ᕖᕝᕗᐊᕆ 24, 2025-ᖑᑎᓪᓗᒍ, ᑎᒍᒥᐊᖅᑎᖁᑎᕗᑦ ᒪᑭᕝᕕᒃ ᑯᐊᐳᕇᓴᓐ ᐊᒻᒪᓗ ᐃᓄᕕᐊᓗᐃᑦ ᑯᐊᐳᕇᓴᙵ ᑐᓴᖅᑎᑦᑎᓚᐅᕐᒪᑎᒃ ᓂᐅᕕᐊᖑᓂᖓᓂᒃ ᕗᕌᑦᓕ ᖃᖓᑕᔫᓕᕆᔨᖏᑦ ᑎᒥᖓᑕ, ᐊᐅᓚᑕᐅᔪᑦ ᑲᓇᐃᑎᐊᓐ ᓄᐊᑦ−ᖑᓪᓗᓂ, ᑖᒃᑯᓄᖓ ᑕᐅᖅᓰᑎᑦᑎᔩᑦ ᑮᓇᐅᔾᔭᒃᓵᑦ ᑯᐊᐳᕇᓴᙵᓄᑦ (EIC).

ᐅᖃᓕᒫᕐᓗᒋᑦ ᑕᒪᐃᓐᓂ ᒪᑭᕝᕕᒃᑯᑦ ᑐᓴᕋᒃᓴᑦ ᐱᕙᓪᓕᐊᔪᖏᑦ ᓇᕿᓪᓗᒍ ᐅᕙᓂ ᐅᕝᕙᓘᓐᓃᑦ ᐊᒥᓱᓕᐅᕐᓗᒍ ᐊᒻᒪᓗ ᐊᔾᔨᖏᑦ ᐃᓕᓗᒋᑦ: https://www.makivvik.ca/makivvik-announces-entering-into-a-binding-agreement-for-the-sale-of-its-ownership-in-canadian-north/

ᐅᖃᓕᒫᕐᓗᒋᑦ ᑕᒪᐃᓐᓂ EIC ᑐᓴᕋᒃᓴᑦ ᐱᕙᓪᓕᐊᔪᖏᑦ ᓇᕿᓪᓗᖑ ᐅᕙᓂ ᐅᕝᕙᓘᓐᓃᑦ ᐊᒥᓱᓕᐅᕐᓗᒍ ᐊᒻᒪᓗ ᐊᔾᔨᖏᑦ ᐃᓕᓗᒋᑦ: https://www.exchangeincomecorp.ca/wcm-docs/news/eic_press_release_cn_acquisition_final_20250224153757.pdf

ᖃᕋᓴᐅᔭᕕᑦ ᑐᕌᕈᑎᖃᕐᕕᖓᓄᑦ.

ᐱᒻᒪᕆᐅᕗᖅ ᖃᐅᔨᒪᓗᓂ, ᓂᐅᕕᐊᖑᓂᖓ ᐱᖃᓯᐅᔾᔨᙱᑦᑐᖅ ᒪᓐᑐᕆᐊᓪ−ᒥ ᑰᔾᔪᐊᕐᒧᑦ ᖃᖓᑕᓂᕆᕙᑦᑕᖓᓄᑦ, ᑕᒪᓐᓇᓕ ᖃᖓᑕᓲᕐᕕᐅᖃᑦᑕᙳᓱᒻᒪᑦ ᐃᓄᐃᑦ ᖃᖓᑕᔫᖏᖕᓄᑦ, ᐊᒻᒪᓗ ᑲᒪᒋᔭᐅᒋᐊᓯᓛᖅᑐᓂ ᑕᒪᐃᓐᓂ ᐅᑭᐊᒃᓵᖅ 2025-ᖑᓕᖅᐸᑦ.

