ᑲᓇᐃᑎᐊᓐ ᓄᐊᑦ ᐱᒍᒥᓇᓐᓂᓴᐅᓕᑦᑎᑦᑎᒐᓱᐊᒻᒪᑦ ᐃᑦᑎᕐᕕᑦ ᐊᑐᐊᒐᖏᓐᓂᒃ ᐱᐅᓂᔅᓴᐅᓕᑦᑎᑕᐅᖁᓪᓗᒍ ᐊᑦᑕᓇᖅᑐᒦᑕᐃᓕᑎᑦᑎᓂᖅ, ᐊᑑᑎᖃᑦᑎᐊᕐᓗᑎᒃ ᐊᒻᒪᓗ ᐊᑲᕐᕆᔮᑦᑎᐊᕐᓇᕐᓗᑎᒃ
ᑕᐃᒃᑯᐊ ᖃᖓᑦᑕᐅᑎᑦ ᑎᑎᕋᒃᑕᐅᓯᒪᔪᓄᑦ ᐅᓇᐅᑎᓪᓗᒍ ᐅᕝᕙᓘᓐᓃᑦ ᑭᖑᓂᖓᒍᑦ ᒪᐃ 29, 2024−ᒥ
ᑎᑭᑦᑎᐊᕋᓗᐊᕐᒪᖔᑕ ᖃᓄᐃᖏᑦᑎᐊᕐᓗᑎᒃ ᖃᖓᑕᔪᑦ ᐊᒻᒪᓗ ᐅᓯᔭᐅᔪᑦ ᐅᐸᒐᓱᒃᑕᖏᓐᓄᑦ ᐅᑯᐊ ᐱᒻᒪᕆᐅᓛᖑᔪᑦ ᑲᓇᐃᑎᐊᓐ ᓄᐊᑦ ᐱᔨᑦᑎᕋᐅᑎᖏᓐᓂ. ᐊᑑᑎᖃᓕᒃᑲᓐᓂᑦᑎᑕᐅᓗᓂ ᐊᐅᓚᓐᓂᕆᔭᐅᕙᑦᑐᖅ ᐊᒻᒪᓗ ᖁᕝᕙᓕᓐᓂᔅᓴᐅᓕᑦᑎᑕᐅᓂᖓ ᐱᔭᐅᒍᒪᕙᑦᑐᑉ, ᖃᐅᔨᓯᒪᓕᕋᑦᑕ ᐊᔅᓱᐋᓗᒃ ᐱᒋᐊᓪᓚᑲᓐᓂᓯᒪᓕᓐᓂᖏᓐᓂᒃ ᐊᐅᓚᕆᐊᑦᑐᑦᑐᑦ ᑎᒍᒥᐊᕈᒪᓂᖅᓴᐅᓕᕐᒪᑕ ᐊᒻᒪᓗ ᐅᓯᓕᖅᓯᓪᓗᑎᒃ ᐊᒥᓱᐊᓗᓐᓂᒃ ᐃᑦᑎᕐᕕᒃ. ᑕᒪᓐᓇ ᐊᑐᑦᑕᐅᓕᑦᑐᖅ ᓴᖅᑭᑎᑦᑎᓯᒪᓕᒻᒪᑦ ᕿᒪᑦᑕᐅᑎᑦᑎᖃᑦᑕᓕᓪᓗᓂ ᐃᑦᑎᕐᕕᖕᓂᒃ, ᖃᖓᑕᓲᓂᒃ ᑭᖑᕙᕆᐋᑦᑎᑦᑎᓂᑦ ᐊᒻᒪᓗ ᐊᒡᓛᓪᓗᓂᑦ ᖃᔅᓰᓐᓇᐅᓂᔅᓴᐅᓕᓪᓗᑎᒃ ᐊᑐᑦᑕᐅᒍᓐᓇᑦᑐᑦ ᐃᔅᓯᕚᐅᑕᐃᑦ.
100% ᐃᓄᓐᓂᒃ−ᓇᒻᒥᓂᕆᔭᐅᓂᖓᓄᑦ ᖃᖓᑕᓲᑯᑎ, ᑐᑭᓯᐊᔪᒍᑦ ᐱᒍᓐᓇᖃᑦᑕᖏᓐᓂᖏᓐᓄᑦ ᐊᑭᑐᓗᐊᖏᑦᑐᓂᒃ ᓂᐅᕕᐊᔅᓴᓂᒃ ᐅᑭᐅᑦᑕᑦᑐᒻᒥᒃ ᐃᓚᓐᓂᒃᑯᑦ ᑐᑭᖃᒻᒪᑦ ᐊᐅᓪᓚᑦᑎᑦᑎᓗᓂ ᐃᓚᒃᑲᓐᓂᖏᓐᓂᒃ ᑭᓱᖁᑎᓂᒃ ᐃᑭᒪᕕᐅᖃᒃᑕᑦᑐᒃᑯᑦ ᖃᖓᑕᕕᐅᖃᑦᑕᑦᑐᒃᑯᑦ. ᐅᒡᒍᓇᑦᑑᒐᓗᐊᖅ, ᐱᔾᔪᑎᒋᔭᐅᓂᖓ ᐅᓯᒍᓐᓇᓂᒻᒧᑦ ᐊᒻᒪᓗ ᐅᖁᒪᐃᓐᓂᖏᓐᓄᑦ ᐱᖁᔭᕋᓛᑦ, ᑕᐃᒪᓗ ᑐᑭᖃᖅᑐᖅ ᐃᑦᑎᕐᕕᖕᓂ ᐊᖑᒻᒪᑎᖃᑦᑕᓚᐅᓐᖏᑦᑐᑦ ᐱᖁᑎᖃᖅᑐᑦ ᑎᑭᒃᑲᓗᐊᖅᑎᓪᓗᒋᑦ. ᓯᕗᓪᓕᐅᑎᖁᔭᕗᖅ ᐊᖏᓂᖏᑦ ᓈᒻᒪᒃᓗᑎᒃ ᖃᑦᓯᐅᓂᖏᓪᓗ ᐅᓯᓕᐅᑎᔭᐅᔪᑦ ᐃᑦᑎᕐᕕᑦ ᖃᐅᔨᓴᖃᑦᑕᖅᑐᒍᑦ ᖃᖓᑕᓲᖅ ᐃᓗᓪᓕᕈᓐᓇᕐᓂᖓ ᒪᓕᑦᑎᐊᕋᓗᐊᕐᒪᖔᑦ.
ᑖᓐᓇ ᐃᓱᒪᒋᓗᒍ, ᓄᑖᕈᕆᐊᔅᓯᓂᐊᓕᕋᑦᑕ ᐅᓯᓕᐅᑎᔭᐅᔪᑦ ᐃᑦᑎᕐᕕᖕᓄᑦ ᐊᑐᐊᒐᓐᓂᒃ:
- ᐋᖅᑭᒋᐊᑦᑕᐅᓯᒪᓕᑦᑎᓪᓗᒋᑦ ᐅᓯᓕᐅᑎᔭᐅᔪᑦ ᐃᑦᑎᕐᕕᑦ ᐱᕕᖃᓕᑦᑎᑦᑎᒍᑎᒋᔭᐅᒻᒪᑕ ᐅᕙᑦᑎᒍᑦ Flex (ᖃᓄᑐᐃᓐᓈᕈᓐᓇᓪᓗᑎᒃ) ᐊᒻᒪᓗ Super-Flex (ᐊᔅᓱᐋᓗᒃ−ᖃᓄᑐᐃᓐᓈᕈᓐᓇᓪᓗᑎᒃ) ᖃᖓᑦᑕᐅᑏᑦ ᐊᑭᖏᑦ.
- ᓄᑖᖅ ᐱᐅᓯᕆᓂᐊᖅᑕᖓᑦ ᐊᐅᓪᓚᕐᓂᐊᖅᑐᑦ ᓯᕗᓪᓕᐅᑎᓗᒋᑦ ᐅᓯᓕᐅᑎᔭᐅᑎᖄᕐᓗᒋᑦ ᐱᒻᒪᕆᐅᒋᔭᑎᒃ ᐃᑦᑎᕐᕕᖕᒥᖕᓃᑦᑐᑦ.
- ᓄᑖᖑᕆᐊᖅᑎᓯᒪᓕᖅᐳᑦ ᐊᑭᖏᑦ ᐊᒥᓲᓂᖅᓴᐅᑎᓪᓗᒋᑦ, ᐊᖏᓗᐊᖅᑎᓪᓗᒋᑦ ᐊᒻᒪᓗ ᐅᖁᒪᐃᓗᐊᖅᑎᓪᓗᒋᑦ ᐃᑦᑎᕐᕖᑦ.
- ᐅᓄᓛᑦ ᓇᒃᓴᕈᓐᓇᖅᑕᑎᑦ 3 ᐃᑦᑎᕐᕕᑦ ᐅᓯᓕᐅᑎᔭᐅᑎᑦᑐᓐᓇᖅᑕᑎᑦ.
- ᐃᓚᒃᑲᓐᓂᖏᑦ ᐃᑦᑎᕐᕕᑦ ᐊᐅᓪᓚᑦᑎᑕᐅᒋᐊᓕᑦ ᐊᓯᐋᒍᓪᓗᑎᒃ ᐅᓯᔭᔅᓴᐅᓕᑦᑎᑕᐅᓗᑎᒃ.
- ᐋᕿᒋᐊᖅᓯᒪᓕᖅᑐᑦ ᐅᓯᓕᐅᑎᔭᐅᔪᖅ ᐃᑦᑎᕐᕕᒃ ᐊᑭᒡᖠᒋᐊᕈᑎᑦ Aurora Concierge ᐃᓚᒋᔭᐅᔪᓄᑦ.
ᐊᔾᔨᒋᔭᐅᙱᓪᓗᑎᒃ ᐅᓯᓕᐅᑎᔭᐅᔪᑦ ᐃᑦᑎᕐᕕᖕᓄᑦ ᐊᑐᐊᒐᖏᑦ ᐊᓯᖏᓐᓄᑦ ᖃᖓᑕᓲᖁᑎᒋᔭᐅᔪᓄᑦ, ᐊᑭᑭᓛᖑᑎᑦᑎᓲᖑᕗᒍᑦ ᑕᒪᓐᓇ ᐃᓚᖃᐃᓐᓇᕐᓂᐊᖅᑐᖅ ᐊᑕᐅᓯᒃᑲᓐᓂᕐᒥᒃ ᐊᑭᖃᓐᖏᑦᑐᒥᒃ ᐅᓯᓕᐅᔾᔨᔪᓐᓇᖅᑐᑦ ᐃᑦᑎᕐᕕᖕᒥᒃ.
ᑕᒪᒃᑯᐊ ᐊᓯᕈᑦᑕᐅᔪᑦ, ᑕᐃᒃᑯᑎᑐᓇᖅ ᐊᑐᓕᑦᑎᑕᐅᓯᒪᔪᑎᑐᑦ ᐊᓯᖏᓐᓂᒃ ᖃᖓᑕᓲᑯᑎᒋᔭᐅᔪᓂᑦ, ᐃᑲᔪᓐᓂᐋᒻᒪᑕ ᖃᖓᑦᑕᐅᑏᑦ ᐊᑭᖏᑦ ᐊᑭᑦᑐᓗᐋᖁᓇᒋᑦ ᑕᒪᒃᑯᐊᖑᒐᓗᐊᑦᑎᓪᓗᒋᑦ ᐊᑭᑦᑐᑉᐸᓪᓕᐋᓂᖏᑦ ᐊᐅᓚᔾᔪᑎᑦ, ᐅᖅᓱᔅᓴᐃᑦ, ᐃᖅᑲᓇᐃᔭᑦᑎᑦᑎᓂᒻᒧᑦ ᐊᑭᒋᔭᐅᔪᑦ, ᐃᓚᒋᔭᐅᓪᓗᓂ ᐃᓘᓐᓇᓕᒫᖏᓐᓄᑦ ᐊᑭᑦᑐᑉᐸᓪᓕᐋᓂᐅᔪᑦ.
ᓂᕆᐅᑦᑐᒍᑦ ᐱᐅᓂᖅᓴᐅᓕᓂᐊᕐᓂᖏᓐᓂᒃ ᐅᓯᓕᐅᑎᔭᐅᔪᖅ ᐃᑦᑎᕐᕕᒃ ᐱᔨᔅᓯᕈᑎᖏᓐᓂᒃ ᑐᓂᓯᓯᒪᓂᐊᕋᑦᑕ ᐊᒻᒪᓗ ᓂᕆᐅᖕᓂᐊᖅᐳᓯ ᑕᑯᓂᐊᕋᑦᓯ ᐃᓘᓇᓕᒫᖓ ᐱᐅᓂᒡᓴᐅᓕᑦᑎᑕᐅᑎᓪᓗᒍ ᓇᒻᒪᓈᓪᓗᑕ ᐱᓕᕆᐊᕆᔭᑦᑎᓐᓂᒃ ᐊᒻᒪᓗ ᐃᑲᔪᖅᐸᒃᑕᑦᑎᓐᓄᑦ ᐱᔨᔅᓯᕈᑎᓂᒃ.
ᐊᑏ ᒪᑉᐱᓚᐅᕈᒃ ᐃᑭᐊᕿᕕᑉᐳᑦ ᑕᒪᒃᑮᔪᓂᒃ ᓇᓗᓇᐃᔭᔅᓯᔪᓂᒃ ᓄᑖᓂᒃ ᐊᑐᐊᒐᑦᑎᓐᓂᒃ ᐅᕘᓇ www.canadiannorth.com/baggage.
ᓇᑯᕐᒦᒃ,
– ᑲᓇᐃᑎᐊᓐ ᓄᐊᑦ ᐱᓕᕆᖃᑎᒌᑦ
