ᓴᓇᓯᒪᓂᒃᓴᓕᐅᓐᓂᖅ ᐱᔭᐅᑎᑦᑎᑐᐃᓐᓇᖃᑦᑕᖏᒻᒪᑦ 24/7 ᐃᑲᔪᖅᑕᐅᒍᑎᒥᒃ ᐃᖃᓇᐃᔭᕕᒋᔭᒥ ᐱᓕᕆᐊᒃᓴᖃᒻᒪᕆᒃᑐᓂ ᐊᒻᒪᓗ ᖃᖓᑕᓲᓂᒃ ᐋᖅᑭᐅᒪᑎᑦᑎᓂᒻᒥᒃ ᑭᓯᐊᓂᑦᑕᐅᖅ ᓯᓚᑖᓂᑦᑐᓄᑦ ᐋᖅᑭᐅᒪᑎᑦᑎᓂᑦ ᓴᓇᒋᐊᖅᑕᐅᒋᐊᓕᓐᓄᑦ ᐃᖃᓇᐃᔭᕐᕕᖁᓂᒃ ᐊᒻᒪᓗ ᖃᖓᑕᓲᖁᑎᓂᒃ. ᖃᖓᑕᓲᖁᑎᕗᑦ ᐃᖏᕐᕋᔪᓕᕆᔨᒃᑯᓂᑦ ᑲᓇᑕᒥ ᐱᓕᕆᑎᑕᐅᒻᒪᑕ ᖃᖓᑕᒍᓐᓇᖅᑎᑕᐅᓪᓗᑎᒃ ᓴᓇᓯᒪᓂᒃᓴᓕᐅᑎᓂᒃ ᐃᖃᓇᐃᔭᕐᕕᖁᑎᒥ (AEO) ᐊᒃᓱᒪᕆᐋᓗᒃ ᓴᓇᓯᒪᓂᖃᓪᓗᑎᒃ, ᐊᐅᓚᐅᑎᓅᖅᑐᑦ ᐱᓕᕆᔾᔪᑎᖏᑦ, ᐊᒻᒪᓗ ᖃᖓᑕᓲᓄᖓᔪᑦ ᐊᒻᒪ ᓱᑲᓐᓇᖅᑐᒨᖅᑐᓂᒃ ᐱᓕᕆᐊᓪᓗᐊᑕᓕᓐᓂᒃ. ᖃᖓᑕᓲᖁᑎᓕᒃ ᐊᓐᓂᖅᑐᔪᒥᒃ ᓄᑖᕈᕆᐊᖅᓯᓂᖃᒻᒪᑦ (ᐱᓕᕆᔾᔪᑕᐅᓪᓗᐊᑕᓱᖅ ᖃᐅᔨᓴᖅᓯᒍᑕᐅᓪᓗᓂ ᖃᓄᐃᓕᕐᒪᖔᑕ STC) ᐊᑐᖅᑕᐅᒋᐅᑎᓪᓗᒍ ᒪᑯᓄᖓ ATR42, ATR72, B737, B767, L382 ᖃᖓᑕᓲᑦ ᓴᓇᓯᒪᓂᓕᓐᓄᑦ. ᐅᓇ ᑐᑭᓯᓇᕈᑎᒋᓗᒍ ᓴᓇᓯᒪᓂᒃᓴᓕᐅᓂᖅ ᐋᖅᑭᒃᓯᔾᔪᑎᒋᓚᐅᕋᑦᑎᒍ ᓄᑖᕈᕆᐊᖅᑕᐅᓂᖓᓄᑦ ATR72-212 ᐊᓯᕈᕈᓐᓇᓕᕐᓗᓂ ᐊᑑᑎᑐᐊᖃᕈᓐᓃᕐᓗᓂ ᑕᒪᕐᒥᒃ ᓈᒻᒪᒃᑎᖅᓯᒪᓕᓪᓗᓂ ᓴᓇᓯᒪᓂᓕᐅᖅᑕᐅᓂᖓ ᐅᓯᔭᐅᔪᓂᒃ ᐱᓕᕆᔾᔪᑕᐅᒍᓐᓇᖅᓯᓗᓂ, ᐃᒫᖑᓕᖅᑎᑦᑎᓪᓗᓂ ᐅᕙᑦᑎᓐᓂᒃ ᓯᕗᓪᓕᖅᐹᖑᓕᕐᓗᑕ ᖃᖓᑕᓲᖁᑎᓕᓐᓂᒃ ᓄᓇᕐᔪᐊᓕᒫᒥ ᐊᐅᓚᑦᑎᓂᑦᑎᓐᓂᒃ ᑕᐃᒪᐃᑦᑐᒥᒃ ᖃᖓᑕᓲᒥᒃ ᓴᓇᓯᒪᓂᓕᒻᒥᒃ.