Skip to content

ᑲᓇᐃᑎᐊᓐ ᓄᐊᑦ ᐱᓐᖑᐊᓂᒃ ᖁᕕᐊᓱᒃᓯᓂᖅ ᖁᕕᐊᓱᒃᕕᖕᒥ ᖁᕕᐊᓱᒃᑎᑦᑎᕗᑦ ᑭᓐᖓᓂ ᐊᒻᒪᓗ ᐃᓅᕕᖕᒥ

ᐅᖓᑖᓂ 577 ᓄᑕᖃᑦ ᖁᕕᐊᓱᒃᑕᐅᓂᐊᖅᑐᑦ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓂᒃ-ᐊᐅᓚᑕᐅᔪᖅ

December 22, 2023

ᐋᑐᕚ, ᐋᓐᑎᐅᕆᐅ – ᑲᓇᐃᑎᐊᓐ ᓄᐊᑦ, ᐃᓄᖕᓂᒃ-ᓇᖕᒥᓂᕈᑎᒋᔭᐅᔪᖅ ᖃᖓᑕᓲᖅ, ᐅᐱᒍᓱᒃᑐᖅ ᑐᓴᕐᑎᑦᑎᔪᓐᓇᕋᒥ ᑲᔪᓯᑦᑎᐊᓕᒑᓂᖓᓂᒃ 6-ᖓ ᐊᕐᕌᒍᑦ ᐱᓐᖑᐊᓂᒃ ᖁᕕᐊᓱᒃᓯᖃᑦᑕᖅᑐᑦ. ᐅᓇ ᐆᒻᒪᑎᒧᑦ ᐊᑕᔪᖅ ᖁᕕᐊᓱᒃᑎᑦᑎᕗᖅ ᑕᒪᑐᒪᓂ ᖁᕕᐊᓱᒃᕕᖕᒥ ᐅᖓᑖᓄᑦ 577 ᓄᑕᖃᑦ ᐅᑭᐅᖅᑕᖅᑐᒥ ᑭᓐᖓᓂ ᐊᒻᒪᓗ ᐃᓅᕕᖕᒥ. ᑕᒪᑐᒧᖓ ᐊᕐᕌᒍᒧᑦ ᑎᑭᐅᑎᖕᒪᑦ ᑲᔪᓯᑦᑎᐊᖅᑐᒻᒪᕆᐋᓘᒐᒥ, ᐱᕈᖅᑎᑦᑎᓚᐅᖅᑐᒍᑦ $21,200 ᖁᔭᓐᓇᒦᒃ ᐱᓕᕆᐊᕆᓚᐅᕐᒪᒋᑦ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓂᑦ ᐊᒻᒪᓗ ᐃᑲᔪᖅᑕᐅᑦᑎᐊᖅᖢᑎᒃ ᐱᓕᕆᖃᑎᒌᖕᓂᑦ ᐊᒻᒪᓗ ᑎᒍᒥᐊᖅᑎᓂᑦ.

ᐅᓇ ᓴᕿᔮᖅᑎᑕᐅᑦᓯᐊᖅᑐᖅ ᓄᓇᓕᖕᓂᑦ, ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᑦ ᓂᕈᐊᖅᓯᓯᒪᔪᑦ ᖁᕕᐊᓲᓯᐊᒃᓴᓂᒃ ᑕᐃᑲᖓᑦ ᒫᔅᑐᒪᐃᓐ ᐱᓐᖑᐊᑦ ᑳᑐᓕᒥᑦ ᐊᒻᒪᓗ ᐋᑐᕚᒥᑦ. ᐅᑯᐊ ᖁᕕᐊᓲᑎᒃᓴᐃᑦ, ᐃᓱᒪᒋᔭᐅᑦᑎᐊᖅᖢᓂ ᓂᕈᐊᖑᓚᐅᖅᑐᑦ ᓄᑕᖃᓄᑦ ᐅᑭᐅᖃᖅᑐᓄᑦ 0-ᒥᑦ 14-ᒧᑦ, ᐅᓯᔭᐅᓂᐊᖅᑐᑦ ᑲᓇᐃᑎᐊᓐ ᓄᐊᑦ ᐅᓯᔨᖏᓐᓂᑦ ᓄᓇᓕᖕᓄᑦ ᑭᓐᖓᐃᑦ ᑕᒫᓂ ᑲᓇᖕᓇᖓᓂ ᐊᒻᒪᓗ ᐃᓅᕕᒃ ᑕᐅᕙᓂ ᐱᓇᖕᓇᖓᓂ. ᑲᓇᑕ ᒎᔅ ᐃᑲᔪᓚᐅᖅᑐᖅ ᐊᖏᔪᒥᒃ $5,000 ᑐᓂᓯᓪᓗᓂ, ᑲᔪᓯᓂᐊᖅᑐᖅ ᐅᓇ ᐊᑯᓂ ᐱᓕᕆᖃᑎᒋᓂᐊᕋᑦᑎᒍᑦ ᑕᒪᑐᒧᖓ ᐃᖏᕐᕋᓯᑎᑕᐅᓯᒪᔪᒧᑦ, ᑖᒃᑯᐊᓗ ᒫᔅᑐᒪᐃᓐ ᐱᓐᖑᐊᑦ ᑐᓂᐅᖃᐅᑕᐅᓗᑎᒃ ᐊᑭᒡᓕᒋᐊᖅᓯᒪᓪᓗᑎᒃ ᐊᒻᒪᓗ ᐊᑭᓖᑎᑦᑎᓐᖏᓪᖢᑎᒃ ᖁᕕᐊᓲᑎᒃᓴᐃᑦ ᐴᒃᓴᖏᓐᓂᒃ.

“ᑲᓇᐃᑎᐊᓐ ᓄᐊᑦ ᐊᕐᕌᒍᑕᒫᑦ ᐱᓐᖑᐊᓂᒃ ᖁᕕᐊᓲᑎᖏᑦ ᐱᒻᒪᕆᐅᔪᑦ ᐅᑭᐅᖅᑕᖅᑐᓕᐊᖃᑦᑕᕐᓂᑦᑎᓐᓄᑦ, ᐱᓯᒪᓂᖃᖅᑐᖅ ᐊᖏᔫᓂᖓᓂᒃ ᐊᖏᖅᓯᒪᓂᖓᑦ ᐃᓅᓯᖏᓐᓄᑦ ᐱᐅᓯᕚᓪᓕᖅᑎᑦᑎᖃᑕᐅᓗᑕ ᓄᓇᓕᖕᓄᑦ ᐱᔨᑦᑎᕋᖅᑕᑦᑎᓐᓄᑦ,” ᐅᖃᓚᐅᖅᑐᖅ ᓯᐊᓕ ᑎ ᑲᕆᐊ, ᑲᓇᐃᑎᐊᓐ ᓄᐊᑦ ᐊᖓᔪᖅᑳᖓ ᐊᒻᒪᓗ ᑐᑭᒧᐊᒃᑎᖓ ᐊᒻᒪᓗ ᑕᒪᑐᒥᖓ ᐃᖏᕐᕋᓯᑎᑦᑎᓯᒪᔪᖅ. “ᑕᑯᖃᑦᑕᖅᐳᒍᑦ ᖁᕕᐊᓱᒃᑐᓂᒃ ᐊᒻᒪᓗ ᐊᑯᓂᒍᓱᒃᑐᓂᒃ ᓄᑕᖃᑦ ᑮᓇᖏᓐᓂ ᑐᓂᔭᐅᓪᓗᑎᒃ ᖁᕕᐊᓲᑎᓂᒃ ᐊᕐᕌᒍᑕᒫᑦ ᑕᒪᓐᓇ ᐊᖏᔪᒥᒃ ᐃᒃᐱᖕᓇᑦᑎᐊᖅᑐᖅ ᑕᕐᓂᑦᑎᓐᓄᑦ ᑕᒪᑐᒪᓂ ᖁᕕᐊᓱᒃᕕᖕᒥ ᐊᒻᒪᓗ ᓴᖕᖏᒃᑎᑦᑎᑲᓐᓂᖅᑐᖅ ᑐᑭᖃᑦᑎᐊᖅᑑᖕᒪᑦ ᐊᒃᑐᐊᓂᕐᒥᒃ ᑕᒪᐃᓐᓄᑦ ᐱᓕᕆᔪᓄᑦ.”

ᐊᕐᕌᒍᑕᒫᑦ, ᑲᓇᐃᑎᐊᓐ ᓄᐊᑦ ᐱᓐᖑᐊᓂᒃ ᖁᕕᐊᓱᒃᓯᓂᖓᑦ ᐊᐅᓪᓗᑎᔪᖅ ᖁᕕᐊᓱᒃᑎᑦᑎᔪᒪᓪᓗᑎᒃ ᒪᕐᕉᖕᓄᑦ ᐅᑭᐅᖅᑕᖅᑐᒥ ᓄᓇᓕᖕᓄᑦ, ᐱᖃᑖ ᑲᓇᖕᓇᖓᓂ ᐊᒻᒪᓗ ᐱᖃᑖ ᐱᓇᖕᓇᖓᓂ. ᐅᓇ ᐃᖏᕐᕋᓯᑎᑕᐅᓯᒪᔪᖅ ᐱᒋᐊᓚᐅᖅᑐᖅ ᐃᑲᔪᕈᒪᔪᓂᑦ ᑐᓂᓯᔪᒪᔪᓂᑦ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓂᑦ. ᐅᓇ ᐱᓕᕆᔭᐅᑦᑎᐊᕐᓂᖓ ᐊᒻᒪᓗ ᑖᒃᑯᓇᖓᖔᕐᒪᑦ ᐃᖅᑲᓇᐃᔭᖅᑎᑦᑎᓐᓂᑦ, ᑲᑎᖓᓪᓗᓂ ᐃᑲᔪᖅᑕᐅᕗᒍᑦ ᓄᓇᑦᑎᓐᓂᑦ ᐊᒻᒪᓗ ᐱᓕᕆᖃᑎᒋᔭᑦᑎᓐᓂᑦ, ᑕᐃᒫᒃ ᐅᓇ ᐃᖏᕐᕋᓯᑎᑕᐅᓯᒪᔪᒻ ᐊᖏᔪᒥᒃ ᐊᒃᑐᐃᓂᖃᖅᐳᖅ.

