Photos: visitgreenland.com
ᓂᒋᐊᓃᑦᑐᓂ ᐱᙵᓇᖓᓂ ᓯᔾᔭᖅ, ᓅᒃ ᐆᒻᒪᕆᒃᑑᓪᓗᓂ ᓄᓇᓕᐸᐅᔭᐅᕗᖅ ᑲᓛᖦᖠᑦ ᓄᓈᓐᓂ, ᐃᓕᖅᑯᓯᖃᑦᑎᐊᖅᑐᐊᓘᓪᓗᓂ, ᐱᐅᓯᕆᔭᐅᕙᓚᐅᖅᑐᓪᓗ, ᐊᒻᒪ ᖃᓄᐃᓕᐅᕈᓘᔭᖅᑐᑎᓪᓗ. ᐃᓯᑦᑕᕕᒋᔭᐅᓪᓗᓂ ᑲᓛᖦᖠᑦ ᓄᓈᓐᓄᑦ, ᓅᒃ ᓄᓇᓕᕋᓛᖑᖂᔨᓪᓗᓂ ᐃᑉᐱᓐᓇᓂᖓ ᓄᓇᒋᔭᐅᓪᓗᓂ ᒪᒪᖅᑐᓂᒃ ᓂᕆᕕᖁᑎᓄᑦ, ᓂᐅᕕᕝᕕᓐᓄᑦ, ᐊᒻᒪᓗ ᐱᐅᔪᐊᓗᓪᓗᑎᒃ ᑲᖏᑦᑐᖏᑦ ᖃᐅᔨᒋᐅᓪᓗᒋᑦ. ᐊᑲᐅᔪᒃᑯᑦ ᐃᖏᕐᕋᓂᖃᖅᑐᓂ ᐅᐱᕐᖔᒃᑯᑦ ᐊᒻᒪ ᐊᐅᔭᒃᑯᓪᓗ, ᐊᑐᕈᓐᓇᖅᑐᑎᑦ ᓅᒃ ᑕᑯᒥᓇᕐᓂᖓᓂ ᐅᑕᖅᑭᑯᑖᖃᑦᑕᖏᓪᓗᑎᑦ ᖃᖓᑕᓂᐅᔪᓂᒃ, ᐱᕕᖃᖅᑎᑦᑎᓂᕐᓴᐅᓪᓗᓂ ᑕᑯᒐᔅᓴᓂᒃ.
ᖃᐅᔨᒪᒋᑦ, ᖃᖓᑦᑕᐅᑎᑖᕐᓂᐊᕈᕕᑦ ᐃᖃᓗᓐᓂ ᓅᒃᒧᑦ ᐅᕝᕙᓘᓐᓃᑦ ᓅᒃᒥ ᐃᖃᓗᓐᓄᑦ, ᖃᖓᑦᑕᐅᑎᑖᕆᐊᖃᖅᑐᑎᑦ ᐅᕙᓂ Airgreenland.com.
ᐱᔾᔪᑎᒋᔭᑎᑦ ᓂᐅᕈᒐᔭᕈᕕᑦ
Photo: Elia Locardi
ᑕᑯᒥᓇᖅᑐᐊᓗᒃ, ᐃᓕᖅᑯᓯᖃᑦᑎᐊᖅᑐᖅ ᓅᒃ
ᑕᐅᑦᑐᑦᑎᐊᕆᑦᑐᐊᓗᒻᒪᑦ ᓅᒃ ᐆᒻᒪᑎᒋᔭᐅᓪᓗᓂ ᑲᓛᖦᖠᑦ ᓄᓈᓐᓄᑦ, ᐊᒻᒪᓗ ᓄᓇᓕᐸᐅᔭᖓ ᐊᒻᒪᓗ ᐃᓄᖏᑦ ᑕᔅᓴᐅᑎᑦᑎᒻᒪᑕ ᓄᓇᖓᓂ, ᐃᓕᖅᑯᓯᕆᖃᑦᑕᔅᓯᒪᔭᖏᓐᓂᒃ ᐊᒻᒪᓗ ᐃᓄᖏᓐᓂᒃ. ᖁᕕᐊᓲᑎᖃᕐᕕᐅᔪᖅ ᐱᐅᓯᑐᖃᕐᓂᒃ ᐊᒻᒪ ᑲᓛᖦᖠᑦ ᓄᓈᓐᓃᙶᖅᑐᓂ ᓂᕿᓂᒃ, ᓇᒥᑐᐃᓐᓇᖅ ᓴᓇᐅᒐᖃᖅᑐᓂ, ᑕᑯᔭᒐᖃᕐᕕᓪᓘ ᐊᒻᒪ ᑐᓴᕋᓐᓈᕋᔅᓴᐃᓪᓗ.
