Skip to content

A Few Travelling Tips

ᐊᑐᖅᑕᐅᖁᔭᑎᑦ ᖃᖓᑕᑎᓪᓗᑎᑦ

ᐊᑐᖅᑎᑕᐅᒍᓐᓇᖅᑐᐊᖃᑦ

ᑐᑭᓯᐊᔪᒍᑦ ᖃᖓᒃᑯᑦ ᐱᕕᖃᓕᓇᒻᒪᑦ ᐊᐅᓪᓚᕈᒪᓂᒻᒧᑦ ᐸᓐᓇᒍᑎᒋᔅᓯᒪᔭᓯ ᐊᐅᓚᑕᐅᓕᓱᖑᒪᑕ ᐃᓚᔅᓱᒍᓯᓐᓂᒻᒧᑦ ᐱᔾᔪᑎᒋᔭᓐᓄᑦ, ᐊᒻᒪᓗ ᑕᒫᓂᒃᑲᑦᑕ ᐃᑲᔪᕈᒪᓪᓗᓯ ᑕᒪᒃᑯᐊ ᐊᑐᑦᑎᓪᓗᒋᑦ ᐱᕕᖃᓐᓂᐅᔪᑦ. ᑲᓇᐃᑎᐊᓐ ᓄᐊᑦ ᐃᓚᔅᓱᒍᓱᓐᓂᒻᒧᑦ ᐃᑉᐱᒍᓱᓐᓂᖅ ᐱᓕᕆᔾᔪᑎ ᐱᒐᓱᐊᒻᒪᑦ ᖃᑎᖃᑎᒌᑦᑎᑦᑎᒐᓱᐊᓂᒥᒃ ᓇᓪᓕᒋᔭᖏᓐᓂᒃ ᑕᐃᒃᑯᓂᖓ ᑕᐃᔅᓱᒪᓂ ᒫᓐᓇᑕᐅᑎᒋ ᐃᑲᔪᑦᑕᐅᒋᐊᖃᓕᑦᑐᓂᒃ ᐃᓚᒌᓐᓂᒃᑯᑦ ᐱᔭᐅᒋᐊᓕᓐᓂᒃ. ᑲᓇᐃᑎᐊᓐ ᓄᐊᑦ ᐱᔭᐅᑎᑦᑎᓂᐊᒻᒪᑦ ᖃᓄᑐᐃᓐᓈᕈᓐᓇᖅᑐᓂᒃ ᒥᑭᓪᓕᒋᐊᖅᑕᐅᓗᑎᒃ ᐊᐅᓪᓚᕈᑎᖏᑕ ᐊᑭᖏᑦ ᑕᐃᒃᑯᓄᖓ ᐱᒋᐊᖃᑐᓄᑦ ᐃᒫᖑᖁᓪᓗᒋᑦ:

  • ᐅᐸᒍᑎᓯᒪᖁᓪᓗᒋᑦ ᐃᓗᕕᖅᑕᐅᔪᖃᒃᑎᓪᓗᒍ ᐱᖃᓐᓇᕆᔭᖏᓐᓂᒃ ᐅᕝᕙᓘᓐᓃᑦ ᓇᒡᓕᒋᔭᖏᓐᓂᒃ
  • ᓂᐅᕐᕈᒍᓐᓇᖁᓪᓗᒋᑦ ᐱᖃᓐᓇᕆᔭᖏᓐᓄᑦ ᐅᕝᕙᓘᓐᓃᑦ ᓇᒡᓕᒋᔭᖏᓐᓄᑦ ᑕᐃᒃᑯᓄᖓ ᐱᓚᐅᖅᑐᓄᑦ ᖃᐅᔨᑎᑕᐅᒍᑎᒥᒃ ᑕᒪᓐᓇ ᐃᓱᓕᓐᓂᖓ−ᐃᓅᓯᐅᑉ ᐊᑐᕐᓂᐅᓴᑐᐃᓐᓇᕐᒪᑦ
  • ᓂᐅᕐᕈᒍᓐᓇᖁᓪᓗᒋᑦ ᐱᖃᓐᓇᕆᔭᒥᓐᓄᑦ ᐅᕝᕙᓘᓐᓃᑦ ᓇᒡᓕᒋᔭᖏᓐᓄᑦ ᐋᓐᓂᐊᕕᒦᑎᑕᐅᓕᖅᑐᓄᑦ ᑕᐃᒫᖑᓕᖅᑐᓄᑦ ᐊᒃᓱᐋᓗᓐᓂᖏᓐᓄᑦ ᖃᓂᒪᓂᒻᒥᓐᓄᑦ ᐅᕝᕙᓘᓐᓃᑦ ᐋᓐᓂᖅᑐᒥᓂᐅᓂᖏᓐᓄᑦ.

ᓇᑯᒻᒦᒃ ᐃᒃᐱᒍᓱᑦᑎᐊᕋᔅᓯ ᑕᒪᑐᒥᖓ ᐱᓕᕆᐋᕆᒐᓱᐊᖅᑕᖓᓂᒃ ᑖᔅᓱᒪ ᐱᓕᕆᔾᔪᑎᐅᑉ, ᑕᒪᓐᓇᓗ ᐃᓚᒋᔭᐅᒪᑦ ᐃᒃᐱᒍᓱᑦᑎᐊᕋᓱᐊᕐᓂᑦᑎᓐᓄᑦ ᐊᒻᒪᓗ ᐱᓕᕆᒍᒪᓪᓗᑕ ᓄᓇᓖᑦ ᐱᔨᔅᓯᖃᒃᑕᖅᑕᑦᑎᓐᓂᒃ.

ᑖᓐᓇ ᐱᓕᕆᔾᔪᑎ ᒪᑯᓂᖓ ᐊᑐᓕᖅᑎᑕᐅᒍᓐᓇᖅᑐᓂᒃ ᑭᒡᓕᓕᑎᑦᑎᕕᓐᓂᒃ:

  • ᓇᓪᓕᐊᑐᐃᓐᓇᖅ ᑎᑎᖅᑕᐅᓯᒪᔪᑦ ᐊᒻᒪᓗ ᐊᐅᓚᑕᐅᓗᑎᒃ ᑲᓇᐃᑎᐊᓐ ᓄᐊᑦᑯᓐᓂᒃ
  • ᐊᐅᓪᓚᕈᑎ ᐱᔭᕇᑦᑕᐅᓯᒪᒋᐊᖃᒻᒪᑕ ᐃᓗᐊᓂ 60 ᐅᓪᓗᓂ ᐃᓂᔅᓴᓕᐅᔅᓯᒪᓗᓂ

ᖃᓄᖅ ᐱᔭᐅᒍᓐᓇᒻᒪᖔᑕ ᐃᓚᔅᓱᒍᓱᓐᓂᒻᒧᑦ ᖃᖓᑦᑕᐅᑏᑦ

ᑐᔅᓯᕋᕈᒪᒍᕕᑦ ᐃᓚᔅᓱᒍᓱᓐᓂᒻᒧᑦ ᖃᖓᑦᑕᐅᑎᓂᒃ, ᐊᑏ ᐅᖃᕕᖃᓚᐅᕆᑦ ᐅᕙᒍᑦ ᐊᑭᓖᕙᑦᑐᓂᒃ ᐅᖃᕝᕕᓴᐅᔪᒧᑦ ᐅᖄᓚᓗᑎᑦ 1-800-267-1247−ᒧᑦ. ᑭᒡᒐᑦᑐᐃᔨᒋᔭᕗᒃ ᐊᑐᐃᓐᓇᐅᒻᒪᑕ ᐃᑲᔪᕈᒪᓪᓗᑎᒃ ᐃᓕᓐᓂᒃ ᑕᒪᓐᓇ ᐱᓕᕆᐊᕆᔭᐅᑎᓪᓗᒍ. ᐱᑦᑎᐊᕋᓱᐊᕐᓗᑕ ᑐᔅᓯᕋᑉᐳᒍᑦ ᐱᔭᐅᑎᑦᑎᖁᓪᓗᑎᑦ ᒪᑯᓂᖓ ᑐᓴᐅᒪᒍᑎᔅᓴᓂᒃ ᐅᕙᒍᑦ ᐃᑲᔪᑦᑕᐅᖁᓪᓗᑕ ᑐᑭᓯᑦᑎᐊᓐᓂᓴᐅᓂᐊᓪᓗᑕ ᖃᓄᐃᓕᖓᒻᒪᖔᑉᐱᑦ, ᐃᓚᒋᔭᐅᓪᓗᑎᒃ ᑭᓯᐊᓂ ᑭᒡᓕᒋᔭᐅᒐᑎᒃ ᒪᑯᐊ:

  • ᐊᑐᕋᒧᐊᑦᑕᐃᑦ ᐊᐅᓪᓚᕋᓱᐊᑦᑎᓪᓗᑎᑦ: ᑐᑭᓯᓇᔅᓯᑎᓪᓗᒋ ᐱᔾᔪᑎᒋᔭᑎᑦ ᐃᕝᕕᑦ ᐊᐅᓚᕋᓱᐊᓂᖓᓄᑦ, ᓇᓗᓇᐃᔭᓪᓗᒋᑦ ᓱᒻᒪᑦ ᐊᐅᓪᓚᕆᐊᖃᓕᒻᒪᖔᑉᐱᑦ. ᑕᒪᓐᓇ ᑐᓴᐅᒪᒍᑎᔅᓴᖅ ᐃᑲᔪᓐᓂᐊᒻᒪᑦ ᐅᕙᑦᑎᓂᒃ ᐱᒍᓐᓇᓂᕆᔭᓐᓂᒃ ᐃᓚᔅᓱᒍᓱᓐᓂᒻᒧᑦ ᖃᖓᑦᑕᐅᑎᒥᒃ.
  • ᐊᑎᖓ ᐋᓐᓂᐊᕕᓕᐊᔅᓯᒪᔪᑉ ᐅᕝᕙᓘᓐᓃᑦ ᓇᓪᓕᒋᔭᓯ: ᐊᑏ ᐱᔭᐅᑎᑦᑎᒋᑦ ᐃᓘᓐᓇᓕᒫᖓᓂᒃ ᐊᑎᖓᓂᒃ ᐋᓐᓂᐊᕕᓕᐊᔅᓯᒪᔪᑉ ᐅᕝᕙᓘᓐᓃᑦ ᓇᓪᓕᒋᔭᓯ ᐊᐅᓪᓚᕈᒪᓂᕆᔭᔅᓯᓐᓄᑦ. ᓇᓚᐅᑦᑎᑦᑎᐊᔅᓯᒪᓗᑎᒃ ᑎᑎᕋᓐᓂᕆᔭᓯ ᐱᒻᒪᕆᐋᓗᒻᒪᑦ ᐱᓕᕆᐊᖑᑦᑎᐊᖁᓪᓗᒋᑦ ᑐᔅᓱᕌᕆᔭᓯ ᑕᐃᒫᑦᑎᐊᓪᓗᑎᒃ.
  • ᐃᓚᖃᓂᕆᔭᖓ ᐊᐅᓪᓚᕋᓱᐋᑦᑐᑉ ᐋᓐᓂᐊᕕᓕᐊᔅᓯᒪᔪᒧᑦ ᐅᕝᕙᓘᓐᓃᑦ ᓇᓪᓕᒋᔭᖓᓄᑦ: ᓇᓗᓇᐃᓪᓗᒍ ᐃᓚᖃᓐᓂᕆᔭᐃᑦ ᐋᓐᓂᐊᕕᓕᐊᔅᓯᒪᔪᒥᒃ ᐅᕝᕙᓘᓐᓃᑦ ᓇᓪᓕᒋᔭᓐᓂᒃ. ᑖᓐᓇ ᑐᓴᐅᒪᒍᑎᔅᓴᖅ ᐃᑲᔪᓂᐊᒻᒪᑦ ᐅᕝᕙᑦᑎᓂᒃ ᑐᑭᓯᓂᕆᔭᑦᑎᓐᓂᒃ ᐃᓚᔅᓱᒍᓱᓪᓂᒻᒧᑦ ᐱᔭᐅᒋᐊᓕᒻᒥᒃ ᐊᒻᒪᓗ ᐱᒐᓴᐅᓕᑦᑎᑦᑎᓗᑕ ᑕᐃᔅᓱᒥᖓᓪᓗᐊᖅ ᐃᑲᔪᕈᑎᒋᒋᐋᖃᑦᑕᑦᑎᓂᒃ.
  • ᐃᓂᔅᓴᓕᐅᓂᒻᒧᑦ ᓇᓗᓇᐃᕈᑎ (ᐊᐅᓪᓚᑦᑐᒥᓂᐅᒋᓂᕈᕕᑦ): ᑕᐃᒪᓕ ᐱᕙᒌᔭᔅᓯᓯᒪᓕᓐᓂᕈᕕᑦ ᐊᐅᓚᕈᑎᒋᓂᐊᑦᑕᓐᓂᒃ ᐋᖅᑭᓱᐃᓯᒪᓕᑐᒥᓂᐅᓗᑎᑦ ᐊᒻᒪᓗ/ᐅᕝᕙᓘᓐᓃᑦ ᐊᐅᓪᓚᑐᒥᓂᐅᓗᑎᑦ, ᐊᑏᐱᔭᐅᑎᓚᐅᕈᒃ ᐃᓂᔅᓴᓕᐅᓂᒻᒧᑦ ᓇᓗᓇᐃᕈᑎ. ᐱᓕᕆᒍᓐᓇᔅᓯᑎᑕᐅᒐᔭᕋᑦᑕ ᓇᓂᒍᓐᓇᔅᓯᓗᑎᒍ ᐃᓂᔅᓴᓕᐅᓂᒥᓃᑦ ᐊᒻᒪᓗ ᐋᖅᑭᓱᐃᒍᓐᓇᔅᓯᒐᔭᕋᑦᑕ ᐋᖅᑭᒋᐊᕆᐊᓕᓐᓂᒃ ᑕᐃᒫᖑᒍᓐᓇᑐᐊᕈᑦᑕ.

ᑐᑭᓯᐊᔪᒍᑦ ᐃᑉᐱᓐᓇᑦᑐᐋᓗᓂᖓᓂᒃ ᖃᓄᐃᓕᖓᓂᕆᔭᐅᔪᑉ ᐱᒐᓱᐊᕈᑎᒋᔭᐅᓕᑦᑎᓪᓗᒍ ᐃᓇᔅᓱᒍᓱᓐᓂᒻᒧᑦ ᐊᐅᓪᓚᕆᐋᖃᓕᓐᓂᖅ, ᐊᒻᒪᓗ ᐱᓕᕆᒍᒪᑦᑎᐋᕋᑦᑕ ᐱᔭᐅᑎᑦᑎᒍᒪᓗᑕ ᐱᔭᐅᒋᐊᓕᓐᓂᒃ ᐃᑲᔪᓐᓂᐊᓪᓗᑕ ᐊᒻᒪᓗ ᐃᑲᔪᔅᓱᐊᓗᑕ ᐊᑐᑦᑎᓪᓗᒋᑦ ᑕᒪᒃᑯᐊ ᐱᕕᖃᓐᓂᐊᔪᑦ. ᓇᑯᒻᒦᖑᔪᑎᑦ ᓂᕈᐊᔅᓯᒐᕕᑦ ᐅᕙᑦᑎᓂᒃ ᐊᐅᓪᓚᓐᓂᒻᒥ ᐱᓕᕆᖃᑎᒌᓂᑦᑎᓐᓄᑦ, ᐊᒻᒪᓗ ᐊᑏ ᐅᖃᑦᑕᐃᓕᒪᓂᐊᙱᓚᑎᑦ ᐊᑭᓖᕙᑦᑐᓄᑦ ᐅᖃᕕᐅᓱᒧᑦ ᑕᐅᕗᖓᒃᑲᓐᓂᖅ ᑐᓴᕆᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐃᑲᔪᑦᑕᐅᒋᐊᖃᕈᕕᑦ.

Travel Info

ᐊᑯᑭᑦᑐᒥᒃ ᖃᐅᔨᒋᐅᓃᑦ ᐅᑕᕿᕗᖅ
New Checked Baggage Policies - IU