ᐃᓕᓴᕆᔭᐅᓂᖓᓄᑦ ᑲᓇᑕᒥ ᐅᓪᓗᖓ ᓱᓕᔪᒥᒃ ᓴᐃᒻᒪᖃᑎᒌᖕᓂᕐᒧᓪᓗ, ᑲᓇᐃᑎᐊᓐ ᓄᐊᑦ ᐅᐱᒍᓱᑦᑎᐊᓚᐅᒻᒪᑦ ᐃᑲᔪᕆᐊᔅᓴᖅ ᒪᕐᕉᓂᒃ ᑲᓇᑕᒥ ᐊᖅᑭᔩᑦ ᐱᙳᐊᑦᑎᖏᑕ ᐱᙳᐋᓂᖏᓐᓂᒃ ᑲᑎᖃᑎᒌᑦᑎᑦᑎᓚᐅᑦᑐᓂᒃ ᓄᓇᖃᖅᑳᒃᓯᒪᔪᑦ ᒪᒃᑯᑦᑐᖏᓐᓂᒃ, ᐃᓚᒌᓂᒃ ᐊᒻᒪᓗ ᓄᓇᓕᓐᓂᒃ ᑕᒪᑐᒨᓇ ᐱᙳᐋᓐᓂᒃᑯᑦ, ᐃᓕᖅᑯᓯᒃᑯᑦ, ᐊᒻᒪᓗ ᑲᑎᖃᑎᒌᓐᓂᒃᑯᑦ.
ᐃᖅᑲᓇᐃᔭᖃᑎᖃᓂᒃᑯᑦ ᓴᓂᐋᓂᓪᓗᑕ ᑕᐅᖅᓰᖃᑎᒋᓂᒻᒧᑦ ᑮᓐᓇᐅᔭᔅᓵᓂᒃ ᑎᒥᖁᑎᖓᑕ (EIC) ᐃᓚᒋᑦ ᓴᓇᕕᖁᑎᓂ, ᐱᓕᕆᖃᑎᒌᑦᑐᓂᒃ ᐃᖅᑲᓇᐃᔭᕕᓐᓂ, ᐊᒻᒪᓗ ᑲᓇᑕᒥ ᐊᖅᑭᔩᑦ ᐱᙳᐊᑦᑎᖏᓐᓂᒃ ᐃᓕᒌᑦᑐᓂᒃ, ᑲᓇᐃᑎᐊᓐ ᓄᐊᑦ ᑐᙵᓱᑦᑎᑦᑎᓚᐅᒻᒪᑦ ᐅᓄᓐᓂᔅᓴᓂᒃ 600−ᓂᒃ ᓄᓇᖃᖅᑳᒃᓯᒪᔪᑦ ᒪᒃᑯᑦᑐᖏᓐᓂᒃ, ᓄᓇᓕᒻᒥᐅᑕᓐᓂᒃ, ᐊᒻᒪᓗ ᐃᑲᔪᕈᒪᓯᒪᔪᓂᒃ ᐱᑐᐃᓐᓇᐅᖏᑦᑐᒃᑯᑦ ᖃᓄᐃᓘᑦᑎᑦᑎᒍᑎᓂ ᐃᐋᒻᒪᑕᒥ ᐊᒻᒪᓗ ᐋᑐᕚᒥ. ᒥᔅᓵᓂᑦᑐᓄᑦ 450 ᐱᓕᕆᖃᑎᒋᔭᐅᔪᓄᑦ, ᐊᑐᑦᑕᐅᔪᑦ ᐃᓚᖃᓚᐅᑉᐳᑦ ᐊᐅᓪᓚᑦᑐᓂᒃ ᓂᒋᒻᒧᑦ ᐅᐋᓐᓇᒻᒥᖓᓪᓗᑎᒃ ᓄᓇᓕᓐᓂᒃ, ᐃᓚᖏᑦ ᓯᕗᓪᓕᑉᐹᑦᑎᐊᒥᒃ ᐊᐅᓚᕆᐅᓪᓗᑎᒃ, ᐊᒻᒪᓗ ᓄᑖᒥᒃ ᐃᖅᑲᐅᒪᒐᔅᓴᑦᑖᓪᓗᑎᕐ ᐊᓯᒥᓐᓂᓪᓗ ᑕᐃᑲᓂ ᑲᓇᑕᒥ ᐊᖅᑭᔩᑦ ᐱᙳᐊᑦᑎᖏᑕ ᐱᙳᐋᕆᐊᑦᑐᕕᒋᓯᒪᔭᖑᓐᓂ ᐃᐋᒻᒪᑕᒥ ᐊᒻᒪᓗ ᐋᑐᕚᒥ.
ᑕᐃᑲᓂ ᐃᐋᒻᒪᑕ ᐃᐊᓪᑯᑦ ᓄᓇᖃᖅᑳᒃᓯᒪᔪᑦ ᖁᕕᐊᓱᑲᑎᒋᒍᑎᖃᕝᕕᖓᓂ ᐅᓐᓄᐊᒥ, ᐅᓄᓂᔅᓴᓂᒃ 300−ᓂᒃ ᓄᓇᖃᖅᑳᒃᓯᒪᔪᑦ ᒪᒃᑯᑦᑐᖏᓐᓂᒃ ᐊᒻᒪᓗ ᐃᑲᔪᖃᑕᐅᒍᒪᓯᒪᔪᓂᑦ ᐱᓕᕆᖃᑎᒋᔭᐅᓚᐅᒻᒪᑕ ᐅᓐᓄᒥ ᑕᑯᔅᓴᐅᑎᑦᑎᓗᑎᒃ ᐃᓕᖅᑯᓯᒃᑯᑦ ᑕᑯᕋᓐᓈᑦᑎᑦᑎᓂᒻᒥᒃ, ᓄᓇᓕᒻᒥ ᐱᓕᕆᔾᔪᑎᓕᐋᕆᓯᒪᔪᓂᒃ, ᐊᒻᒪᓗ ᐱᕕᔅᓴᖃᓕᕈᑎᓂᒃ ᐃᓚᒌᓕᓐᓂᒻᒥᒃ ᐊᕿᓂᒃᑯᑦ. ᐱᙳᐋᓂᖅ ᐋᖅᑭᔅᓱᐃᒍᑎᒋᔭᐅᓚᐅᒻᒥᒻᒪᑦ ᐱᓕᕆᖃᑎᒌᑦᑎᐅᓕᓐᓂᒻᒥᒃ ᐱᒋᐊᓕᕋᑖᑦᑎᓪᓗᒍ ᑕᒪᓐᓇ ᐊᕐᕌᒍ ᖃᐅᔨᒍᑎᒋᔭᐅᓚᐅᒻᒪᑦ ᐃᐋᓪᑯᑦ ᐱᙳᐊᑦᑎᖏᑦ ᐱᙳᐊᕆᐊᑐᓚᐅᒻᒪᑕ ᔨᐋᓗᓇᐃᑉᒧᑦ ᐊᕿᒋᐋᑦᑐᑦᑎᓗᑎᒃ ᓇᔪᑕᐅᓂᐊᑦᑐᒥ ᓄᓇᓕᒥᐅᑕᓐᓄᑦ ᒪᒃᑯᑦᑐᓄᑦ.
ᐱᓇᓱᐋᕈᓯᐅᓚᑦᑎᓪᓗᒍ ᑭᖑᓂᖓᒍᑦ, ᑲᓇᐃᑎᐊᓐ ᓄᐊᑦ ᑲᑎᓯᓚᐅᒻᒪᑦ ᐋᑐᕚ REDBLACKS (ᐊᐅᐸᒃᑐᖅ ᕿᕐᓂᑦᑕᓂᒃ) ᓱᓕᓂᒥᒃ ᓴᐃᒻᒪᖃᑎᒌᒍᑎᖃᓐᓂᒻᒥᓗ ᐱᙳᐋᓂᒻᒥ, ᑕᐃᒃᑯᓇᓂᓗ ᐅᓄᓐᓂᓴᓂᒃ 300−ᓂᒃ ᐅᐸᔅᓯᒪᔪᖃᓚᐅᑦᑐᓂ ᒪᑯᓇᙵᑦ 13−ᓂᒃ ᓄᓇᕗᑉ ᓄᓇᓕᖏᓐᓂᒃ ᑲᑎᖃᑎᒌᑦᑐᑎᒃ ᑕᐃᑲᓂ ᑐᕌᓐᑐ ᓇᒻᒥᓂᖃᑦᑎᓚᕆᓐᓂᒃ ᓇᔫᑎᓚᐅᑦᑐᑎ ᖃᐅᔨᒋᐅᓪᓗᑎᒃ ᐱᙳᐋᓐᓂᒻᒥᒃ. ᐅᓐᓄᖓᓂ ᑕᐅᑐᓚᐅᒻᒪᑕ ᖁᐋᒡᔪᒐᐅᔭᓕᓯᒪᔪᒥᒃ ᑲᓇᑕᐅᑉ ᐃᙱᑦᑕᐅᒍᑎᖓᓂᒃ, ᐊᓃᕝᕕᒻᒥ ᐱᙳᐋᑦᑐᓂᒃ ᐱᓕᕆᖃᑎᒋᔭᐅᒋᐊᑦᑐᔅᓯᒪᔪᑦ, ᐊᒻᒪᓗ ᐱᕕᖃᑦᑎᑕᐅᓪᓗᑎᒃ ᑕᑉᐱᔅᓱᐃᔨᐅᔪᑦ ᑕᑯᒍᓐᓇᔅᓯᓗᑎᒃ ᐊᒻᒪᓗ ᐊᔾᔨᓕᐅᕆᖃᑦᑕᕈᓐᓇᔅᓯᓗᑎᒃ ᓯᐋᓐᓇᖅ ᐃᕐᖑᓯᕐᔪᐊᒥᒃ.
ᑕᐃᑲᓂ ᑲᓇᐃᑎᐊᓐ ᓄᐊᑦᑯᓐᓂ, ᑲᑎᖃᑎᒌᑦᑎᑦᑎᓂᖅ ᐃᓄᓐᓂᒃ ᐊᒻᒪᓗ ᓄᓇᓕᓐᓂᒃ ᐅᑭᐅᑦᑕᑦᑐᓕᒫᒥ ᐆᒻᒪᑎᒋᔭᐅᒻᒪᑦ ᖃᓄᐃᓘᓂᓕᒫᕆᕙᑦᑕᑎᓐᓄᑦ ᐱᓕᕆᑎᓪᓗᑕ. ᐃᑲᔪᔅᓱᐄᓂᒻᒥᒃ ᐱᒋᐊᑦᑎᑦᑎᒍᑎᑦ ᑕᐃᒪᓐᓇᐃᑦᑐᑦ ᓴᖅᑭᑎᑦᑎᓲᖑᒻᒪᑕ ᐱᓕᕆᒍᒪᑦᑎᐊᓂᕆᔭᑦᑎᓐᓂᒃ ᓴᖅᑭᑎᑦᑎᖁᓪᓗᑕ ᐱᕕᔅᓴᖃᑦᑎᑕᐅᓂᖏᓐᓂᒃ ᒪᒃᑯᑦᑐᑦ, ᖁᕕᐊᓱᒍᑎᖃᓪᓗᑎᒃ ᓄᓇᖃᖅᑳᒃᓯᒪᔪᑦ ᐃᓕᖅᑯᓯᖏᓐᓂᒃ ᐊᒻᒪᓗ ᓴᙱᓂᔅᓴᐅᓕᑦᑎᑦᑎᒍᑎᒋᔭᐅᓪᓗᑎᒃ ᑲᓱᖃᑦᑕᐅᑎᓯᒪᓂᖏᓐᓂᒃ ᓄᓇᓕᐅᖃᑎᒌᑦ ᐱᔨᔅᓯᑉᐸᑦᑕᓕᒫᕗᑦ.
ᑕᐃᒪᓐᓇ ᓄᓇᓖᑦ ᑲᓇᑕᓕᒫᒥ ᓇᓗᓇᐃᒃᑯᑦᑎᔅᓯᑎᓪᓗᒋᑦ ᑲᓇᑕᒥ ᐅᓪᓗᖓ ᓱᓕᔪᒥᒃ ᓴᐃᒻᒪᖃᑎᒌᖕᓂᕐᒧᓪᓗ, ᑕᒪᒃᑯᐊ ᖃᓄᐃᓘᕈᑎᖃᓐᓃᑦ ᑕᑯᔅᓴᐅᑎᑦᑎᓚᐅᒻᒪᑕ ᐱᒍᓐᓇᓂᖓᓂᒃ ᖃᐅᔨᒋᐅᖃᑎᒌᓐᓂᒻᒥᒃ ᐃᓅᖃᑎᒌᓂᒃ ᑲᑎᖃᑎᒋᑦᑎᑦᑎᓗᑎᒃ ᐊᒻᒪᓗ ᐱᒍᒪᓂᑦᑖᑦᑎᑕᐅᓗᑎᒃ ᑕᐃᒃᑯᐊ ᑭᖑᕚᕆᓂᐋᑦᑕᕗᑦ.