Photo: Mads Pihl
ᐊᑑᑎᖃᓂᑉᐹᑦ ᑕᑯᒍᒥᓇᓐᓂᖏᑦ
ᑎᑭᓚᐅᑦᑎᓪᓗᑎᑦ ᓴᐃᓪᓕᒍᕕ ᓄᓇᓕᐸᐅᔭᖓᓂ, ᖃᐅᔨᒋᐅᕆᐊᑦᑐᓪᓗᑎᒃ ᑲᖏᑦᑐᖏᓐᓂᒃ ᐊᒻᒪᓗ ᖃᖅᑲᖏᓐᓂᒃ ᓯᓐᓇᑦᑑᒪᖅᑰᔨᓗᑎᒃ ᐃᓚᓕᐅᑎᒐᔭᕋᕕᑦ ᓄᓇᖓᓄᑦ. ᐱᓱᒋᐊᑐᔅᓯᒪᓂᖅ, ᓇᖏᓪᓗᑎᑦ ᐊᖑᐊᓪᓗᑎᑦ ᐃᑭᒪᕕᒋᔭᓐᓂ, ᓴᑉᐱᓕᓐᓂᒃ ᑕᐅᑐᖃᑦᑕᓪᓗᑎᒃ, ᐊᒻᒪᓗ ᐅᒥᐊᒃᑯᑦ ᓇᒧᖓᖃᑎᒋᔭᐅᓗᑎᑦ ᑕᒪᒃᑯᐊ ᐃᓚᒋᔭᐅᒻᒪᑕ ᖃᐅᔨᒋᐅᑕᐅᒍᓐᓇᑦᑐᓄᑦ ᐃᓕᓐᓄᑦ ᐅᑕᖅᑭᔭᐅᑐᐃᓐᓇᕋᕕᑦ.
Photo: Norris Niman
ᐱᓕᕆᓃᑦ
ᖁᕕᐊᓇᓪᓗᑎᒃ ᖃᐅᔨᒋᐅᑦᑎᑦᑎᒍᑎᒋᔭᐅᔪᑦ ᓇᒧᙵᐅᑎᔭᐅᓗᑎᑦ ᓄᓇᓕᒻᒥ ᐊᐅᓪᓚᐅᔾᔨᓲᓄᑦ. ᓂᕿᔅᓴᔅᓯᐅᑎᑐᐃᓐᓇᐅᓚᐅᑦᑐᑦ ᓄᓇᓕᖃᕕᖃᓚᐅᖏᑦᑐᓂᒃ ᖃᐅᔨᒋᐅᓪᓗᓂ, ᐅᒥᐊᒃᑯᑦ ᑕᑯᒋᐅᑎᑕᐅᓗᓂ, ᐃᑎᔪᒥ ᐃᒪᕕᒻᒥ ᐃᖃᓗᒐᓱᐊᓂᒥᒃ ᐊᒻᒪᓗ ᐃᓅᓯᕆᔭᐅᕙᑦᑐᑐᖃᒥᓂᓐᓂᒃ, ᓂᕈᐊᓪᓗᓂ ᑲᓛᖦᖠᑦ ᓄᓈᑕ ᐊᔪᙱᓛᑦ ᐊᐅᓪᓚᐅᔾᔨᓲᓂᒃ ᖃᐅᔨᒋᐅᑎᑕᐅᓗᓂ ᖃᐅᔨᓚᐅᔅᓯᒪᓇᖏᑦᑐᓂᒃ.
