎᕆᓂᖅ” ᐊᔾᔨᓕᐊᖑᓯᒪᓂᖓᓂᒃ 2021ᒥ ᐱᙳᐊᕐᓂᒃ ᐸᔪᑦᑎᕆᓂᖅ.
ᑎᓯᐱᕆ 14, 2021, ᑲᓇᐃᑎᐊᓐ ᓄᐊᑦᑯᑦ ᐃᖅᑲᓇᐃᔭᖅᑎᖏᑦ, ᑭᒻᒥᕈᑦ ᕼᐋᒪᓚᒃᑯᖏᑲ ᑲᑎᒪᔨᖏᑦ, ᐃᑲᔪᖅᑕᐅᓪᓗᑎᑦ ᑭᒻᒥᕈᕐᒥ ᐸᓖᓯᒃᑯᖏᓐᓄᑦ, ᐸᔪᑦᑎᕆᓚᐅᖅᑐᑦ ᖁᕕᐊᓱᓐᓂᕐᒥᒃ ᐱᙳᐊᖑᑎᓪᓗᒋᑦ ᓱᕈᓯᕐᓄᑦ ᓄᓇᓕᖓᓐᓂ. ᐱᙳᐊᑦ ᐸᔪᑦᑎᕋᖅᑕᐅᓚᐅᖅᑐᑦ ᒪᑐᖏᓐᓄᑦ ᐃᖅᑲᓇᐃᔭᖅᑎᓄᑦ ᐊᑐᐃᓐᓇᓕᒫᖅᑐᓄᑦ ᖃᓂᒻᒪᑎᑦᓯᔾᔭᐃᓕᒍᑎᓂᒃ ᐅᓗᕆᐊᓇᖅᑐᒦᖁᓇᒋᑦ ᓄᓇᓕᖓ. ᐱᙳᐊᕐᓂᒃ ᐸᔪᑦᑎᕆᓂᖃᓚᐅᕐᒥᔪᖅ ᑕᓗᕐᔪᐊᕐᒥ ᑲᖏᖅᑐᒑᐱᒻᒥᓪᓗ ᐱᓇᓱᐊᕈᓯᕐᒥ ᑕᐃᑲᓂᑦᓴᐃᓐᓇᖅ.
“ᑖᒃᑯᐊᓄᑯᐊ ᓄᓇᓖᑦ ᐃᖅᑲᓇᐃᔭᖅᑎᑦᑕ ᕼᐋᑭᕐᓂᕐᒥᒃ ᐃᓕᓐᓂᐊᑎᑦᓯᒍᑎᖃᑦᑕᖅᑕᖏᑦ, ᐱᑕᖃᐅᖅᑐᖅ ᓄᓇᓕᓐᓂ ᐃᓕᓐᓂᐊᖅᑎᑦᓯᒍᑎᒋᕙᑦᑕᕗᓐᓂᒃ ᓱᕈᓯᕐᓄᑦ ᓱᓇᑐᐃᓐᓇᑦᓯᐊᕐᓂᒃ. ᐊᑐᓂ ᓄᓇᓕᓐᓂ, ᐱᑕᖃᖅᑐᖅ ᖃᓄᐃᓕᐅᖅᑎᑦᑎᕙᒃᑐᓂᒃ ᓱᕈᓯᕐᓂᒃ. ᑕᒪᒃᑯᐊ ᐊᕕᒍᓐᓇᙱᑦᑐᑦ. ᐹᑐᓕᒃ ᐊᒃᐸᓕᐊᓗᒃ, ᐊᐅᓚᑦᓯᔨ, ᓄᓇᓕᓐᓂ ᐱᔨᑦᓯᕋᕐᓂᕐᒧᑦ ᑰᔾᔪᐊᒥᓪᓗ ᒥᑦᑕᕐᕕᖓᓐᓂ ᐊᐅᓚᑦᓯᔨᐅᓪᓗᓂ ᑲᓇᐃᑎᐊᓐ ᓄᐊᑦᑯᓐᓄᑦ, ᐃᖃᓗᓐᓃᑦᑐᓂ.
