ᐋᑐᕚ, ᐋᓐᑎᐅᕆᔪ – ᒪᐃ 20, 2026 – ᑲᓇᐃᑎᐊᓐ ᓄᐊᑦ ᐅᐱᒍᓱᑦᑐᑦ ᑐᓴᖅᑎᑦᑎᓗᑎᒃ ᒪᑐᐃᖅᑕᐅᓂᖓ ᓄᑖᖅ ᐅᓯᔭᐅᔪᓄᑦ ᐱᓕᕆᕕᒻᒥᑦ ᐋᑐᕚᒥᑦ, ᐋᓐᑎᐅᕆᔪ, ᑐᕌᖓᔪᒥᑦ ᓴᓇᓯᒪᓂᖃᖅᑐᖅ ᐱᐅᓯᑎᒋᐊᖅᑕᐅᓗᑎᒃ ᖃᐅᔨᒪᔭᐅᓂᖏᑦ ᐊᒻᒪ ᐃᖏᕐᕋᓂᖏᑦ ᐱᒻᒪᕆᐅᔪᓂᑦ ᐊᐅᓪᓚᖅᑎᑕᐅᔪᓂᑦ ᖃᖓᑕᓲᓕᕆᔨᒃᑯᑦ ᐅᑭᐅᖅᑕᖅᑐᒥ ᑲᑎᙵᓂᖃᐅᖅᑐᓂᑦ.
ᐱᑕᖃᕆᐊᖃᖅᑐᓂᑦ ᐱᔨᑦᑎᖃᐅᑎᖃᖅᑎᑦᑎᔨᐅᓪᓗᑎᒃ ᐅᖓᓯᑦᑐᓄᑦ ᐊᒻᒪ ᐅᑭᐅᖅᑕᖅᑐᒥ ᓄᓇᓕᓐᓄᑦ, ᑲᓇᐃᑎᐊᓐ ᓄᐊᑦ ᐱᓕᕆᓂᖃᖅᑐᑦ ᐱᒻᒪᕆᐅᔪᒥᑦ ᑐᓂᓯᓂᕐᒧᑦ ᓂᕿᓂᑦ, ᐋᓐᓂᐊᖅᑐᓕᕆᓂᕐᒧᑦ ᓱᓇᒃᑯᑖᓂᑦ, ᐄᔭᒐᒡᓯᐅᑎᓂᑦ, ᑎᑎᖅᑲᓂᑦ ᐊᒻᒪ ᐊᒥᖏᓐᓂ ᐱᒻᒪᕆᐅᔪᓂᑦ ᐅᓯᔭᐅᕙᑦᑐᓂᑦ ᓄᓇᕗᓕᒫᒥᑦ ᐊᒻᒪ ᓄᓇᑦᓯᐊᒥᑦ. ᖃᖓᑕᓲᓕᕆᔩᑦ ᓄᑖᖅ ᐱᔾᔪᑎᖃᖅᑐᖅ ᓴᓇᓯᒪᔪᖅ ᐅᓯᔭᐅᔪᓄᑦ ᐱᓕᕆᕕᒃ ᑭᒡᒐᖅᑐᐃᔪᖅ ᐊᖏᔪᒥᑦ ᐱᓕᕆᑎᑦᑎᓂᕐᒥᑦ ᐊᖏᓪᓕᒋᐊᖅᑕᐅᓪᓗᓂ ᐱᓕᕆᐊᖃᕈᓐᓇᕐᓂᕗᑦ ᑎᑭᑦᑎᓗᑎᒃ ᐊᓯᔾᔨᖃᑦᑕᖅᑐᓂᑦ ᐱᔭᐅᔭᕆᐊᓕᓐᓂᑦ ᓄᓇᓕᓐᓄᑦ ᑲᓇᐃᑎᐊᓐ ᓄᐊᑦ ᐱᔨᑦᑎᖅᑕᖏᓐᓄᑦ – ᑕᒪᒃᑭ ᒫᓐᓇ ᐊᒻᒪ ᓯᕗᓂᔅᓴᒧᑦ
