Skip to content

ᑲᓇᐃᑎᐊᓐ ᓄᐊᑦ ᓴᖅᑮᕗᑦ ᓄᑖᒥᑦ ᐊᖅᑯᑎᑦᓴᒥᑦ ᐃᖃᓪᓗᓂᑦ – ᑐᕌᓐᑐᒧᑦ ᐊᐅᔭᐃᓐᓇᒃᑯᑦ, ᖃᖓᑕᓲᒃᑰᖃᑦᑕᖅᓯᒋᐊᕐᓗᑎᒃ ᔫᓂ 2022-ᒥᑦ

ᓴᖅᑭᑕᐅᑦᓴᐅᑎᒋᒋᐊᓕᒃ ᕖᕗᐊᓕ 23, 2022 (ᐋᑐᕚ, ᐋᓐᑎᐅᕆᐅ) – ᑲᓇᐃᑎᐊᓐ ᓄᐊᑦ ᐅᖃᐅᓯᖃᖅᑐᑦ ᓴᖅᑮᓂᕐᒥᓂᒃ ᐊᖅᑯᓵᖃᑦᑕᖏᓪᓗᓂ ᖃᖓᑕᓲᖅ ᐃᖃᓗᐃᑦ, ᓄᓇᕗᒻᒥᑦ ᐊᒻᒪᓗ ᑐᕌᓐᑐ, ᐋᓐᑎᐅᕆᐅᑉ ᐱᐅᓴᓐ ᖃᖓᑕᓲᒃᑯᕕᖓᓄᑦ, ᐊᐅᔭᐅᓂᐊᖅᑐᒥᑦ, ᐃᓂᑦᓴᓕᐅᕈᓐᓇᖅᓯᓪᓗᓯ ᐅᕙᓂ canadiannorth.com.

ᓯᕗᓪᓕᖅᐹᑦᓯᐊᒥᑦ, ᓄᓇᕗᒻᒥᐅᑕᐅᔪᑦ ᐊᓯᖏᓪᓗ ᐊᐅᓪᓚᖃᑦᑕᖅᑐᑦ ᐃᖃᓗᓐᓄᑦ ᑐᕌᑐᒧᓪᓗ ᑕᐃᒪᐃᒍᓐᓇᖅᓯᓂᐊᓕᖅᑐᑦ ᐊᖅᑯᓵᖏᓪᓗᑎᒃ ᐊᒻᒪ/ᐅᕝᕙᓘᓐᓃᑦ ᓯᓂᑦᑕᕆᐊᖃᖏᓪᓗᑎᒃ.

ᑕᒪᓐᓇ ᐊᖅᑯᑎᐅᔪᖅ ᓴᖅᑭᑕᐅᓂᖓ ᓂᕆᐅᓇᖅᑐᖅ ᐱᕚᓪᓕᕈᑕᐅᓂᐊᕐᓗᓂᒃ ᓄᓇᕗᒻᒥᑦ ᑮᓇᐅᔾᔭᓴᓐᓂᕐᒧᑦ ᐱᓗᐊᙳᐊᖅᑐᒥᓪ ᐳᓚᕋᖅᑐᓕᕆᓂᕐᒧᑦ. ᑐᕌᓐᑐᒥᐅᑕᑦ ᑎᑭᖃᑦᑕᕈᓐᓇᖅᓯᓂᐊᖅᑐᑦ ᐃᖃᓗᓐᓄᑦ, ᓄᓇᕘᑉ ᐊᖏᔪᖅᑳᖃᕐᕕᖓᑦ, ᐊᓯᖏᓐᓄᓪᓗ ᐱᐅᔪᒻᒪᕆᓐᓄᑦ ᑲᔾᔮᕐᓇᖅᑐᓄᑦ ᐅᑭᐅᖅᑕᖅᑐᒥᑦ ᓄᓇᓕᐅᔪᓂᒃ ᑲᓇᐃᑎᐊᓐ ᓄᐊᑦ ᖃᖓᑕᕝᕕᒋᓲᕆᔭᖏᓐᓄᑦ. ᐱᔭᕆᐊᑭᓐᓂᖅᓴᐅᓂᐊᓕᖅᑐᖅ ᐊᑭᑭᓐᓂᖅᓴᐅᓕᕐᓗᓂᓗ ᐊᒥᓱᓄᑦ ᑲᓇᑕᒥᐅᓄᑦ ᐳᓚᕋᕆᐊᖅᑐᓄᓪᓗ ᑲᔾᔭᐅᓴᕆᐊᕐᓗᑎᒃ ᐃᖃᓗᓐᓄᑦ ᑭᓱᖃᑦᓯᐊᕐᓂᖓᓄᓪᓗ; ᑕᒪᒃᑯᓂᖓ ᐆᒪᔪᓂᒃ ᑕᑯᖃᑦᑕᕐᓂᕐᒥᑦ, ᐃᖃᓪᓕᐊᓂᕐᒥᑦ ᐊᒻᒪ ᐅᓐᓄᐊᒃᑯᑦ ᓯᕿᓂᕐᒥᑦ ᑕᑯᖃᑦᑕᕐᓗᑎᒃ. ᐊᐅᔭᒃᑯᑦ, ᑲᔾᔮᕐᓇᓪᓚᕆᑦᑐᓄᑦ ᐱᓱᕝᕕᑦᓴᐅᓲᖑᒻᒪᑦ, ᐊᐅᓪᓛᕆᐊᕐᓇᖅᑐᖅ ᐊᒻᒪ ᓄᓂᕙᒋᐊᕐᓇᖅᑐᓂ, ᓱᕐᓗ ᓯᐅᓪᕕᐊ ᒍᕆᓂᓪ ᒥᕐᖑᐃᖅᓯᕐᕕᖓ, ᐃᒥᖅᑕᕐᕕᕕᓂᐅᑉ ᐊᖅᑯᑎᑯᑖᖓᓄᑦ ᐊᒻᒪ ᓯᔾᔭᖅᐸᓯᒃᑯᑦ ᐱᓱᓐᓇᖅᑐᖅ ᓂᐊᖁᙴᒧᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖃᓗᐃᑦ ᑭᓱᖃᕐᒪᖔᖅ ᐅᕗᖓ ᖃᐅᔨᒋᐊᕐᓗᑎᑦ ᐊᐅᓪᓚᕐᓂᖅ ᓄᓇᕗᒻᒧᑦ, ᐅᐸᒍᑎᓂᖅ ᓄᓇᕗᒻᒧᑦ, ᑖᓐᓇᓗ ᓄᓇᓕᐸᐅᔭᒃᑯᑦ ᐃᖃᓗᓐᓂ.

ᐃᖃᓗᐃᑦ−ᑐᕌᓐᑐ ᐊᐅᓪᓚᖃᑦᑕᓛᖅᑐᑦ ᒪᕐᕈᐃᖅᓱᕐᓗᑎᒃ ᐱᓇᓱᐊᕈᓯᑕᒫᑦ ᑕᓪᓕᕐᒥᒃᑯᑦ ᐊᒻᒪ ᓈᑦᓰᖑᔭᒃᑯᑦ, ᔫᓂ 3-ᒥᑦ ᓯᑎᐱᕆ 30-ᒧᑦ, ᐊᐅᔭᒃᑯᑦ ᐊᐅᓪᓚᕐᓇᖅᑎᓪᓗᒍ. ᐱᓇᓱᐊᕈᓯᐅᑉ ᓄᙳᖏᓐᓂᒃ ᐅᕝᕙᓘᓐᓃᑦ ᐱᓇᓱᐊᕈᓯᓕᒫᒧᑦ ᖃᖓᑦᑕᐅᑎᓂᒃ ᐊᑐᐃᓐᓇᖅᑕᖃᓛᖅᑐᖅ ᓇᓕᐊᓐᓄᑐᐃᓐᓇᖅ.

ᓇᒧᖓᕐᓂᖓ ᖃᖓᒃᑯᑦ ᐊᐅᓪᓚᕐᕕᑦᓴᖓ ᑎᑭᕝᕕᑦᓴᖓ
ᐃᖃᓗᐃᑦ, ᓄᓇᕗᒻᒥᑦ ᑐᕌᓐᑐ ᐋᓐᑎᐅᕆᐅᒧᑦ ᑕᓪᓕᕐᒥᒃ, ᓈᑦᓯᖑᔭᖅ 8:00 ᐅᓪᓛᒃᑯᑦ 11:00 ᐅᓪᓛᒃᑯᑦ
ᑐᕌᓐᑐ ᐋᓐᑎᐅᕆᐅᒥᑦ ᐃᖃᓗᐃᑦ, ᓄᓇᕗᒻᒧᑦ ᑕᓪᓕᕐᒥᒃ, ᓈᑦᓯᖑᔭᖅ 12:30 ᐅᓪᓗᒃᑯᑦ 15:30 ᐅᓪᓗᒃᑯᑦ

 

ᑲᓇᐃᑎᐊᓐ ᓄᐊᑦ ᐊᐅᓚᑦᓯᓛᖅᑐᑦ ᐊᑲᐅᑦᓯᐊᖅᑐᒥᑦ, ᓂᐱᖅᑯᖅᑐᓗᐊᙱᑦᑐᒥᑦ Boeing 737 ᖃᖓᑕᓲᕐᒥᑦ ᑕᕝᕘᓇ ᐊᖅᑯᑎᑦᓴᒃᑯᑦ, ᐊᑭᖃᙱᑦᑐᒥᑦ ᓂᕆᓐᓇᕐᓗᓂ ᐊᒻᒪ ᐃᒥᒐᕐᓇᕐᓗᓂ (ᐃᒥᐊᓘᙱᑦᑐᒥᑦ) ᖃᖓᑕᓲᒃᑰᖅᑐᓕᒫᓄᑦ ᐊᒻᒪ ᐊᑦᑕᕐᓇᔾᔭᐃᒃᑯᑎᖃᕐᓗᑎᒃ ᖃᖓᓕᒫᒃᑯᑦ ᑕᕝᕘᓇ ᑲᓇᐃᑎᐊᓐ ᓄᐊᑦ ᐸᖅᑭᑦᑎᐊᕐᓂᕐᒧᑦ ᐱᓕᕆᐊᒃᓴᖓᒍᑦ.

“ᐱᓕᕆᒍᒪᓪᓚᕆᑦᑐᒍᑦ ᓄᑖᓂᑦ ᖃᐅᔨᓇᓱᖃᑦᑕᕐᓗᑕ ᑲᓲᒪᑎᑦᓯᓂᕐᒥᑦ ᐃᓄᐃᑦ ᓄᓇᖓᓂ ᓄᓇᕐᔪᐊᓕᒫᒧᑦ ᐅᑎᒧᓪᓗ. ᖁᕕᐊᓱᓪᓚᕆᑦᑐᖓ ᓄᑖᓂᑦ ᓴᖅᑭᑕᐅᕙᓪᓕᐊᔪᓂᒃ ᓄᓇᓕᐅᔪᓄᑦ ᓇᒻᒥᓂᖃᖅᑎᐅᔪᓄᓪᓗ. ᐱᖃᓐᓇᕆᔭᑦᑎᓐᓄᑦ ᑐᕌᓐᑐᒥᑦ, ᐃᓕᑦᓯᓐᓂᒃ ᑐᙵᓴᐃᕗᒍᑦ ᖃᖓᑕᖃᑕᐅᒋᑦᓯ ᑲᔾᔮᕐᓇᖅᑐᒥᑦ ᐊᒻᒪ ᖁᕕᐊᓇᖅᑐᒨᖏᑦᑐᑐᐊᖅ ᑭᓯᐊᓂ ᑕᑎᒋᔭᐅᑦᓯᐊᕈᓐᓇᖅᑐᒍᑦ, ᑲᒪᑦᓯᐊᓲᖑᔪᒍᑦ ᐊᒻᒪ ᑐᙵᓇᑦᓯᐊᖅᑐᒍᑦ ᖃᖓᑕᓲᓕᕆᔨᐅᓪᓗᑕ.” ᐋᓐᓄᓗ ᐴᑉ, ᐊᖏᔪᖅᑳᑉ ᑐᓪᓕᖓ ᐱᔨᑦᓯᕋᖅᑕᐅᔪᓄᑦ ᐊᒻᒪ ᓂᐅᕐᕈᓂᕐᒧᑦ

ᓄᑖᖑᔪᖅ ᐊᖅᑯᑎᑦᓴᖅ ᐊᑭᑭᓪᓕᒋᐊᖅᓯᒪᓕᖅᑐᖅ ᐃᓂᑦᓴᓕᐅᕐᓂᕐᒧᑦ ᐊᐅᔭᐅᓂᖓᓂ ᐅᕙᓂ canadiannorth.com ᐅᕝᕙᓘᓐᓃᑦ ᖃᖓᑦᑕᐅᑎᓕᕆᔨᑦᓯᓐᓂᒃ ᐅᖃᖃᑎᖃᕐᓗᓯ.