ᖃᐃᖅᑯᕙᑦᓯ ᑕᑯᓐᓇᖁᓪᓗᓯ ᓇᐃᑦᑐᒥᒃ ᑕᕐᕆᔮᑦᓴᕐᒥᒃ ᐊᔾᔨᓕᐊᒥᓂᕐᓂᒃ ᐊᐅᓪᓚᖅᑎᓪᓗᒋᑦ ᐋᑐᕚ, ᐋᓐᑎᐅᕆᔫᒥ ᑭᒻᒥᕈᑦ, ᓄᓇᕗᒻᒧᑦ:
ᐱᔨᑦᓯᕋᕐᓂᖅ ᓄᓇᓕᓐᓂᑦ ᑲᒪᑦᓯᐊᕐᓂᒃᑯᑦ: 2021ᒥ ᐱᙳᐊᕐᓂᒃ ᐸᔪᑦᑎᕆᓂᖅ
“ᑲᓇᐃᑎᐊᓐ ᓄᐊᑦᑯᑦ ᑕᑕᑦᑐᖅ ᑲᒪᑦᓯᐊᖅᑐᓂᒃ ᑐᓂᓯᒍᒪᓂᖃᖅᑐᓂᓪᓗ ᐃᖅᑲᓇᐃᔭᖅᑎᓂᒃ ᐱᓐᓇᕆᓪᓗᑎᒍᓪᓗ ᐱᕕᑦᓴᖃᕈᓐᓇᕆᐊᖅ ᓴᖅᑭᔮᖅᑎᓪᓗᒋᑦ ᑕᒪᒃᑯᐊ, ᐱᓗᐊᖅᑐᒥ ᐃᑲᔪᕐᓂᖃᖅᑎᓪᓗᒋᑦ ᓄᓇᓕᑦᑎᓐᓂ.” ᑯᕆᔅ ᐊᐃᕗᕆ, ᐊᖏᔪᖅᑳᖅ
“ᐸᔪᑦᑎᕆᒍᓐᓇᕐᓂᕗᑦ ᑕᒪᒃᑯᓂᖓ ᐱᙳᐊᕐᓂᒃ ᓱᕈᓯᕐᓄᑦ ᓄᓇᑦᑎᓐᓂ ᖁᕕᐊᓇᓪᓚᕆᑦᓯᒪᔪᖅ ᖁᔭᓐᓇᒦᕆᐊᓪᓚᒃᑲᓐᓂᖅᓱᒋᓪᓗ ᐃᖅᑲᓇᐃᔭᖅᑎᐅᖃᑎᕗᑦ ᑲᑐᔾᔨᓂᖏᓐᓄᑦ ᑖᒃᑯᐊᓗ ᑲᓇᑕ ᒎᔅᑯᑦ ᐊᖏᔪᒥᒃ ᐃᑲᔪᖅᓯᒪᒻᑕ. ᓂᕆᐅᓐᓂᖃᖅᑯᖓ ᑕᒪᓐᓇ ᐊᑐᖃᑦᑕᕐᓂᐊᕋᑦᑎᒍ ᐊᕐᕌᒍᓄᑦ ᐊᒥᓱᓄᑦ ᐊᒡᒋᖅᑐᓄᑦ.” ᓯᐊᓕ ᑎᑭᐊᕆᔭ ᖁᑦᓯᓂᖅᓴᓂ ᑐᑭᒧᐊᖅᑎᑦᑎᔨ, ᓂᐅᕕᐊᒃᓴᓕᕆᓂᕐᒧᑦ ᓄᓇᓕᖕᓂᓪᓗ ᐃᑲᔪᖅᓯᒋᐊᕐᓂᕐᒧᑦ
ᓯᑕᒪᒋᓕᖅᑕᖓᓂ ᐊᕐᕌᒍᕐᓂᑦ ᐱᒋᐊᖅᑎᑕᐅᓚᐅᖅᓯᒪᑎᓪᓗᒍ ᑕᒪᓐᓇ, ᑲᓇᐃᑎᐊᓐ ᓄᐊᑦᑯᑦ ᐃᖅᑲᓇᐃᔭᖅᑎᖏᑦ ᐱᓕᕆᖃᑎᖏᓪᓗ, ᐱᖃᓯᐅᓪᓗᒋᑦ ᑲᓇᑕ ᒎᔅᑯᑦ Canada Goose ᐊᒻᒪᓗ Mastermind Toys ᐱᙳᐊᕐᓂᒃ ᓂᐅᕕᕐᕕᒃ, ᑲᑎᖅᓱᐃᓚᐅᖅᑐᑦ ᐅᖓᑖᓃᑦᑐᓂᒃ $17,000 ᑕᒪᑐᒧᖓ, ᑮᓇᐅᔭᐃᑦ ᓂᐅᕕᕈᑎᐅᓪᓗᑎᑦ ᓄᑖᕐᓂᒃ ᐱᙳᐊᕐᓂᒃ Mastermind Toys ᐱᙳᐊᕐᓂᒃ ᓂᐅᕕᕐᕕᖏᓐᓂ ᐋᑐᕚ, ᐋᓐᑎᐅᕆᔫᒥ ᐊᒻᒪᓗ ᐊᑦᒪᓐᑕᓐ, ᐋᓪᐴ.
-30-
ᒥᑦᓵᓄᑦ ᑲᓇᐃᑎᐊᓐ ᓄᐊᑦ:
ᑲᓇᐃᑎᐊᓐ ᓄᐊᑦ 100%ᖑᓪᓗᒍ ᐃᓄᓐᓄᑦ−ᓇᒻᒥᓂᕆᔭᐅᔪᖅ ᖃᖓᑕᓲᖁᑎᖃᕐᓂᖅ ᑲᓱᖅᑎᕆᕙᑦᑐᓂ ᐃᓄᓐᓂᒃ ᑎᑭᑎᑦᓯᕙᑦᑐᓂᓪᓗ ᐱᔭᐅᒋᐊᖃᓪᓚᕆᑦᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᓕᒫᖓᓄᑦ − ᐊᑦᑕᓇᙱᑦᑐᒃᑯᑦ, ᑕᑎᒋᔭᐅᓇᖅᑐᒃᑯᑦ ᑕᐃᒪᙵᓕᒫᕐᓗ ᑐᙵᓇᖅᑐᑦ ᑲᒪᒋᔭᖃᑦᓯᐊᖅᑐᓪᓗ ᐱᔨᑦᓯᕋᖅᑐᑎᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᖁᑎᖏᑦ ᐱᔨᑦᓯᕋᖅᐸᑦᑐᑦ 25ᓂᒃ ᓄᓇᓕᓐᓂᑦ ᓄᓇᑦᓯᐊᕐᒥ, ᓄᓇᕕᒻᒥ, ᓄᓇᕗᒻᒥᓪᓗ ᐱᖃᓯᐅᓪᓗᒋᑦ ᐋᑐᕚ, ᒪᓐᑐᕆᐊᓪ, ᐊᒻᒪᓗ ᐊᑦᒪᓐᑕᓐ ᓄᓇᓕᕐᔪᐊᑦ ᐊᑐᖅᑐᑕ ᖃᖓᑕᓲᖁᑎᑦᑎᓐᓂᒃ Boeing 737 ᐊᒻᒪᓗ ATR 42 ᖃᖓᑕᓲᕐᓂᒃ. ᑲᓇᐃᑎᐊᓐ ᓄᐊᑦᑯᑦ ᓵᑕᖅᑕᐅᕙᒻᒥᔪᑦ ᐊᖏᔫᑎᓄᑦᐱᓕᕆᕝᕕᐅᔪᓄᑦ ᑕᑎᖃᕆᐊᖃᖅᑐᓂᒃ, ᐱᐊᓚᔪᓂᒃ ᑮᓇᐅᔭᖅᑐᓗᐊᙱᑦᑐᓂᓪᓗ ᑎᑭᑎᑦᓯᖃᑦᑕᖅᑐᑦ/ᐊᐅᓪᓚᑎᑦᓯᖃᑦᑕᖅᑐᑦ ᒥᐊᓕᒐᐅᓪᓗ ᐅᐊᓐᓇᖓᓂ ᐊᐅᓚᓂᖃᖅᐸᑦᑐᑦ ᐅᖓᑖᓄᓪᓗ ᐱᙳᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᕐᓂᕐᒧᑦ ᐊᐅᓚᑦᓯᔨᓄᑦ ᐊᒥᓱᐃᓪᓗ ᐊᓯᒃᑲᓐᓂᖏᑦ. ᑲᓇᐃᑎᐊᓐ ᓄᐊᑦ ᐊᑕᖏᖅᑐᒍ ᓇᒻᒥᓂᕆᔭᐅᔪᖅ ᒪᑭᕕᒃ ᑯᐊᐸᕇᓴᒃᑯᖏᓐᓄᑦ ᐊᒻᒪᓗ ᐃᓄᕕᐊᓗᐃᑦ ᐱᕙᓪᓕᐊᓂᕐᒧᑦ ᑯᐊᐸᕇᓴᒃᑯᖏᓐᓄᑦ.
ᑐᑭᓯᒋᐊᕈᑎᑦᓴᒃᑲᓐᓂᕐᓄᑦ, ᐅᖃᕐᕕᒋᓗᒍ:
ᑭᐊᕙᓐ ᖃᑉᓗᑦᓯᐊᖅ
ᑐᑭᒧᐊᒃᑎᑦᓯᔨᒻᒪᕆᒃ, ᐱᔫᒥᓵᕐᓂᓕᕆᔩᑦ ᑐᓴᐅᒪᖃᑦᑕᐅᑎᓕᕆᔩᓪᓗ
ᑲᓇᐃᑎᐊᓐ ᓄᐊᑦ
mediarelations@canadiannorth.com
