Skip to content

A Few Travelling Tips

Travel Bank 101

Travel Bank ᓄᑖᖑᔪᖅ ᓂᐅᕕᖃᑦᑕᖅᑐᓄᑦ ᐅᑎᖅᑎᑕᐅᓂᖏᓐᓄᑦ ᐋᖅᑭᒍᑎᐅᔪᖅ ᐱᔪᓐᓇᑎᑦᑎᔪᖅ ᖃᖓᑕᓲᒃᑰᖅᑐᓂᑦ ᐊᐅᓚᑦᑎᓗᑎ ᐅᑎᖅᑎᑕᐅᔪᓂᑦ ᐃᕐᖏᓐᓈᕈᑎᒃᑯᑦ ᐅᕝᕙᓘᓐᓃᑦ ᐅᑯᑎᒎᓇ ᓂᐅᕕᖃᑦᑕᖅᑐᓂ ᑲᒪᒋᔭᖃᖅᑐᓄᑦ, ᐊᑲᐅᔪᒃᑯᑦ ᐊᑕᐅᓯᕐᒥ ᑮᓇᐅᔭᒃᑯᕕᒻᒥ.

ᖃᖓᑕᓲᒃᑰᖅᑐᑦ ᐊᑐᕈᓐᓇᖅᑕᖏᑦ Travel Bank−ᖓᓂ ᑮᓇᐅᔭᐃᑦ ᐊᑭᓕᐅᑎᐅᓗᑎ ᑐᕌᖅᑐᓄᑦ ᑎᑲᔅᓯᓄᑦ ᐅᕝᕙᓘᓐᓃᑦ ᐊᐅᓪᓚᓂᒃᑯᑦ ᑲᓇᐃᑎᐊᓐ ᓄᐊᑦ. ᑮᓇᐅᔭᐃᑦ ᐊᑐᖅᑎᑕᐅᔪᓐᓇᖅᑐᑦ ᐊᑕᖏᖅᑐᒍ ᐊᖏᓂᖓᓄᑦ ᓂᐅᕕᓂᕐᒧᑦ ᐱᖃᓯᐅᑎᓪᓗᑎ ᑖᒃᓰᑦ ᐊᓯᒪ ᐊᑭᖏᑦ, ᐱᖃᓯᐅᑎᓪᓗᑎ ᐊᓯᔾᔩᓂᕐᒧᑦ ᐊᑭᖏᑦ.

Travel Bank−ᒥ ᑮᓇᐅᔭᐃᑦ ᑲᑎᑦᑎᑕᐅᔪᓐᓇᕐᒥᔪᑦ ᐊᑕᐅᓯᕐᒧᑦ (1) ᐃᓚᒍᐳᑕᒃᑲᓐᓂᖓᓄ ᖃᓄᐃᑦᑑᓂᖓᓄ ᐊᑭᓖᓂᕐᒧᑦ. ᑖᓐᓇ ᑭᓪᓕᖃᖅᑎᑕᐅᔪᖅ ᐅᑯᓄᖓ Visa ᐊᒻᒪ MasterCard ᐊᑭᓕᔅᓴᓄᑦ ᐊᒻᒪ ᐊᐅᑦᑕᔫᓄ ᑮᓇᐅᔭᖃᐅᑎᓄᑦ ᐅᕝᕙᓘᓐᓃᑦ ᑮᓇᐅᔭᓄᑦ.

ᑎᑲᔅᓰᑦ ᑐᓂᔭᐅᑎᓪᓗᒋᑦ ᐊᑐᖅᑐᑎ Travel Bank−ᒥᑦ ᐊᑭᓕᐅᑎᐅᓪᓗᓂ, Travel Bank ᐅᓪᓗᒥᒨᖓᓕᖅᑎᑕᐅᑦᑕᐅᑎᒋᓕᐊᖅᑐᖅ ᑕᑯᔅᓴᐅᑎᑦᑎᓗᓂ ᑮᓇᐅᔭᓕᕆᔾᔪᑎᓂᑦ.

ᑐᑭᓯᒋᐊᕈᑎᔅᓴᑲᓐᓂᕐᓄᑦ, ᖃᐅᔨᒋᐊᕐᓗᒋᒃ ᐊᐱᖅᑯᑏᑦ-ᐊᒻᒪ-ᑭᐅᔾᔪᑏᑦ ᐃᓚᖓ ᐊᑖᓂ.

ᐊᐱᖅᑯᑏᑦ ᐊᒻᒪ ᑭᐅᔾᔪᑏᑦ

ᐋᒃᑲ. ᒫᓐᓇᐅᔪᒥᑦ ᑮᓇᐅᔭᐃᑦ ᐊᑐᖅᑕᐅᔪᓐᓇᖏᑦᑐᑦ ᐊᑭᓕᐅᑎᐅᓗᑎ ᐃᑦᑎᕐᕕᓄᑦ ᐊᑭᖏᓐᓄᑦ.

ᑕᒪᓐᓇ ᑐᓐᖓᓂᖃᖅᑐᖅ ᖃᓄᐃᑦᑑᓂᖓᓄᑦ ᐊᑭᖓᓄᑦ ᐃᓂᔅᓴᓕᐅᖅᓯᒪᔭᕐᓄᑦ. Super Flex (ᐊᔅᓱᐋᓗᒃ−ᖃᓄᑐᐃᓐᓈᕈᓐᓇᓪᓗᑎᒃ) ᐊᑭᖏᑦ ᐅᑎᖅᑎᒐᔅᓴᐅᖏᓐᓇᖅᑐᑦ ᐊᑭᓕᐅᑎᒋᔭᐅᒋᐊᓐᖓᓚᐅᖅᑐᒧᑦ ᖃᓄᐃᑑᓂᖓᓄᑦ ᑎᑲᔅᓯ ᓂᐅᕕᐊᖑᔪᖅ. Travel Bank ᐱᑕᖃᖅᑎᑦᑎᔪᖅ ᓂᐅᕕᖃᑦᑕᖅᑐᓄᑦ ᐊᑲᐅᔪᒥᑦ ᑮᓇᐅᔭᒃᑯᕕᒻᒥ ᐱᓯᒪᔭᐅᓗᑎ ᐅᑎᖅᑎᑕᐅᔪᑦ ᓂᐅᕕᕐᓂᖏᓐᓄᑦ ᐅᑎᖅᑎᑕᔅᓴᐅᖏᑦᑐᓂ ᐊᑭᖏᓐᓂ, ᓲᕐᓗ Saver (ᐊᑭᑭᓐᓂᖅᓴᐅᓗᑎ) ᐊᒻᒪ Flex (ᖃᓄᑐᐃᓐᓈᕈᓐᓇᕐᓗᑎᒃ) ᐊᑭᖏᓐᓄᑦ. ᖃᐅᔨᒋᐊᑦᑎᐊᖃᑦᑕᕐᓗᒋᑦ ᐊᑭᖓᓄᑦ ᖃᓄᐃᑦᑑᓂᖏᑦ ᐊᒻᒪ ᐊᑦᑐᐊᓂᖃᕐᕕᒋᔭᖏᑦ ᐅᖃᖅᓯᒪᓂᖏᓐᓄᑦ ᐊᒻᒪ ᖃᓄᐃᓐᓂᕆᒋᐊᓕᖏᓐᓄᑦ ᐃᓂᔅᓴᓕᐅᓚᐅᖅᑎᓐᓇᑎ.

Travel Bank−ᒋᔭᐃᑦ ᐱᖃᓯᐅᑎᓯᒪᔪᖅ ᐃᕝᕕᑦ ᐊᔾᔨᐅᖏᑦᑐᒧᑦ Aurora ᑐᓂᔭᐅᔪᓄᑦ ᓈᓴᐅᑎᖏᓐᓄᑦ, ᐊᑐᖅᑕᐅᔪᑦ ᐃᕝᕕᑦ ᓇᓗᓇᐃᔭᖅᓯᒪᓂᖏᓐᓄᑦ ᑲᓇᐃᑎᐊᓐ ᓄᐊᑦᑯᓐᓄᑦ.

ᖃᖓᑕᓲᒃᑰᓂᕐᒧᑦ ᐃᓂᔅᓴᓕᐅᖅᑕᐅᔪᑦ ᑐᓂᔭᐅᓯᒪᔪᓂᑦ ᐊᑦᑐᐊᓂᖃᖏᑦᑐᑦ Travel Bank−ᒧᑦ, ᑭᓯᐊᓂᓕ Travel Bank−ᒧᑦ ᑮᓇᐅᔭᐃᑦ ᐊᑐᖅᑕᐅᔪᓐᓇᖅᑐᑦ ᐊᑭᓕᐅᑎᐅᓗᑎ ᐊᑭᖏᓐᓄᑦ ᐊᒻᒪ ᑖᒃᓯᓄᑦ ᐊᑦᑐᐊᓂᓕᓐᓄᑦ ᐊᑭᓖᓂᕐᒧᑦ Aurora ᑐᓂᔭᐅᔪᓄᑦ ᐊᐅᓪᓚᓂᕐᒧᑦ. ᓄᖅᑲᑎᑦᑎᒋᐊᖃᕐᓂᕈᕕᑦ ᐃᓂᔅᓴᓕᐅᖅᓯᒪᔪᒧᑦ ᑐᓂᔭᐅᔪᓄᑦ, ᑖᓐᓇ ᐱᕙᓪᓕᐊᓂᖓ ᑕᐃᒫᔅᓴᐃᓐᓈᖏᓐᓇᖅᑐᖅ.