ᑕᐅᖅᓰᔨᒃᑯᑦ ᑮᓇᐅᔾᔭᒃᓵᑦ ᑯᐊᐳᕇᓴᙵ (TSX: EIF) (“EIC” ᐅᕝᕙᓘᓐᓃᑦ”ᑯᐊᐳᕇᓴᓐ”), ᐊᔾᔨᒌᙱᑦᑐᕈᓘᔭᕐᓂᒃ, ᓂᐅᕕᖃᑦᑕᖅᑎᐅᓪᓗᑎᑦ ᑲᒪᒋᔭᓖᑦ ᑲᒻᐸᓂᐅᔪᖅ ᑲᒪᒋᔭᖃᓗᐊᖅᑐᖅ ᐱᕕᖃᕈᑎᒃᓴᓂᒃ ᖃᖓᑕᓲᓕᕿᕙᑦᑐᓂᑦ ᓴᓇᔨᐅᕙᑦᑐᓂᓪᓗ ᖃᖓᑕᓲᕈᓘᔭᕐᓂᒃ. ᐊᒥᓱᑦ ᖃᐅᔨᒪᓂᐊᖅᑐᑦ EIC ᓴᙱᔫᓪᓗᓂ ᐅᑭᐅᖅᑕᖅᑐᒥ ᐊᐅᓚᑦᑎᔨᐅᒻᒪᑕ ᐊᒥᓱᓂᒃ ᐅᑭᐅᖅᑕᖅᑐᓂᒃ ᖃᖓᑕᓲᓕᕆᔨᓂᒃ ᓲᕐᓗᒃ ᑲᓪᒻ ᐃᐊᕐ, ᐳᕆᒥᑐᕐ ᖃᖓᑕᓲᓕᕆᔨᒃᑯᑦ, ᑭᕙᓪᓕᖅ ᖃᖓᑕᓲᓕᕆᔨᖏᑦ ᐊᒻᒪᓗ ᑲᓇᑕᒥ ᐊᕕᑦᑐᖅᓯᒪᔪᓂ ᖃᖓᑕᓲᓕᕆᔨᐅᔪᓂᒃ ᐃᓚᒋᔭᐅᓪᓗᑎᑦ ᑲᒻᐸᓂᖁᑎᖏᑦ. ᑖᒃᑯᓇᓂ ᓂᐅᕕᐊᖑᓂᖓᓂᒃ, ᑲᓇᐃᑎᐊᓐ ᓄᐊᑦ ᐱᓯᒪᑦᑎᕗᑦ ᓇᓗᓇᐃᒃᑯᑕᑦᑎᓐᓂ ᐊᒻᒪᓗ ᓯᕗᓕᖅᑎᖁᑎᑦᑎᓐᓂᒃ ᐃᖅᑲᓇᐃᔭᖅᑎᓂᒃ, ᐊᒻᒪᓗ ᐱᒻᒪᕆᐅᓗᐊᖅᑐᒥᒃ, ᐱᓇᓱᐊᒐᕗᑦ ᐃᓅᓯᖏᑦ ᓄᓇᓕᐅᔪᑦ ᐱᔨᑦᑎᓲᑦᑕ ᐱᐅᓯᑎᒐᓱᐊᖏᓐᓇᕐᓗᒋᑦ.

ᐱᔭᕇᖅᑕᐅᓂᖓ ᓂᐅᕕᐊᖑᓂᖓᑕ ᒪᓕᑦᑐᖅ ᐊᑐᐊᒐᕋᓛᓕᕆᓂᕐᒧᑦ ᐊᑦᑕᕐᓇᕐᔭᐃᒃᑯᑏᑦ ᐊᖏᖅᑕᐅᓚᐅᖅᑳᖅᑎᓪᓗᒋᑦ ᑭᓯᐊᓂ ᐊᒻᒪᓗ ᐊᓯᖏᑦ ᒪᑐᔭᐅᓂᖓᓄᑦ ᖃᓄᐃᓕᐅᕈᑎᒋᔭᕆᐊᖃᓲᑦ ᑲᒪᒋᔭᐅᓚᐅᖅᑎᓪᓗᒋᑦ ᑭᓯᐊᓂ ᐊᒻᒪᓗ ᓂᕆᐅᒋᔭᐅᕗᑦ ᑕᒪᒃᑯᐊ ᐱᔭᕇᖅᑕᐅᓛᕐᒪᑕ ᑕᒫᓂ ᐊᕐᕌᒍᑦᑎᓐᓂ ᐅᐊᑦᑎᐊᕈᒃᑲᓐᓂᖅ. ᑐᑭᓯᒋᐊᕈᑎᒃᑲᓐᓂᕐᓂᒃ ᑐᓂᓯᓛᖅᑐᒍᑦ ᑐᓂᓯᔭᕆᐊᖃᕈᑦᑕ ᐊᒻᒪᓗ ᐊᑐᐃᓐᓇᐅᓕᕈᑎᑦ.

ᐊᐱᖅᑯᑏᑦ ᐊᒻᒪᓗ ᑭᐅᔾᔪᑏᑦ

ᐃᓂᒃᓴᓕᐅᖅᓯᒪᕗᖓ ᒪᓐᑐᕆᐊᓪ−ᑰᔾᔪᐊᕐᒧᑦ. ᖃᓄᐃᓕᖓᓂᐊᓕᖅᐸᓪᓕ ᖃᖓᑦᑕᐅᑎᒃᑲ?

• ᑲᓇᐃᑎᐊᓐ ᓄᐊᑦ ᐊᐅᓚᓂᖃᐃᓐᓇᕐᓂᐊᖅᑐᖅ YUL/YVP ᖃᖓᑕᓂᕆᕙᑦᑕᖏᓐᓂᒃ ᕖᕝᕗᐊᕆ 2025-ᕈᕋᓱᐊᕐᓂᖓᓂᒃ. ᖃᖓᑦᑕᐅᓯᖅᓯᒪᔪᑦ ᐊᒻᒪᓗ ᐊᐅᓪᓚᖃᑦᑕᕐᓃᑦ ᑲᔪᓯᓂᖃᕐᓂᐊᖅᑐᑦ ᓱᕐᕋᒃᓯᒪᙱᑦᑐᖅᑎᑐᑦ.
• ᐃᓄᐃᑦ ᖃᖓᑕᔫᖏᑦ ᐅᐸᓗᖓᐃᖅᐸᓪᓕᐊᑎᓪᓗᒋᑦ ᐊᐅᓚᑦᑎᓛᕐᓗᑎᑦ ᒪᓐᑐᕆᐊᓪ−ᒥ ᑰᔾᔪᐊᕐᒧᑦ−ᒪᓐᑐᕆᐊᓪᒧᑦ ᐊᒃᑑᕝᕙ 1, 2025-ᖑᓕᕈᓂ, ᐅᑯᐊ ᓇᓗᓇᐃᔭᖅᓯᒪᔪᑦ ᑐᓂᔭᐅᓛᖅᑐᑦ ᐱᓇᓱᐊᕈᓰᑦ ᐊᒡᒋᖅᑐᓂᑦ:
  • ᒪᑐᐃᖅᑕᐅᓂᖓ ᐃᓂᒃᓴᓕᐅᕐᕕᒃ ᐃᓄᐃᑦ ᖃᖓᑕᔫᖏᑕ ᐊᐅᓪᓚᕋᔭᖅᑐᓄᑦ ᐅᕙᓂ/ᑭᖑᓂᐊᓂ ᐊᒃᑑᕝᕙ 1 ᐊᔾᔨᐅᙱᑦᑐᒃᑯᑦ ᐃᓂᒃᓴᓕᐅᕐᕕᑎᒍᑦ (ᐃᑭᐊᖅᑭᕕᒃ, ᐅᖄᓚᕕᒃ, ᐃᓂᒃᓴᓕᐅᖅᑏᑦ ᑎᒥᐅᔪᑦ)
  • ᐊᐅᓪᓛᖅᑕᐅᓂᖏᑦ ᐅᓪᓗᒥᐅᔪᖅ ᐃᓂᒃᓴᓕᐊᕆᔭᐅᓯᒪᔪᑦ ᐊᐅᓪᓚᕐᑯᒃᓴᓖᑦ ᐊᒃᑑᕝᕙ 1 ᑲᓇᐃᑎᐊᓐ ᓄᐊᑦ−ᒥ ᐃᓄᐃᑦ ᖃᖓᑕᔫᖏᖕᓄᑦ
  • ᑯᐊᐳᕇᓴᓐᒃᑯᑦ ᐊᖏᕈᑎᖏᑦ ᐊᐅᓪᓛᖅᑕᐅᓗᑎᑦ ᑲᓇᐃᑎᐊᓐ ᓄᐊᑦ−ᒥ ᐃᓄᐃᑦ ᖃᖓᑕᔫᖏᓐᓄᑦ
  • ᐊᓯᔾᔨᖅᑕᐅᓂᖏᑦ ᐅᓯᔭᐅᒃᑲᐃᓂᕐᒧᑦ ᐱᔨᑦᑎᕈᑏᑦ

ᖃᓄᖅ ᑕᒪᓐᓇ ᓂᐅᕕᐊᕆᔭᐅᓂᖓ ᐊᑦᑐᐃᓂᖃᕐᓂᐊᖅᐸ ᐊᖅᓴᕐᓃᑦ ᓈᓴᐅᑎᑖᕆᕙᑦᑕᖏᓐᓂᒃ ᐊᒻᒪᓗ ᐊᑐᕈᓐᓇᖅᑕᓐᓂᒃ?

• ᓂᕆᐅᙱᓚᒍᑦ ᐊᑦᑐᐃᓂᖃᕋᔭᕐᓂᖓᓂᒃ ᑖᔅᓱᒪᑉ ᑐᓴᕋᒃᓴᐅᔫᑉ ᐊᖅᓴᕐᓃᑦ ᐱᓕᕆᐊᖓᓄᑦ.

ᐊᑐᕈᓐᓇᖅᐸᒃᑲ ᐊᖅᓴᕐᓃᑦ ᓈᓴᐅᑎᑖᕆᕙᑦᑕᒃᑲ ᖃᖓᑕᓂᖅᑕᒫᑦ ᐃᓄᐃᑦ ᖃᖓᑕᔫᖓᓄᑦ?

• ᐋᒡᒐ. ᐊᖅᓴᕐᓃᑦ ᓈᓴᐅᑎᑖᕆᔭᐅᓲᑦ ᓂᐅᕕᕈᓐᓇᐅᑎᐅᔪᓐᓇᕐᓗᑎᑦ ᐱᓕᕆᐊᖓ ᓇᒻᒥᓂᖁᑎᒋᔭᐅᒻᒪᑦ ᐊᒻᒪᓗ ᐊᐅᓚᑕᐅᓪᓗᓂ ᑲᓇᐃᑎᐊᓐ ᓄᐊᑦ−ᒃᑯᓐᓄᑦ, ᐊᒻᒪᓗ ᓈᓴᐅᑏᑦ ᐊᑐᕋᒃᓴᐅᙱᑦᑐᑦ ᐊᓯᖏᖕᓄᑦ ᖃᖓᑕᔫᖁᑎᒋᔭᐅᔪᓄᑦ.