“ᐅᕙᓂ ᑲᓇᐃᑎᐊᓐ ᓄᐊᑦ, ᑐᑭᓯᔪᒍᑦ ᑲᒪᒋᔭᕆᐊᖃᖅᑕᑎᓐᓂ ᑐᓂᓯᓗᑕ ᐃᓄᓐᓄᑦ ᐅᕙᑦᑎᓐᓂ ᑐᙵᕕᖃᖅᑐᓂᑦ,” ᐅᖃᖅᑐᖅ ᓯᐊᓕ ᑎ ᑲᕆᐊ, ᐊᖏᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆᒃ ᑲᓇᐃᑎᐊᓐ ᓄᐊᑦ. “ᑖᓐᓇ ᓄᑖᖅ ᐱᓕᕆᕕᒃ ᓱᓇᒃᑯᑖᖃᖅᑎᑦᑎᔪᖅ ᐃᖅᑲᓇᐃᔭᖅᑎᑦᑎᓐᓂᑦ ᓴᓇᕐᕈᑎᓂᑦ, ᐃᓂᐅᔪᓂᑦ ᐊᒻᒪ ᐱᓕᕆᐊᖃᕈᓐᓇᕐᓂᕐᒧᑦ ᐱᔭᕆᐊᖃᖅᑕᖏᓐᓂ ᐱᒻᒪᕆᐅᔪᓂᑦ ᐅᓯᔭᐅᔪᓂᑦ ᐃᖏᕐᕋᑎᓪᓗᒋᑦ ᐊᑦᑕᕐᓇᖏᑦᑐᒥᑦ ᐊᒻᒪ ᑐᙵᕕᒋᔭᔅᓴᐅᔪᒥᑦ ᐅᕙᒍᑦ ᑲᑎᙵᔪᖁᑎᖏᓐᓄᑦ. ᐱᐅᓯᑎᑦᑎᒋᐊᕐᓂᐊᖅᑐᖅ ᐱᐅᓂᖏᓐᓂ ᐃᓅᓯᖏᓐᓂ ᐅᑭᐅᖅᑕᖅᑐᒥᐅᑕᓂᑦ, ᐃᑲᔪᖅᑕᐅᕕᔅᓴᐅᓂᕐᒧᑦ ᐅᕙᒍᑦ ᐱᔨᑦᑎᖅᑕᖏᓐᓄᑦ, ᐊᒻᒪ ᐅᕙᒍᑦ ᐱᕈᖃᑎᒋᓗᑎᒍᑦ ᓄᓇᓖᑦ ᐱᔨᑦᑎᖅᑕᕗᑦ.”
ᓅᑦᑕᑕᐅᓂᖏᓐᓄᑦ ᐊᐃᔅᓯᕐᕕᐅᖃᑦᑕᖅᓯᒪᔪᑦ ᐊᒻᒪ ᐊᐅᓪᓚᖅᑎᑦᑎᕕᒋᔭᐅᖃᑦᑕᖅᓯᒪᔪᑦ ᐊᐅᓚᓂᖏᑦ ᐋᑐᕚᒥᑦ ᐊᑕᐅᓯᕐᒧᑦ ᓇᒦᓐᓂᖓᓄᑦ, ᐅᓪᓗᒥᒨᖓᓕᖅᑎᑕᐅᓯᒪᔪᖅ ᐊᐅᓚᓂᖓ ᑲᑎᑦᑎᑦᑎᔪᖅ ᑲᓇᐃᑎᐊᓐ ᓄᐊᑦ ᐅᓯᔭᐅᔪᓄᑦ ᐱᔨᑦᑎᖅᑕᖏᓐᓄᑦ ᐱᐅᓯᑎᒋᐊᖅᓯᒪᔪᓂᑦ ᐊᐅᓚᓂᖃᑦᑎᐊᕐᓗᓂ, ᐃᑲᔪᕐᓂᖃᕐᓗᓂ ᐊᑐᓕᖅᑎᑕᐅᓂᖓᓄᑦ ᓴᙵᑦᑎᒋᐊᖅᓯᒪᔪᒥᑦ ᐊᐅᓪᓚᖅᑎᑕᐅᔪᑦ ᖃᐅᔨᒪᔭᐅᓂᖏᓐᓄᑦ ᐱᓕᕆᐊᖃᕈᓐᓇᕐᓂᕐᒧᑦ, ᐊᒻᒪ ᐱᐅᓛᖑᔪᓐᓇᖅᑐᓂᑦ ᐃᑲᔪᕐᓂᖃᕐᓗᑎᒃ ᓅᑕᐅᓂᖏᓐᓄᑦ ᐃᓅᓯᕐᒧᑦ ᐱᑕᖃᕆᐊᖃᖅᑐᓂᑦ ᐅᑭᐅᖅᑕᖅᑐᓕᒫᒥᑦ.
