ᓯᕙᑖᕐᕕᐅᓚᐅᖅᑐᒥᑦ, ᕼᐊᑭᕐᓂᕐᒧᑦ ᐊᑐᖅᑕᐅᓚᐅᖅᓯᒪᖏᑦᑐᒥ ᐊᑐᖅᑕᐅᓚᐅᖅᑐᖅ ᐃᖃᓗᓐᓂ.
ᓯᕗᓪᓕᖅᐹᖓ ᓄᓇᕗᒻᒥ ᐅᑭᐅᖅᑕᖅᑐᒥ ᕼᐊᑭᖅᑎᐅᕙᓚᐅᖅᓯᒪᔪᑦ ᐱᙳᐊᖅᑐᑦ ᓇᔅᓴᓚᐅᖅᑐᑦ NHL ᐊᒻᒪ PWHL ᐱᙳᐊᖅᑎᓂᒃ, ᓯᓚᕐᔪᐊᒥ ᐱᙳᐊᕕᔾᔪᐊᖅᑎ, ᐊᒻᒪ ᕼᐊᑭᖅᑐᓂᑦ ᐱᐅᔅᓴᖅᑐᑦ ᓄᓇᓕᒻᒦᖔᖅᑐᑦ ᑲᑎᓚᐅᖅᑐᑦ ᐳᐃᒍᕋᔅᓴᐅᖏᑦᑐᒥᑦ ᐱᓇᓱᐊᕈᓯᐅᑉ ᓄᙳᐊᓂ ᐃᑲᔪᖅᑐᑎᒃ ᐱᒻᒪᕆᐅᔪᒥᒃ ᖃᓄᐃᓘᕐᓂᐅᔪᒥᒃ. ᐱᓕᕆᑎᑕᐅᔪᑦ ᕼᐊᑭᕐᓂᖅ ᐃᑲᔪᖅᑐᖅ ᐊᖏᕐᕋᖃᖏᑦᑐᓂᒃ, ᖃᓄᐃᓘᕐᓂᐅᔪᖅ ᑮᓇᐅᔭᓂᒃ ᐱᕈᖅᑎᑦᑎᓯᒪᔪᑦ ᐅᖓᑖᓃᑦᑐᓂᒃ $650,000 ᒪᕐᕉᓐᓄᑦ ᐃᖃᓗᓐᓂ ᑲᑐᔾᔨᖃᑎᒌᓄᑦ ᐱᒻᒪᕆᐅᔪᒥᑦ ᐃᖅᑲᓇᐃᔭᕐᓂᖃᖅᑐᑦ ᓄᓇᓕᒻᒥᑦ: ᖃᔪᖅᑐᕐᕕᒃ ᓄᓇᓕᒻᒥ ᓂᕿᑖᕐᕕᒃ ᐊᒻᒪ ᐊᓐᓇᐅᒪᒃᑲᐃᔩᑦ ᓄᓇᓕᒻᒥ ᑲᑐᔾᔨᖃᑎᒌᑦ.
ᑕᑯᔅᓴᐅᑎᑦᑎᔪᑦ ᐊᑎᕆᓚᐅᖅᑕᖏᑦ ᐱᖃᓯᐅᑎᓗᑎᒃ ᔫ ᑐᐊᓐᑕᓐ, ᔪᐊᑕᓐ ᑐᑐ, ᐊᒻᒪ ᑎᐅᕆ ᕋᐃᔭᓐ, ᑐᑐ ᑐᑭᒧᐊᖅᑎᑎᓗᓂ ᕼᐊᑭᕐᓂᖅ ᐃᑲᔪᖅᑐᖅ ᐊᖏᕐᕋᖃᖏᑦᑐᓂᒃ ᐱᒃᑲᐅᓛᓂᑦ. ᓯᕗᓕᖅᐹᖑᓪᓗᓂ ᐃᓅᓗᓂ ᕼᐊᑭᖅᑎ ᐊᑭᑦᑐᕋᐅᑎᖃᑕᐅᓪᓗᓂ NHL, ᑐᑑᑉ ᐅᐸᖃᑕᐅᓯᒪᓂᖓ ᖃᓄᐃᓘᖅᑕᐅᔪᒥᑦ ᐱᓗᐊᖅᑐᒥᑦ ᒥᔅᓯᖃᑦᑎᐊᓚᐅᖅᑐᖅ, ᐱᔨᑦᑎᖅᑐᓂ ᓴᙱᔪᒥᑦ ᐃᖅᑲᐃᑎᑦᑎᔾᔪᑎᐅᓪᓗᓂ ᖃᓄᖅ ᑭᒡᒐᖅᑐᐃᓂᖅ ᐱᙳᐊᖅᑐᓂᑦ ᒥᔅᓯᖃᕈᓐᓇᕐᒪᖔᖅ ᐃᓄᓐᓄᑦ ᐊᒻᒪ ᐅᑭᐅᖅᑕᖅᑐᒥ ᒪᒃᑯᑦᑐᓄᑦ.
