ᑐᓴᖅᑎᑕᐅᑲᐅᑎᒋᔪᒃᓴᖅ ᔪᓚᐃ 08, 2022, ᐋᑐᕚ, ᐋᓐᑎᐊᕈᔫ – ᐳᕌᑦᓕ ᐃᐊ ᓲᕕᓯᔅ ᓕᒥᑎᑦ ᖃᖓᑕᓲᓕᕆᔨᒃᑯᑦ, ᐊᐅᓚᑦᑎᔪᖅ ᑲᓇᐃᑎᐊᓐ ᓄᐊᑦᑯᓐᓂᒃ, ᖁᕕᐊᓱᒃᑐᑦ ᑐᓴᖅᑎᑦᑎᒋᐊᒥᒃ ᑎᒃᑭᐊᖅᑕᐅᖕᒪᑦ ᒪᐃᑯ ᕉᑎᓂᐅᒃ ᐊᖓᔪᖅᑳᖑᓛᓕᕐᒪᑦ ᑲᓇᐃᑎᐊᑦ ᓄᐊᑦᑯᓐᓄᑦ, ᐱᒋᐊᕐᓗᒍ ᔪᒪᐃ 15, 2022. 

ᒥᔅᑕ ᕉᑎᓂᐅᒃ ᐃᓚᒋᔭᐅᓛᓕᖅᑐᖅ ᑲᓇᐃᑎᐊᓐ ᓄᐊᑦᑯᓐᓂ 30 ᐅᖓᑖᓂ ᐃᖅᑲᓇᐃᔭᖅᓯᒪᓕᖅᑎᓪᓗᓂ ᐊᖓᔪᖅᑲᐅᑎᐅᖃᑦᑕᖅᓯᒪᓪᓗᓂ ᖃᖓᑕᓲᓕᕆᓂᕐᒥᒃ, ᒫᓐᓇᓵᖅ ᐃᖅᑲᓇᐃᔭᓚᐅᖅᖢᓂ ᐊᖓᔪᖅᑳᑉ ᑐᒡᓕᕆᓚᐅᖅᖢᓂᐅᒃ, ᕕᓕᔅ ᓖᔅ ᑮᓇᐅᔭᓂᒃ ᐊᑐᖅᑐᐊᖅᑎᑎᑦᔨᓂᒃ, ᑕᐃᒃᑯᐊ ᐊᑐᖅᑐᐊᖅᑎᑦᑎᕙᒃᑐᑦ ᖃᖓᑕᓲᒃ ᐃᑯᒪᖏᓐᓂᒃ ᐊᓯᖏᓐᓂᒡᓗ ᐃᓚᒃᓴᖏᓐᓂᒃ. ᐊᖓᔪᖅᑳᖑᓚᐅᕐᒥᔪᖅ ᕕᐊᔅᑦ ᕕᓐ ᖃᖓᑕᓲᓕᕆᔨᓂᒃ ᐊᒻᒪᓗ ᐊᖓᔪᖅᑳᖑᓯᒪᖕᒥᔪᖅ ᐊᓪᓚᓄᑦ ᓇᖕᒥᓂᕆᔭᐅᔪᒃᑯᓐᓄᑦ ᕙᓴᐃᔭ ᖃᖓᑕᓲᓕᕆᔨᓂ, ᑕᐃᑲᓃᑎᓪᓗᓂᓗ ᓯᕗᖅᑎᐅᓚᐅᖅᑐᖅ ᖃᖓᑕᓲᓕᕆᓂᒃᑯᑦ ᐱᔨᑦᑎᕋᖅᑎᓪᓗᒋᑦ ᐅᖓᓯᒃᑯᓂᒃ ᓄᓇᓕᐊᓛᕐᓂᒃ. ᓯᕗᓂᐊᒍᑦ ᐊᖓᔪᖅᑲᐅᑕᐅᖃᑦᑕᓚᐅᕐᒥᔪᖅ ᒐᕚᕐᓂ ᑎᒍᒻᒥᔨᒃᑯᓐᓂᒃ, (ᑲᒪᒋᔭᖃᖅᖢᓂ Hᐊᕙᐃ’ᐃ ᐊᐃᓚᓐ ᖃᖓᑕᓲᓕᕆᔨᒃᑯᓐᓂᒃ), ᖃᖓᑕᓲᓕᕆᔨᖁᑎᖓᑦ ᐃᐊᒃᓯᑕᐃᓐᓯ ᐃᓐᑲᒻ ᑯᐊᐳᕇᓴᒃᑯᑦ, ᕕᓂᐸᐃᖕ ᒥᑦᑕᕐᕕᓕᕆᔨᒃᑯᓐᓄᑦ, ᕕᐊᔅᔭᑦ, ᓯᑉ (ᐃᐊ ᑲᓇᑕᒃᑯᑦ ᐊᑭᑭᑦᑐᓄᑦ ᖃᖓᑐᓲᒃᑰᕈᑎᒋᓚᐅᖅᑕᖓᑦ) ᐊᒻᒪᓗ ᐃᔅᐋᕐ ᑎᐊᒃᓂᒃᔅ (ᓄᓇᕐᔪᐊᕐᒥ ᐃᑯᒪᓕᕆᔨᑦ, ᓴᕙᒃᑐᓕᕆᔨᑦ ᐊᒻᒪᓗ ᓄᑖᙳᖅᑎᕆᔨᑦ), ᐊᖓᔪᖅᑲᐅᑕᐅᓯᒪᖕᒥᔪᖅ ᔪᓇᐃᑎᑦ ᖃᖓᑕᓲᓕᕆᔨᒃᑯᓐᓂᒃ ᐊᒻᒪᓗ ᐊᒥᐊᓕᑲ ᖃᖓᑕᓲᓕᕆᔨᒃᑯᓐᓂᒃ ᐊᒻᒪᓗ ᖃᖓᑕᓲᖅᑎᐅᓯᒪᖕᒥᔪᖅ, ᐱᕙᓪᓕᐊᓚᐅᖅᓯᒪᓪᓗᓂ ᓰ ᐊᐃᓚᓐ ᖃᖓᑕᓲᓕᕆᔨᒃᑯᓐᓂᒃ, ᕚᓐᑰᕗᒥ. ᒥᔅᑕ ᕉᑎᓂᐅᒃ ᐃᒃᓯᕙᐅᑕᕆᔭᐅᖕᒥᔪᖅ ᕕᐊᔅᑳᑦᑯᓐᓄᑦ (ᖃᖓᑕᓲᓕᕆᓂᕐᒥᒃ ᖃᐅᔨᓴᖅᑎᒃᑯᑦ ᐱᕙᓪᓕᐊᑎᑦᑎᔨᐅᓪᓗᑎᒡᓗ / ᑮᓇᐅᔭᓕᕆᓂᕐᒥᒃ ᐱᕙᓪᓕᐊᑎᑦᑎᔨᑦ ᕕᓂᐸᐃᖕ ᒥᑦᑕᕐᕕᖓᓂ ᐊᓪᓚᒡᕕᖃᖅᖢᑎᒃ.

ᑕᓇᐃᑎᐊᓐ ᓄᐊᑦᑯᑦ ᑲᑎᒪᔨᖏᑦ ᕿᓂᑦᑎᐊᓚᐅᖅᑳᖅᖢᑎᒃ ᓂᕈᐊᓚᐅᖅᑐᑦ ᒥᔅᑕ ᕉᑎᓂᐅᒃᒥᒃ ᐃᓕᑕᖅᓯᓯᒪᓪᓗᑎᒃ ᐊᖓᔪᖅᑲᐅᑕᐅᔪᖕᓇᑦᑎᐊᕐᓂᖓᓂᒃ ᐃᖅᑲᓇᐃᔭᑯᑖᒃᓯᒪᒐᒥ ᖃᖓᑕᓲᓕᕆᔨᒃᑯᓐᓂᒃ ᐊᔾᔨᒌᙱᑦᑐᕐᓂᒃ, ᐱᓕᕆᖃᑎᖃᖅᑕᖅᓯᒪᓂᖓᓂᒡᓗ ᓄᓇᖃᖅᑳᖅᓯᒪᔪᓂᒃ ᓄᓇᓕᖏᓐᓂᒃ ᐊᓯᖏᓐᓂᒡᓗ ᐊᒻᒪᓗ ᑐᑭᓯᐊᓂᖓᓄᑦ ᐱᔭᕆᐊᖃᒻᒪᕆᖕᓂᖓᑕ ᐊᒃᓱᕈᕐᓇᕐᓂᖏᓪᓗ ᐊᐅᓚᓂᕐᒥᒃ ᐅᑭᐅᖅᑕᖅᑐᕐᒥ ᐅᖓᓯᒃᑯᓂᒃ ᓄᓇᓕᖕᓂᒃ ᖃᖓᑕᓲᓕᕆᓂᑎᒍᑦ. ᑕᒪᒃᑯᐊᓕᒫᑦ ᐱᓪᓗᒋᑦ ᓈᒻᒪᓈᑦᑎᐊᒻᒪᕆᓛᖅᑐᖅ ᑲᓇᐃᑎᐊᓐ ᓄᐊᒃᑯᓐᓂᑦ ᐊᖓᔪᖅᑳᖑᓂᐊᓕᕐᓗᓂ. ᑎᒃᑯᐊᖅᑕᐅᓂᖓ ᓴᖅᑭᓯᒪᔪᖅ ᒫᓐᓇ ᐱᒻᒪᕆᐅᑎᓪᓗᒍ ᑲᓇᐃᑎᐊᓐ ᓄᐊᑦᑯᓐᓄᑦ, ᐊᓂᒎᑎᕙᓪᓕᐊᓕᖅᑐᓪᓗᒋᑦ ᓄᕙᒡᔪᐊᕐᓇᐅᓚᐅᖅᑐᒥ ᐊᒻᒪᓗ ᖃᖓᑕᓲᓕᕆᓂᒃᑯᑦ ᐱᔨᑦᑎᕋᐃᓐᓇᖅᖢᑎᒡᓗ ᐱᔭᕆᐊᖃᒻᒪᕆᒃᑎᓪᓗᒋᑦ ᐅᑭᐅᖅᑕᖅᑐᒥ ᐅᓄᖅᑐᓄᑦ ᓄᓇᓕᖕᓄᑦ. ᒥᔅᑕ ᕉᑎᓂᐅᒃ ᑲᓇᐃᑎᐊᑦ ᓄᐊᑦᑯᓐᓂᒃ ᑲᓇᐃᑎᐊᓐ ᓄᐊᑦᑯᓐᓂᑦ ᖃᖓᑕᓲᓕᕆᑎᑦᑎᓛᖅᑐᖅ ᐊᑦᑕᕐᓇᖅᑕᐃᓕᑎᑦᑎᑦᑎᐊᕐᓗᓂ ᐊᒻᒪᓗ ᑕᑎᒋᔭᐅᔪᖕᓇᑦᑎᐊᕐᓗᓂ ᐊᒻᒪᓗ ᐱᐅᓂᖅᐹᒥᒃ ᐱᔨᑦᑎᕋᖅᑎᑦᑎᓗᓂ ᑲᒪᑦᑎᐊᕐᓗᑎᒃ ᑭᒃᑯᓕᒫᓄᑦ ᐱᔭᕆᐊᖃᖅᑐᓄᑦ, ᐊᒻᒪᓗ ᐊᑐᐃᓐᓇᖃᑦᑎᐊᕆᐊᕐᓗᓂ ᐱᕚᓪᓕᕈᑎᒃᓴᓂᒃ ᓴᖅᑭᕙᓪᓕᐊᔪᓂᒃ.

ᕌᔅᕚᓐ ᑕᒻᓛᔾ, ᐊᖓᔪᖅᑳᖑᑕᐃᓐᓇᓚᐅᖅᑐᖅ ᑲᓇᐃᑎᐊᓐ ᓄᐊᑦᑯᓐᓄᑦ ᑕᐃᒪᙵᓂᑦ ᐄᐳᕈ, 2022ᒥ ᖄᖓᒍᑦ ᐃᖅᑲᓇᐃᔮᖓᑕ ᐊᖓᔪᖅᑳᑉ ᑐᒡᓕᐊ, ᐋᖅᑮᓯᒪᔨᑦ & ᓴᓇᔭᕆᐊᓕᓕᕆᔨᑦ, ᐃᖅᑲᓇᐃᔭᖃᑎᖃᓛᖅᑐᖅ ᒥᔅᑕ ᕉᑎᓂᐅᖕᒥᒃ ᐊᖓᔪᖅᑳᖑᓂᕐᒥᒃ ᑐᓂᓯᑦᑎᐊᕋᓱᒡᓗᓂ. ᓅᓯᒪᓕᕈᓂ ᐊᖓᔪᖅᑳᖑᓂᖅ, ᒥᔅᑕ ᑕᒻᓛᔾ ᑲᔪᓯᓛᖅᑐᖅ ᐊᖓᔪᖅᑳᑉ ᑐᒡᓕᐊᖑᓂᖓᓂᒃ, ᐋᖅᑮᓯᒪᔨᑦ & ᓴᓇᔭᕆᐊᓕᓕᕆᔨᑦ. ᐳᕌᑦᓕ ᐃᐊ ᓲᕕᓯᔅ ᓕᒥᑎᑦ ᖃᖓᑕᓲᓕᕆᔨᒃᑯᑦ ᑲᑎᒪᔨᖏᑦ ᖁᔭᓐᓇᒦᒻᒪᕆᒃᑐᑦ ᒥᔅᑕ ᑕᒻᓛᔾᒥᒃ ᓯᕗᓕᖅᑎᐅᑦᑎᐊᓚᐅᕐᓂᖓᓄᑦ ᐊᖓᔪᖅᑳᖑᑲᐃᓐᓇᖅᑎᓪᓗᓂ.

“ᑲᓇᐃᑎᐊᓐ ᓄᐊᑦᑯᑦ ᐋᖅᑭᒃᓯᒪᔪᑦ ᖃᖓᑕᕕᒃᓴᑦ ᐊᒻᒪᓗ ᐊᑐᖅᑐᐊᖅᑐᓕᕆᔨᖏᑦ ᐱᔭᕆᐊᖃᒻᒪᕆᒃᑐᕐᓂᒃ ᐱᔨᑦᑎᕋᖅᑎᐅᔪᑦ ᐃᓄᐃᑦ ᓄᓇᖓᓂᕐᒥᐅᑕᕐᓂᒃ ᓄᓇᓕᖁᑎᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑲᓇᑕᒥ,” ᐅᖃᖅᑲᐅᔪᖅ ᔮᓂ ᐋᑕᒥ, ᐊᖓᔪᖅᑲᐅᑎᒻᒪᕆᒃ ᐃᒃᓯᕙᐅᑕᖓᑦ ᑲᓇᐃᑎᐊᓐ ᓄᐊᑦᑯᑦ. “ᓂᕆᐅᒃᑐᒍᑦ ᒪᐃᑯ ᖃᐅᔨᒪᑦᑎᐊᕐᓂᖓᓂᒃ, ᑐᑭᓯᐅᒪᑦᑎᐊᕐᓂᖓᓂᒃ ᐊᒻᒪᓗ ᓯᕗᓕᖅᑎᐅᑦᑎᐊᕈᖕᓇᕐᓂᖓᓂᒃ ᐊᑐᓕᓛᕐᒪᑦ ᐃᖅᑲᓇᐃᔮᒥᓂᒃ ᐱᕚᓪᓕᖅᑎᑦᑎᒐᓯᒃᑎᓪᓗᑕ ᖃᖓᑕᓲᓕᕆᓂᑦᑎᓐᓂᒃ ᓄᕙᒡᔪᐊᕐᓇᖅ ᐊᓂᒍᐃᕙᓪᓕᐊᓕᖅᑎᓪᓗᑎᒍ.

– 30 – 

 ᑲᓇᐃᑎᐊᓐ ᓄᐊᑦ ᒥᒃᓵᓄᑦ: 

ᒥᑦᓵᓅᖓᔪᑦ ᑲᓇᐃᑎᐊᓐ ᓄᐊᑦ (Canadian North): 

ᑲᓇᐃᑎᐊᓐ ᓄᐊᑦ (Canadian North) 100%−ᖑᓪᓗᓂ ᐃᓄᓐᓄᑦ ᓇᒻᒥᓂᕆᔭᐅᔪᖅ ᑲᓱᖅᑎᕆᕙᑦᑐᓂ ᐃᓄᓐᓂᒃ ᐱᔭᐅᒋᐊᖃᓪᓚᕆᑦᑐᓂᓪᓗ ᓱᓇᒃᑯᑖᕐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ − ᐊᑦᑕᓇᙱᑦᑐᒃᑯᑦ, ᑐᙵᕕᐅᒍᓐᓇᖅᑐᒃᑯᑦ ᑕᐃᒪᙵᓕᒫᕐᓗ ᑐᙵᓇᕐᓂᒃᑯᑦ ᐃᑲᔪᕈᒪᐃᓐᓇᕐᓂᒃᑯᓪᓗ ᐱᔨᑦᓯᖅᑕᒥᓐᓂ. ᐊᐅᓚᓂᖃᖅᐸᑦᑐᖅ 26ᓄᑦ ᐅᐸᒐᑦᓴᐅᔪᓄᑦ ᓄᓇᑦᓯᐊᕐᒥ, ᓄᓇᕕᒻᒥ ᐊᒻᒪᓗ ᓄᓇᕗᒻᒥ, ᖃᓪᓗᓈᑦ Page 2 of 2 ᓄᓇᖏᓐᓂ ᑐᑦᑕᕐᕕᖃᖅᑐᑎᑦ ᐋᑐᕚᒥ, ᒪᓐᑐᕌᒥ ᐊᒻᒪᓗ ᐊᑦᒪᑕᓐᒥ, ᐊᔾᔨᒌᙱᑦᑐᓂᒃ ᖃᖓᑕᓲᖁᑎᖃᖅᑐᑎᑦ ᕘᐃᖕ (Boeing 737) ᐊᒻᒪᓗ ATR 42 ᖃᖓᑕᓲᕐᓂᒃ. ᑲᓇᐃᑎᐊᓐ ᓄᐊᑦ (Canadian North) ᑦᓵᑕᕐᓂᒃᑯᑦ ᐱᔨᑦᓯᕋᖅᐸᑦᑐᑦ ᐊᖏᔫᑎᓄᑦ ᐱᓕᕆᕕᐅᔪᓄᑦ ᐱᔨᑦᓯᖅᑕᐅᒋᐊᓕᓐᓄᑦ ᑐᙵᕕᖃᕐᓂᒃᑯᑦ, ᐱᐊᓚᐃᑦᑐᒃᑯᑦ ᐊᑭᑐᓗᐊᙱᑦᑐᓂᓪᓗ ᑎᑭᑦᑕᕐᕕᖃᖅᑐᑦ/ᐊᐅᓪᓚᖅᑕᕐᕕᖃᖅᑐᑦ ᐊᐅᓚᑦᓯᕙᑦᑐᓂᓪᓗ ᖃᖓᑕᓲᕐᓂᒃ ᐅᐊᓐᓇᖓᓐᓂ ᒥᐊᓕᒐᐅᑉ ᓄᓇᓕᕐᔪᐊᖓᑦᑕ ᐅᖓᑖᓄᓪᓗ ᐱᙳᐊᖅᑎᐅᔪᓄᑦ, ᐅᒥᐊᕐᔪᐊᓄᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᔨᓄᑦ ᐊᓯᖏᓐᓄᓪᓗ ᐊᒥᓲᓂᖃᖅᑐᓄᑦ ᑲᑎᙵᔪᓄᑦ. ᑲᓇᐃᑎᐊᓐ ᓄᐊᑦ (Canadian North) ᐊᑕᖏᖅᑐᒍ−ᓇᒻᒥᓂᕆᔭᐅᔪᖅ ᒪᑭᕕᒃ ᑯᐊᐸᕇᓴᒃᑯᓐᓄᑦ (Makivik Corporation) ᐊᒻᒪᓗ ᐃᓄᕕᐊᓗᐃᑦ ᐊᕕᑦᑐᖅᓯᒪᔪᖏᓐᓂ ᑯᐊᐸᕇᓴᖏᓐᓄᑦ (Inuvialuit Development Corporation).

ᑐᑭᓯᒋᐊᒃᑲᓐᓂᕈᒪᒍᑦ, ᖃᐅᔨᒋᐊᕐᕕᒋᓗᒍ: 

ᑭᐊᕙᓐ ᖃᑉᓗᑦᓯᐊᖅ ᑐᑭᒧᐊᒃᑎᑦᑎᔨᒻᒪᕆᒃ, ᐱᔫᒥᓵᖅᑐᓕᕆᔨᑦ & ᑐᓴᐅᒪᖃᑦᑕᐅᑎᓕᕆᔨᑦ ᑲᓇᐃᑎᐊᓐ ᓄᐊᑦ mediarelations@canadiannorth.com