ᑲᓇᐃᑎᐊᓐ ᓄᐊᑦ ᐱᓕᕆᖃᑎᖃᖅᓯᒪᔪᑦ ᐊᑑᓂᔅ ᑲᑐᔾᔨᖃᑎᒌᓂᑦ ᐱᒋᐊᖅᑎᑦᓯᓂᕐᒥᑦ ᐸᕐᓇᑕᐅᓯᒪᔪᓂᑦ ᑲᔪᓯᔪᓂᑦ ᐋᖅᑭᒋᐊᖅᓯᓂᕐᒥᑦ ᐊᐅᓚᓂᕆᔭᑦᑎᓐᓂᒃ, ᒫᓐᓇᕈᓘᓚᐅᖅᑐᖅ ᐃᓱᒪᓕᓚᐅᖅᑐᒍᑦ ᐱᓕᕆᒃᑲᓐᓂᕐᓗᑕ, ᑲᑐᔾᔨᖃᑎᖃᕐᓗᑕ ᐃᑲᔪᖅᓱᕐᓂᕐᒥᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᑦᓴᐅᔪᓂᑦ ᑲᒪᒋᔭᐅᔪᓂᑦ ᐃᓕᑕᖅᓯᓂᒃᑯᓐᓄᑦ.
ᐃᓕᑕᖅᓯᓂᖅ, ᑐᙵᕕᖃᖅᑐᑦ ᓄᓇᕗᒻᒥ, ᐱᓕᕆᔪᒻᒪᕆᐅᓲᑦ ᑲᓲᒪᑎᑦᓯᓂᕐᒥᑦ ᐃᓄᓐᓂᒃ ᐃᓕᖅᑯᓯᕐᒥᓄᑦ ᐊᒻᒪᓗ ᖃᐅᔨᒪᔭᐅᔪᓂᑦ ᑕᐅᑐᓯᓐᓈᑦ ᓯᕗᓂᑦᓴᒧᑦ. ᖃᐅᔨᒪᔭᐅᔪᑦ ᖃᓄᖅᑑᑦᓯᐊᕈᓐᓇᕐᓂᖏᓐᓄᑦ, ᐃᓕᖅᑯᓯᕐᒧᑦ ᑐᙵᕕᖃᖅᓱᑎᒃ ᐃᓕᓐᓂᐊᕐᓂᕐᒧᑦ ᐱᓕᕆᐊᑦᓴᓂᑦ, ᐃᓕᑕᖅᓯᓂᒃᑯᑦ ᐋᖅᑭᐅᒪᑎᑦᓯᓲᑦ ᐊᒻᒪᓗ ᑲᔪᓯᑎᑦᓯᓲᑦ ᐋᖅᑭᑦᓯᐊᖅᓯᒪᔪᓂᑦ ᐱᓕᕆᐊᑦᓴᓂᑦ ᓄᓇᕗᒻᒥᐅᓄᑦ (ᓄᓇᕗᑦ ᐃᓄᖁᑎᖏᑦ) ᐊᒻᒪᓗ ᐃᖅᑲᓇᐃᔭᕐᕕᐅᔪᓄᑦ ᐅᑭᐅᖅᑕᖅᑐᒥᑦ. ᑖᒃᑯᐊ ᐱᓕᕆᐊᑦᓴᑦ ᐊᑐᖃᓯᐅᑎᔪᑦ ᐃᓕᖅᑯᓯᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᐅᖃᐅᓯᒃᑯᑦ, ᐅᖃᓕᒫᕐᓂᒃᑯᑦ, ᐊᒻᒪᓗ ᐊᔪᕈᓐᓃᖅᓴᓂᒃᑯᑦ ᐱᕙᓪᐊᓕᑎᑦᓯᓂᒃᑯᑦ.
ᐱᓕᕆᖃᑎᖃᕐᓗᑎᒃ ᐊᑑᓂᔅ ᑲᑐᔾᔨᖃᑎᒌᓂᑦ, ᐃᑲᔪᖅᓱᖃᑎᒌᓐᓂᕗᑦ ᐃᑲᔪᕐᓂᐊᖅᑐᖅ ᐃᓕᑕᖅᓯᓂᒃᑯᑦ ᑐᕌᒐᖓᓂ ᓴᙱᓂᖅᑖᖅᑎᑦᓯᓂᕐᒥᑦ ᓄᓇᕗᒻᒥᐅᓂᑦ ᑕᕝᕘᓇ “ᐃᓄᓐᓄᑦ ᑐᕌᖓᔪᒥᑦ” ᐱᓕᕆᐊᑦᓴᓂᑦ ᐊᑐᖃᓯᐅᑎᔪᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᒻᒪᕆᐅᔪᓄᑦ ᐊᔪᕈᓐᓃᖅᓴᕐᓂᕐᒥᑦ ᐱᕙᓪᓕᐊᑎᑦᓯᓂᒃᑯᑦ.
ᑐᑭᓯᒋᐊᕈᑎᑦᓴᒃᑲᓐᓃᑦ ᐃᓕᑕᖅᓯᓂᒃᑯᓐᓄᑦ, ᐅᐸᓪᓗᒍ: https://ilitaqsiniq.ca/ , Facebook or Instagram
