Skip to content

ᑲᓇᐃᑎᐊᓐ ᓄᐊᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅ

ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑐᓄᑦ ᐃᑲᔫᓯᐊᖅ ᑐᓂᔭᐅᕙᑦᑐᖅ ᐃᓕᓐᓂᐊᖅᑎᒧᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕈᑎᖃᖅᑐᒧᑦ. ᐃᓕᓐᓂᐊᕈᑎᖓ ᐊᑦᑐᐊᓂᖃᕆᐊᓕᒃ ᐃᖅᑲᓇᐃᔭᕈᓐᓇᕋᔭᕐᓗᓂ ᑲᓇᐃᑎᐊᓐ ᓄᐊᑦᑯᓐᓄᑦ ᓯᕗᓂᑦᓴᑎᓐᓂ. ᐃᓕᓐᓂᐊᕈᑎᐅᔪᑦ ᐃᓚᐅᓪᓗᑎᑦ, ᑭᓯᐊᓂᑦᑕᐅᖅ ᑭᓪᓕᖃᖅᑎᑕᐅᒐᑎᑦ ᒪᑯᓂᖓ, ᑐᙵᓴᐃᔨᐅᓂᕐᒧᑦ, ᐊᐅᓚᐅᑎᓂᒃ ᓴᓇᔨᐅᓂᕐᒧᑦ, ᓴᓇᔨᒻᒪᕆᐅᓂᕐᒧᑦ, ᖃᖓᑕᓲᕐᓂᒃ ᐊᖁᑎᐅᒋᐅᖅᓴᕐᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐊᐅᓚᑦᓯᔨᐅᓂᕐᒧᑦ ᐃᓕᓐᓂᐊᖅᑐᓄᑦ.

ᑲᓇᐃᑎᐊᓐ ᓄᐊᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅ
$2,500 / ᐊᕐᕌᒍᑕᒫᑦ
ᑕᑕᑎᖅᓯᒪᔪᓂᒃ ᑐᓂᓯᒍᓐᓇᕐᓂᕐᒧᑦ ᐃᓱᓕᕝᕕᑦᓴᖓ: ᐅᑐᐱᕆ 31, 2021

“ᖃᐅᔨᒪᕗᒍᑦ ᐊᑦᓱᕈᕐᓇᖅᑑᒍᓐᓇᕐᓂᖓᓂᒃ ᐃᓕᓐᓂᐊᖅᑎᓄᑦ ᕿᓂᖃᑦᑕᑎᓪᓗᒋᑦ ᑮᓇᐅᔭᑎᒍᑦ ᐃᑲᔪᖅᑕᐅᒍᑎᑦᓴᕐᓂᒃ ᐊᑦᓱᕉᑎᒋᓪᓗᓂᔾᔪᒃ ᐃᓕᓐᓂᐊᖅᑕᒥᓐᓂ ᑲᔪᓯᑦᓯᐊᕋᓱᐊᕐᓂᖅ. ᓂᕆᐅᑉᐳᒍᑦ ᑖᓐᓇ ᓄᑖᖅ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅ ᐃᑲᔪᖅᓯᓂᐊᕆᐊᖓ ᐃᓕᓐᓂᐊᕈᑎᑐᐊᕆᙱᑦᑕᒥᓐᓂ, ᑭᓯᐊᓂᑦᑕᐅᖅ ᐱᕈᖅᐸᓪᓕᐊᒍᑎᒋᓂᐊᕐᒪᔾᔪᒃ ᐃᖅᑲᓇᐃᔭᖅᑎᓪᓚᕆᐅᓂᕐᒧᑦ ᓴᓇᕐᕈᑎᖃᓕᕐᓗᑎᑦ,” ᐅᖃᖅᑐᖅ ᒫᓪᓚ ᐊᓚᒃᑲᕆᐊᓪᓚᒃ, ᑐᑭᒧᐊᑦᑎᑦᓯᔨ, ᐃᓄᐃᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᔪᙱᓐᓂᕆᔭᐅᔪᓄᓪᓗ ᖃᓄᖅᑑᕆᐊᕈᑕᐅᓂᖏᓐᓄᑦ ᑲᓇᐃᑎᐊᓐ ᓄᐊᑦᑯᓐᓄᑦ.

ᐱᖃᑕᐅᒍᓐᓇᕐᓗᓂ, ᑐᓂᔭᐅᔪᖅ ᐃᑲᔫᓯᐊᕐᒥᒃ ᐊᑎᖃᖃᑕᐅᒋᐊᓕᒃ ᐃᓄᓐᓄᑦ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᕐᓂ ᐃᓄᐃᑦ ᓄᓇᖓᓐᓂ ᐃᓕᓐᓂᐊᖅᑎᐅᓗᓂᓪᓗ ᓯᓚᑦᑐᓴᕐᕕᒻᒥ ᐃᓕᓐᓂᐊᕋᑦᓴᓄᑦ ᐅᑐᐱᕆ 31, 2021ᒥ.

ᑕᑕᑎᕆᔪᑦ ᑎᑎᕋᕆᐊᖃᕐᓂᐊᖅᑐᑦ 500ᓂᒃ ᐅᖃᐅᓯᓕᓐᓂᒃ ᓇᓪᓕᑐᐃᓐᓇᖓᓐᓂ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓘᓐᓃᑦ ᐅᓂᒃᑳᖃᕐᓗᓂ ᖃᓄᖅ ᐃᑲᔫᓯᐊᖅᑖᕆᒐᔭᖅᑕᖓ ᒥᑦᓯᖃᕋᔭᕐᒪᖔᑦ ᓱᒻᒪᓪᓗ ᓂᕈᐊᖅᓯᒪᒻᒪᖔᕐᒥ ᓯᓚᑦᑐᓴᕐᕕᒻᒥ ᒫᓐᓇᒃᑯᑦ ᐃᓕᓐᓂᐊᕈᑎᒥᓐᓂ. ᑕᑕᑎᖅᓯᒪᔪᑦ ᐃᑭᐊᖅᑭᕕᒃᑯᑦ ᑑᔫᑎᐅᒋᐊᓖᑦ ᐊᓯᔾᔨᖅᑐᕋᑦᓴᐅᙱᑦᑎᓪᓗᒋᑦ (PDF) ᐅᕗᖓ bursary@canadiannorth.com ᑎᑎᕋᐅᑎᖓ ᓇᓗᓇᐃᖅᓯᒪᓗᓂ: 2021 ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅ

ᐱᑎᑕᐅᔪᖅ ᐅᖃᐅᓯᐅᓂᐊᖅᑐᖅ ᐅᓪᓗᖓᓂ ᑎᓯᐱᕆ 1, 2021.

ᕿᒥᕐᕈᒋᐊᕈᒃ ᑲᓇᐃᑎᐊᓐ ᓄᐊᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅ ᐅᖃᓕᒫᕋᑦᓴᖓ ᑐᓂᓯᙱᓐᓂᕐᓂ ᑕᑕᑎᖅᓯᒪᔭᕐᓂᒃ ᐅᕙᓂ: https://canadiannorth.com/wp-content/uploads/2021/09/CN1887-NB-CN-Airlines-Bursary_ENABLED.pdf.

Share this News:

Share on facebook
Share on google
Share on twitter
Share on linkedin