ᐋᑐᕚ, ᐊᓐᑎᐅᕆᔪ, ᐄᐳᓗ 2, 2025 – ᑲᓇᐃᑎᐊᓐ ᓄᐊᑦ ᐊᖏᔪᖅᑳᖓ ᐊᒻᒪᓗ ᐊᐅᓚᑦᓯᔨᒻᒪᕆᖓ ᓯᐊᓕ ᑎ ᑲᕆᐊ ᑐᓂᔭᐅᓚᐅᖅᑐᖅ ᐅᐱᓐᓇᒻᒪᕆᑦᑐᒥᑦ ᑭᖕ ᓵᓗᔅ III ᓇᓗᓇᐃᖅᑕᐅᓂᖓᓄᑦ ᓵᓚᑦᓴᐅᓯᐊᕐᒥᑦ ᖁᕕᐊᓲᑎᖃᖅᑎᓪᓗᒋᑦ ᐄᐳᓗ 2, 2025−ᒥᑦ. ᓵᓚᑦᓴᐅᓯᐅᖓᔪᖅ ᑲᓇᑕᒥ ᐅᐱᒍᓱᓪᓚᕆᓐᓂᐅᕗᖅ ᐃᓕᓴᖅᓯᓂᕐᒥᑦ ᐃᓄᓐᓂᒃ ᐃᑲᔪᖅᓯᒪᓪᓚᕆᑦᑐᓂᑦ ᑲᓇᑕᒥ ᐅᕝᕙᓘᓐᓃᑦ ᓂᒋᐊᓂ ᐊᕕᑦᑐᖅᓯᒪᔪᓂᑦ, ᐅᑭᐅᖅᑕᖅᑐᒥᑦ ᐊᕕᑦᑐᖅᓯᒪᔪᓂᑦ, ᓄᓇᓕᖃᕐᕕᐅᔪᓂᑦ ᐅᕝᕙᓘᓐᓃᑦ ᓄᓇᓕᒻᒥᑦ.

ᓯᐊᓕ ᑐᑭᒧᐊᖅᑎᓯᒪᔭᖓ ᑲᓇᐃᑎᐊᓐ ᓄᐊᑦ ᐊᖏᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆᒃ 2023−ᒥᓂᑦ ᐱᓕᕆᐊᓪᓗᐊᑕᖃᖅᑐᓂ ᐱᐅᓯᑎᒋᐊᖅᑕᐅᓂᖏᓐᓄᑦ ᑐᓐᖓᕕᐅᔪᓐᓇᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᓕᑦᑎᖅᑕᐅᔪᓂᑦ ᓄᓇᓕᓕᒫᓂᑦ ᑲᓇᐃᑎᐊᓐ ᓄᐊᑦ ᐱᔨᑦᑎᖅᑕᖏᓐᓂ. ᐃᓅᓚᐅᖅᓯᒪᓪᓗᓂ ᐱᕈᑦᑐᓂᓗ ᑰᔾᔪᐊᖅ, ᑯᐱᐊᒃᒥ, ᐃᓄᑦᑎᑐᑦ ᐅᖃᐅᓯᖃᒃᑲᓐᓂᖅᑐᓂ, ᓯᐊᓕ ᓯᕗᓪᓕᖅᐹᕆᔭᐅᓂᑰᔪᖅ ᑲᓇᐃᑎᐊᓐ ᓄᐊᑦᑯᓐᓂ ᐃᓅᓪᓗᓂ ᐊᖏᔪᖅᑳᕆᔭᐅᓂᕐᒧᑦ ᐊᒻᒪᓗ ᐊᐅᓚᑦᓯᔨᒻᒪᕆᐅᓪᓗᓂ 2023−ᒥᑦ. ᐃᑲᔪᕐᓂᖃᖅᓯᒪᔪᖅ ᑲᑐᔾᔨᖃᑎᒌᓕᖅᑎᑦᓯᓂᕐᒥᑦ ᐃᓄᓐᓂᒃ ᐊᒻᒪᓗ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓂᒃ ᐱᐅᔪᓪᓚᕆᐊᓗᓐᓂᒃ ᐃᑲᔪᕐᓂᖃᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐃᓱᒪᒃᑯᑦ ᖃᓄᐃᙱᑦᓯᐊᕆᐊᕐᓂᕐᒥᑦ ᓄᓇᓕᐅᔪᓂᑦ ᑲᓇᐃᑎᐊᓐ ᓄᐊᑦᑯᓐᓄᑦ ᐱᔨᑦᓯᕋᖅᑕᐅᔪᓂᑦ

ᓯᐊᓕ ᓂᕈᐊᕋᑦᓴᓕᐊᖑᓚᐅᖅᑐᖅ ᑖᑦᓱᒧᖓ ᑭᖕ ᓵᓗᔅ III ᓇᓗᓇᐃᖅᑕᐅᓂᖓᓄᑦ ᓵᓚᑦᓴᐅᓯᐊᕐᒧᑦ ᑖᒃᑯᓄᖓ ᐃᓄᐃᑦ ᑕᐱᕇᑦ ᑲᓇᑕᒥ, ᑲᓇᑕᒥ ᑲᑐᔾᔨᖃᑎᒌᖑᔪᑦ ᓴᐳᔾᔨᓲᑦ ᐊᒻᒪᓗ ᐃᑲᔪᖅᑐᐃᓲᑦ ᐱᔪᓐᓇᐅᑎᒋᔭᐅᔪᓂᑦ ᐊᒻᒪᓗ ᐱᔭᐅᒍᒪᔪᓂᑦ ᐃᓄᓐᓄᑦ ᑲᓇᑕᒥ.

“ᐅᐱᒍᓱᓪᓚᕆᑦᑐᖓ ᑖᑦᓱᒥᖓ ᑐᓂᕐᕈᓯᐊᕈᓐᓇᕋᒪ,” ᓯᐊᓕ ᐅᖃᖅᑐᖅ. “ᐱᓕᕆᓂᕆᔭᕋ ᐱᒋᐊᕋᑖᑕᐃᓐᓇᖅᑐᖅ. ᑲᔪᓯᑎᓐᓂᐊᖅᑕᕋ ᐃᑲᔪᖅᑐᐃᓗᖓ ᐱᑕᖃᕆᐊᖃᖅᑐᓂ ᐱᖁᑎᕐᔪᐊᓂᑦ ᐱᓕᕆᑎᑦᑎᓂᕐᒥᑦᐱᑕᖃᕆᐊᖃᖅᑐᓂ ᑖᒃᑯᐊ ᐊᑯᓂᐅᓂᖅᓴᒧᑦ ᑲᔪᓯᑦᑎᐊᕈᓐᓇᕐᓗᓂ ᐅᑭᐅᑕᖅᑐᒥ ᖃᖓᑕᓲᓕᕆᓂᕐᒥᑦ – ᓇᓗᓇᐃᖅᑕᐅᓗᑎ ᑖᒃᑯᐊ ᓄᓇᓖᑦ ᐱᔨᑦᑎᖅᑕᕗᑦ ᐊᖅᑯᑎᖃᕐᓗᑎ ᐱᔭᕆᐊᖃᖅᑕᖏᓐᓂ ᐊᒻᒪ ᐱᔭᕆᐊᖃᖅᑕᖏᓐᓂ.”