ᑲᓇᐃᑎᐊᓐ ᓄᐊᑦ ᐊᒃᓱᕈᖅᖢᑎᒃ ᓴᓇᓲᑦ ᐊᒻᒪᓗ ᐊᖏᖅᓯᒪᑦᑎᐊᖅᑐᑦ ᓄᓇᓕᖕᓄᑦ ᐱᔨᑦᑎᕋᖅᑕᒥᖕᓄᑦ ᑲᔪᓯᑦᑎᐊᕐᐊᕐᒪᑕ ᐊᔾᔨᒋᔭᐅᓐᖏᑦᑐᑦ ᐱᔨᑦᑎᕋᐅᑎᕗᑦ ᐅᑭᐅᖅᑕᖅᑐᒥ ᐃᑭᖃᒪᖃᑦᑕᖅᑐᓄᑦ ᐊᒻᒪᓗ ᐃᑲᔪᖃᑦᑕᖅᑕᑦᑎᓐᓄᑦ ᐊᒥᓱᓄᑦ ᐊᕐᕌᒍᓄᑦ ᐊᒡᒋᖅᑐᓄᑦ. ᑮᓇᐅᔭᓕᐊᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐ (EIC), ᑭᒡᒐᖅᑐᐃᔪᑦ ᑲᓇᐃᑎᐊᓐ ᓄᐊᑦ, ᐃᓕᓯᓯᒪᓕᖅᑐᑦ ᓄᑖᓂᒃ, ᐊᑯᓂᐅᔪᒃᑯᑦ ᖃᖓᑕᓲᓕᕆᓂᕐᒧᑦ ᐊᖏᕈᑎ ᓄᓇᕗᑦ ᒐᕙᒪᒃᑯᖏᓐᓄᑦ. ᐅᓇ 10-ᐊᕐᕌᒍᓄᑦ ᑳᓐᑐᕌᒃ, ᐅᖓᕙᕆᐊᕈᓐᓇᕐᕕᖃᖅᑐᖅ ᑕᓪᓕᒪᑦ-ᐊᕐᕌᒍᓄᑦ, ᑐᓂᓯᓯᒪᓂᐊᖅᑐᖅ ᒪᓕᑦᑎᐊᖅᑐᒥᒃ, ᐊᓯᕈᖃᑦᑕᓐᖏᓪᓗᓂ, ᐊᒻᒪᓗ ᐊᔪᒋᑦᑎᐊᖅᑐᑦ ᐸᕐᓇᐅᑎᑦ ᐊᒻᒪᓗ ᖃᑭᔾᔪᑕᐅᓗᓂ ᓯᕗᓂᒃᓴᑦᑎᓐᓄᑦ.
ᐅᓇ ᐊᖏᕈᑎ ᐊᖏᓂᖅᓴᖅ ᓇᖕᒥᓂᖁᑎᖓᓄᑦ ᐃᖏᕐᕋᑦᑎᐊᖅᑎᑦᑎᓂᕐᒧᑦ. ᐅᓇ ᓴᙱᔪᖅ ᓇᓪᓕᐊᒃᑯᒫᖅ ᐱᐅᓂᖅᐹᓂᒃ ᐱᔨᑦᑎᕋᐅᑎᖃᖅᑐᖅ ᑲᓇᐃᑎᐊᓐ ᓄᐊᑦ ᐱᔨᑦᑎᕋᖅᐸᒃᑐᖅ ᖃᐅᑕᒫᑦ. ᐊᑐᖅᓯᑦᑎᐊᖅᑐᖅ ᐊᔪᖏᓐᓂᕐᒥᒃ ᓄᓇᕗᑦ ᒐᕙᒪᒃᑯᑦ ᐃᓕᓯᒪᔭᖏᓐᓄᑦ ᐅᕙᑦᑎᓐᓄᑦ ᐊᑦᑕᕐᓇᖅᑐᖃᓐᖏᑦᑐᒥᒃ, ᐊᑑᑎᖃᖅᑐᒥᒃ ᖃᖓᑕᑎᑦᑎᓂᖅ ᐊᒻᒪᓗ ᐅᓯᑎᑦᑎᓂᖅ, ᐱᒻᒪᕆᐅᔪᖅ ᓄᓇᕗᒻᒥᐅᓄᑦ. ᓄᓇᕗᑦ ᒐᕙᒪᒃᑯᑦ ᐅᖃᖅᓯᒪᔪᑦ ᐅᓇ ᖃᖓᑕᓂᖅ ᐱᒻᒪᕆᐅᔪᖅ ᐃᓅᓯᕐᒧᑦ, ᐊᑕᑎᑦᑎᔪᖅ ᐃᓚᒌᖕᓂᒃ, ᑐᓂᓯᖃᑦᑕᖅᑐᑦ ᐊᑦᑕᕐᓇᖅᑐᓄᑦ ᐱᔨᑦᑎᕋᐅᑎᑦᑎᒍᑦ, ᐊᒻᒪᓗ ᐃᑲᔪᖅᑐᖅ ᒪᑭᒪᓇᓱᐊᕐᓂᕐᒧᑦ ᐊᒻᒪᓗ ᐃᓅᓯᕐᒥ ᖃᓄᐃᖏᑦᑎᐊᖁᓪᓗᒋᑦ ᓄᓇᕗᒻᒥ. ᐃᒃᐱᒍᓱᑦᑎᐊᖅᑐᖅ, ᑕᐃᒪᓗ ᐊᖏᒡᒋᖅᑐᓄᑦ ᖁᓕᓄᑦ ᐊᕐᕌᒍᓄᑦ ᐊᒻᒪᓗ ᐅᖓᑖᓄᑦ, ᐱᓕᕆᖃᑦᑕᕐᓂᐊᖅᑐᖅ ᐊᑦᑕᕐᓇᖅᑐᒥᒃ ᐃᓂᖃᕐᒪᑦ ᐅᑯᐊ ᑲᓇᐃᑎᐊᓐ ᓄᐊᑦ ᐊᖏᔪᒥᒃ ᐅᐱᒍᓱᒃᐳᑦ.
ᐅᓇ ᐱᐅᓯᕚᓪᓕᕈᑎ ᐱᓕᕆᖃᑎᒌᖕᓂᕐᒧᑦ ᐃᓂᖃᖅᑎᑦᑎᔪᖅ ᐅᕙᑦᑎᓐᓂᒃ ᐃᑲᔪᖅᑎᐅᓗᑕ ᓴᖕᖐᔪᔪᒥᒃ ᐱᔪᒪᔭᖏᓐᓄᑦ ᓄᓇᓖᑦ ᐱᔨᑦᑎᕋᖅᑕᕗᑦ, ᐃᓚᒋᔭᐅᕗᑦ ᐋᕿᑦᑎᐊᖅᓯᒪᓂᖅᓴᐅᓗᑎᒃ ᓇᐸᔪᑦ ᐃᒡᓗᑦ ᐊᒻᒪᓗ ᐃᑲᔪᖅᑕᐅᓂᐊᖅᓴᐅᓗᑎᒃ ᐊᑦᑕᕐᓇᖅᑐᓂ ᐃᓂᖓ ᖃᖓᑕᓲᓕᕆᓂᕐᒧᑦ ᐱᔨᑦᑎᕋᐅᑎᑦ ᐊᑐᖅᑕᐅᖃᑦᑕᖅᑐᑦ ᓄᓇᕗᒻᒥ. ᐅᓇ ᐊᖏᕈᑎ ᒪᑐᐃᖅᓯᔪᖅᑕᐅᖅ ᐊᑑᑎᖃᒻᒪᕆᒃᑐᒥᒃ ᐱᕕᖃᕐᑎᑦᑎᓂᖅ ᐃᖅᑲᓇᐃᔮᒃᓴᓄᑦ, ᐱᔭᕆᐅᖅᓴᑎᑦᑎᓂᕐᒧᑦ, ᐊᒻᒪᓗ ᓄᓇᓕᖕᓄᑦ ᐃᑲᔫᑎᒃᓴᓂᒃ, ᐊᑐᖅᑕᐅᑎᒃᑲᓐᓂᕐᓗᒋᑦ ᖃᓂᒡᓕᒋᐊᑦᑎᐊᒃᑲᓐᓂᕐᓗᑕ ᐃᓄᖁᑎᖏᓐᓄᑦ ᓄᓇᕗᒻᒥ.
