ᔫᓂ 25, 2025 – ᒪᓂᑐᕆᐊᓪ−ᒥ ᑰᔾᔪᐊᕐᒧᑦ ᖃᖓᑕᓂᕆᕙᑦᑕᖓ ᐊᓯᔾᔨᕐᓂᐊᓕᖅᑐᓂ ᐃᓄᐃᑦ ᖃᖓᑕᔫᖏᓐᓄᑦ ᑲᒪᒋᔭᐅᖔᕐᓂᐊᓕᖅᑐᖅ, ᑲᓇᐃᑎᐊᓐ ᓄᐊᑦ ᐋᖅᑭᒋᐊᖅᓯᕗᑦ ᖃᖓᑕᓂᕆᕙᑦᑕᖏᑕ ᖃᖓᒃᑰᖅᑕᖃᑦᑕᕐᓂᐊᕐᓂᖏᓐᓂᒃ ᑰᔾᔪᐊᕐᒥ ᐊᒻᒪᓗ ᐃᖃᓗᓐᓄᑦ ᐅᑎᒧᓪᓗ.
ᐱᒋᐊᕐᓗᒍ ᐋᒡᒌᓯ 9, 2025, ᑲᓇᐃᑎᐊᓐ ᓄᐊᑦ ᑰᔾᔪᐊᕐᒥ−ᐃᖃᓗᓐᓄᑦ ᖃᖓᑕᓂᕆᕙᑦᑕᖓᑕ ᐋᖅᑭᒃᓱᖅᓯᒪᓂᖓ ᐊᓯᔾᔨᓛᓕᖅᑐᖅ ᐊᐅᓚᓂᖃᖃᑦᑕᓚᐅᕋᓗᐊᕐᓗᓂ ᒪᕐᕈᐊᖅᑎᖅ ᐱᓇᓱᐊᕈᓯᕐᒥ, ᐱᖓᑦᓯᕐᒥ ᐊᒻᒪᓗ ᓈᑦᓰᖑᔭᒥ, ᐊᑕᐅᓯᐊᑐᐊᖅ ᖃᖓᑕᓲᖅᑕᖃᖃᑦᑕᕐᓂᐊᓕᖅᑎᓂ ᐱᓇᓱᐊᕈᓯᑕᒫᑦ ᓈᑦᓰᖑᔭᓛᕐᓂᐊᖑᓕᕋᐃᑉᐸᑦ. ᐊᒻᒪᓗᒃᑲᓐᓂᖅ, ᐃᑭᒪᕙᑦᑐᑦ ᐃᓂᑦᓴᓕᐅᖅᓯᒪᔪᑦ ᐊᐅᓪᓚᓛᕐᓗᑎᑦ ᐋᑐᕚᒥ ᐃᖃᓗᓐᓄᑦ ᓈᑦᓰᖑᔭᓛᕐᓂᐊᒥ ᓄᖅᑲᑲᐃᓐᓇᖃᑦᑕᓛᖅᑐᑦ ᐊᖅᑯᓵᕐᓗᑎᑦ ᑰᔾᔪᐊᕐᒧᑦ. ᐋᑐᕚᒥ−ᐃᖃᓗᓐᓄᑦ ᖃᐅᑕᒫᑦ ᖃᖓᑕᓂᕆᕙᑦᑕᖓ ᐊᓯᔾᔨᔾᔮᙱᑦᑐᖅ.
ᑖᓐᓇ ᓄᑖᖅ ᖃᖓᑕᓲᕐᓂᕆᖃᑦᑕᕐᓂᐊᓕᖅᑕᕗᑦ, ᐃᑭᒪᕙᑦᑐᑦ ᓂᐅᕕᕈᓐᓇᖅᑐᑦ, ᐊᑭᑭᓐᓂᖅᐹᖅ, ᐊᓯᔾᔨᒐᓚᒐᑦᓴᖅ, ᐊᒻᒪᓗ ᐊᓯᔾᔨᕋᑦᓴᒻᒪᕆᐅᓗᒍ ᖃᖓᑦᑕᐅᑎᓂᒃ. ᖃᐅᔨᒪᒋᐊᕆᑦ ᓂᐅᕕᕐᓗᓂ ᖃᖓᑦᑕᐅᑎᓂᑦ ᖃᖓᑕᓲᒃᑰᕈᑎᒋᓂᐊᙱᓪᓗᒍ ᑕᒪᐃᓐᓂ (ᖃᐅᔨᒪᔭᐅᒻᒥᔪᖅ ᖄᖐᓗᓂ ᐅᕝᕙᓘᓐᓃᑦ ᐊᖅᑯᓵᙲᓐᓇᕐᓗᑎᑦ ᖃᖓᑕᓲᒃᑰᕐᓗᓂ) ᐱᔪᓐᓇᔾᔮᙱᑦᑐᑦ, ᐊᒻᒪᓗ ᐅᖓᕙᕆᐊᑐᐃᓐᓇᕋᔭᖅᑐᑦ ᐅᕝᕙᓘᓐᓃᑦ ᐊᓯᐅᔨᔭᐅᓗᑎᑦ ᐃᑦᑎᕐᕕᐅᔪᑦ, ᖄᖓᒍᒃᑲᓐᓂᖅ ᐊᑭᓖᔭᕆᐊᖃᕋᔭᖅᑐᑎᑦ ᐃᑭᒍᓐᓇᐅᑎᑖᕆᐊᖅᑐᓕᕈᕕᑦ, ᐊᓯᖏᓪᓘᔪᓐᓇᖅᑐᑎᑦ.
ᖃᖓᑕᓲᒃᑰᕐᓂᐊᕐᓗᑎᑦ ᐸᕐᓇᓯᒪᒍᕕᑦ ᐃᖃᓗᓐᓂ ᑰᔾᔪᐊᕐᒧᑦ ᑕᐃᑲᓂ ᐅᕝᕙᓘᓐᓃᑦ ᑭᖑᓂᐊᒍᑦ ᐋᒡᒌᓯ 9, 2025−ᒥ
ᖃᑦᑏᓐᓇᑯᓗᐃᑦ ᖃᖓᑕᓲᒃᑰᐸᑦᑐᑦ ᐊᑦᑐᖅᑕᐅᓯᒪᓂᐊᖅᑐᑦ ᑕᒪᔅᓱᒪᑉ ᐊᓯᔾᔨᕐᓂᖓᓄᑦ ᐊᒻᒪᓗ ᐱᔨᑦᑎᖅᑕᐅᕝᕕᒃ ᐅᖄᓚᕕᖓ ᐃᖅᑲᓇᐃᔮᖃᖅᑐᑦ ᖃᖓᑦᑕᐅᓰᒃᑲᓐᓂᕐᓂᐊᕐᓗᑎᑦ ᑕᐃᒃᑯᐊ ᐊᑦᑐᖅᑕᐅᓯᒪᔪᓂᑦ ᑭᖑᓪᓕᕐᒧᑦ ᖃᖓᑕᓲᒃᑰᕕᑦᓴᒨᖅᑕᐅᒐᔭᖅᑐᑎᑦ ᐃᓂᑦᓴᓕᐅᕐᓗᑎᑦ. ᐃᓚᖏᑦ ᑐᓴᖅᑎᑕᐅᓯᒪᔭᕇᖅᑐᒐᓗᐊᑦ. ᖃᖓᑕᓲᒃᑰᖅᐸᑦᑐᑦ ᐊᑦᑐᖅᑕᐅᓯᒪᔪᑦ ᑕᒪᔅᓱᒧᖓ ᐊᓯᔾᔨᕐᓂᐅᔪᒧᑦ ᖁᔭᓈᖅᓯᔪᓐᓇᖅᑐᑦ ᐅᑎᖅᑎᑦᑎᕕᐅᓗᑎᑦ ᐊᑭᓕᐅᑎᒥᓂᕐᒥᓂᒃ ᑕᒪᐃᓐᓂ ᒪᓕᓪᓗᒍ ᐊᑭᓕᐅᑎᒋᒋᐊᙵᖅᑕᒥᓂᖅᐱᑦ ᐊᑭᖓ ᐊᒻᒪᓗ ᖃᓄᖅ ᐊᑭᓕᐅᑎᖃᕐᓂᕐᒪᖔᖅᐱᑦ ᐅᑎᖅᑎᑕᐅᒐᔭᖅᑐᑎᑦ ᑕᐃᑯᖓ.
ᖃᖓᑦᑕᐅᓯᖅᓯᒪᒍᕕᑦ ᐅᕙᑦᑎᓐᓄᑦ ᑖᒃᑯᑎᒎᓇᖅ ᐊᖅᑯᑎᖓᒍᑦ ᐊᒻᒪᓗ ᐃᓂᑦᓴᓕᐅᕈᑕᐅᒃᑲᓐᓂᖅᑐᒥᒃ ᐱᓚᐅᙱᑦᑐᑎᓪᓗ, ᖃᖓᑕᓲᒃᑰᓲᑦ ᐱᔨᑦᑎᖅᑎᖏᖕᓄᑦ ᐃᓂᑦᓴᓕᐅᖅᑏᑦ ᖁᕕᐊᓱᒃᑲᔭᕐᒥᔪᑦ ᐃᑲᔪᕐᓗᑎᑦ ᐃᓕᖕᓂᒃ.