ᑲᓇᐃᑎᐊᓐ ᓄᐊᑦ ᐊᖏᓂᖅᐹᒥᒃ ᖁᔭᓐᓇᒦᐳᖅ ᐃᖅᑲᓇᐃᔭᖅᑎᑦᑎᓄᑦ, ᑲᓇᑕ ᒎᔅ, ᒫᔅᑐᒪᐃᓐᑦ ᐱᓐᖑᐊᑦ, ᐊᒻᒪᓗ ᑕᒪᕐᒥᒃ ᐊᓯᖏᑦ ᐃᑲᔪᓚᐅᖅᑐᖅ ᐋᕿᑦᑎᐊᖅᓯᒪᓂᖅᐹᒥᒃ ᐃᑲᔪᕈᓯᖅ. ᐃᑲᔪᖅᑎᒌᒡᖢᑎᒃ ᐱᓕᕆᓂᖓ ᐋᕿᑦᑎᐊᖅᓯᒪᓂᖅᐹᖅ ᐊᕐᕌᒍᑕᒫᑦ ᐱᓐᖑᐊᓂᒃ ᖁᕕᐊᓱᒃᓯᖃᑦᑕᕐᓂᖅᐳᑦ ᑕᐃᒪᓗᑦᑕᐅᖅ ᖁᕕᐊᓱᓕᕐᑎᑦᑎᖃᑦᑕᕋᑦᑕ ᐊᒥᓱᓂᒃ ᓄᑕᖃᓂᒃ ᖁᕕᐊᓱᒡᕕᐅᓂᐊᖅᑎᓪᓗᒍ. ᑲᓇᐃᑎᐊᓐ ᓄᐊᑦ ᐊᖏᖅᓯᒪᑦᑎᐊᕋᒥᒃ ᑕᒪᓐᓇ ᐱᕈᖅᑎᑉᐸᓪᓕᐊᓗᒍ ᐱᐅᓯᕆᓂᐊᖅᑕᖓᑦ ᑐᓂᓯᖃᑦᑕᕐᓂᖅ ᐊᒻᒪᓗ ᐊᑯᓂᒍᓱᒻᒪᕆᒃᐳᒍᑦ ᖁᕕᐊᓱᒃᑎᑦᑎᖃᑦᑕᕐᓂᐊᕋᑦᑕ ᐊᕐᕌᒍᓂ ᐊᒥᓱᓂᒃ ᐊᒡᒋᖅᑐᓂᒃ.

ᓇᕿᑦᑎᕕᒋᔪᓐᓇᖅᑕᑎᑦ ᖃᕆᓴᐅᔭᒃᑯᑦ ᐊᒻᒪᓗ ᖃᕆᓴᐅᔭᕐᓄᑦ ᐃᓕᐅᖃᕐᓗᒋᑦ

ᐃᓚᐅᖁᔨᕗᒍᑦ ᑕᑯᓂᐊᕋᑦᓯ ᐆᒻᒪᑎᒧᑦ ᐊᑕᔪᖅ ᐊᔾᔨᓕᐅᖅᓯᒪᔭᕗᑦ ᑕᒪᐃᓐᓂ ᑭᓐᖓᐃᑦ ᐊᒻᒪᓗ ᐃᓅᕕᒃ, ᓴᕿᔮᖅᑎᓐᓂᐊᖅᑕᕗᑦ ᖁᕕᐊᓱᑦᑎᐊᖅᑐᑦ ᐊᒻᒪᓗ ᐊᑯᓂᒍᓱᒃᑐᑦ ᑕᒪᑐᒥᖓ ᐃᖏᕐᕋᓯᑎᓯᒪᔭᑦᑎᓐᓂᒃ:

ᐱᕙᓪᓕᐊᔪᓕᕆᓂᒻᒧᑦ ᐅᖃᕕᓴᐅᔪᖅ

ᐋᓂ ᑖᒻᓕᓐᓴᓐ, ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ
media@canadiannorth.com
(343) 551-0294

ᐅᖃᐅᓯᖃᒃᑐᖅ ᑲᓇᐃᑎᐊᓐ ᓄᐊᑦᒥᒃ

ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆᔭᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ, ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᖁᑎᖓᑕ ᐱᔨᔅᓯᓲᖑᒻᒪᑦ 25−ᓂᒃ ᓄᓇᓕᓐᓂᒃ ᐃᓗᐊᓂ ᓄᓇᑦᓯᐊᑉ, ᓄᓇᕕᒃ ᐊᒻᒪᓗ ᓄᓇᕗᒻᒥ, ᐃᓚᒋᔭᐅᓪᓗᓂ ᐋᑐᕚ, ᒪᓐᑐᕆᐊᓪ, ᐃᐊᒻᒪᑕ, ᑲᐃᓪᒍᕆ, ᐊᒻᒪᓗ ᒫᓐᓇ ