Skip to content

ᓯᐊᓕ ᑎ ᑲᕆᐊ ᐃᓕᓴᕆᔭᐅᓗᓂ ᐊᑎᑦᑖᑦᑎᑕᐅᔪᖅ ᑲᓇᐃᑎᐊᓐ ᓄᐊᑦᑯᓐᓂ ᓯᕗᓪᓕᑉᐹᖑᓪᓗᓂ ᐃᓄᒃ ᐊᖓᔪᖄᕆᔭᐅᓂᖓᓂᒃ ᐊᒻᒪ ᐊᖓᔪᖅᑳᒃ ᐊᖓᔪᖃᐅᑎᓂ ᐊᐅᓚᑦᑎᔨᐅᓂᖓᓂᒃ

December 8, 2023

ᐋᑐᕙ, ᐊᓐᑎᐅᕆᔪ – ᑲᓇᐃᑎᐊᓐ ᓄᐊᑦ, ᐃᓄᓐᓂᑦ−ᓇᒻᒥᓂᕆᔭᐅᔪᖅ ᖃᖓᑕᓱᖁᑎᑦ, ᐅᓪᓗᒥ ᑐᓴᑦᑕᐅᑎᑦᑎᒻᒪᑕ ᐱᒻᒪᕆᐋᓗᒻᒥᒃ ᓯᕗᓕᖅᑎᐅᓂᖅ ᓄᑖᕈᕆᐊᑦᑕᐅᑎᓪᓗᒍ, ᓇᓗᓇᕈᓐᓃᑦᑎᑦᑎᓪᓗᓂ ᐃᓕᖅᑯᓯᕆᔭᐅᕙᓪᓚᐅᑦᑑᑉ ᐱᕙᓪᓕᐊᒻᒪᕆᒋᐋᓕᓂᖓᓂᒃ ᐅᖓᑖᓂ 75−ᐊᕐᕌᒍᐃᑦ ᐃᓕᖅᑯᓯᕆᔭᐅᕙᓚᐅᑦᑐᓂ ᑲᑎᒍᓐᓇᔅᓯᑎᑕᐅᓗᑎᒃ ᐅᖓᓯᒌᑦᑐᖁᑎᒋᔭᕗᑦ ᐊᒻᒪᓗ ᐅᑭᐅᑦᑕᑦᑐᒻᒥ ᓄᓇᓖᑦ ᑲᓇᑕᐅᑉ ᐅᑭᐅᑦᑕᑦᑐᖓᓂ. ᓯᐊᓕ ᑎ ᑲᕆᐊ, ᐃᖅᑲᓇᐃᔭᓕᓚᐅᒻᒪᑦ ᐅᑕᖅᑭᓂᖏᓐᓂ ᐊᖓᔪᖅᑳᖑᓪᓗᓂ ᐊᒻᒪ ᐊᖓᔪᖅᑳᖑᓪᓗᓂ ᐊᖓᔪᖃᐅᑎᓂ ᐊᐅᓚᑦᑎᔨᐅᓂ, ᒫᓐᓇᓕ ᐃᓕᓴᕆᔭᐅᓯᒪᓗᓂ ᐃᖅᑲᓇᐃᔮᖃᓕᑦᑎᑕᐅᔪᖅ ᑲᓇᐃᑎᐊᓐ ᓄᐊᑦᑯᓐᓂ ᓯᕗᓕᐹᒍᓗᓂ ᐃᓄᒃ ᐊᖓᔪᖄᖑᓪᓗᓂ ᐊᒻᒪ ᐊᖓᔪᖅᑳᖑᓪᓗᓂ ᐊᖓᔪᖃᐅᑎᓂ ᐊᐅᓚᑦᑎᔨᓂ.

ᐃᓅᓚᐅᔅᓯᒪᓪᓗᓂ ᐱᕈᑦᑐᓂᓗ ᑰᔾᔪᐊᖅ, ᑯᐱᐊᒃᒥ, ᓯᐊᓕ ᑎ ᑲᕆᐊᑉ ᐃᖅᑲᓇᐃᔭᓂᕆᔭᖓ ᑐᑭᓯᓇᓯᑎᑦᑎᒻᒪᑦ ᑲᓇᐃᑎᐊᓐ ᓄᐊᑦᑯᑦ ᐊᓐᓂᕆᓂᑉᐹᖏᓐᓂᒃ ᐊᒻᒪᓗ ᐱᓕᕆᒍᒪᑦᑎᐋᓪᓗᓂ ᓄᓇᓕᒻᒥ ᐱᓕᕆᖃᑎᖃᓐᓂᒻᒥᒃ. ᓯᕗᓂᖓᒍᑦ ᐃᓚᒋᔭᐅᓕᓚᐅᖏᓐᓂᖓᓂ ᑲᓇᐃᑎᐊᓐ ᓄᐊᑦᑯᓄᑦ, ᓯᐊᓕ ᐊᔅᓱᐋᓗᒃ ᐃᑲᔪᓐᓂᖃᓚᐅᒻᒪᑦ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ, ᐋᖅᑭᖃᑎᒋᑦᑎᑦᑎᒐᓱᐋᓪᓗᓂ ᑲᓇᑕᐅᑉ ᐃᓄᖏᑕ ᐃᓄᒋᐋᓐᓂᖏᓐᓂᒃ. ᑲᓇᐃᑎᐊᓐ ᓄᐊᑦᑯᓐᓂ, ᓯᐊᓕ ᐊᐅᓚᑎᑦᑎᓚᐅᒻᒪᑦ ᐱᕙᓪᓕᐋᑎᑕᐅᓂᖓᓂᒃ ᑕᒪᐃᑎᒍᑦ ᓄᓇᓕᒻᒥ ᐊᑐᕈᒫᓂᐊᑐᓕᐅᓂᒻᒥ ᐱᓕᕆᒍᑎᓂᒃ, ᐱᓕᕆᐊᖃᓪᓗᐊᑕᓪᓗᓂ ᐃᓕᓐᓂᐊᑦᑐᓕᕆᓂᒻᒥᒃ, ᐱᓕᐅᑎᓂᒻᒥᒃ, ᓂᕿᑦᑎᐊᕙᓕᕆᓂᒻᒥᒃ, ᐊᒻᒪᓗ ᐃᓱᒪᓕᕆᓂᒻᒥᒃ. ᑖᔅᓱᒪ ᓯᕗᓕᑎᐅᓂᖓ, ᐋᖅᑭᓱᑉᐸᓪᓕᐋᓯᒪᒻᒪᑦ ᐊᑐᑦᑎᓪᓗᒋᑦ ᖁᓕᒐᓴᐃᑦ ᐊᕐᕌᒍᐃᑦ ᐃᖅᑲᓇᐃᔭᖃᑦᑕᓯᒪᓂᖓᓄᑦ, ᓴᖅᑭᑎᑦᑎᓪᓗᓂ ᐱᓕᕆᒍᒪᑦᑎᐋᓂᖓᓂᒃ ᓄᓇᓕᓐᓂᒃ ᐱᔨᔅᓯᑉᐸᑕᑦᑎᓐᓂᒃ ᐊᒻᒪᓗ ᐃᑎᔪᒥᒃ ᑐᑭᓯᐋᓂᖃᓪᓗᓂ ᐊᔾᔨᐅᖏᓐᓂᖏᓐᓂᒃ ᐱᓕᕆᐋᕆᒐᓱᒋᐋᓕᑦ ᐊᒻᒪᓗ ᐱᓕᕆᒋᐋᕕᓴᐅᓕᓐᓂᖏᓐᓂᒃ ᐊᕕᒃᑐᔅᓯᒪᓂᖁᑎᒋᔭᑦᑎᓂ.