ᖃᖓᑕᓂᒻᒧᑦ ᑐᓴᐅᒪᒍᑎᔅᓴᑦ
ᐊᐅᓪᓚᕐᓂᐊᕈᕕᑦ ᐋᑐᕚᒥ, ᒪᓐᑐᕆᐊᒥ, ᑰᔾᔪᐊᕐᒥ ᐅᕝᕙᓘᓐᓃᑦ ᐃᖃᓗᓐᓂ, ᐅᓇ ᐅᐱᕐᖔᒃᑯᑦ ᐊᐅᔭᒃᑯᓪᓗ ᑲᖓᑕᓂᐅᔪᑦ ᐱᕕᖃᖅᑎᑦᑎᐊᖅᑐᖅ ᐊᒻᒪ ᖃᖓᑎᑦᑎᓪᓗᓂ ᑐᕌᖅᑎᐊᖅᑐᓂᒃ ᓅᒃᒧᑦ ᐊᔾᔨᐅᖏᑦᑐᒥᒃ ᐊᑐᖅᑎᑦᑎᓂᐊᖅᑐᑦ. ᐱᓕᕆᔨᕗᑦ ᐱᑎᑦᑎᔪᑦ ᐊᒃᓱᕈᕐᓇᖏᑦᑐᒥ ᓇᒧᙵᐅᕙᓪᓕᐊᓂᕆᔭᓐᓂ ᐅᑭᐅᖅᑕᖅᑐᒥ ᑐᙵᓇᕐᓂᕆᔭᑦᑎᓐᓄᑦ; ᐱᔨᑦᑎᕋᕐᓂᕐᒥᑦ, ᐃᓂᑲᖅᑎᐊᖅᑑᓪᓗᑎ ᐃᔅᓯᕙᐅᑕᐃᑦ, ᐊᒻᒪ ᖁᔭᓕᔾᔪᑎᖃᖅᑐᑦ ᓂᕿᓂᒃ ᐊᒻᒪ ᓂᐅᖅᑲᒐᒃᓴᓂᑦ ᐱᒋᐊᕈᑎᑐᐃᓐᓇᐅᕗᑦ. ᐱᓕᕆᔨᕗᑦ ᑎᑭᑎᑦᑎᓂᐊᖅᑐᑦ ᐃᓕᓐᓂ ᑕᖃᓯᒪᖏᓪᓗᑎ ᐊᒻᒪ ᐸᓐᓇᑎᑦᑎᓗᑎᒃ ᓇᒧᙵᕈᓘᔭᕐᓂᕆᓂᐊᖅᑕᓐᓄᑦ.
ᖃᐅᔨᒪᒋᑦ, ᖃᖓᑦᑕᐅᑎᑖᕐᓂᐊᕈᕕᑦ ᐃᖃᓗᓐᓂ ᓅᒃᒧᑦ ᐅᕝᕙᓘᓐᓃᑦ ᓅᒃᒥ ᐃᖃᓗᓐᓄᑦ, ᖃᖓᑦᑕᐅᑎᑖᕆᐊᖃᖅᑐᑎᑦ ᐅᕙᓂ Airgreenland.com.
