ᑐᓴᕐᑎᓯᒍᑎᐅᑦᓴᐅᑎᒋᒋᐊᓕᒃ, ᔫᓂ 7, 2021 (ᐋᑦᑐᒑ) – ᑲᓇᐃᑎᐊᓐ ᓄᐊᑦᑯᑦ ᐊᑭᑭᓪᓕᑎᕆᐅᑎᒋᓲᖏᑦ ᖃᖓᑦᑕᐅᑎᓂᒃ ᐃᓚᒃ ᐃᓄᑐᐃᓐᓇᓄᑦ ᐃᓚᐅᔪᓄᑦ ᐊᖏᖃᑎᒌᓐᓂᒧᑦ, ᐊᑐᐃᓐᓇᐅᓕᕐᑐᑦ ᐊᑐᕐᑕᐅᒍᒪᒍᑎᒃ ᑰᒃᔪᐊᒥᑦ ᒪᓐᑐᕆᐊᓪᒧᑦ 18-ᓂᒃ ᐅᑭᐅᓕᓐᓄᑦ ᐅᖓᑖᓂᓗ. ᐃᓂᓕᐅᖃᑦᑕᕈᓐᓇᓛᓕᕐᑐᓯ ᔫᓂ 14, 2021-ᒥ ᐱᒋᐊᕐᑎᓗᒍ.
ᐃᓚᒃ ᐊᑭᑭᓪᓕᑎᕆᐅᑎᓂᒃ ᐊᑐᓚᖓᑐᐊᕈᑦᓯ ᖃᓂᒻᒪᓐᓇᖅ 19-ᒥᒃ ᐋᓐᓂᐊᑖᕇᒃᑯᑎᒧᑦ ᑲᐳᕐᑕᐅᓯᒪᓂᑦᓯᓂᒃ ᖃᐅᔨᒪᔭᐅᑎᑦᓯᒋᐊᖃᕐᖁᓯ. ᑲᐳᕐᑕᐅᓯᒪᔪᖅ ᑐᑭᖃᕐᑐᖅ ᑲᐱᔭᕕᓂᐅᓂᕐᓂᒃ ᑕᒪᖏᓐᓄᑦ ᑲᐳᕐᑕᐅᒍᑎᐅᒋᐊᓕᓐᓄᑦ 14 ᐅᓪᓗᐃᑦ ᓯᕗᓂᖓᒍᑦ ᐊᐅᓪᓚᓚᐅᕋᓯ ᑕᒪᖏᓐᓂᒃ ᑲᐱᔭᐅᓯᒪᒋᐊᖃᕐᑐᓯ. ᐊᐅᓪᓚᑐᑦ 18 ᐊᑖᓂ ᐅᑭᐅᓖᑦ ᐃᓚᒃ ᐊᑭᑭᓪᓕᑎᕆᐅᑎᓂᒃ ᐊᑐᕈᓐᓇᑐᑦ ᑲᐳᕐᑕᐅᓯᒪᖕᖏᑲᓗᐊᕈᑎᒃ.
ᐊᐅᓪᓚᑲᑦᑕᑎᑦᓯᑌᓕᒍᑏᑦ ᓄᓇᕕᒻᒥ ᐊᑑᑎᖏᓐᓇᒪᑕ ᓄᓇᕕᒻᒥ ᐃᓗᓯᓕᕆᔩᑦ ᒪᓕᑦᑕᐅᑎᑕᖏᑦ ᒪᓕᑦᑕᐅᓯᐊᕆᐊᖃᖏᓐᓇᑐᑦ. ᑐᑭᓯᒋᐊᑦᓯᐊᕈᒪᓐᓂᕈᕕᑦ ᓄᓇᕕᒻᒥ ᐊᐅᓪᓚᑲᑦᑕᑐᑦ ᒪᓕᒐᖏᓐᓂᒃ ᐅᕗᖓ ᑕᑯᒋᐊᕈᓐᓇᑐᑎᑦ canadiannorth.com/coronavirus.
ᑖᒃᑯᐊ ᑐᓴᕐᑎᓯᒍᑏᑦ ᓱᕐᕃᖏᑦᑐᑦ ᑲᓇᐃᑎᐊᓐ ᓄᐊᑦᑯᑦ ᐊᑭᑭᓪᓕᑎᕆᐅᑎᒋᓲᖏᓐᓂᒃ ᐃᓚᒃ ᐊᓯᓕᒫᖏᓐᓄᑦ ᓄᓇᓄᑦ ᐅᐸᓲᑦᑎᓄᑦ.
-30-
ᖃᐅᔨᒋᐊᕐᕕᐅᒍᓐᓇᑐᖅ:
mediarelations@canadianorth.com
