ᐊᒥᓲᓂᖅᓴᓂᑦ ᐃᓪᓗᓕᐅᓛᖅᑐᑦ ᑖᒃᑯᓇᖓ ᕼᐋᐱᑖᑦ ᐃᓅᓯᕐᒧᑦ ᐃᖃᓗᓐᓂ (HFHIQ) ᖁᔭᓕᓇᖅᑐᑦ 17-ᒋᓕᖅᑕᖓᓂ ᐊᕐᕌᒍᑕᒫᑦ ᑮᓇᐅᔭᕐᓂᒃ ᓄᐊᑦᓯᔪᑦ ᒑᕝᒧᑦ ᓵᓚᖃᕋᓱᐊᕐᓂᐅᔪᒃᑯᑦ. ᓵᓚᖃᕋᓱᐊᕐᓂᐅᔪᖅ, ᐋᒡᒌᓯ 23-ᒥᑦ ᒑᑎᓅ, ᑯᐊᐸᒃᒥᑦ, ᓄᐊᑦᓯᓚᐅᖅᑕᑦ $50,000 ᐅᖓᑖᓄᑦ ᐃᑲᔫᑎᖃᓂᐊᖅᑐᒥᑦ ᐃᑲᔪᖅᓱᕐᓂᕐᒥᑦ ᓴᙱᓂᖅᓴᓂᑦ, ᐆᒪᑦᓯᐊᕆᓂᖅᓴᐅᔪᓂᑦ ᓄᓇᓕᐅᔪᓂᑦ ᐅᑭᐅᖅᑕᖅᑐᒥᑦ.
ᕼᐋᐱᑖᑦ ᐃᓅᓯᕐᒧᑦ ᐃᖃᓗᓐᓂ (HFHIQ) ᐱᓕᕆᖃᑎᖃᓲᑦ ᑲᑐᔾᔨᖃᑎᒋᔭᐅᔪᓂᑦ ᐃᓪᓗᓕᐅᕐᓂᕐᒧᑦ ᐃᖃᓗᓐᓂ ᐃᓪᓗᑖᖅᑎᑕᐅᔪᑦ ᐊᑦᑕᕐᓇᙱᑦᑐᒥᑦ ᐃᓂᑦᓴᖃᑦᓯᐊᕐᓂᐊᕐᖓᑕ ᐊᖏᕐᕋᕆᓂᐊᖅᑕᒥᓂ.
ᑲᓇᐃᑎᐊᓐ ᓄᐊᑦ ᐃᑲᔪᖅᓱᖅᓯᒪᔪᑦ ᕼᐋᐱᑖᑦ ᐃᓅᓯᕐᒧᑦ ᐃᖃᓗᓐᓂ (HFHIQ) ᐊᒻᒪᓗ ᖃᖓᑕᓲᖅ ᑮᓇᐅᔭᒃᓴᖃᖅᑎᑦᑎᕙᒃᑐᖅ ᑖᑦᓱᒧᖓ ᓵᓚᖃᕋᓱᐊᕐᓂᐅᔪᒧᑦ ᐱᒋᐊᙵᕐᓂᖓᓂ. ᑕᕝᕙᓂ ᐊᕐᕌᒍᒥᑦ, ᐊᖓᔪᖅᑳᕗᑦ ᐊᒻᒪᓗ ᐊᐅᓚᑦᓯᔨᒻᒪᕆᒃ ᓯᐊᓕ ᑎ ᑲᕆᐊ ᑖᕙᓃᖃᑕᐅᓚᐅᖅᑐᖅ ᑕᑯᑦᓴᐅᑎᑦᓯᓂᕐᒥᑦ ᐃᑲᔪᖅᓱᕐᓂᕆᔭᑦᑎᓐᓂᒃ ᐊᒻᒪᓗ ᑐᓂᓯᓂᕐᒥᑦ ᖃᖓᑕᓲᒧᑦ ᓇᓗᓇᐃᒃᑯᑕᕐᓂᒃ ᑮᓇᐅᔭᓕᐅᕐᓂᕐᒧᑦ ᐊᑭᑦᑐᕋᐅᑎᓂᕐᒥᑦ.
ᐅᐱᒍᓱᑦᑐᒍᑦ ᐃᑲᔪᖅᓱᓂᕐᒥᑦ ᖃᓄᐃᓕᐅᕈᑕᐅᔪᓂᑦ ᓴᖅᑮᓲᓂᑦ ᐊᑭᑐᓗᐊᙱᑦᑐᓂᑦ, ᐃᓪᓗᑦᓯᐊᕙᓐᓂᒃ, ᐱᐅᓯᕚᓪᓕᖅᑎᑦᓯᓲᖅ ᐆᒪᑦᓯᐊᕆᓂᕐᒥᑦ, ᐃᓕᓐᓂᐊᕐᓂᕐᒥᑦ ᐊᒻᒪᓗ ᐃᓱᒪᒃᑯᑦ ᒪᑭᒪᑦᓯᐊᕐᓂᕐᒥᑦ. ᐃᑲᔪᖅᓱᕐᒥᔪᖅ ᑮᓇᐅᔾᔭᕋᓱᐊᕐᓂᕐᒧᑦ ᐱᕈᖅᐹᓪᓕᕐᓂᒥᑦ ᐊᒻᒪᓗ ᓄᓇᓕᑦᓯᐊᕆᓂᕐᒥᑦ, ᐊᔾᔨᒋᔭᖓ ᐱᓕᕆᓂᕆᔭᑦᑎᓐᓂᒃ ᐃᓅᓯᑦᑎᐊᕆᑦᓯᓂᕐᒥᑦ ᓄᓇᓕᐅᔪᓂᑦ ᐱᔨᑦᓯᕋᕐᕕᒋᔭᑦᑎᓐᓂᒃ.
