ᐅᖃᓪᓚᒍᓯᖅ ᐱᓕᕆᐋᖃᒻᒪᑦ ᐱᑕᖃᕆᐋᖃᓪᓚᕆᑦᑐᒥᒃ ᐱᓕᕆᐋᖃᓪᓗᓂ ᐆᒻᒪᕆᓐᓂᖓᓂ ᐃᓕᖅᑯᓯᐅᑉ, ᐊᒻᒪᓗ ᐱᔭᐅᑎᑦᑎᖃᑦᑕᕋᑦᑕ ᐃᓕᓐᓂᐊᑦᑎᐅᒍᓯᐊᓂᒃ ᐃᑲᔪᕈᑎᒋᒍᒪᓪᓗᒋᑦ ᐱᐅᓂᔅᓇᐅᓕᑦᑎᑕᐅᓂᓐᓂᖓᓄᑦ ᐃᓄᐃᑦ ᐅᖃᓪᓗᒍᓯᖏᑦ ᐅᑭᐅᑕᑦᑐᒻᒥᒃ.
ᐃᓄᓐᓄᑦ−ᓇᒻᒥᓂᕆᔭᐅᓂᖓᓄᑦ ᐃᖅᑲᓇᐃᔭᕕᒃ, ᑲᓇᐃᑎᐊᓐ ᓄᐊᑦ ᐱᓕᕆᒐᓱᐋᒻᒪᑦ ᑐᑭᖃᑦᑎᐊᑦᑐᒃᑯᑦ ᐱᐅᓂᔅᓴᐅᓕᑦᑎᑕᐅᒍᒪᓪᓗᑎᒃ ᐃᓅᓯᖏᓐᓂᒃ ᐃᓄᖁᑎᑦᑕ, ᐊᑭᓖᕙᑦᑐᖁᑎᑦᑕ ᐊᒻᒪᓗ ᓄᓇᓖᑦ ᐱᔨᔅᓯᖃᑦᑕᑦᑕᕗᑦ. ᐃᓚᒋᔭᐅᓗᓂ ᐃᑲᔪᓐᓂᕗᑦ ᓄᓇᓕᓐᓂᒃ ᐱᕙᓪᓕᐊᑦᑎᐋᔅᓯᒪᒻᒪᑦ, ᐱᔭᐅᑎᑦᑎᖃᑦᑕᕋᑦᑕ ᐃᓕᓐᓂᐊᑎᐅᒍᓯᐊᓂᒃ 17 ᐊᕐᕌᒍᓂ ᐃᓕᓐᓂᐊᑦᑎᓄᑦ ᑕᐃᒃᑯᓄᖓ ᓄᓇᕗᒻᒥᐅᑕᐅᔪᓄᑦ ᐅᕝᕙᓘᓐᓃᑦ ᓄᓇᑦᓯᐊᒥᐅᑕᐅᔪᓄᑦ.
ᑐᑭᓕᐅᑎᓗᒍ, ᐃᖅᑲᓇᐃᔭᖃᑎᖃᓲᖑᒐᑦᑕ ᓄᓇᕗᑦ ᓯᓚᑦᑐᔅᓴᕕᖓᓂᒃ ᐊᒻᒪᓗ ᓯᓚᑦᑐᔅᓴᕕᔾᔪᐊᖓᓂᒃ ᕕᒃᑐᕆᐊ ᐃᑲᔪᑦᑕᐅᖁᓪᓗᒋᑦ ᐃᓕᓐᓂᐊᑦᑏᑦ ᐃᓕᓐᓂᐊᑎᓪᓗᒋᑦ ᐃᓄᑦᑎᑐᑦ. ᐃᓕᓐᓂᐊᕈᑎᑦ ᐱᓕᕆᐊᖃᓪᓗᐊᑕᒻᒪᑕ ᐃᓄᐃᑦ ᐅᖃᓪᓚᒍᓯᖏᓐᓂᒃ ᐊᒻᒪᓗ ᐃᓕᖅᑯᓯᖏᓐᓂᒃ ᐃᓕᓐᓂᐋᓐᓂᑦ, ᑐᑭᓯᓇᔅᓯᑎᑦᑎᓂᑦ ᐊᒻᒪᓗ ᑐᑭᓕᐅᕆᓂᒃ, ᐊᒻᒪᓗ ᐊᑐᓕᒃᑲᓐᓂᑦᑎᑦᑎᓂᖅ ᐅᖃᓪᓚᒍᓯᓐᓂᒃ.
ᑕᑎᖃᓲᖑᒐᑦᑕ ᐃᓕᓴᐃᔨᓂᒃ, ᑕᐃᒃᑯᓂᖓ ᖃᐅᔨᒪᑦᑎᐋᓐᓂᐹᖑᔪᓂᒃ ᐃᓕᓐᓂᐊᑦᑎᖁᑎᖏᓐᓂᒃ, ᓇᓗᓇᐃᕈᓐᓇᓪᓗᓂᒋᑦ ᑕᐃᒃᑯᐊ ᐱᓕᕆᑦᑎᐋᕈᒪᓂᑉᐹᑦ, ᒪᑭᑦᑎᐊᒃᑲᓂᕈᓐᓇᓪᓗᑎᒃ ᐊᒻᒪᓗ ᓴᙱᔫᓗᑎᒃ ᓯᕗᓕᑦᑎᐅᓂᒻᒥᒃ ᐱᓕᕆᑦᑎᐊᕈᓐᓇᓐᓂᖏᑦ, ᐃᓚᒋᔭᐅᓪᓗᑎᒃ ᑮᓇᐅᔭᑎᒍ ᐱᒋᐊᖃᓐᓂᖏᑦ. ᐊᑐᓕᖁᔨᒍᑎᒋᔭᖏᑦ ᓴᕿᓚᐅᒻᒪᑕ ᓄᑖᖑᓛᓂ ᐃᓕᓐᓂᐊᑦᑎᐅᒍᓯᐊᑦ ᐅᑯᓄᙵᓪᓗᑎᒃ ᐃᓕᓴᐱ ᐊᕕᖓᖅ, ᓲᓴᓐ ᐃᑲᒃᕼᒃ, ᐊᒪᓐᑕ ᓂᖏᐅᔅᓯᐊᒃ ᐊᒻᒪᓗ ᔭᑎ ᐸᓂᓗ ᓄᓇᕗᑦ ᓯᓚᑦᑐᔅᓴᕕᖓᓂᒃ, ᐊᒻᒪᓗ ᒥᐊᓕ ᑯᓕᐃ−ᓴᑦᓗᕕᓂᖅ ᓯᓚᑦᑐᔅᓴᕕᔾᔪᐊᖓᓂᑦ ᕖᒃᑐᕆᐊ.
ᐅᐱᓇᔅᓯᐊᑉᐳᓯ, ᐃᓘᓐᓇᓯ! ᐅᑕᖅᑭᒍᓐᓇᐃᓕᔪᒍᑦ ᖁᕕᐊᓱᒍᑎᖃᓐᓂᐋᓐᓂᑦᑎᓐᓂᒃ ᐱᔭᕇᔅᓯᒍᑎᔅᓯᓐᓂᒃ.
