ᔫᓂ 20, 2023 – ᑲᓇᑕ, ᐋᓐᑎᐅᕆᔪ − ᑲᓇᐃᑎᐊᓐ ᓄᐊᑦ ᖁᕕᐊᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᑎᒃᑯᐊᖅᑕᐅᓂᖓᓄᑦ ᓯᐊᓕ ᑎ ᑲᕆᐊ ᐱᓕᕆᔭᖏᓐᓄᑦ ᒫᓐᔾᓇᐅᔪᒥᑦ ᑐᖏᓕᖓᓗᑦ ᐊᖏᔪᖅᑳᖅ ᓂᐅᕕᐊᔅᓴᓄᑦ ᐊᒻᒪ ᑐᓂᐅᖅᑲᖅᑕᐅᔪᓄᑦ ᐱᒋᐊᕐᓂᖃᖅᑐᖅ ᔫᓂ 30, 2023. ᐃᓅᕕᒋᓯᒪᔭᖓ ᐊᒻᒪ ᐱᕈᖅᓴᓯᒪᕕᒋᓪᓗᓂᐅᒃ ᑰᔾᔪᐊᖅ, ᓄᓇᕕᒃ, ᐊᒻᒪ ᐋᖅᑐᕚᒥᐅᑕᐅᓯᓪᓗᓂ 2008−ᒥᓂᑦ, ᓯᐊᓕ ᐃᓚᒋᔭᐅᓕᓚᐅᖅᑐᖅ ᑲᓇᐃᑎᐊᓐ ᓄᐊᑦ 2013−ᒥᑦ ᐅᕙᓐᖓᑦ ᐃᓄᐃᑦ ᑕᐱᕇᑦ ᑲᓇᑕᒥ, ᑲᓇᑕᒥ ᑭᒡᒐᖅᑐᐃᓂᖃᖅᑐᖅ ᑲᑐᔾᔨᖃᑎᒌᖑᔪᖅ ᓴᐳᒻᒥᑦᑎᔪᑦ ᐊᒻᒪ ᓯᕗᒧᒋᐊᖅᑎᑦᑎᔪᑦ ᐱᔪᓐᓇᐅᑎᖏᓐᓂᑦ ᐊᒻᒪ ᐱᔪᒪᓂᕆᔭᖏᓐᓂ ᐃᓄᐃᑦ ᑲᓇᑕᒥ. ᐃᓄᒃᑎᑐᑦ ᑐᖏᓕᖓ ᐅᖃᐅᓯᖓ, ᐅᐱᒍᓱᑦᑐᖅ ᐃᓄᐃᑦ ᐱᖅᑯᓯᖏᓐᓃᖔᖅᓯᒪᓪᓗᓂ ᐊᒻᒪ ᐱᔪᒪᓂᖃᑦᑎᐊᖅᑐᓂ ᐱᔪᓐᓇᐅᑎᑖᖅᑎᑕᐅᓂᖏᓐᓄᑦ ᐅᑭᐅᑕᖅᑐᒥ ᓄᓇᓖᑦ, ᓯᐊᓕ ᑲᔪᓯᓂᐊᖅᓐᑕᖓ ᐱᔪᒪᓂᕆᔭᖓ ᐊᒻᒪ ᖁᓚᖏᓐᓂᖓ ᓯᕗᓕᖅᑎᐅᓂᕐᒧᑦ ᑲᓇᐃᑎᐊᓐ ᓄᐊᑦᑯᓐᓂᑦ. ᐱᓕᕆᒋᐊᖃᖅᑕᖓᓂ ᐃᑲᔪᖅᑎᐅᓪᓗᓂ ᑐᖏᓕᖓᓄ ᐊᖏᔪᖅᑳᖅ, ᓂᐅᕕᐊᔅᓴᓄ, ᓂᐅᕐᕈᑎᖃᓂᕐᒧᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ, ᓯᐊᓕ ᐃᖅᑲᓇᐃᔭᖃᑎᖃᑦᑎᐊᓚᐅᖅᑐᖅ ᒫᓐᓇᐅᔪᒥᑦ ᐅᖏᓕᖓ ᐊᖏᔪᖅᑳᖓᓂ ᓂᐅᕕᐊᔅᓴᓄᑦ ᐊᒻᒪ ᓂᐅᕐᕈᑎᖃᓂᕐᒧᑦ, ᓇᔅᓴᖅᑐᖅ ᐃᖅᑲᓇᐃᔭᖃᑦᑕᖅᓯᒪᒻᒪᕆᑦᑕᖏᓐᓂ ᑎᒍᒥᐊᖅᑎᓪᓗᐊᑕᐅᔪᓂᑦ, ᓂᐅᕕᖃᑦᑕᖅᑐᓂᑦ ᐊᒻᒪ ᓄᓇᓐᓂᑦ. ᐃᓚᒋᓪᓗᓂᐅᒃ ᓴᖏᓂᖏᑦ ᓕᕆᔨᖏᑦ ᐊᒻᒪ ᐃᑲᔪᖅᓱᑕᐅᑦᑎᐊᖅᑐᓂ ᓯᕗᓕᖅᑎᓄᑦ ᐊᒻᒪ ᑲᑎᒪᔨᓄᑦ, ᐱᓕᕆᐊᓪᓗᐊᑕᕆᓂᐊᖅᑕᖓ ᐱᒻᒪᕆᐅᔪᒥᑦ ᐱᓕᕆᒋᐊᖃᖅᑕᖏᓐᓂ ᑐᓂᓯᓂᐊᖅᑐᖅ ᖃᖓᑕᓲᓕᕆᔨᓄᑦ ᓴᓐᖏᔪᒥᑦ, ᑲᔪᓰᓐᓇᖅᑐᒥᑦ ᐃᖏᕋᓂᖓᓄᑦ.
ᓯᐊᓕ ᑎᒃᑯᐊᖅᑕᐅᓂᖓᓄᑦ, ᑲᓇᐃᑎᐊᓐ ᓄᐊᑦ ᑕᕝᕙᐅᕗᑏᖅᑕᖏᑦ ᔨᒻ ᐹᓕᖕᒐᐅᓪ, ᑐᖏᓕᖓ ᓂᐅᕕᐊᔅᓴᓄᑦ ᐊᒻᒪ ᓂᐅᕐᕈᑎᖃᓂᐃᒧᑦ. ᔨᒻ ᓄᖅᑲᕕᓛᓕᖅᑐᖅ ᐱᓕᕆᐊᖓᓂᑦ ᖃᖓᑕᓲᓕᕆᔨᒃᑯᓐᓂᑦ ᓄᖑᖏᓐᓂ ᔫᓂ. ᔨᒻ ᓯᕗᓕᖅᑎᐅᓚᐅᖅᓯᒪᔪᖅ ᐳᕌᑦᓕ ᖃᖓᑕᓲᓕᕆᔨᒃᑯᓐᓄᑦ ᑎᒥᖓᑦ (ᐊᐅᓚᓂᖃᖅᑐᖅ ᕗᔅᑦ ᐃᐅ) ᐃᓚᒋᓕᒃᑲᓐᓂᓚᐅᖅᑕᖏᑦ ᑲᓇᐃᑎᐊᓐ ᓄᐊᑦ 2022−ᒥ ᐃᑲᔪᕐᓗᓂ, ᑐᑭᒧᐊᖅᑎᑦᑎᓗᓂ ᐊᒻᒪ ᐃᓕᓐᓂᐊᑎᑦᑎᓗᓂ ᓂᐅᕕᐊᔅᓴᓄᑦ ᐊᒻᒪ ᓂᐅᕐᕈᑎᖃᓂᕐᒧᑦ ᐃᖅᑲᓇᐃᔭᖅᑎᓂᑦ ᓯᕗᒧᒋᐊᕐᓗᑎᑦ ᐸᕐᓇᐅᑦ. ᔨᒻ ᐱᔪᒪᓂᕆᔭᖓ ᐊᒻᒪ ᐃᖅᑲᓇᐃᔭᕈᒪᓂᖓ ᓯᕗᓕᖅᑎᐅᓪᓗᓂ ᖃᐅᔨᔭᔅᓴᐅᖏᓐᓇᓚᐅᖅᑐᑦ ᐊᒻᒪ ᖁᔭᓐᓇᒦᖅᑕᕗᑦ ᐊᒥᓱᓂᑦ ᐱᓇᓱᐊᖅᑕᖏᓐᓂ ᐃᓚᒋᔭᐅᓕᔪᒻᒪᓂᑦ ᐅᕙᑦᑎᓐᓄᑦ ᐊᕐᕌᓂ.