Travel Bank ᐊᑐᖅᑎᑕᐅᔪᓐᓇᖅᑐᖅ ᑐᕌᖅᑐᓄᑦ ᐊᑭᓕᐅᑎᓄᑦ ᐊᑭᖏᓐᓄᑦ ᐊᒻᒪ ᑖᒃᓯᓄᑦ Aurora ᑐᓂᔭᐅᔪᓄᑦ ᐊᑭᓖᓂᕐᒧᑦ ᓂᐅᕕᕐᓂᐅᔪᑦ. Travel Bank ᐊᑐᖅᑕᐅᔪᓐᓇᖏᑦᑐᖅ ᓂᐅᕕᕈᑎᐅᔪᓄᑦ ᐅᑯᑎᒎᓇ Aeroplan.

ᐋᒡᒐ, ᐊᑭᕗᑦ ᖁᕝᕙᐸᓪᓕᐊᔮᖏᑦᑐᑦ. ᐃᓚᒋᓪᓗᓂᐅᒃ ᑖᓐᓇ ᐊᑐᓕᖅᑎᑕᐅᓂᖓᓄᑦ, ᐊᒻᒪ ᓇᓕᒧᓐᓂᖃᕐᓗᓂ ᐱᓕᕆᓂᕐᒧᑦ ᐊᑐᐊᒐᐃᑦ, ᐊᓯᔾᔨᖅᑐᓄᑦ ᐊᒻᒪ ᓄᖅᑲᖅᑎᑕᐅᔪᓄᑦ ᐊᑐᐊᒐᕗᑦ ᐋᖅᑭᒋᐊᖅᑕᐅᓯᒪᔪᑦ ᐅᕙᒍᑦ ᓂᐅᕕᕐᓂᕐᒧᑦ ᐅᑎᖅᑎᑕᔅᓴᐅᖏᑦᑐᓂᑦ ᐊᑭᖏᓐᓂ. ᐱᒋᐊᕐᓗᓂ ᒫᑦᓯ 6, 2025, ᒫᓐᓇᐅᔪᒥᑦ ᐊᓯᔾᔩᓂᕐᒧᑦ ᐊᑭᖏᑦ ᐋᖅᑭᒋᐊᖅᑕᐅᓂᐊᖅᑐᑦ ᐊᓯᔾᔩᓂᕐᒧᑦ/ᓄᖅᑲᑎᑦᑎᓂᕐᒧᑦ ᐊᑭᖏᓐᓂ. Saver (ᐊᑭᑭᓐᓂᖅᓴᐅᓕᒃᓄᑎ) ᐊᑭᖏᑦ ᓄᖅᑲᖅᑎᑕᐅᔪᓐᓇᖅᑐᑦ ᐊᒻᒪ ᐅᑎᑦᑎᑕᐅᓗᑎ ᐃᕝᕕᑦ Travel Bank ᐊᔾᔨᖓᓄ ᐊᑭᖓᓄ $100-115, ᐊᒻᒪ Flex (ᖃᓄᑐᐃᓐᓈᕈᓐᓈᕈᑎᕗᑦ) ᐊᑭᖏᑦ ᓄᖅᑲᖅᑎᑕᐅᔪᓐᓇᖅᑐᑦ ᐊᒻᒪ ᐅᑎᖅᑎᑕᐅᓗᑎ ᐃᕝᕕᑦ Travel Bank ᐊᔾᔨᖏᓐᓂ ᐊᑭᖏᓐᓂ ᐊᑭᖃᕐᓗᓂ $50-57.50. ᓄᖅᑲᑎᑦᑎᓂᕐᒧᑦ ᐊᑭᖃᖏᑦᑐᖅ ᐊᑦᑐᐊᓂᓕᓐᓄᑦ ᐊᖏᔪᒧᑦ Super Flex (ᐊᔅᓱᐋᓗᒃ−ᖃᓄᑐᐃᓐᓈᕈᓐᓇᓪᓗᑎᒃ) ᐊᑭᖏᑦᓄ.

ᐄ. Travel Bank−ᒧᑦ ᐊᑮᑦᑐᖏᑦ ᐃᓱᓕᓐᓂᖃᖅᑐᑦ ᑎᑭᓯᒪᔪᓄᑦ 365 ᐅᓪᓗᐃᑦ ᑭᖑᓂᐊᒍᑦ ᐴᖅᑕᐅᓚᐅᖅᑎᓪᓗᒋᑦ ᐃᕝᕕᑦ ᑮᓇᐅᔭᒃᑯᕕᖓᓄᑦ.

ᑕᒪᒃᑭᒃ ᐊᑐᕈᓐᓇᖅᑕᑎᑦ. ᐱᔭᐅᓂᖏᑦ Travel Bank ᖃᕋᓴᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᐱᒡᒐᓇᖏᑦᑐᖅ. ᐃᕕᑦ ᑮᓇᐅᔭᒃᑯᕕᖓᓄᑦ ᐃᓯᑐᐃᓐᓇᕐᓗᑎᑦ ᐊᑐᕐᓗᒋᑦ Aurora ᐱᑎᑕᐅᔪᑦ ᐊᑎᖃᕐᕕᖓᓄᑦ ᐊᒻᒪ ᐃᓯᕈᓐᓇᐅᑎᖓᓄᑦ.

ᓂᐅᕕᖃᑦᑕᖅᑐᑦ ᐱᔪᓐᓇᖅᑐᑦ ᐃᕝᕕᑦ Travel Bank−ᖓᓄᑦ ᓇᓗᓇᐃᔭᖅᓯᒪᓂᖏᓐᓄᑦ ᐱᖃᓯᐅᑎᓪᓗᑎ ᐊᒥᓲᓂᖏᑦ, ᐃᓱᓕᕝᕕᖏᑦ ᐅᓪᓗᖏᑦ. ᐊᒻᒪ ᐱᓕᕆᓂᐅᓯᒪᔪᑦ ᐅᕗᓐᖓᕐᓗᑎ canadiannorth.com, ᓇᕿᓪᓗᒍ “log-in” ᑐᕌᕈᑎᖓ, ᐊᒻᒪ ᐊᑐᕐᓗᒍ Aurora ᐱᑎᑕᐅᔪᑦ ᐊᑎᖓᓄᑦ ᐊᒻᒪ ᐃᓯᕈᑎᖓᓄᑦ.

ᐅᖃᖃᑎᖃᖔᕈᒪᒍᕕᑦ ᑭᓇᑐᐃᓐᓇᕐᒥᑦ, ᓂᐅᕕᖃᑦᑕᖅᑐᓄᑦ ᖃᐅᔨᒋᐊᕐᕕᒻᒥ ᐃᖅᑲᓇᐃᔭᖅᑏᑦ ᐊᑐᐃᓐᓇᐅᔪᑦ ᓇᒡᒐᔾᔭᐅᒥ ᑕᓪᓕᒥᕐᒧᑦ, 6:30 ᐅᓪᓛᒃᑯᑦ ᑎᑭᑦᑐᒍ ᖁᓛᓄᑦ ᐅᓐᓄᐊᒃᑯᑦ (ᑲᓇᓐᓇᕐᒥ) ᐊᒻᒪ ᐱᓇᓱᐊᕈᓯᐅᑉ ᓄᓐᖑᖏᓐᓂ, 7:00 ᐅᓪᓛᒃᑯᑦ ᑎᑭᑦᑐᒍ 9:00 ᐅᓐᓄᒃᑯᑦ (ᑲᓇᓐᓇᕐᒥ) ᐊᒻᒪ ᐅᖄᓚᑯᐅᔪᓐᓇᖅᑐᑦ ᐅᕙᓂ 1-800-267-1247.

ᐄ. Travel Bank−ᒧᑦ ᑮᓇᐅᔭᐃᑦ ᐊᑐᖅᑕᐅᔪᓐᓇᖅᑐᑦ ᓂᐅᕕᓂᕐᒧᑦ ᐊᓪᓚᓂᕐᒧᑦ ᖃᖓᑕᓲᒃᑰᖅᑐᒧᑦ ᓴᓂᖓᓂ ᑮᓇᐅᔭᒃᑯᕕᖃᖅᑐᒧᑦ. Travel Bank−ᒧᑦ ᓂᐅᕕᕆᐊᖃᖅᑐᖅ ᐊᑐᕐᓗᓂ ᓂᐅᕕᖃᑦᑕᖅᑐᑦ ᓇᓗᓇᐃᔭᖅᓯᒪᓂᖏᓐᓄᑦ ᐊᒻᒪ ᓇᓗᓇᐃᔭᖅᓯᒪᓂᖏᑦ ᖃᖓᑕᓲᒃᑰᖅᑐᒧᑦ ᐊᐅᓪᓚᓂᕐᒧᑦ. ᐊᑭᓕᐅᑏᑦ ᐱᔭᕇᖅᑕᐅᔪᓐᓇᖅᑐᑦ ᐊᑐᕐᓗᑎ Travel Bank ᑮᓇᐅᔭᖏᓐᓄᑦ.

ᐋᒃᑲ. ᑲᓇᐃᑎᐊᓐ ᓄᐊᑦ Travel Bank−ᒧᑦ ᑮᓇᐅᔭᐃᑦ ᓴᖅᑭᔮᖅᑎᑕᐅᔪᑦ ᐊᑭᑭᓪᓕᒋᐊᖅᓯᒪᔪᓄᑦ ᖃᓄᐃᑦᑐᑐᐃᓐᓇᕐᓄ ᖃᖓᑕᓲᓕᕆᔨᓄᑦ ᓇᓗᓇᐃᖅᑕᐅᓯᒪᔪᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖏᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᓈᒻᒪᖏᒍᓐᓇᖅᑐᑦ ᐅᕝᕙᓘᓐᓃᑦ ᓈᒻᒪᒍᓐᓃᕈᓐᓇᖅᑐᑦ ᑭᖑᓂᐊᒍᑦ ᐅᓪᓗᖓᓄᑦ.

ᐋᒃᑲ. ᑐᓂᕐᕈᓯᐊᖅᑎᑦᑎᓂᖅ Travel Bank−ᒥᑦ ᑮᓇᐅᔭᐃᑦ ᐱᔪᓐᓇᖅᑎᑕᐅᖏᑦᑐᖅ.

ᐊᐅᓪᓛᖅᑎᑕᐅᓂᐅᔪᑦ ᐱᔪᓐᓇᖅᑎᑕᐅᖏᑦᑐᑦ ᓴᓂᐊᓂ ᐅᑯᓂᖓ ᐱᔪᓐᓇᖅᑎᑕᐅᔪᓂᑦ:

  • Travel Bank−ᒥ ᑮᓇᐅᔭᐃᑦ ᐊᐅᓪᓛᖅᑎᑕᑐᐊᖑᔪᓐᓇᖅᑐᑦ Travel Bank−ᑯᕕᒻᒥ ᑎᒍᒥᐊᖅᑎᒧᑦ.
  • ᑮᓇᐅᔭᐃᑦ ᐊᐅᓪᓛᖅᑎᑕᑐᐊᖑᔪᓐᓇᖅᑐᑦ ᑖᔅᓱᒧᖓᔅᓴᐃᑦ ᑮᓇᐅᔭᒃᑯᕕᒻᒥ ᑎᒍᒥᐊᖅᑎᒧᑦ ᐊᒥᓱᒐᒪᓐᓂᑦ ᑮᓇᐅᔭᒃᑯᕕᖃᖅᑐᒥᑦ.
  • ᑲᑎᑦᑎᑕᐅᓂᖏᑦ ᐊᔾᔨᒌᑦ ᑮᓇᐅᔭᒃᑯᕖᑦ.
  • ᐊᐅᓪᓛᖅᑕᐅᓂᖏᑦ Travel Bank−ᒥ ᑮᓇᐅᔭᐃᑦ ᐊᕐᕌᒍᑭᑦᑐᓄᑦ ᐊᖏᔪᖅᑳᖏᓐᓄᑦ/ᐱᓯᒪᑦᑎᔨᖏᓐᓄᑦ ᑮᓇᐅᔭᒃᑯᕕᖏᓐᓄᑦ.
  • ᐊᐅᓪᓛᖅᑕᐅᓂᖏᑦ ᑮᓇᐅᔭᐃᑦ ᐴᖅᑕᐅᓯᒪᔪᑦ ᑕᕝᕗᖓᐅᖏᑦᑐᖅ Travel Bank−ᒥᑦ ᓇᒻᒥᓂᖅ ᐱᔨᑦᑎᖅᑐᓄᑦ ᐊᓯᔾᔨᖅᑐᓄᑦ ᐅᕝᕙᓘᓐᓃᑦ ᓄᖅᑲᖅᑎᑕᐅᔪᓄᑦ ᐅᑯᑎᒍᓇ canadiannorth.com

ᐃᓚᒋᔭᖓ ᖁᓛᓂ ᖃᓄᐃᓕᖓᓂᐅᔪᓐᓇᖅᑐᑦ ᐊᑐᖅᑕᐅᔪᑦ, ᐊᐅᓪᓛᑎᑦᑎᓂᐅᔪᖅ ᐱᔪᓐᓇᖅᑎᑕᑐᐊᖑᒧᖅ ᑕᒪᒃᑭ ᑮᓇᐅᔭᒃᑯᕖᒃ ᐱᑕᖃᖅᓯᒪᒍᑎ ᐊᕐᕕᓂᓕᓐᓂᑦ ᐅᓪᓗᓂᑦ ᐅᕝᕙᓘᓐᓃᑦ ᐊᑯᓂᐅᓂᖅᖅ.

Travel Bank ᐊᒻᒪ ᑮᓇᐅᔭᐃᑦ ᐱᔭᔅᓴᑐᐊᖑᔪᑦ ᐊᑐᖅᑐᑎ ᓂᐅᕕᖃᑦᑕᖅᑐᒧᑦ ᓇᓗᓇᐃᔭᖅᓯᒪᓂᖏᓐᓄᑦ.

ᖃᖓᑕᓲᒃᑰᖅᑐᑦ ᖃᐅᔨᒋᐊᕐᕕᒋᒧᓐᓴᖅᑕᖏᑦ ᑲᓇᐃᑎᐊᓐ ᓄᐊᑦ Travel Bank ᖃᐅᔨᒋᐊᕐᓂᐅᔪᒧᑦ, ᐊᒻᒪ ᑭᓇᐅᓂᕐᓄᑦ ᓇᓗᓇᐃᖅᓯᒪᔭᑎᑦ ᓇᓗᓇᐃᖅᑕᐅᓂᐊᖅᑐᑦ ᒪᓕᓐᓂᖃᕐᓗᑎ ᑲᓇᐃᑎᐊᓐ ᓄᐊᑦ ᑲᓐᖑᓇᖅᑎᑦᑎᓂᕐᒧᑦ ᐱᔪᓐᓇᖅᑎᑕᐅᓂᕐᒧᑦ ᐊᑐᐊᒐᖏᓐᓂ.

ᖃᖓᑕᓲᒃᑰᓂᐊᓂᕐᒧᑦ ᐃᓂᔅᓴᓕᐅᕐᓂᐅᔪᑦ Travel Bank−ᒧᑦ ᐊᑮᑦᑐᐃᑦ ᓂᐅᕕᖅᑕᐅᔪᑦ ᑎᓪᓕᒑᖑᓯᒪᔪᒧᑦ ᐊᐅᑦᑕᔫᒧᑦ ᐅᕝᕙᓘᓐᓃᑦ ᐊᓯᖏᓐᓄ ᐱᔪᓐᓇᖅᑎᑕᐅᖏᑦᑐᓄᑦ ᐃᓱᓕᑦᑎᑕᐅᓂᐊᖅᑐᑦ ᐊᒻᒪ ᓄᖅᑲᖅᑎᑕᐅᑦᑕᐅᑎᒋᓗᑎ ᑐᓴᖅᑎᑦᑎᒍᑎᖃᖏᓪᓗᑎ ᐅᕝᕙᓘᓐᓃᑦ ᐅᑎᖅᑎᑦᑎᕕᐅᖏᓪᓗᑎ. ᑲᓇᐃᑎᐊᓐ ᓄᐊᑦ ᐸᓯᔭᔅᓴᐅᔮᖏᑦᑐᑦ ᖃᓄᐃᑦᑐᑐᐃᓐᓇᕐᓄ ᔭᒐᐃᔭᐅᔪᓂᑦ ᑭᓇᐅᔭᓂᑦ ᓴᖅᑭᖅᑐᓂ ᒪᓕᒐᖅᑎᒍᑦ ᓯᖁᒥᑦᑎᔪᓂ ᓱᓕᖏᑦᑐᓂᑦ ᐱᓕᕆᓂᖃᖅᑐᓂᑦ.

ᑲᖐᓱᒃᑯᕕᑦ ᐱᕋᔭᑦᑐᓄ ᐊᑐᖅᑕᐅᓂᖓᓄᑦ ᐃᕝᕕᑦ Travel Bank−ᖓᓄ, ᖃᐅᔨᒋᐊᕐᕕᒋᓗᒋᑦ customerrelations@canadiannorth.com

ᖃᓄᐃᑦᑐᑐᐃᓐᓇᐃᑦ ᑐᓴᖅᑎᑦᑎᒍᑕᐅᓯᒪᔪᑦ ᐱᕋᔭᑦᑐᓄ ᐊᑐᖅᑕᐅᓂᖓ Travel Bank ᖃᐅᔨᓴᖅᑕᐅᓂᐊᖅᑐᑦ ᑭᓯᐊᓂᓕ ᑲᓇᐃᑎᐊᓐ ᓄᐊᑦ ᐸᓯᔭᔅᓴᐅᖏᑦᑐᑦ ᖃᓄᐃᑦᑐᑐᐃᓐᓇᕐᓄ ᐱᔪᓐᓇᖅᑎᑕᐅᖏᑦᑐᓂᑦ ᐊᑐᖅᑕᐅᓂᖓᓄ ᓂᐅᕕᖃᑦᑕᖅᑐᒧᑦ ᓇᓗᓇᐃᔭᖅᓯᒪᓂᖏᓐᓄᑦ, Aurora ᐱᑎᑕᐅᔪᓄᑦ ᓇᓗᓇᐃᒃᑯᑕᖏᑦ ᐊᒻᒪ ᓇᓗᓇᐃᔭᖅᓯᒪᓂᖏᑦ, ᐃᓯᕈᓐᓇᐅᑎᖏᑦ, Travel Bank−ᒥᑦ ᑮᓇᐅᔭᐃᑦ ᐅᕝᕙᓘᓐᓃᑦ ᐊᑭᓖᓂᕐᒧᑦ ᐊᐅᑦᑕᔫᖓᓄ ᑐᑭᓯᒋᐊᕈᑎᖏᓐᓂ.

ᖃᐅᔨᒪᔭᐅᔭᕆᐊᓕᒃ, ᑲᓇᐃᑎᐊᓐ ᓄᐊᑦ ᓇᓗᓇᐃᖅᓯᓂᖃᕈᓐᓇᑐᐃᓐᓇᖅᑐᑦ Travel Bank−ᒥᑦ ᑮᓇᐅᔭᐃᑦ ᒫᓐᓇᐅᔪᒥᑦ ᐊᑐᐃᓐᓇᐅᒻᒪᖔᑕ.

ᐃᓅᔪᓐᓃᖅᑐᖃᖅᑐᒥᓂᐅᑎᓪᓗᒍ, ᑐᓂᔭᐅᑎᓪᓗᒋᑦ ᓈᒻᒪᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᒃᑯᑕᐃᑦ, ᐃᓅᔪᓐᓃᓂᕐᒧᑦ ᓇᓗᓇᐃᒃᑯᑕᐃᑦ ᐅᕝᕙᓘᓐᓃᑦ ᐃᓗᕕᖅᓯᓕᕆᔨᒧᑦ ᐅᓂᒃᑳᖏᑦ, ᖃᖓᑕᓲᒃᑰᖅᑐᒧᑦ ᑎᑲᔅᓯᖏᑦ ᐅᑎᖅᑎᑕᔅᓴᐅᓂᐊᖅᑐᑦ ᑲᒪᔨᖓᓄᑦ. ᐅᑎᖅᑎᑕᔪᑦ ᐊᔾᔨᒌᖏᓐᓂᕆᓂᐊᖅᑕᖓ, ᐱᑕᖃᕈᓂ, ᐊᑭᖓᓄ ᐊᑭᓕᖅᑕᐅᓯᒪᔪᖅ ᐱᑕᖃᖏᓪᓗᓂ ᐊᑐᖅᑎᑕᐅᔪᓐᓇᖅᑐᖅ ᑐᕌᐃᓐᓇᖅᑐᒧᑦ ᐊᑭᖓ ᐃᖏᕋᓂᕐᒧᑦ ᐊᑐᖅᑕᐅᓯᒪᔪᖅ. ᐃᖏᕋᓂᕐᒧᑦ ᐊᑐᖅᑕᐅᓯᒪᔪᖃᖏᒃᑯᓂ, ᐊᑕᖏᖅᑐᓂᑦ ᐅᑎᖅᑎᑕᐅᔪᑦ ᑐᓂᔭᐅᓂᐊᖅᑐᑦ.

ᑕᑯᓗᒋᑦ ᑲᓇᐃᑎᐊᓐ ᓄᐊᑦ ᑲᓇᑕᒥ ᑖᒃᓯᓄᑦ ᓇᓗᓇᐃᔭᖅᓯᒪᒃᑲᓂᕐᓂᖏᓐᓄᑦ.

ᐋᒃᑲ. ᐊᐅᓪᓚᖃᑦᑕᖅᑐᓕᕆᔨ ᑎᒥᐅᔪᖅ ᐊᒻᒪ ᑎᑲᔅᓰᑦ ᑐᓂᔭᐅᔪᑦ ᐊᓯᖏᓐᓄᑦ ᖃᖓᑕᓲᓕᕆᔨᓄᑦ (OA) ᓯᓚᑖᓃᑦᑐᑦ Travel Bank ᐊᑐᖅᑕᐅᓂᖓᓄᑦ. ᑖᓐᓇ ᐱᖃᓯᐅᔾᔨᔪᖅ ᐅᑎᖅᑎᑕᐅᔪᑦ, ᐴᖅᑕᐅᔪᑦ ᐊᒻᒪ ᐊᑐᖅᑕᐅᓂᖓᓄ Travel Bank ᖃᓄᐃᑦᑑᓂᖓᓄᑦ ᐊᑭᓕᐅᑎᐅᓪᓗᓂ.

ᐋᒃᑲ. ᖃᖓᑕᓲᒃᑰᓂᕐᒧᑦ ᐃᓂᔅᓴᓕᐅᖅᑕᐅᔪᑦ ᐊᐅᓪᓚᖃᑦᑕᖅᑐᓕᕆᔨᒃᑯᑎᒍᑦ ᑎᐅᔪᓄᑦ ᒪᓕᓐᓂᐊᖅᑐᑦ ᓄᖅᑲᑎᑦᑎᓂᕐᒧᑦ ᐊᒻᒪ ᐅᑎᖅᑎᑕᐅᓂᖏᓐᓄᑦ ᐱᕙᓪᓕᐊᓂᖓᓄᑦ ᐊᐅᓪᓚᖃᑦᑕᖅᑐᓕᕆᔨ ᑎᒥᐅᔪᒧᑦ ᐊᒻᒪ ᐊᐅᓚᑕᐅᔪᖅ ᐃᓛᒃᑰᖅᑎᑕᐅᓪᓗᑎ ᐅᕙᒍᑦ ᑲᓇᐃᑎᐊᓐ ᓄᐊᑦ/Aurora ᐱᑎᑕᐅᔪᓂᑦ ᓇᓗᓇᐃᔭᖅᓯᒪᓂᖏᓐᓄᑦ. ᑮᓇᐅᔭᐃᑦ ᐴᖅᑕᐅᔮᖏᑦᑐᑦ ᐃᕝᕕᑦ Travel Bank−ᖓᓄᑦ.

ᐊᒥᓲᓂᖅᓴᐃᑦ ᖃᖓᑕᓲᒃᑰᖃᑦᑕᖅᑐᑦ ᐱᔪᓐᓇᓂᐊᖅᑐᑦ, ᐊᒻᒪ ᐊᑐᕐᓗᑎ, Travel Bank ᐊᐅᓚᑦᑎᓗᑎ ᓄᖅᑲᑎᑦᑎᓂᕐᒧᑦ ᐊᒻᒪ ᐅᑎᖅᑎᑕᐅᔪᓄᑦ.

ᐃᓚᖏᑦ ᓇᓗᓇᐃᖅᓯᒪᔪᑦ ᖃᖓᑕᓲᒃᑰᖃᑦᑕᖅᑐᑦ ᐱᖃᓯᐅᔾᔭᐅᖏᑦᑐᑦ Travel Bank−ᖓᓂ, ᐱᖃᓯᐅᑎᓪᓗᑎ:

  • ᐊᑕᖏᖅᑐᒋᑦ ᐊᐅᓚᖃᑦᑕᖅᑐᓕᕆᔩᑦ ᑎᒥᐅᔪᑦ ᐊᒻᒪ ᓯᓚᕐᔪᐊᒥ ᑐᓂᐅᖅᑲᖅᑕᐅᔪᑦ ᐊᑐᖅᑕᐅᔪᑦ ᑎᑲᔅᓯᑖᖅᑎᑕᐅᔪᓄᑦ ᐃᓂᔅᓴᓕᐅᕐᓂᒃᑯᑦ ᐱᖃᓯᐅᑎᓪᓗᑎ Aeroplan
  • ᓄᓇᕗᑦ ᒐᕙᒪᒃᑯᑦ ᐋᓐᓂᐊᕕᓕᐊᓂᕐᒧᑦ ᐊᒻᒪ ᐱᓕᕆᔭᖅᑐᓂᕐᒧᑦ ᐊᑭᖏᑦ
  • ᓄᓇᑦᓯᐊᖅ ᒐᕙᒪᒃᑯᑦ ᐋᓐᓂᐊᕕᓕᐊᓂᕐᒧᑦ ᐊᒻᒪ ᐱᓕᕆᔭᖅᑐᓂᕐᒧᑦ ᐊᑭᖏᑦ
  • ᑲᑎᓐᖓᔪᑦ ᐃᓂᔅᓴᓕᐅᕐᓂᐅᔪᑦ
  • ᐳᒪᕋᖅᑐᓕᕆᔨᓄᑦ ᐊᑭᖏᑦ
  • myIDtravel ᐃᓂᔅᓴᓕᐅᕐᓂᐅᔪᑦ

Travel Bank ᐊᑐᐃᓐᓇᐅᓂᐊᖅᑐᖅ ᐊᑭᓖᔾᔪᑎᐅᓗᓂ ᑎᑲᔅᓯᓄᑦ ᑐᓂᔭᐅᓯᒪᔪᑦ ᐱᒋᐊᖅᑐᑎ ᒫᑦᓯ 5, 2025 ᐅᖓᑖᓂᓪᓗ. ᑎᑲᔅᓰᑦ ᑐᓂᔭᐅᔪᑦ ᓯᕗᓂᐊᒍᑦ ᑖᔅᓱᒧᖓ ᐅᓪᓗᖓᓂ ᐊᐅᓚᑕᐅᓂᖃᓂᐊᖅᑐᑦ ᐊᑖᓂ ᐅᖃᖅᓯᒪᓂᖏᓐᓄᑦ ᐊᒻᒪ ᖃᓄᐃᓐᓂᕆᒋᐊᓕᖏᓐᓄᑦ ᖃᖓᒃᑰᓂᖓᓂ ᓂᐅᕕᕐᓂᖃᖅᑎᓪᓗᒋᑦ.

ᐅᖃᖅᓯᒪᓂᖏᑦ ᐊᒻᒪ ᖃᓄᐃᓐᓂᕆᒋᐊᓕᖏᑦ

ᐅᖃᖅᓯᒪᓂᖏᑦ ᐊᒻᒪ ᖃᓄᐃᓐᓂᕆᒋᐊᓕᖏᑦ

Travel Info

Package1

Canadian North will now redirect you to the new Canadian North Cargo portal.