-30-

ᑐᑭᓯᒋᐊᕈᑎᑦᓴᒃᑲᓐᓃᑦ ᐃᖃᓗᓐᓂᑦ ᑐᕌᓐᑐᒧᑦ ᖃᖓᑕᓲᒃᑰᕐᓂᕐᒧᑦ:

ᐃᖃᓗᐃᑦ ᐊᖏᓂᖅᐹᖑᔪᖅ ᓄᓇᓕᐸᐅᔭᐅᓪᓗᓂ ᐃᓄᐃᑦ ᓄᓇᖓᓂ ᑲᓇᑕᐅᑉ ᑭᓪᓕᖏᓐᓂᒃ; ᐃᓄᐃᑦ ᓄᓇᖓᑦ ᐊᖏᕐᕋᕆᔭᐅᕗᖅ ᐃᓄᓐᓄᑦ ᓄᐊᔅ ᐊᒥᐊᓕᑲᒥᑦ. ᐅᖓᓯᓐᓂᕋᑦᑕᐅᓲᖅ ᐅᕝᕙᓘᓐᓃᑦ ᐅᐸᒐᑦᓴᐅᙱᓐᓂᕋᖅᑕᐅᓲᖅ ᑲᓇᑕᐅᑉ ᓂᒋᐊᓂ, ᑕᒪᓐᓇ ᑲᔾᔮᕐᓇᓪᓚᕆᑦᑐᖅ ᐊᒻᒪ ᐃᓕᖅᑯᓯᕐᒨᖓᑦᓯᐊᖅᑐᖅ ᓄᓇᖓ ᐅᐸᒐᑦᓴᐅᓚᖓᓕᖅᑐᖅ ᐃᑲᕐᕋᑦ 3-ᓂᒃ ᑐᕌᓐᑐᒥᑦ.

ᑲᓇᑕᒥ ᐊᖏᓂᖅᐹᖑᓪᓗᓂ ᖃᖓᑕᓲᒃᑯᕕᖓ, ᑐᕌᓐᑐ ᐱᐅᓴᓐ ᖃᖓᑕᓲᒃᑯᕕᖓ ᑐᑦᑕᕐᕕᐅᔪᖅ ᐊᒥᓲᓂᖅᓴᓄᑦ ᑲᓇᑕᒥ ᐊᒻᒪᓗ ᓄᓇᕐᔪᐊᕐᒧᑦ ᐊᖅᑯᓵᕐᕕᐅᓲᖅ ᑲᓇᑕᓕᒫᒥᑦ. ᓂᒋᐊᓅᙵᐅᔪᑦ ᖃᖓᑕᓲᒃᑰᖃᑦᑕᕈᓐᓇᕐᓂᐊᖅᑐᑦ ᑐᕌᑐᒧᑦ ᐃᓂᑦᓴᓕᐅᕐᓗᑎᓗ ᐊᖅᑯᓵᖏᓪᓗᑎᒃ ᑲᓇᐃᑎᐊᓐ ᓄᐊᑦᑯᑦ.

ᑲᓇᐃᑎᐊᓐ ᓄᐊᑦ ᒥᔅᓵᓄᑦ:

ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ ᐱᔨᑦᑎᖃᑦᑕᖅᑕᖏᑦ 25 ᓄᓇᓖᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᓗᑦᑕᐅᖅ ᐋᑐᕚ, ᒫᓐᑐᕆᐊᓪ, ᐃᐊᑦᒪᓐᑕᓐ – ᒫᓐᓇᐅᔪᕐᓗ ᑐᕌᓐᑐ – ᐊᔾᔨᒌᖏᑦᑐᓂ ᖃᖓᑕᓲᓂᑦ Boeing 737 ᐊᒻᒪ ATR 42 ᖃᖓᑕᓲᑦ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.

ᑐᑭᓯᒋᐊᒃᑲᓐᓂᕈᒪᒐᕕᑦ ᖃᐅᔨᒋᐊᕐᕕᒋᒍᒃ:

ᑭᐊᓐ ᑲᑉᓗᑦᓯᐊᒃ
ᐊᖏᔪᖅᑳᖅ ᑐᑭᒧᐊᖅᑎᑦᑎᔨ, ᓂᐅᕐᕈᑎᖃᓂᕐᒧᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ
ᑲᓇᐃᑎᐊᓐ ᓄᐊᑦ
mediarelations@canadiannorth.com

Share this News:

Share on facebook
Share on twitter
Share on linkedin