ᑲᓇᐃᑎᐊᓐ ᓄᐊᑦ ᖁᓚᖏᑦᑐᑦ ᑖᒃᑯᐊ ᐊᓯᔾᔨᖅᑐᑦ ᓴᓐᖓᑎᑦᑎᑲᓐᓂᓂᐊᖅᑐᑦ ᖃᖓᑕᓲᓕᕆᔨᒃᑯᑦ ᑲᔪᖏᖅᓯᒪᔭᖏᑦ ᑐᕌᖅᑕᖏᓐᓂ, ᐃᓅᓯᖅ ᐱᐅᓂᖅᓴᐅᑎᓪᓗᒍ ᓄᓇᓕᓐᓂᑦ ᐱᔨᑦᑎᖃᑦᑕᖅᑕᑎᓐᓂᑦ ᐊᒻᒪ ᓇᓗᓴᕐᓗᒍ ᐱᐅᔪᒻᒪᕆᒻᒥ ᐊᒻᒪ ᑐᓂᔭᐅᓂᖏᓐᓄᑦ ᑲᔪᖏᖅᑕᐅᓯᒪᔪᑦ ᓂᐅᕕᖃᑦᑕᖅᑐᓄᑦ ᐊᒻᒪ ᓇᒻᒥᓂᖃᓂᕐᒧᑦ ᑎᒥᐅᔪᑦ.
“ᐅᕙᑦᑎᓐᓄᑦ ᐃᓚᒋᔭᐅᓂᐊᖅᑯᓯ ᔨᒻ ᖃᓄᐃᖏᑦᑎᐊᖁᓪᓗᒍ ᐊᒻᒪ ᖁᕕᐊᓱᖁᓪᓗᒍ ᓄᖅᑲᕕᓐᓂᖓᓄᑦ, ᐊᒻᒪ ᐅᐱᒋᔭᐅᓂᖓᓄ ᓯᐊᓕ ᐅᕙᑦᑎᓐᓄᑦ ᐃᑲᔪᖅᑕᐅᑎᐊᖅᑐᓂ ᐊᐅᓪᓛᓂᒃᑯᑦ.” ᒪᐃᑯ ᕈᑎᓂᐅᒃ, ᐊᖏᔪᖅᑳᖅ ᐊᒻᒪ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ “ᑲᓇᐃᑎᐊᓐ ᓄᐊᑦ ᖁᕕᐊᓇᖅᑐᒥᑦ ᓯᕗᓂᔅᓴᖃᖅᑐᑦ ᐱᔪᑎᒋᓪᓗᒍ ᑐᓂᓯᓂᖏᓐᓄᑦ ᐊᑕᖏᖅᑐᒋᑦ ᐃᖅᑲᓇᐃᔭᖅᑎᓂᑦ ᐃᓚᒋᔭᐅᔪᓕᒫᓂᑦ, ᐊᑐᓂ ᐱᑕᖃᕆᐊᖃᖅᑐᑦ ᑎᑭᑦᑎᓂᐊᕐᓗᑕ ᑲᔪᓯᑦᑎᐊᓂᑦᑎᓐᓄᑦ.”
ᑐᑭᓯᒋᐊᒃᑲᓐᓂᕈᒪᒍᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᓕᕆᔨᓄᑦ ᑐᔅᓯᕋᐅᑎᓂᑦ, ᖃᐅᔨᒋᐊᕐᕕᒋᓗᒍ:
ᐊᓂ ᑖᒻᓕᓐᓴᓐ, ᐊᐅᓚᑦᑎᒡ, ᑐᓴᐅᒪᔾᔪᑎᓕᕆᓂᕐᒧᑦ
(343) 551-0294
mediarelations@canadiannorth.com
ᑲᓇᐃᑎᐊᓐ ᓄᐊᑦ ᒥᔅᓵᓄᑦ:
ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᓂᕐᒥᑦ ᐱᔨᑦᓯᕋᐅᑎᖃᖅᐸᑦᑐᑦ 25−ᓂᑦ ᓄᓇᓕᐅᔪᓂᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᑦᑕᐅᖅ ᐋᑐᕚ, ᒪᓇᑐᕆᐊ, ᐃᐊᑦᒪᓐᑕᓐ – ᖃᖓᑕᓲᖁᑎᖃᖅᑐᑎᒃ Boeing 737, ᖃᖓᑕᓲᕋᓛᖑᓂᕐᓵᒃ ATR 42 ᐊᒻᒪ ATR 72 ᐅᓯᔩᒃ ᖃᖓᑕᓲᒃ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