ᑲᓇᐃᑎᐊᓐ ᓄᐊᑦ ᐋᑐᕚᒥ ᐅᓯᔭᐅᔪᓄᑦ ᐊᐅᓚᓂᖓ ᐱᒋᐊᕐᓂᖃᓛᖅᑐᖅ ᐊᖏᖅᓯᓗᑎᒃ ᐊᐅᓪᓚᖅᑎᑕᐅᕙᓪᓕᐊᔪᓂᑦ ᐅᓯᔭᐅᔪᓂᑦ ᐊᐅᓪᓚᖅᑎᑕᐅᓂᖏᓐᓄᑦ ᓄᑖᒥᑦ ᓇᒦᓐᓂᖓᓂ ᐱᖓᑦᑎᕐᒥ, ᒪᐃ 20, 2026. ᐊᐅᓪᓛᕐᓂᖃᓕᖅᑎᓪᓗᒍ, ᑎᑭᑉᐸᓪᓕᐊᔪᑦ ᐅᓯᔭᐅᔪᑦ ᐊᐃᔭᐅᓂᖏᑦ ᑲᔪᓯᓂᐊᖅᑐᑦ ᐅᕙᓂᐊᓚᐅᖅᑐᒥᑦ 140 Thad Johnson Private ᐱᓕᕆᕕᖓ ᑎᑭᒐᓱᐊᕐᓂᐊᓄᑦ ᐊᐃᑉᐱᖅ, ᔫᓂ 30, 2026.
ᐱᔨᑦᑎᖅᑕᐅᔪᑦ ᓇᓂᓯᒍᓐᓇᖅᑐᑦ ᐅᓪᓗᒥᒨᖓᔪᓂᑦ ᐅᓯᔭᐅᔪᓄᑦ ᑐᑭᓯᒋᐊᕈᑎᓂᑦ ᐊᒻᒪ ᐊᐅᓪᓚᖅᑎᑦᑎᓂᕐᒧᑦ ᓇᓗᓇᐃᔭᖅᓯᒪᓂᖏᓐᓂ ᐅᕙᓂ cargo.canadiannorth.com.
ᐱᕙᓪᓕᐊᔪᓕᕆᓂᕐᒧᑦ ᐅᖃᕕᓴᐅᔪᖅ:
Hᐊᓐᔅ ᑰᐳᕐᓐ
hcolburne@canadiannorth.com
ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ ᐊᒻᒪ ᑎᒍᒥᐊᖅᑎᐅᖃᑕᐅᔪᓂᑦ ᐱᓕᕆᔭᐅᔪᓂᑦ
ᐅᖃᐅᓯᖃᖅᑐᖅ ᑲᓇᐃᑎᐊᓐ ᓄᐊᑦᒥᒃ
ᐅᐱᒍᓱᑦᑐᖅ ᐃᓚᒋᔭᐅᔪᖅ ᐊᑭᓖᖃᑦᑕᐅᓂᕐᒧᑦ ᑮᓇᐅᔭᓕᐊᓂᑦ ᑯᐊᐳᕇᓴᓐ ᐃᓚᒌᑦ, ᑲᓇᐃᑎᐊᓐ ᓄᐊᑦ ᐱᔨᑦᑎᖅᑐᑦ 25 ᓄᓇᓕᓐᓂᑦ ᓄᓇᕗᓕᒫᒥᑦ, ᓄᓇᕕᒃ ᐊᒻᒪ ᓄᓇᑦᓯᐊᖅ, ᖃᓪᓗᓈᑦ ᓄᓇᖓᓐᓄᑦ ᐊᖅᑯᑎᖃᖅᑐᑎᒃ ᐋᑐᕚᒧᑦ ᐊᒻᒪ ᐃᐊᑦᒪᓐᑕᓐ. ᖃᖓᑕᓲᓕᕆᔩᑦ ᐃᑭᒪᔪᓂᑦ ᐊᒻᒪ ᐅᓯᔭᐅᔪᓂᑦ ᐱᔨᑦᑎᕋᐅᑎᖃᖅᑎᑦᑎᔪᑦ ᐃᑲᔪᖅᑐᓂᑦ ᐅᑭᐅᖅᑕᖅᑐᒥᐅᑕᓂᑦ, ᓇᒻᒥᓂᕆᔭᐅᔪᓂᑦ ᐊᒻᒪ ᐱᑕᖃᕆᐊᖃᖅᑐᓂᑦ ᓱᓇᒃᑯᑖᓂᑦ ᐅᑭᐅᖅᑕᖅᑐᒥᑦ – ᐃᑲᔪᖅᑐᑦ ᐃᓅᓯᕐᒥᑦ ᐱᐅᓂᖅᓴᐅᑎᑦᑎᓗᑎᒃ ᓄᓇᓕᓐᓂᑦ ᐱᔨᑦᑎᖅᑕᑎᓐᓂᑦ.