ᖃᐅᔨᒋᐊᓚᐅᔅᓯᐅᒃ ᓇᓖᕋᕕᒋᒍᓐᓇᑦᑕᓯ
ᐊᔾᔨᙳᐊᑦ ᑕᑯᔭᒐᖃᕐᕕᒃ
ᐊᔾᔨᙳᐊᖅ: Aningaaq R. Carlsen
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Reinhard Pantke
ᐊᔾᔨᙳᐊᖅ: visitgreenland.com
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Mads Pihl
Phot: Peter Lindstrom
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Stacy W. Head
ᐊᔾᔨᙳᐊᖅ: visitgreenland.com
ᐊᔾᔨᙳᐊᖅ: visitgreenland.com
ᐊᔾᔨᙳᐊᖅ: Peter Lindstrom
ᐊᔾᔨᙳᐊᖅ: Carlo Lukassen
ᐊᔾᔨᙳᐊᖅ: Peter Lindstrom
ᐊᔾᔨᙳᐊᖅ: Camilla Hylleberg
ᐊᔾᔨᙳᐊᖅ: Filip Gielda
ᐊᔾᔨᙳᐊᖅ: Peter Lindstrom
ᐊᔾᔨᙳᐊᖅ: visitgreenland.com
ᐊᔾᔨᙳᐊᖅ: Stacy W. Head
ᐊᔾᔨᙳᐊᖅ: Klaus Eskildsen
ᐊᔾᔨᙳᐊᖅ: Mads Pihl
ᐊᔾᔨᙳᐊᖅ: Camilla Hylleberg
ᐊᔾᔨᙳᐊᖅ: Matthew Littlewood
ᐊᐅᓪᓚᑦᑐᓂᒃ ᖃᐅᔨᒪᑎᑦᑎᒍᑎᑦ ᐊᒻᒪ ᐊᐱᖅᑯᑎᒋᔭᐅᒐᔪᑦᑐᑦ
ᐱᓯᒪᒋᐋᖃᑉᐳᖔ ᓂᐅᕐᕈᒍᓐᓇᐅᑎᒦᒃ ᑎᑭᓐᓂᐊᓪᓗᖓ ᐊᑯᑭᑦᑐᒨᑦ ᑲᓇᑕᒦᙵᓪᓗᖔ?
ᑕᐃᒪᓕ ᑲᓇᑕᒥᐅᑕᐅᒍᕕᑦ ᑐᔅᓯᕋᐅᑎᓕᐅᕆᐋᑐᖏᑦᑐᑎᑦ ᓂᐅᕈᒍᓇᐅᑎᒥᒃ ᓂᐅᕐᕈᓂᐋᓪᓗᑎᑦ ᐊᑯᑭᑦᑐᒧᑦ. ᐱᓯᒪᒋᐋᖃᑦᑐᑎᒃ, ᑕᐃᒪᐃᒃᑲᓗᐊᑦᑎᓪᓗᒍ, ᑲᓇᑕᐅᖏᑦᑐᒨᕈᓐᓇᐅᑎᒥᒃ ᓂᐅᕈᓂᐊᕈᕕᑦ ᐊᑯᑭᑦᑐᒧᑦ ᐊᒻᒪᓗ ᐅᑎᓐᓂᐊᓪᓗᑎᒃ ᐊᖏᕐᕋᓐᓄᑦ ᐃᓱᓕᑎᓪᓗᒍ ᐊᐅᓪᓚᔅᓯᒪᓂᕆᔭᐃᑦ.
ᖃᓄᓪᓕ ᓇᒧᖓᖃᑦᑕᕋᔭᖅᑯᖔ ᓅᒃᒥᓕᕈᒫ?
ᐅᐸᑦᑕᐅᓪᓗᐋᑕᖃᑦᑕᓂᖓ ᓅᒃ ᑲᑎᒻᒪᔫᒻᒪᑕ ᐊᒻᒪᓗ ᐱᓱᕕᒋᒐᓐᓂᑦᑐᓂ ᐃᓘᓐᓇᑲᓴᖏᓐᓄᑦ ᐅᐸᑕᐅᒍᒪᓯᐅᖑᔪᓄᑦ, ᑕᐃᒪᐃᒃᑲᓗᐊᑦᑎᓪᓗᒍ ᖃᖓᑕᓲᒃᑯᕕᒻᒦᖓᑦᑎᓪᓗᑎᑦ, ᓄᓇᓕᒻᒨᓪᓗᑎᒃ, ᓄᓇᓕᐅᑉ ᑭᓪᓕᖏᓐᓄᑦ ᐅᕝᕙᓘᓐᓃᑦ ᐱᓱᒋᐊᑦᑐᓂᐊᕈᕕᒃ ᐊᕙᑎᖏᓐᓄᒃ ᓄᓇᓕᐸᐅᔭᐅᑉ ᐊᑐᑦᑐᐊᕈᒪᒐᔭᑦᑐᑎᑦ ᑐᒃᑲᕆᐊᓕᒻᒥᒃ, ᓄᓇᓯᐅᑎᖃᓪᓗᑎᒃ, ᑖᔅᓯᓪᓗᑎᒃ ᐅᕝᕙᓘᓐᓃᑦ ᕚᓯᑰᓪᓗᑎᑦ.
