ᒫᓐᓇᑦᑕᐅᑎᒋ ᐱᔭᐅᒍᓐᓇᖅᓯᑎᑕᐅᓗᓂ ᐊᐃᑉᐱᒻᒥ, ᑎᓯᐱᕆ 6, 2022−ᒥ, ᐋᑐᕚ ᐊᓐᑎᐅᕆᔪ – ᑲᓇᐃᑎᐊᓐ ᓄᐊᑦ, ᑲᓇᑕᐅᑉ ᐅᑭᐅᖅᑕᖅᑐᒻᒥ ᖃᖓᑕᓲᑦ, ᑐᓴᖅᑕᐅᑎᑦᑎᓚᐅᒻᒪᑕ ᐃᓚᓯᒃᑲᓐᓂᓐᓂᐋᓂᕆᔭᒥᓂᒃ ᖃᐅᑕᒪᓪᓗᑎᒃ ᓄᖃᓚᐅᖏᓪᓗᑎᒃ Boeing 737 ᓱᐱᔪᖅ ᐱᔨᔅᓯᕈᑎ ᐅᑯᓇᓂ ᔨᐊᓗᓇᐃᑉ ᐊᒻᒪᓗ ᑳᐅᓪᒍᕆᒧᑦ.
ᓄᑖᖅ ᓱᐱᔪᒧᑦ ᐊᐅᓚᕕᐅᖃᑦᑕᓂᐊᖅᑐᖅ ᐅᑯᓇᓂ ᑳᐅᓪᒍᕆ ᐊᒻᒪᓗ ᔨᐊᓗᓇᐃᑉ ᐱᔭᐅᑎᑦᑎᒻᒪᑦ ᐱᒡᒐᓇᖏᓐᓂᖅᓴᒥᒃ ᐊᒻᒪᓗ ᓱᑲᓂᖅᓴᐅᓪᓗᓂ ᐱᔭᐅᒍᓐᓇᓂᖓ ᐅᑭᐅᖅᑕᖅᑐᒻᒥ ᑎᑭᑕᐅᒍᒪᔪᓂᒃ ᐅᕙᖔᓗᓂ ᑲᓇᐃᑎᐊᓐ ᓄᐊᑦ ᔨᐊᓗᓇᐃᑉ ᓄᖃᑦᑕᕕᓪᓗᐊᑕᖓᓂᒃ. ᖃᖓᑕᓂᐅᖃᑦᑕᓂᐋᖅᑐᖅ ᐱᒋᐊᓛᒻᒪᑦ ᐊᐃᑉᐱᒻᒥ, ᕕᕗᐊᕆ 14−ᒥᒃ, ᓇᒻᒪᓈᕈᑎᓗᓂ ᓇᓪᓕᒍᓱᓐᓇᐅᑉ ᐅᓪᓗᖓᓄᑦ. ᑲᓇᐃᑎᐊᓐ ᓄᐊᑦ ᐊᖏᓂᓴᐅᓕᖅᑎᑦᑎᓂᐊᒻᒪᑦ ᓱᐱᔪᒃᑯᑦ ᐱᔨᔅᓯᕈᑎᖓᓂᒃ ᐅᑯᓇᓂ ᐃᐊᒻᒪᑕᒥᒃ ᐊᒻᒪᓗ ᔨᐊᓗᓇᐃᑉᒥᒃ.
ᓄᑖᖑᔪᖅ ᑳᐅᓪᒍᕆᒥᑦ ᔨᐊᓗᓇᐃᑉᒧᑦ 737 ᓱᐱᔪᑉ ᖃᖓᑕᓂᖏᑦ ᐊᐅᓚᖃᑦᑕᓂᐊᕐᒪᑕ ᖃᐅᑕᒪᑦ, ᓇᒡᒐᔭᐅᒥᒃ ᑕᐅᕗᖓ ᓈᔅᓯᖑᔭᒧᑦ, ᑲᓇᐃᑎᐊᓐ ᓄᐊᑦ Boeing 737 ᓱᐱᔪᖅ ᖃᖓᑕᓱᖅ, ᐱᒍᓐᓇᖅᓯᑎᑦᑎᓗᑎᒃ ᐊᐅᓚᖅᐸᑦᑐᑦ, ᕿᓚᒻᒥᐅᓗᑎᒃ, ᐊᑲᐅᔪᒦᓪᓗᑎᒃ ᐊᒻᒪᓗ ᐃᖏᕐᕋᑦᑎᐊᓪᓗᑎᒃ ᓱᐱᔪᖅ ᐱᔨᔅᓯᕈᑎᒃᑯᑦ. ᐃᑭᒪᔨᐊᕆᔭᐅᔪᑦ ᐱᑎᑕᐅᖃᑦᑕᓂᐊᑐᑦ ᓈᒪᓕᖅᑎᑦᑎᒍᑎᓂᒃ ᐆᑦᑎᔭᐅᕋᑖᖅᓯᒪᔪᓂᒃ, ᖁᐊᖅᑎᑕᐅᓚᐅᖅᓯᒪᖏᑦᑐᓂᒃ, ᐆᓇᓪᓗᑎᒃ ᖃᖓᑕᑎᓪᓗᒋᑦ ᓂᕆᔭᐅᓂᐊᖅᑐᓂᒃ ᐊᒻᒪᓗ ᐃᒥᖅᑕᐅᒍᒪᔪᓂᒃ ᐱᔨᔅᓯᕈᑎᖃᓪᓗᑎᒃ, ᐱᐅᓯᑎᑕᐅᒋᐊᒃᑲᓐᓂᓪᓗᑎᒃ ᓈᒻᒪᒃᑎᖅᑕᐅᓯᒪᔪᓂᒃ ᐆᓇᔪᒃᑐᓂᒃ ᓯᕙᓛᓂᒃ ᐊᒻᒪᓗ ᐱᒋᔭᒥᓐᓂᒃ ᑰᐱᑐᖅᑎᑦᑎᓗᑎᒃ ᐱᔨᔅᓯᕈᑎᒋᓗᒋᑦ. ᖃᖓᑕᓲᒃᑯᖅᑲᑦᑕᖅᑐᑦ ᓄᐊᑦᑎᒍᓐᓇᓂᐊᒻᒪᑕ ᐊᒻᒪᓗ ᐱᒍᓐᓇᓪᓗᑎᒃ ᖃᖓᑕᓱᒃᑰᕈᑎᑦ Aeroplan™ ᐅᕝᕙᓘᓐᓃᑦ Aurora Rewards™ ᑎᑎᖅᑖᕈᑎᓂᒃ ᑕᒪᒃᑯᓇᓂ ᐊᒻᒪᓗ ᐊᓯᓕᒫᖏᓐᓂᒃ ᑎᑭᕝᕕᒃᓴᖃᑦᑎᑕᐅᓲᓂᒃ ᑲᓇᐃᑎᐊᓐ ᓄᐊᑦ ᖃᖓᑕᓱᑦ ᖃᖓᑕᕕᒋᓲᖏᓐᓂ.
“ᓴᙱᓂᓴᐅᓕᖅᑎᑦᑎᒐᓱᐋᓕᕋᑦᑕ ᖃᖓᑕᓲᖁᑎᑦᑎᓐᓂᒃ, ᐱᔭᐅᑎᑦᑎᒐᓱᐋᓕᓪᓗᑕ ᐊᐅᓚᑉᐸᑦᑐᓄᑦ ᓇᓖᕋᕈᓇᓂᓴᐅᓕᖅᑎᒋᐋᓗᒋᑦ ᐅᕙᒍᑦ ᐊᑐᐃᓐᓇᐅᑎᑦᑎᕕᒋᓲᑦᑎᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᐊᒻᒪᓗ ᖁᑦᑎᑦᑐᖅ ᐅᑭᐅᖅᑕᖅᑐᒻᒧᑦ. ᑕᒪᒃᑯᐊ ᓄᑖᑦ ᖃᖓᑕᕕᐅᖃᑦᑕᓂᐊᖅᑐᑦ ᐱᖓᓇᖅ ᐅᑭᐅᖅᑕᖅᑐᖅ ᐅᐸᑕᐅᓗᐋᓱᖁᑎᑦᑎᓐᓄᑦ ᔨᐊᓗᓇᐃᑉ ᐱᔭᐊᑎᑦᑎᒪᑕ ᐊᔪᖏᓐᓂᖅᓴᓂᒃ ᓱᐱᔪᒃᑯᑦ ᐱᔨᔅᓯᕈᑎᓂᒃ ᐃᑭᒪᔨᐊᕆᕙᑦᑕᑦᑎᓐᓄᑦ ᐊᒻᒪᓗ ᐅᓯᔭᐅᑎᑦᑎᕙᑦᑐᓄᑦ ᐊᑭᓕᖅᓱᐃᕙᑦᑐᓄᑦ,” ᐅᖃᓚᐅᒻᒪᑦ ᒪᐃᑯᓪ ᐅᕋᑦᔨᓂᐅᒃ, ᑲᓇᐃᑎᐊᓐ ᓄᐊᑦ ᐊᖓᔪᖄᖓ ᐊᒻᒪᓗ ᐃᖃᓇᐃᔭᕝᕕᒻᒥ ᐊᖓᔪᖃᒃ. “ᑖᓐᓇ ᐃᓘᓐᓇᖏᓐᓄᑦ ᐃᓚᒋᔭᐅᒻᒪᑦ ᓯᕗᒧᐋᓂᒻᒧᑦ ᐊᕐᓇᒍᑎᒧᑦ, ᓴᙱᓂᖅᓴᐅᓕᑦᑎᑦᑎᒍᑎᒋᔭᐅᓪᓗᓂ ᐊᑐᐃᓐᓇᐅᑎᑦᑎᕕᓪᓗᐊᑕᑦᑎᓂᒃ, ᐅᕙᒍᑦ ᐅᑭᐅᖅᑕᖅᑐᒻᒥ ᑎᑭᖃᑦᑕᓂᐊᖅᑐᓄᑦ ᐱᔨᔅᓯᕈᑎᑦᑎᓐᓄᑦ, ᐱᔭᐅᑦᑎᑦᑎᕙᓪᓗᑕ ᐱᓕᕆᓂᕆᐋᕆᔭᑦᑎᓐᓂ ᐃᓅᖅ ᐱᐅᓂᖅᓴᐅᓕᖁᓪᓗᒍ ᓄᓇᓕᓐᓄᑦ ᐱᔨᔅᓯᖅᐸᑦᑕᑦᑎᓐᓄᑦ.”
ᖃᖓᑕᓱᑯᕕᐅᒍᓐᓇᑦᑐᑦ ᐊᑐᐃᓐᓇᐅᕗᑦ ᐃᓂᒃᓴᓕᐅᕕᐅᒍᓇᓗᑎᒃ ᐅᕘᓇ canadiannorth.com
| ᓇᒧᖓᕐᓂᖓ | ᖃᖓᒃᑯᑦ | ᐱᒋᐊᕕᖓ ᐅᓪᓗᖓ |
| ᑳᐅᓪᒍᕆᒥᒃ ᔨᐊᓗᓇᐃᑉᒧᑦ | ᖃᐅᑕᒫᑦ | ᕕᕗᐊᕆ 14, 2023 |
| ᔨᐊᓗᓇᐃᑉᒥᒃ ᑳᐅᓪᒍᕆᒧᑦ | ᖃᐅᑕᒫᑦ | ᕕᕗᐊᕆ 14, 2023 |
ᐃᓚᒃᑲᓐᓂᖏᑦ ᐊᑭᖏᑕ:
“ᐅᑭᐅᖅᑕᑦᑐᒻᒥᒃ ᖃᖓᑕᓲᖃᓂᑦᑎᓐᓄᑦ, ᑲᓇᐃᑎᐊᓐ ᓄᐊᑦ ᑲᔪᓯᒻᒪᑦ ᑕᑯᓴᐅᑎᑦᑎᒍᒪᓪᓗᓂ ᐱᓕᕿᐊᖃᓪᓗᐊᑕᓂᒻᒥᓂᒃ ᐃᓅᓯᒻᒥᒃ ᐱᐅᓂᖅᓴᐅᓕᖅᑎᑦᑎᓂᒻᒥᒃ ᐅᑭᐅᖅᑕᑦᑐᒥᐅᑕᐃᑦ ᐃᓄᖏᓐᓄᑦ ᐊᒻᒪᓗ ᓄᓇᓕᖏᓐᓄᑦ. ᑕᒪᓐᓇ ᐊᖏᓪᓕᒋᐋᓯᓂᖅ ᐱᔨᔅᓯᕈᑎᒥᒃ ᐃᓚᒃᑲᓐᓂᖅᓯᓂᐋᒻᒪᑦ ᐃᒃᓯᕙᐅᑕᒃᑲᓂᐅᔪᓂᒃ, ᐊᔅᓱᑲᓪᓛᓗᒃ ᐱᐅᓂᖅᓴᐅᓕᖅᑎᑦᑎᓗᓂ ᖃᖓᑕᓲᒃᑯᑲᓐᓂᕕᒋᒌᐊᖃᑕᖏᓐᓄᑦ, ᐊᒻᒪᓗ ᑕᒫᓂᒥᐅᑕᐅᔪᑦ ᐱᒍᓐᓇᓂᖅᓴᐅᓕᓪᓗᑎᒃ ᐱᒋᐊᖃᓚᕆᑕᖏᓐᓂᒃ ᐱᔨᔅᓯᕈᑎᓂᒃ ᐱᒋᐊᖃᓗᓂᒋᑦ.” ᒫᒃ ᐱᓕᒥᖕ, ᑐᖓᓕᖅ ᐃᒃᓯᕙᐅᑕᒻᒧᑦ ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᖁᑎᖏᑕ ᑲᑎᒪᔨᖏᓐᓂ ᑐᑭᒧᐊᒃᑎᑦᑎᔨᓂᒃ.
ᓄᑖᖅ ᖃᖓᑕᕕᒋᔭᐅᖃᑦᑕᓂᐊᖅᑐᖅ ᒫᓐᓇ ᐊᑭᓕᖅᑕᐅᒍᓐᓇᖅᑎᑕᐅᓕᖅᑐᑦ ᐃᓂᒃᓴᓕᐅᓪᓗᓂ. ᐃᓂᓴᓕᐅᓚᐅᕆᑦ ᐊᐅᓚᓂᐋᓗᑎᒃ ᐅᕘᓇ canadiannorth.com ᐅᕝᕙᓗᓂᑦ ᐅᖄᓚᕕᒋᓗᒍ ᐊᐅᓪᓚᓂᒻᒧᑦ ᑭᒡᒐᑦᑐᐃᔨᑦ.
-30-
ᑲᓇᐃᑎᐊᓐ ᓄᐊᑦ ᒥᔅᓵᓄᑦ:
ᑲᓇᐃᑎᐊᓐ ᓄᐊᑦ 100% ᐳᓴᓐᑎᒥᒃ ᐃᓄᓐᓄᑦ−ᓇᒻᒥᓂᕆᔭᐅᒻᒪᑕ ᖃᖓᑕᓱᖁᑎᖏᑦ ᑲᓱᖅᑎᑦᑎᓪᓗᓂ ᐃᓄᖏᓐᓂᒃ ᐊᒻᒪᓗ ᐱᔭᐅᑎᑦᑎᓱᖑᓪᓗᑎᒃ ᐱᔭᐅᓯᒪᒋᐊᖃᓚᕆᑦᑐᓂᒃ ᓂᐅᕕᐊᓴᓂᒃ ᑐᓘᓐᓇᓕᒫᖓᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ – ᐊᑦᑕᓇᖏᑦᑐᒃᑰᓪᓗᑎᒃ, ᑕᑎᒋᔭᓴᐅᑦᑎᐊᓪᓗᑎᒃ ᑐᙵᓇᓪᓗᑎᒃ ᐊᒻᒪᓗ ᐃᑉᐱᒍᓱᑦᑎᐊᓪᓗᑎᒃ ᐊᑭᓖᕙᑦᑐᓂᒃ ᐱᔨᔅᓯᕈᑎᖏᑦ. ᑲᓇᐃᑎᐊᓐ ᓄᐊᑦ ᖃᖓᑕᓱᑦ ᐱᔨᔅᓯᕈᑎᑦ 25 ᓄᓇᓕᓐᓄᑦ ᐃᓗᐋᓂ ᓄᓇᔅᓯᐊᑉ, ᓄᓇᕕᒃ ᐊᒻᒪᓗ ᓄᓇᕗᒻᒧᑦ, ᐃᓚᒋᔭᐅᓪᓗᑎᒃ ᐋᑐᕚ, ᒪᓐᑐᕆᐊᓪ, ᐃᐊᒻᒪᑕᓐ ᐊᒻᒪᓗ ᒫᓐᓇᐅᓕᖅᑐᖅ ᑳᐅᓪᒍᕆᒧᑦ ᐱᓕᕆᐊᑐᐊᖃᖏᓪᓗᓂ Boeing 737 ᐊᒻᒪᓗ ᐊᕕᒃᑐᖅᓯᒪᓂᕐᒥ ᐃᖏᕐᕋᔾᔪᑎ ᖃᖓᑕᓱᖅ ATR 42 ᖃᖓᑕᓱᖅ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
ᑐᑭᓯᒋᐊᒃᑲᓐᓂᕈᒪᒐᕕᑦ ᖃᐅᔨᒋᐊᕐᕕᒋᒍᒃ:
ᐋᓂ ᑖᒻᓕᓐᓴᓐ
ᐊᐅᓚᑦᑎᔨᒋᔭᐅᔪᖅ, ᑐᓴᕐᑐᓕᕆᓂᕐᒧᑦ
ᑲᓇᐃᑎᐊᓐ ᓄᐊᑦ
mediarelations@canadiannorth.com