ᑲᓇᐃᑎᐊᓐ ᓄᐊᑦ, ᐅᐱᒍᓱᓐᓇᖅᑐᖅ ᐃᓚᒋᔭᐅᖃᑕᐅᓪᓗᓂ ᖃᓄᐃᓘᖅᑕᐅᔪᒧᑦ ᐆᒪᓂᖃᖅᑎᑎᑦᑎᐊᓚᐅᖅᑐᒥᑦ, ᖁᕕᐊᓇᖅᑐᒥᑦ, ᐊᒻᒪ ᐆᒻᒪᑎᖓ ᓄᓇᓕᒻᒧᑦ. ᐃᓕᓴᕆᔭᐅᓯᒪᔪᒥᑦ ᖃᑕᓲᖃᖅᑎᑎᓪᓗᑎᒃ ᐊᒻᒪ ᐅᐱᒍᓱᑦᑐᑎᒃ ᑮᓇᐅᔭᖃᖅᑎᑦᑎᓂᕐᒧᑦ ᖁᕕᐊᓱᒍᑎᓖᑦ ᐱᙳᐊᖅᑐᓂ ᐃᓄᒃᓱᒃ ᐃᓕᓐᓂᕐᕕᐊᓗᒻᒥᑦ, ᐅᐱᒍᓱᓚᐅᖅᑐᒍᑦ ᐱᒋᐊᖅᑎᑎᓗᑕ ᐅᓪᓗᖓᓂ ᓄᓇᓕᒻᒥᐅᑕᐃᑦ ᑲᑎᖃᑎᖃᖅᑐᑎᑦ ᐱᙳᐊᖅᑎᓂᑦ, ᖁᕕᐊᓱᑦᑎᑎᓪᓗᑎᒃ ᓯᕗᓂᐊᒍᑦ ᐱᙳᐊᕐᓂᕐᒥᑦ, ᖁᕕᐊᓱᒍᑎᖃᖅᑐᑎᒃ ᐱᐅᒋᔭᐅᓂᖓᓄᑦ ᐱᙳᐊᖅᑕᐅᔪᖅ.
ᑖᓐᓇ ᑲᔪᓯᓂᖃᕐᓂᖓ ᐅᓐᓄᓴᒨᓚᐅᖅᑐᖅ ᐱᔭᐅᔪᒪᓂᖃᖅᑐᓂᑦ ᑲᑎᓐᓂᐅᔪᓂᑦ ᐅᑭᐅᖅᑕᖅᑐᒥᑦ ᐱᙳᐊᕕᔾᔪᐊᕐᕕᒻᒥᑦ, ᐃᓚᒋᔭᐅᖃᑕᐅᔪᑦ ᐱᙳᐊᖃᑎᖃᕈᓐᓇᓚᐅᖅᑐᑦ ᐊᔪᖏᑦᑐᓂᑦ ᓇᒻᒥᓂᖅ. ᐅᐱᒍᓱᑦᑎᐊᓚᐅᖅᑐᒍᑦ ᐃᑲᔪᖅᑐᐃᓪᓗᑕ ᓇᒻᒥᓂᕆᔭᑦᑎᓐᓂ ᒫᑎᐅ ᐸᓚᒪᓐᑕᓐ, ᑐᖏᓕᖓ ᐊᖏᔪᖅᑳᖅ, ᐅᓯᔭᐅᕙᑦᑐᓂᑦ ᐊᒻᒪ ᖃᖓᑕᓲᒃᑯᕕᒻᒥ ᐱᔨᑦᑎᖅᑕᓄᑦ, ᑭᒡᒐᖅᑐᐃᓚᐅᕐᖓᒋᑦ ᑲᓇᐃᑎᐊᓐ ᓄᐊᑦ ᓯᑯᒥ.
ᕼᐊᑭᖅᑎᐅᕙᓚᐅᖅᓯᒪᔪᑦ ᐱᒋᐊᓕᖅᑎᓗᒋᑦ, ᐊᓐᓂᑭᑦᑐᕐᕕᒃ ᖁᕕᐊᓇᓚᐅᖅᑐᖅ. ᒥᔅᓴᐅᓴᑦᑕᐅᓯᒪᔪᑦ 900 ᑕᑯᕋᓐᓈᖅᑏᑦ ᐅᑭᐅᖅᑕᖅᑐᒥ ᐱᙳᐊᕕᔾᔪᐊᕐᕕᒻᒨᓚᐅᖅᑐᑦ, ᐊᒥᓱᑦ ᐊᕿᑦᑐᓂᑦ ᐊᒡᒑᖅᓯᒪᓪᓗᑎᒃ, ᖁᕕᓱᒍᑎᖃᖅᐸᓪᓕᐊᓕᖅᑎᓪᓗᒋᑦ ᐊᒻᒪ ᐱᙳᐊᖅᑏᑦ ᓯᑯᒨᖅᑐᑎᒃ.
ᐸᒃ ᑲᑕᐃᔭᐅᓚᐅᖅᑎᓐᓇᒍ, ᑲᓇᐃᑎᐊᓐ ᓄᐊᑦᑯᑦ ᓯᓐᑎ ᑐᐊᕐᑎᓐ, ᐃᑲᔪᖅᑎ ᑐᖏᓕᖓ ᐊᖏᔪᖅᑳᖅ, ᒐᕙᒪᒃᑯᑦ ᓄᓇᓕᓕᕆᔨᒃᑯᓪᓗ, ᐊᒻᒪ ᑯᕆᐊᒡ ᕚᑯ, ᑐᑭᒧᐊᖅᑎᑦᑎᔨ ᓂᐅᕕᖃᑦᑕᖅᑐᓂᑦ ᐃᑲᔪᕐᓂᕐᒧᑦ ᐊᒻᒪ ᓄᓇᓕᒻᒥᑦ ᐱᓕᕆᑎᑦᑎᓂᕐᒧᑦ, ᑐᓂᓯᓚᐅᖅᑐᖅ $10,000 ᓯᒃᑭᒥᑦ ᐃᑲᔪᖅᑐᓂ ᕼᐊᑭᕐᓂᖅ ᐃᑲᔪᖅᑐᖅ ᐊᖏᕐᕋᖃᖏᑦᑐᓂᒃ ᑮᓇᐅᔭᓂᑦ ᐱᕈᖅᓴᐃᓂᕐᒧᑦ ᖃᔪᖅᑐᕐᕕᒃ ᓄᓇᓕᒻᒥ ᓂᕿᑖᕐᕕᒻᒧᑦ ᐊᒻᒪ ᐊᓐᓇᐅᒪᒃᑲᐃᔩᑦ ᓄᓇᓕᒻᒥ ᑲᑐᔾᔨᖃᑎᒌᑦ. ᓯᓐᑎ ᐅᐱᒍᓱᑦᑐᓂ ᐃᓚᒋᔭᐅᖃᑕᐅᓚᐅᖅᑐᖅ ᐃᖅᑲᐅᒪᑦᑎᓂᕐᒧᑦ ᐸᒃ ᑲᑕᐃᔭᐅᑎᓪᓗᒍ.
ᓯᑯᒥ, ᐱᙳᐊᖅᑐᑦ ᖁᕕᐊᓱᑦᑎᑦᑎᓚᐅᖅᑐᑦ ᑕᑯᕋᓐᓈᖅᑐᓂᑦ ᐱᔪᒪᓚᐅᖅᑕᖏᑦ. Maple Leafs ᕼᐊᑭᖅᑎᐅᕙᓚᐅᖅᓯᒪᔪᑦ ᓵᓚᔅᓴᓚᐅᖅᑐᑦ ᕼᐊᑭᕐᓂᖅ ᐃᑲᔪᖅᑐᖅ ᐊᖏᕐᕋᖃᖏᑦᑐᓂᒃ ᐱᒃᑲᐅᓛᓂᑦ 7-6 ᓱᒃᑲᓕᖃᑦᑕᖅᑐᓂᑦ ᑕᑯᕋᓐᓈᖅᑐᓂᑦ ᐃᓚᒋᔭᐅᑎᑦᑎᓚᐅᖅᑐᑦ ᐱᒋᐊᙵᕐᓂᖓᓄᑦ ᐃᓱᐊᓄᑦ.
ᖃᓄᐃᓘᖅᑕᐅᔪᒥᑦ ᒥᔅᓯᖃᑦᑎᐊᓂᖅᓴᐅᓚᐅᖅᑐᖅ ᑮᓇᐅᔭᐃᑦ ᓇᒧᙵᕐᓂᖏᓐᓄᑦ. ᑕᒪᒃᑭᒃ ᖃᔪᖅᑐᕐᕕᒃ ᓄᓇᓕᒻᒥ ᓂᕿᑖᕐᕕᒃ ᐊᒻᒪ ᐊᓐᓇᐅᒪᒃᑲᐃᔩᑦ ᓄᓇᓕᒻᒥ ᑲᑐᔾᔨᖃᑎᒌᑦ ᐱᒻᒪᕆᐅᔪᒥᑦ ᐃᖅᑲᓇᐃᔭᕐᓂᖃᖅᑐᑦ ᓴᙵᑦᑎᒋᐊᖅᑐᒍ ᓄᓇᓕᐅᔪᖅ ᐊᒻᒪ ᐃᑲᔪᖅᑐᒋᑦ ᐃᓄᐃᑦ ᐊᒻᒪ ᐃᓚᒌᑦ ᐃᖃᓗᓐᓂ.
ᑲᓇᐃᑎᐊᓐ ᓄᐊᑦᑯᓐᓂ, ᐱᓕᕆᐊᔅᓴᕗᑦ ᐃᓅᓯᖅ ᐱᐅᓯᕚᓪᓕᖁᓪᓗᒍ ᓄᓇᓕᑦᑎᓐᓂ ᐱᔨᑦᑎᕋᖅᑕᑦᑎᓐᓂᑦ. ᖃᓄᐃᓘᖅᑕᐅᔪᑦ ᑖᒃᑯᓇᑎᑐᑦ ᑕᑯᔅᓴᐅᑎᑦᑎᔪᑦ ᓴᙱᓂᖓᓂ ᐱᓕᕆᖃᑎᒌᓐᓂᐅᔪᑦ ᐊᒻᒪ ᒥᔅᓯᖃᑦᑎᐊᖅᑐᒥᑦ ᐊᑦᑐᖅᑕᐅᔪᓂᑦ ᑕᐃᒪᐃᒍᓐᓇᕐᓂᖃᖅᑐᓂᑦ ᓄᓇᓕᐅᔪᖅ ᑲᑎᓐᓂᖃᕋᐃᒻᒪᑕ ᑲᑐᑎᔭᐅᔪᓂᑦ ᐱᔾᔪᑎᖃᖅᑐᒥᑦ.
ᖁᔭᓐᓇᒦᖅᑕᕗᑦ ᕼᐊᑭᕐᓂᖅ ᐃᑲᔪᖅᑐᖅ ᐊᖏᕐᕋᖃᖏᑦᑐᓂᒃ, Maple Leafs ᕼᐊᑭᖅᑎᐅᕙᓚᐅᖅᓯᒪᔪᑦ, ᑮᓇᐅᔭᖃᖅᑎᑦᑎᔪᑦ, ᐃᑲᔪᑐᐃᓐᓇᖅᑐᑦ, ᐱᙳᐊᖅᑏᑦ, ᐊᒻᒪ ᐃᖃᓗᐃᑦ ᓄᓇᓕᖓ ᐱᓇᓱᐊᕈᓯᐅᑉ ᓄᙳᐊᓂ ᐳᐃᒍᕋᔅᓴᐅᑎᑦᑎᖏᑦᑐᑦ.