ᓇᒦᒍᓐᓇᕋᔭᕋᒪᓖ ᓅᒃᒥᓐᓂᐋᕈᒫ?
ᓅᒃ ᐊᔾᔨᒌᖏᑦᑑᑎᓂᒃ ᓇᔪᑦᑕᐅᒍᓐᓇᑦᑐᑦᑕᖃᒻᒪᑦ ᐱᒋᐊᓪᓗᑎᒃ 4−ᒥᒃ−ᐱᐅᒋᔭᐅᓂᖃᒃᑐᓂᒃ ᑐᔪᒻᒥᕕᖃᐅᑦᑐᓂ ᑎᑭᓪᓗᒋᑦ ᑲᑎᒻᒪᔪᑦ ᐊᖏᕐᕋᕆᔭᐅᑎᑕᐅᓱᓂᒃ, ᓇᔪᒐᐅᑎᑕᐅᔪᓂᒃ ᐊᒻᒪᓗ ᐃᒡᓕᖃᓪᓗᓂ ᐅᓪᓛᕈᒻᒥᑕᕕᔅᓴᐅᔪᓂᒃ (B&B). ᖃᐅᔨᒋᐋᕈᓐᓇᑦᑕᑎᑦ ᐊᑯᑭᑦᑑᒥ ᐳᓚᕋᑦᑐᓕᕆᔨᒃᑯᑦ ᒪᑉᐱᒐᖁᑎᖏᑦ ᑕᑯᒋᐊᓪᓗᒋᑦ ᑎᑎᑦᑕᐅᓯᒪᔪᑦ ᐃᓘᓐᓇᑎᒃ ᓇᔪᑕᐅᒍᓐᓇᑦᑎᑕᐅᔪᓕᒫᑦ ᐊᑐᐃᓐᓇᐅᑎᑕᐅᔪᑦ.
ᖃᓄᐃᑦᑑᓱᖑᕙᓖ ᓯᓚᒋᓲᖔ?
ᐊᑯᑭᑦᑐᖅ ᓯᓚᑦᑎᐊᕙᐅᓗᐋᓱᖑᖏᒻᒪᑦ ᓯᓚᖓ ᐊᓐᓄᕌᑦᑎᐊᓯᒪᒋᐊᓕᒃ ᐊᒻᒪᓗ ᑲᒥᐋᓗᖃᑦᑎᐊᓪᓗᓂ ᑲᔪᓯᑦᑎᐊᖁᓪᓗᓯ ᐊᐅᓪᓚᔅᓯᒪᓂᕆᔭᔅᓯᓐᓂ. ᐊᓐᓄᕌᑦᑐᔅᓯᒪᑦᑎᐊᕆᐋᓕᒃ ᐊᒻᒪᓗ ᖃᓄᐃᖏᑦᑎᐊᖁᓪᓗᓯ ᓂᓪᓚᓱᓐᓂᖓᓂᒃ ᐊᒻᒪᓗ/ᐅᕝᕙᓘᓐᓃᑦ ᓯᕿᓐᓂᓗᐊᑦᑎᓪᓗᒍ ᐊᒻᒪᓗ ᐊᐳᑎᐅᓗᐊᑦᑎᓪᓗᒍ ᓇᓪᓕᕉᑎᓂᒻᒥ. ᐱᐅᔫᓐᓂᒃ ᐱᓱᑦᑐᔅᓯᐅᑎᖃᓪᓗᓯ ᑲᒥᐋᓗᓂᒃ ᖁᐋᓴᐅᖏᑦᑑᓐᓂᒃ ᐊᒻᒪᓗ ᓯᖏᓐᓃᒃᑭᒃ ᖃᓱᖓᑕᐃᓕᓗᑎᒃ ᐃᓯᒐᐃᔭᓂᐅᓴᒐᔭᖏᑦᑐᑎᑦ ᐊᒻᒪᓗ ᐸᓂᓐᓇᑦᑐᐋᓗᓪᓗᓂ ᐊᐅᔭᒃᑯᑦ.
ᖃᓄᑐᐃᓐᓇᐅᒐᓗᐊᖅᑲᑕ ᐱᒍᒪᔭᓯ, ᓯᕿᓂᔅᓯᐅᑎ ᐊᓪᓚᕈᑎᔭᒐᐃᑦ ᐊᒻᒪᓗ ᓯᕿᓐᓂᑦᑐᔅᓯᐅᑎᑦ ᐃᔭᐅᑎᑦ ᐱᓯᒪᔭᐅᒋᐊᖃᓪᓚᕆᑦᑐᑦ. ᓯᕿᓂᓐᓂᖓ ᓴᙱᔪᐋᓗᒻᒪᑦ ᐃᑉᐱᒌᓇᕈᓐᓇᔾᔮᙱᓇᕕᐅᒃ ᐆᓇᓐᓂᖓ ᒥᖑᐊᕕᒋᖃᑦᑕᓪᓗᑎᒃ ᑕᐃᒫᖑᒋᐊᖃᓕᑐᐊᕌᖓᕕᑦ.
ᕿᒫᓯᒪᒐᔅᓴᐅᖏᒻᒪᑕ ᑭᑦᑐᕆᐋᑦ ᐅᑭᐅᑦᑕᑦᑑᑉ ᐊᐅᔭ ᓇᓪᓕᕉᑎᓂᖓᓂ, ᐱᖃᕆᐊᖃᓪᓚᕆᑦᑐᑎᑦ ᑭᑦᑐᕆᐊᔅᓯᐅᑎᒥᒃ ᑎᒻᒥᑳᓱᒥᒃ. ᑕᐃᒪᓕ ᐃᓱᒫᓗᑎᖃᖏᒃᑯᕕᑦ ᐱᐅᔪᒥᒃ ᕿᑦᑐᕆᐊᑦᑕᐅᒌᒃᑯᑎᒥᒃ, ᓇᔅᓴᕈᓐᓇᑦᑐᑎᑦ ᐅᓕᔅᓯᒪᐅᑎᒃ ᑭᑦᑐᕆᐊᑦᑕᐅᒌᒃᑯᑎᒥᒃ ᓇᓱᔅᓯᒪᐅᑎᐅᓲᒥᒃ – ᐃᓕᓐᓂᒃ ᖁᔭᒋᓕᕋᔭᑦᑐᑎᑦ ᐊᓄᕆᖃᑦᑎᓐᓇᒍ ᐅᓪᓗᖏᓐᓂ.
ᖃᓄᐃᑦᑐᓂᒃ ᑮᓇᐅᔭᓂᒃ ᐊᒻᒪᓗ ᐊᐅᑦᑕᔫᓂᒃ ᐊᑭᓖᕙᒌᕈᑎᓂᒃ ᐊᑐᑕᐅᔪᖃᓲᖑᕚ?
ᑕᐃᓇᔅᓯᒃᑯᑦ ᑮᓇᐅᔭᖏᑦ (DKK) ᐊᑐᑦᑕᐅᓲᖑᒪᑕ ᑮᓇᐅᔭᖏᑦ ᐊᑯᑭᑦᑐᒻᒥ. ᐃᓚᖏᑦ ᓂᐅᕕᕝᕖᑦ ᐱᒍᓐᓇᓲᖑᒻᒥᑦ ᑲᓇᑕᐅᑉ ᑮᓇᐅᔭᖏᓐᓂᒃ, ᑭᓯᐊᓂ ᐊᑐᕈᓐᓇᐃᓇᓲᖑᖏᒻᒥᒻᒪᑕ ᐱᐅᔪᐋᓗᕗᖅ ᓇᔅᓴᖃᑦᑕᓪᓗᓂ ᑮᓇᐅᔭᓚᕆᓐᓂᒃ ᑕᐃᓇᔅᓯᒃᑯᑦ ᑮᓇᐅᔭᖁᑎᖏᓐᓂᒃ (DKK), ᐱᓗᐊᙳᐊᑦᑐᒥᒃ ᓂᐅᕈᓂᐋᕈᕕᑦ ᓄᓇᓕᕋᓛᖑᓂᔅᓴᓄᑦ. ᐊᐅᑦᑕᔪᑦ ᐊᑭᓖᕙᒌᕈᑎᑦ ᐊᑐᑦᑕᐅᒍᓐᓇᑦᑐᑦ ᑮᓇᐅᔭᓂᒃ ᐲᔅᓯᕕᓐᓂᒃ (ATM), ᐊᒻᒪᓗ ᐊᑐᑦᑕᐅᒍᓐᓇᑦᑎᑕᐅᓪᓗᑎᒃ ᕖᓴᐃᑦ, ᒫᔅᑐ ᑲᐅᑦ, ᐊᒻᒪᓗ ᐊᒥᐊᓕᑲᑦ ᐊᑭᓖᕙᒌᕈᑎᖏᑦ.
ᑭᒃᑯᓐᓂᒃ ᐊᒻᒪᓗ ᑭᓱᓂᒃ ᐊᔾᔨᓕᐅᕆᒍᓐᓇᖅᑯᖔ ᐊᑯᑭᑦᑐᒦ?
ᐊᔾᔨᓕᐅᕆᒍᓐᓇᑦᑎᑕᐅᔪᓯ ᐃᓄᓕᒫᓄᑦ ᓇᔪᑦᑕᐅᓲᓂ ᐊᑯᑭᑦᑐᒻᒥ, ᐃᓚᒋᔭᐅᓪᓗᑎᒃ ᐊᔾᔨᓕᐅᕆᒍᓐᓇᓪᓗᓯ ᓄᓇᐃᓇᒻᒥ ᐊᒻᒪᓗ ᐃᓄᓕᒪᓄᑦ ᐃᒡᓗᖁᑎᓂᒃ. ᐃᓄᖏᑦ ᐊᑯᑭᑦᑑᑉ ᑐᙵᓇᑦᑐᐋᓗᒻᒪᑕ ᐊᒻᒪᓗ ᐱᖃᓐᓂᑦᑐᑎᒃ, ᑕᐃᒪᐃᒃᑲᓗᐊᑦᑎᓪᓗᒍ ᐊᕆᖃᑦᑕᐃᓐᓇᕆᐋᖃᑦᑐᓯ ᐊᔾᔨᓕᐅᕆᓚᐅᖏᓐᓂᔅᓯᓐᓂ ᐃᐱᒋᑦᑐᐊᖃᑦᑕᓪᓗᒋᑦᓪᓗ “ᐋᒐᑦᑐᑦ” ᐅᕝᕙᓘᓐᓃᑦ ᑐᑭᓯᓇᔅᓯᑎᑦᑎᑎᓪᓗᒋᑦ ᖃᐅᔨᒪᑎᑦᑎᓗᑎ ᐋᒐᒪᑕ.
ᑕᐃᒪᓕ ᐊᔾᔨᓕᐅᕆᓕᓐᓂᕈᔅᓯ ᓂᕐᔪᑎᓂᒃ, ᐸᕕᓴᑦᑕᐃᓕᓗᒋᑦ, ᖁᐋᔅᓵᑦᑎᑕᐅᓕᓗᒋᑦ, ᐅᐸᑦᑕᐅᓕᓗᒋᑦ ᐅᕝᕙᓘᓐᓃᑦ ᕿᒥᕆᒐᓱᑦᑕᐃᓕᓗᒋᑦ ᐆᒪᔪᐃᑦ ᑐᑭᓯᓇᔅᓯᑎᒐᓱᐋᓪᓗᒋᑦ. ᕿᓄᐃᓲᓪᓗᑎᑦ ᖁᕕᐋᒋᓗᒍᓗ ᐱᕕᖃᓂᕆᔭᐃᑦ – ᐊᒻᒪᓗ ᖃᐅᔨᒪᓗᑎᒃ ᐊᔾᔨᓕᐅᕆᕕᔅᓴᐅᙱᑐᐃᓐᓇᕆᐊᖃᒻᒪᑦ.
ᑭᖑᓪᓕᐸᐅᓗᓂ, ᐋᖅᑭᓱᐃᒐᓱᖃᑦᑕᑦᑕᐃᓕᒋᑦ ᑭᓱᑐᐃᓐᓇᓐᓂᒃ, ᐱᕈᑦᑐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐋᖅᑭᔅᓯᒪᕙᒌᑦᑐᓂᒃ ᓄᓇᒥᑦᑐᓂᒃ ᐊᕙᑎᒦᑦᑐᓂᒃ ᐊᔾᔨᓕᐅᕋᓱᐋᑦᑕᑎᑦ ᓈᒻᒪᑦᑎᐋᑎᒐᓱᐊᓪᓗᒋᑦ. ᐋᖅᑭᔅᓯᒪᓂᕆᔭᐃᑦ ᐋᖅᑭᒋᐊᖃᑦᑕᓪᓗᒍ ᐅᕝᕙᓘᓐᓃᑦ ᐊᔾᔨᓕᐅᕈᑎᕕᑦ ᖃᓄᐃᓕᖓᓂᖓ ᐊᐅᓚᔭᐃᒐᓱᐋᙱᖓᓪᓗᑎᒃ ᐊᕙᑎᒦᑦᑐᓂᒃ.
ᖃᖓᒃᑯᓪᓕ ᑕᑯᒍᓐᓇᕋᔭᖅᑲᒃᑳ ᐊᔅᓴᓐᓃᑦ?
ᐊᔅᓴᓐᓃᑦ ᑕᑯᔅᓴᐅᓲᖑᒪᑕ ᓇᒥᑐᐃᓐᓈᕋᓗᐊᕈᕕᑦ ᓅᒃᒥ ᐅᑭᐊᔅᓵᒃᑯᑦ, ᐅᑭᐅᒃᑯᑦ, ᐊᒻᒪᓗ ᐅᐱᙵᒃᑯᑦ. ᐱᕕᖃᓂᑉᐹᒍᑐᐃᓐᓇᕆᐊᖃᑦᑐᑎᑦ ᑕᑯᒍᓐᓇᕋᔭᓪᓗᒋᑦ ᐊᐅᒍᓯᒥ/ᓯᑎᐱᕆᒥ ᑎᑭᓪᓗᒋᒃ ᒫᔾᔨ/ᐊᐃᕆᓕ, ᑕᑯᒐᔅᓴᐅᓂᐹᖑᒍᓐᓇᑦᑐᑦ ᐅᑐᐱᕆᒥ ᕕᕗᐊᕆᒧᑦ. ᓅᒃ ᐊᒥᓱᐋᓗᖏᒻᒪᑕ ᐃᓄᒋᐊᓂᖏᑦ 20,000−ᓂᒃ ᐃᓄᖃᒻᒪᑦ, ᓯᓚᐅᑉ ᓱᕈᔅᓯᒪᓂᖓ ᐊᑉᐸᓯᒻᒪᑦ ᑭᓯᐊᓂ ᐱᐅᓂᐹᖑᑐᐃᓐᓇᕆᐊᓕᒃ ᓯᓚᑖᓄᑲᐃᓐᓇᕈᕕᑦ ᐃᖏᕐᕋᔾᔪᑎᒃᑯᑦ ᐊᔾᔨᓕᐅᕆᑦᑎᐊᕈᒪᒍᕕᑦ ᐊᖅᓴᓐᓂᓐᓂᒃ.