“ᐊᔅᓱᐋᓗᒃ ᒥᑭᓕᑎᐳᖓ ᐊᒻᒪᓗ ᐅᐱᑦᑐᖓᓗ ᓯᕗᓕᔅᓯᒋᐋᔅᓴᖅ ᑲᓇᐃᑎᐊᓐ ᓄᐊᑦ ᒫᓐᓇ ᐃᑉᐱᒋᔭᐅᑦᑎᐊᕆᐊᖃᒻᒪᕆᑦᑎᓪᓗᒍ ᐱᕕᖃᓐᓂᕆᔭᕗᑦ. ᐃᖅᑲᓇᐃᔭᓂᕆᔭᕋ ᐃᓕᑦᑎᕙᓪᓕᐋᑎᑦᑎᓯᒪᒻᒪᑦ ᐃᓗᓐᓂ ᓯᓚᑐᓂᒃᑯᑦ ᑐᑭᓯᓂᒥᒃ ᐊᔾᔨᐅᖏᑦᑐᓂᒃ ᐱᓕᕆᒐᓱᒋᐊᖃᓐᓂᐅᔪᓂᒃ ᐊᒻᒪᓗ ᐱᓪᓚᕆᒍᒪᔭᖏᓐᓂᒃ ᓄᓇᓖᑦ ᐱᔨᔅᓯᖃᑦᑕᖅᑕᑦᑕ, ᐊᒻᒪᓗ ᐃᓅᓪᓗᖓ, ᐱᓯᒪᒐᒪ ᐃᑉᐱᒍᓱᓐᓂᑐᐃᓐᓇᐅᖏᑦᑐᒥᒃ ᐅᐱᒋᓂᒻᒥᒃ ᑭᙳᕐᖑᑎᔭᑦᑎᓐᓂᒃ ᑭᓯᐊᓂᒃᑕᐅᖅ ᐊᔪᐃᓐᓇᓪᓗᖓ ᐱᓕᕆᒍᒪᒐᒪ ᓄᓇᓕᖁᑎᑦᑎᓐᓂᒃ,” ᐅᖃᓚᐅᒻᒪᑦ ᓯᐊᓕ ᑎ ᑲᕆᐊ, ᑲᓇᐃᑎᐊᓐ ᓄᐊᑦᑯᑦ ᐊᖓᔪᖄᖓᑦ ᐊᒻᒪ ᐊᖓᔪᖅᑳᖑᓪᓗᓂ ᐊᖓᔪᖃᐅᑎᓂ ᐊᐅᓚᑦᑎᔨ. “ᖃᖓᑕᓲᖁᑎᖃᑦᑎᑐᐃᓐᓇᐅᖏᓐᓇᑦᑕ; ᐃᓅᑎᑦᑎᒍᑎᒋᔭᐅᒐᑦᑕ, ᑲᑎᑎᑦᑎᓪᓗᑕ ᐊᒻᒪᓗ ᐃᑲᔪᓪᓗᑎᒍ ᑕᒪᒃᑯᐊ ᐆᒻᒪᕆᑦᑐᑦ ᓄᓇᓖᑦ ᑲᓇᑕᐅᑉ ᐅᑭᐅᑦᑕᑦᑐᓕᒫᖓᓃᑦᑐᑦ. ᐱᓕᕆᒐᓱᐋᑦᑎᐊᓪᓗᑕ ᐱᓕᕆᓂᕆᔭᑦᑎᓐᓂ ᐱᐅᓗᐊᒻᒪᕆᑦᑐᓂ ᐱᓕᕆᖃᑎᒋᑦᑐᖁᑎᑦᑎᓐᓂ, ᖁᓚᖏᑦᑎᐊᑦᑐᖓ ᐱᓕᕆᒍᓐᓇᓂᕆᔭᕗᑦ ᐊᔪᖏᓐᓂᓴᐅᓕᑦᑎᓪᓗᑎᒍ ᐊᐅᓚᑕᕗ ᐱᓕᕆᐊᕆᔭᕗᑦ, ᐃᒫᖑᓚᕆᑦᑎᑦᑎᓗᑕ ᑕᑎᒋᒐᓴᐅᑦᑎᐊᓪᓗᑕ ᐊᒻᒪᓗ ᐱᓕᕆᑦᑎᐊᖃᑦᑕᓪᓗᑕ ᐃᑭᒪᔨᐋᖃᓂᒻᒧᑦ ᐊᒻᒪᓗ ᐅᓯᓂᑦᑎᓐᓄᑦ ᐱᔨᔅᓯᕈᑎᓂᒃ. ᓴᙱᓂᓴᐅᓕᑦᑎᑦᑎᓂᐋᕋᑦᑕ ᑲᓇᐃᑎᐊᓐ ᓄᐊᑦᑯᑦ ᑐᙵᕕᖓᓂᒃ, ᐊᑐᑦᑎᐋᖏᓐᓇᓪᓗᑎᒍ ᐱᓕᕆᐊᕆᒍᒪᔭᕗᑦ ᐊᒻᒪᓗ ᐊᑯᓂᐋᓗᑦᑎᓪᓗᑎᒍ, ᐱᐅᓈᓪᓗᑎᒃ ᐊᒃᑐᐃᓂᕆᔭᕗᑦ ᓄᓇᓕᓐᓂᒃ ᐱᔨᔅᓯᖃᑦᑕᑦᑕᑦᑎᓐᓂᒃ.”

ᐃᓚᒋᔭᐅᓗᓂ ᓯᐊᓕᐅᑉ ᐱᒍᒪᔭᖓᓄᑦ ᓴᙱᔫᓗᓂ ᑲᓇᐃᑎᐊᓐ ᓄᐊᑦ, ᑕᐃᓯᓯᒪᓕᒻᒪᑦ ᑐᕆᕗᕐ ᐅᐃᐅᓪᑦᒥᒃ ᐅᑕᖅᑭᓂᖏᓐᓂ ᑐᖓᓕᖓ ᐊᙵᔪᖄᑉ, ᓂᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥᒃ ᐊᒻᒪ ᓇᓕᐋᓐᓄᐋᑦᑎᑦᑎᓂᒻᒧᑦ. ᑐᕆᕗᕐ ᓇᒃᓴᒻᒪᑦ ᐊᒥᒐᖏᑦᑐᒥᒃ ᐃᖅᑲᓇᐃᔭᔅᓯᒪᓂᒻᒥᓂᒃ ᐊᒻᒪᓗ ᓱᕐᕋᑦᑕᐅᒍᓐᓇᕋᓂ ᓯᕗᓕᖅᑎᐅᓂᖓ, ᐱᑕᖃᕆᐊᖃᓪᓚᑦᑐᒥᒃ ᐊᔪᕈᓐᓃᑉᐸᓪᓕᐊᓂᖓᓄᑦ ᑲᓇᐃᑎᐊᓐ ᓄᐊᑦᑯᑦ ᐱᓕᕆᑎᐊᕋᓱᒋᐊᖃᓂᖏᑦ ᑎᑭᑦᑎᒐᓱᐊᑕᖏᓐᓂᒃ ᐊᒻᒪᓗ ᐃᑲᔪᕆᐊᓪᓗᑎᒃ ᓄᓇᓕᑦ ᑲᓱᖃᑎᒌᖁᓪᓗᒋᑦ. ᓯᕗᓕᑦᑎᐅᓂᖓ ᐱᓗᐊᙳᐋᑦᑐᒥᒃ ᖃᐅᔨᓇᓚᐅᑦᑐᖅ ᐃᑭᑦᑐᖃᑦᑐᐋᓗᑎᓪᓗᒍ ᐊᐅᓪᓛᑎᑕᐅᒐᓱᐋᓕᑦᑎᓪᓗᒋᑦ ᔨᐊᓗᓇᐃᑉᒥᑦ. ᑐᕆᕗᕐ ᐃᖅᑲᓇᐅᔭᕕᖃᓐᓂᖓ ᑲᓇᐃᑎᐊᓐ ᓄᐊᒃᑯᓐᓂᒃ, ᐱᕙᓕᐊᓯᒪᒻᒪᑦ ᐅᖓᑖᓂ ᖁᓕᐅᔪᑦᑐᒐᓴᐃᑦ ᐊᕐᕉᒍᓂ, ᓴᖅᑭᑎᑦᑎᓪᓗᓂ ᐃᑎᔪᒥᒃ ᐱᓕᕆᒍᒪᑦᑎᐋᓐᓂᖓᓂᒃ ᐊᒻᒪᓗ ᐅᐸᓗᖔᐃᔅᓯᒪᓪᓗᓂ ᐱᓕᕆᒋᐊᕈᓐᓇᓪᓗᓂ ᓯᕗᓂᔅᓴᒥ ᐱᓕᕆᐋᕆᔭᐅᒐᓱᒋᐋᓕᓐᓂᒃ.

“ᑕᒪᓐᓇ ᓇᓕᐋᓐᓄᑑᐃᓐᓇᕕᒋᒍᓐᓇᒻᒪᒍ ᐱᕕᖃᓐᓂᐅᔪᖅ ᑲᓇᐃᑎᐊᓐ ᓄᐊᑦᒧᑦ, ᐊᒻᒪᓗ ᐃᓘᓐᓇᓕᒫᖓᓂᒃ ᐱᓕᕆᒍᒪᒐᒪ ᐊᔪᖏᓐᓂᔅᓴᐅᓕᑦᑎᓪᓗᒍ ᐱᓕᕆᑦᑎᐊᕋᓱᒋᐋᖃᓐᓂᕗᑦ ᐱᓕᕆᐋᕆᒍᒪᔭᑦᑎᓐᓂᒃ ᐊᒻᒪᓗ ᓄᓇᓕᒻᒥᒃ ᐱᓕᕆᖃᑎᖃᓐᓂᕆᔭᕗᑦ,” ᐅᖃᓚᐅᒻᒪᑦ ᑐᕆᕗᕐ ᐅᐃᐅᓪᑦ, ᐅᑕᖅᑭᓂᖏᓐᓂ ᑐᖓᓕᖓ ᐊᙵᔪᖄᒥᒃ, ᓂᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥᒃ ᐊᒻᒪ ᓇᓕᐋᓐᓄᐋᑦᑎᑦᑎᓂᒻᒥᒃ ᑲᓇᐃᑎᐊᓐ ᓄᐊᒃᑯᓐᓂ. “ᖁᔭᓕᑦᑎᐋᒃᑐᖓ ᐅᑉᐱᕆᔭᐅᑦᑎᐋᕋᒪ ᐊᖓᔪᖃᐅᑎᓂᒃ ᐱᓕᕆᖃᑎᒌᑦᑐᓂᑦ ᐊᒻᒪᓗ ᑲᓇᐃᑎᐊᓐ ᓄᐊᑦ ᐃᓚᓕᒫᖏᓐᓂᒃ. ᑲᑐᔾᔨᓗᑕ, ᖁᓚᖏᑦᑎᐊᕋᑦᑕ ᐱᓕᕆᒍᓐᓇᓂᐊᕋᑦᑕ ᓯᕗᓂᓴᒥ ᐱᓕᕆᐋᕆᒋᐊᓕᑦᑎᓐᓂᒃ ᐊᒻᒪᓗ ᐱᓕᕆᒋᐊᕕᓴᐅᔪᓂᒃ, ᓯᕗᓕᐅᑎᒋᐊᖃᑦᑏᓐᓇᑉᐸᓪᓗᒋᑦ ᐱᔭᐅᒋᐋᓕᑦ ᐃᑭᒪᔨᐋᕆᔭᑦᑎᓐᓄᑦ ᐊᒻᒪᓗ ᓄᓇᓖᑦ ᐱᔨᑦᓯᑉᐸᑦᑕᕗᑦ.”

ᒪᓕᔅᓯᒪᑦᑎᐋᓪᓗᑎᒃ ᐅᕙᒍᑦ ᑲᑎᒪᔨᑦᑕ ᑐᑭᒧᐊᑦᑎᑦᑎᔨᖏᓐᓂᒃ, ᓯᐊᓕᐅᑉ ᓯᕗᓕᑦᑎᐅᓂᖓ ᓯᕗᓪᓕᐅᒋᐊᖃᑦᑎᑦᑎᓂᐊᒻᒪᑦ ᒫᓐᓇ ᐊᐅᓚᓂᕆᔭᑦᑎᓐᓂᒃ ᐊᒻᒪᓗ ᐊᔪᖏᓐᓂᓴᐅᓕᑦᑎᑦᑎᓗᓂ ᑕᐃᒫᑦᑕᐃᓐᓇᓕᓂᖓᓂᑦ ᐱᔨᔅᓯᕈᑎᑦᑎᓐᓂᒃ. ᑕᒪᒃᑯᐊ ᐱᓕᕆᒋᐋᖃᓕᑦᑎᑦᑎᓃᑦ ᖃᐅᔨᑎᑦᑎᒻᒪᑕ ᓄᑖᒥᒃ ᐱᒋᐋᕕᖃᓕᒻᒪᑕ ᑲᓇᐃᑎᐊᓐ ᓄᐊᑦᑯᑦ ᓯᕗᓕᑦᑎᐅᓂᒻᒥ, ᑐᑭᓯᔭᐅᑎᓪᓗᑎᒍ ᐱᓕᕆᒍᒪᑦᑎᐋᓐᓂᕗᑦ ᐱᓕᕆᑦᑎᐊᕋᓱᓂᑦᑎᓐᓂᒃ ᑎᑭᒍᒪᔭᑦᑎᓐᓂᒃ ᐊᒻᒪᓗ ᓄᓇᓕᓐᓂᒃ ᐱᔨᔅᓯᖃᑦᑕᑦᑎᓐᓂᒃ. ᑲᓇᐃᑎᐊᓐ ᓄᐊᑦ ᐱᓕᕆᒍᒪᑦᑎᐊᖏᓐᓇᒻᒪᑦ ᐃᖅᑲᓇᐃᔭᖃᑎᒋᑦᑎᐊᓪᓗᒋᑦ ᓄᓇᓕᖁᑎᕗᑦ, ᑕᐃᒪᙵᓕᒫᖅ ᐱᐅᓯᕙᓪᓕᐊᑎᓪᓗᑎᒍ ᐱᔨᔅᓯᕈᑎᕗᑦ, ᐊᒻᒪᓗ ᐊᑑᑎᖃᑦᑎᐊᓪᓗᑎᒃ ᐱᓕᕆᒋᐊᕈᑎᒋᕙᑦᑕᕗᑦ ᓄᑖᓂᒃ ᐱᓕᕆᐊᕆᒐᓱᒋᐊᓕᓐᓂᒃ.

ᑲᑎᒪᔨᑦ ᑐᑭᒧᐊᑦᑎᑦᑎᔨᑦ ᑐᕌᖓᓕᑦᑎᑦᑎᒻᒪᑕ ᐃᓘᓐᓇᓕᒫᖓᓂᒃ ᐃᑲᔪᔅᓱᑦᑕᐅᓪᓗᑎᒃ ᓯᐊᓕ ᐊᒻᒪᓗ ᑐᕆᕗᕐ ᓄᑖᓂ ᐃᖅᑲᓇᐃᔮᕆᓕᑦᑕᖏᓐᓂ, ᖁᓚᖏᑦᑎᐊᒻᒪᑕ ᑕᒪᓐᓇ ᐱᓕᕆᑦᑎᐊᕋᓱᐊᓂᒻᒧᑦ ᓯᕗᓕᑦᑎᐅᓂᖅ ᐊᓯᕈᓐᓂᖓ ᓯᕗᓕᔅᓯᓂᐋᒻᒪᑦ ᑲᓇᐃᑎᐊᓐ ᓄᐊᑦ ᑐᕌᓪᓗᓂ ᑲᔪᓯᑎᑕᐅᓂᖓᓄᑦ ᐱᕈᑉᐸᓪᓕᐋᓂᖓ ᐊᒻᒪᓗ ᓯᕗᓂᓴᑦᑎᐊᕆᓂᖓᓄᑦ.

“ᐃᖅᑲᐃᑎᑦᑎᒍᒪᕗᖓ ᐃᓕᔅᓯᓐᓂᓕᒫᖅ ᑕᒪᓐᓇ ᐆᒻᒪᑎᖓ ᑲᓇᐃᑎᐊᓐ ᓄᐊᑦ ᐱᓯᒪᔭᐅᒻᒪᑦ ᐃᓅᖏᓐᓄᑦ ᐅᑭᐅᑦᑕᑦᑑᑉ. ᐱᑕᖃᓂᖏᑉᐸᑕ ᑕᒪᒃᑯᐊ, ᑲᓇᐃᑎᐊᓐ ᓄᐊᑦᑕᖃᕋᔭᖏᒻᒪᑦ,” ᐅᖃᒻᒪᑦ ᓯᐊᓕ ᑎ ᑲᕆᐊ, ᑲᓇᐃᑎᐊᓐ ᓄᐊᑦ ᐊᖓᔪᖄᖓᑦ ᐊᒻᒪ ᐊᖓᔪᖅᑳᖑᓪᓗᓂ ᐊᖓᔪᖃᐅᑎᓂ ᐊᐅᓚᑦᑎᔨ. “ᐊᑑᑎᒋᔭᕗᑦ ᑎᑭᐅᑎᓯᒪᒻᒪᑦ ᐅᖓᑖᓄᑦ ᐃᖏᕐᕋᔾᔪᑎᓕᕆᓂᑐᐃᓐᓇᐅᑉ; ᐱᔾᔪᑎᖃᒻᒪᓪᓕ ᐱᔨᔅᓯᕈᒪᓪᓚᕆᓐᓂᒻᒥᒃ ᑕᒪᒃᑯᓂᖓ ᓄᓇᓕᓐᓂᒃ ᐊᒻᒪᓗ ᐊᔪᖏᓐᓂᓴᐅᓕᑦᑎᓪᓗᑎᒍ ᐃᓅᓯᕆᔭᖏᑦ. ᑖᓐᓇ ᓱᓕᒍᑎᒋᒐᒃᑯ – ᐊᑐᓂ ᐃᒻᒥᓂᔅᓱᑦᑐᓄᑦ ᐊᒻᒪᓗ ᐃᓘᓐᓇᓕᒫᖏᓐᓄᑦ ᓄᓇᓕᑦ ᐱᔨᔅᓯᖃᑦᑕᑦᑕᑎᓐᓄᑦ – ᐱᐅᓂᓴᐅᓕᑦᑎᑦᑎᒐᓱᐋᓂᕗᑦ ᐃᓅᓯᖏᓐᓂᒃ ᐱᒻᒪᕆᐅᓛᖑᓂᖓᓃᒻᒪᑦ ᖃᓄᐃᓘᓐᓂᓕᒫᖓᓂ ᑲᓇᐃᑎᐊᓐ ᓄᐊᑦ.”

ᐱᕙᓪᓕᐊᔪᓕᕆᓂᒻᒧᑦ ᐅᖃᕕᓴᐅᔪᖅ

ᐋᓂ ᑖᒻᓕᓐᓴᓐ, ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ media@canadiannorth.com (343) 551-0294

Links

ᐅᖃᐅᓯᖃᒃᑐᖅ ᓯᐊᓕ ᑎ ᑲᕆᐊ

ᑲᓇᐃᑎᐊᓐ ᓄᐊᑦ ᐅᐱᒍᓱᒻᒪᑦ ᑐᓴᑦᑕᐅᑎᑦᑎᒋᐋᔅᓴᖅ ᓯᐊᓕ ᑎ ᑲᕆᐊ ᐊᖓᔪᖄᖓᑦ ᐊᒻᒪ ᐊᖓᔪᖅᑳᖑᓪᓗᓂ ᐊᖓᔪᖃᐅᑎᓂ ᐊᐅᓚᑦᑎᔨᒋᔭᐅᓪᓗᓂ. ᐃᓅᓚᐅᔅᓯᒪᓪᓗᓂ ᐱᕈᑦᑐᓂᓗ ᑰᔾᔪᐊᖅ, ᑯᐱᐊᒃᒥ, ᐃᓄᑦᑎᑐᓪᓗ ᐅᖃᓪᓚᒍᓯᑦᑖᒃᑲᓐᓂᔅᓯᒪᓪᓗᓂ, ᓯᐊᓕ ᑐᑭᓯᓇᓯᑎᑦᑎᒻᒪᑦ ᑲᓇᐃᑎᐊᓐ ᓄᐊᑦᑯᑦ ᐊᓐᓂᕆᓂᑉᐹᖏᓐᓂᒃ ᐊᒻᒪᓗ ᐊᓯᕈᑦᑕᖏᓪᓗᓂ ᐱᓕᕆᒍᒪᓂᖃᑦᑎᐋᑦᑐᓂ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᐊᒻᒪᓗ ᓄᓇᓕᒻᒥᒃ ᐱᓕᕆᖃᑎᖃᒪᓂᒻᒥᒃ.

ᑭᖑᓂᖓᒍᑦ ᐃᓚᐅᓕᓚᐅᑦᑎᓪᓗᒍ ᑲᓇᐃᑎᐊᓐ ᓄᐊᒃᑯᓐᓄᑦ, ᓯᐊᓕ ᐊᔅᓱᐋᓗᒃ ᐃᑲᔪᓐᓂᖃᓚᐅᒻᒪᑦ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ, ᐊᔪᖏᓐᓂᓴᐅᓕᑦᑎᑦᑎᓪᓗᓂ ᐱᒍᓐᓇᐅᑎᖏᓐᓂᒃ ᐊᒻᒪᓗ ᐱᒍᒪᓂᖃᓐᓂᖏᓐᓂᒃ ᑲᓇᑕᐅᑉ ᐃᓄᖏᑕ ᐃᓄᒋᐋᓐᓂᖏᓐᓂᒃ. ᑲᓇᐃᑎᐊᓐ ᓄᐊᑦᑯᓐᓂ, ᓯᐊᓕ ᐱᓕᕆᔨᑦᑎᐊᕙᓪᓚᕆᐅᓯᒪᒻᒪᑦ ᐱᕙᓪᓕᐊᑎᑦᑎᓂᖓᓄᑦ ᐊᔾᔨᒌᖏᑦᑑᑎᓂ ᓄᓇᓕᓐᓂ ᐊᑐᕈᒫᓐᓂᐊᑐᓕᐅᓂᒻᒧᑦ ᐱᓕᕆᒍᑎᓂᒃ ᐱᕙᓪᓕᐋᑎᑦᑎᓪᓗᓂ ᐃᓕᓐᓂᐋᓐᓂᒻᒥᒃ, ᐱᓕᐅᑎᓂᒻᒥᒃ, ᓂᕿᑦᑎᐊᕙᓕᕆᓂᒻᒥᒃ, ᐊᒻᒪᓗ ᐃᓱᒪᒃᑰᕈᑎᖃᓐᓂᒻᒥᒃ, ᑕᕝᕙᓪᓚᕆᐅᓕᑦᑎᑦᑎᓪᓗᓂ ᑕᒪᒃᑭᓕᒫᖏᑦ ᐱᓕᕆᐊᕆᓗᒋᑦ ᓄᓇᓕᒃ ᐱᐅᓂᖅᓴᐅᓕᕈᑎᖏᓐᓂᒃ.

ᓯᐊᓕᐅᑉ ᐃᖅᑲᓇᐃᔭᓐᓂᕆᔭᖓ ᑲᓇᐃᑎᐊᓐ ᓄᐊᑦᒥ ᖃᐅᔨᓯᒪᓕᒻᒪᑦ ᓴᙱᔪᓂᖓ ᐃᖅᑲᓇᐃᔭᖃᑎᖃᓂᖓᓂᒃ ᐱᖃᑎᐅᖃᑕᐅᔪᓂᒃ ᐊᒻᒪᓗ ᐱᔨᔅᓯᑕᐅᕙᑦᑐᓂᒃ ᐊᔾᔨᒌᑦᑎᓪᓗᓂᒋᑦ. ᐃᖅᑲᓇᐃᔭᓕᑦᑎᑕᐅᓂᖓ ᑖᔅᓱᒥᖓ ᐃᖅᖃᓇᐃᔮᒥᒃ ᓇᓗᓇᕈᓐᓃᑦᑎᑦᑎᒻᒪᑦ ᐃᓕᖅᑯᓯᕆᔭᐅᕙᓪᓚᐅᑦᑐᒥᒃ ᐱᕙᓪᓕᐊᒻᒪᕆᒋᐋᓕᑦᑎᑦᑎᓂᖓᓂᒃ ᓯᕗᓪᓕᖅᐹᖑᓪᓗᓂ ᐃᓅᓪᓗᓂ ᓯᕗᓕᔅᓯᓂᖓ ᑲᓇᐃᑎᐊᓐ ᓄᐊᑦᒥᒃ, ᓴᖅᑭᑎᑦᑎᓪᓗᓂ ᖃᖓᑕᓲᖁᑎᐅᑉ ᐊᓂᒍᐃᒐᓱᐊᓂᖓᓂᒃ ᐱᓕᕆᐊᕆᒍᒪᔭᖓᓂᒃ ᐱᔨᔅᓯᖅᑕᐅᖁᓪᓗᒋᑦ ᐅᖓᓯᑦᑐᒦᑦᑐᖁᑎᕗᑦ ᐊᒻᒪᓗ ᐅᑭᐅᑦᑕᑦᑐᒦᑦᑐᑦ ᓄᓇᓖᑦ ᑲᓇᑕᐅᑉ ᐅᑭᐅᑦᑕᑦᑐᖓᓂ.

ᐱᓯᒪᓕᒻᒪᑦ ᐅᖓᑖᓂ ᖁᓕᒐᓴᐃᑦ ᐊᕐᕌᒍᓂᒃ ᐃᖅᑲᓇᐃᔭᖃᑦᑕᔅᓯᒪᓗᓂ ᐊᔾᔨᒌᖏᑦᑐᓂ ᓯᕗᓕᑦᑎᐅᓂᒻᒥᒃ ᐃᖅᑲᓇᐃᔮᓂ, ᓯᐊᓕᐅᑉ ᓯᕗᓕᑦᑎᐅᓂᖓ ᓇᓗᓇᐃᕈᑎᒋᔭᐅᒻᒪᑦ ᑲᓇᐃᑎᐊᓐ ᓄᐊᑦ ᐱᓕᕆᒍᒪᑦᑎᐋᓐᓂᖓᓂᒃ ᐱᔨᔅᓯᕈᒪᓪᓗᒋᑦ ᐊᔾᔨᐅᖏᑦᑐᓂᒃ ᐱᒋᐋᖃᓐᓂᖏᓂᒃ ᐊᕕᑦᑐᔅᓯᒪᐅᓐᓂᖁᑎᕗᑦ. ᐃᓚᒋᓕᐅᑎᓂᖓ ᓄᓇᓕᒻᒧᑦ ᑐᑭᓯᐋᓂᕆᔭᐅᔪᓄᑦ ᐊᒻᒪᓗ ᐊᐅᓚᓂᖏᓐᓂᒃ ᐱᓕᕆᑦᑎᐋᕈᓐᓇᓐᓂᖓ ᐱᔭᐅᓚᕆᑦᑎᑦᑎᒻᒪᑦ ᑲᓇᐃᑎᐊᓐ ᓄᐊᑦ ᑲᔪᓯᑦᑎᐊᕈᓐᓇᓪᓗᓂ ᐊᐅᓚᑦᑎᑦᑎᐋᓐᓂᖓ ᐊᓯᕈᑉᐸᓪᓕᐋᖏᓪᓗᓂ ᐋᖅᑭᓯᒪᕕᒋᔭᖓ ᐱᓕᕆᐋᕆᒐᓱᐋᑕᖏᓐᓂ.

ᓇᒻᒥᓂᒻᒨᒐᔪᑦ ᐅᖃᐅᓯᑦ, ᓯᐊᓕ ᐊᓐᓂᕈᓱᒻᒪᑦ ᐱᓕᕆᐋᕆᔭᒥᓂᒃ ᐊᓈᓇᒋᔭᐅᓂᒻᒥᓂᒃ ᒪᕐᕉᓐᓄᒃ ᐅᐱᓇᑦᑐᒪᕇᓐᓄᒃ ᕿᑐᙵᖏᓐᓄᑦ ᐊᒻᒪᓗ ᓄᓕᐋᕆᔭᐅᓂᒻᒥᓄᑦ, ᑕᒪᓐᓇᓗ ᑕᐅᕗᖓᒃᑲᓐᓂᖅ ᐊᔪᖏᓐᓂᓴᐅᓕᑦᑎᑦᑎᓪᓗᓂ ᑐᑭᓯᐋᓂᖓᓂᒃ ᐊᒻᒪᓗ ᐱᓕᕆᒍᒪᑦᑎᐊᓐᓂᖓᓂᒃ ᓄᓇᓕᓐᓅᖓᔪᓂᒃ ᐱᒋᐊᑦᑎᑦᑎᒍᑎᓂᒃ.

ᐅᖃᐅᓯᖃᒃᑐᖅ ᑐᕆᕗᕐ ᐅᐃᐅᓪᑦ

ᑲᓇᐃᑎᐊᓐ ᓄᐊᑦ ᖁᕕᐊᑦᑐᖅ ᑐᓴᑦᑕᐅᑎᑦᑎᒋᐊᔅᓴᖅ ᑐᕆᕗᕐ ᐅᐃᐅᓪᑦ ᐅᑕᖅᑭᓂᖏᓐᓂ ᑐᖓᓕᖓ ᐊᙵᔪᖄᒥᒃ, ᓂᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥᒃ ᐊᒻᒪ ᓇᓕᐋᓐᓄᐋᑦᑎᑦᑎᓂᒻᒥ. ᑐᕆᕗᑉ ᐱᓕᕆᖃᑎᖃᓐᓂᖓ ᑲᓇᐃᑎᐊᓐ ᓄᐊᑦ ᐊᑐᔅᓯᒪᓕᒻᒪᒍ ᐅᖓᑖᓂ ᖁᓕᐅᔪᑦᑐᒐᓴᓂ ᐊᕐᕌᒍᓂ, ᑕᑯᓴᐅᑎᑦᑎᓗᓂ ᐃᑎᔪᒥᒃ ᐱᓕᕆᒍᒪᑦᑎᐋᓐᓂᖓᓂᒃ ᖃᖓᑕᓲᖁᑎᒥ ᐊᒻᒪᓗ ᐱᓕᕆᐋᕆᒍᒪᔭᖓᓂᒃ.

ᐱᒋᐋᓕᕈᑎᒋᓚᐅᒻᒪᒍ ᐃᖅᑲᓇᐃᔮᒥᓂᒃ ᓈᓴᐅᓯᕆᓂᒻᒥ ᐊᐅᓚᑦᑎᔨᐅᓪᓗᓂ, ᑐᕆᕗᕐ ᐊᑐᖃᑦᑕᔅᓯᒪᒻᒪᑦ ᐊᔾᔨᒌᖏᑦᑐᓂᒃ ᓯᕗᓕᑎᐅᓂᐅᔪᓂᒃ ᐃᖅᑲᓇᐃᔮᖃᑦᑕᓪᓗᓂ ᑲᓇᐃᑎᐊᓐ ᓄᐊᑦᒥ, ᑕᑯᓴᐅᑎᑦᑎᓪᓗᓂ ᓯᕗᓕᑦᑎᐅᓂᒻᒥ ᐱᓕᕆᑦᑎᐊᕈᓐᓇᖓᓂᒃ ᐊᒻᒪᓗ ᐊᑐᕈᓐᓇᔅᓯᑦᑎᐋᑉᐸᓪᓗᓂᒋᑦ. ᐱᓕᕆᔨᑦᑎᐊᕙᓪᓚᕆᐅᓯᒪᒻᒪᑦ ᐊᒥᓱᑲᓪᓚᓐᓂ ᐊᑑᑎᖃᓐᓂᑉᐹᖑᔪᓂ ᐱᓕᕆᒋᐊᓂᐅᔪᓂ, ᒪᓐᓇᕋᑖᖑᓚᐅᑦᑐᖅ ᔨᐊᓗᓇᐃᑉᒥ ᐃᑭᑦᑐᖃᑦᑐᐋᓗᑎᓪᓗᒍ ᐊᐅᓛᑎᑕᐅᓕᑦᑎᓪᓗᒋᑦ, ᑖᔅᓱᒪ ᐊᐅᓚᑦᑎᓂᕆᔭᖓ ᐊᒻᒪᓗ ᐊᐅᓚᑦᑎᓂᒻᒥᒃ ᐱᓕᕆᑦᑎᐊᕈᓐᓇᓂᕆᔭᖓ ᐃᑭᒪᔨᐊᕆᔭᐅᔪᓂᒃ ᐊᑦᑕᓇᑦᑐᒦᑎᑦᑎᖏᓚᕆᓚᐅᒻᒪᑦ ᐊᒻᒪᓗ ᑲᔪᓯᑎᑦᑎᐋᓪᓗᓂᐅᒃ ᐱᔨᔅᓯᕈᑎ.

ᐃᖅᑲᓇᐃᔮᕆᔭᖓᓂ ᐅᑕᖅᑭᓂᖏᓐᓂ ᑐᖓᓕᖓ ᐊᙵᔪᖄᒥᒃ, ᓂᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥᒃ ᐊᒻᒪ ᓇᓕᐋᓐᓄᐋᑦᑎᑦᑎᓂᒻᒥ, ᑐᕆᕗᕐ ᐱᓕᕆᒐᓱᐋᓕᒻᒪᑦ ᓴᙱᔫᓂᔅᓴᐅᓕᑦᑎᒐᓱᐋᓪᓗᓂᐅᒃ ᑲᓇᐃᑎᐊᓐ ᓄᐊᑦ ᐱᓕᕆᑦᑎᐊᕋᓱᐊᓕᑦᑎᒐᓱᐋᓪᓗᓂᐅᒃ ᐱᓕᕆᐋᕆᔭᐅᒐᓱᐊᑦᑐᖅ. ᐱᓯᒪᓪᓗᓂ ᐊᔪᙱᓛᖅ ᓇᒻᒥᓂᖁᑎᒥ ᐊᐅᓚᑦᑎᓂᒻᒥ (MBA) ᐱᓚᐅᑦᑕᖓᓂᒃ ᐋᔅᑐᕆᓕᐊᓐᒥᑦ ᐃᓕᓴᕕᔾᔪᐊᒥᒃ ᓇᒻᒥᓂᖁᑎᖃᓐᓂᒻᒧᑦ, ᐱᓕᕆᑦᑎᐊᕈᓐᓇᓪᓗᓂ ᑕᒪᒃᑮᔪᓂᒃ ᐊᔾᔨᒌᖏᑦᑑᑎᓂ ᐋᖅᑭᓱᔅᓯᒪᓂᓕᓐᓂ ᖃᖓᑕᓱᖁᑎᓂ ᐊᐅᓚᑦᑎᓂᒻᒥ, ᐃᓚᒋᔭᐅᓪᓗᓂ ᐱᔨᑦᓯᑕᐅᕙᑦᑐᓄᑦ ᐱᔨᔅᓯᕈᑎ ᐊᒻᒪᓗ ᐊᐅᓚᑦᑎᓂᒻᒧᑦ ᐱᖁᑎᓕᕆᓃᑦ. ᑐᕆᕗᑉ ᓯᕗᓕᑦᑎᐅᓂᕐᒥ ᐃᓕᖅᑯᓯᕆᓱᖓ ᓇᓗᓇᖏᑦᑎᐊᕐᒪᑦ ᐱᓕᕆᓪᓗᐋᑕᕋᓱᐊᓐᓂᖓᓄᑦ ᓴᙱᔪᒥᒃ ᐃᓚᓕᐅᔅᓯᒐᓱᐋᓱᖑᒻᒪᑦ ᐱᔨᔅᓯᑕᐅᒍᒪᔪᓂᒃ, ᐱᖃᑦᑎᐅᖃᑕᐅᔪᓂᒃ, ᐊᒻᒪᓗ ᓄᓇᓕᓐᓂᒃ ᐱᔨᔅᓯᑉᐸᑦᑕᑦᑎᓐᓂᒃ. ᐊᐅᓚᑕᐅᓱᖑᒻᒪᑦ ᐃᑎᔪᒥᒃ ᑐᑭᓯᐋᓂᖃᓐᓂᒻᒧᑦ ᖃᖓᑕᓲᖁᑎᐅᑉ ᐱᑕᖃᕆᐊᖃᓪᓚᕆᓂᖓᓂᒃ ᐃᖅᑲᓇᐃᔮᒥ ᑲᓇᑕᐅᑉ ᐅᑭᐅᑦᑕᑦᑐᖓᓂ.

ᐃᖅᑲᓇᐃᔭᕈᓐᓃᑦᑎᓪᓗᒍ, ᑐᕆᕗᕐ ᖁᕕᐊᒋᔭᖃᓱᖑᒻᒪᑦ ᐊᓃᕈᒪᓪᓚᕆᑦᑐᓂ ᐊᑐᕈᒪᓪᓚᕆᑦᑐᓂᐅᒃ, ᐱᓗᐊᙳᐊᑦᑐᒥᒃ ᖁᕕᐊᒋᔭᖃᑦᑐᓂ ᖃᐅᔨᒋᐅᕈᒪᓪᓗᓂ ᑲᓇᑕᐅᑉ ᐅᑭᐅᑦᑕᑦᑐᑉ ᓄᓇᖓᑕ ᐋᖅᑭᔅᓯᒪᓂᖏᓐᓂᒃ. ᑐᕆᕗᕐ ᐱᓕᕆᖃᑕᐅᓪᓚᕆᒻᒪᑦ ᓄᓇᓕᖓᓂ, ᐃᑲᔪᑉᐸᓪᓗᓂ ᑲᐅᓪᒍᕆ ᑲᑎᒪᔨᖏᓐᓂ ᐃᓪᓕᐋᓂᓕᕆᓂᒻᒥ ᐊᒻᒪᓗ ᐊᔪᕆᔅᓯᐅᔾᔨᐅᓗᓂ ᐊᔅᓴᑦᑎᐅᖃᑎᒌᒃᑐᓂ. ᓄᓕᐊᓂ ᐱᖃᑎᒋᓪᓗᓂᐅᒃ, ᐊᑐᕋᓱᐋᓱᖑᒻᒪᑦ ᐱᕕᖃᓐᓂᒻᒥᓂᒃ ᐊᔾᔨᒌᖏᑦᑐᓂ ᓄᓇᓕᒻᒥ ᐱᒋᐋᑦᑎᑦᑎᓂᐅᔪᓂᒃ, ᑕᑯᓴᐅᑎᑦᑎᓪᓗᓂ ᐱᓕᕆᒍᒪᑦᑎᐋᓐᓂᒻᒥᓂᒃ ᐅᑎᑦᑎᑎᒍᒪᓪᓗᓂ ᐊᒻᒪᓗ ᐱᓕᕆᖃᑎᒋᓗᓂᐅᒃ ᓄᓇᓕᒃ.

About Canadian North

Canadian North is a 100% Inuit-owned airline that connects people and delivers essential goods throughout Canada’s North – safely, reliably and always with friendly and caring customer service. Canadian North Airlines services 25 communities within the Northwest Territories, Nunavik and Nunavut, along with Ottawa, Montreal, Edmonton, Calgary, and now extending its service to Nuuk, Greenland through an interline partnership with Air Greenland – with a versatile fleet of Boeing 737, ATR 42 and ATR 72 Freighter aircraft. Canadian North is also the premier charter services provider for large resource sector clients requiring dependable, efficient and economical fly-in/fly-out air service and it operates flights across North America and beyond for sports teams, cruise lines, tour operators and many others. Canadian North is wholly-owned by Makivik Corporation and Inuvialuit Development Corporation.

Share this News: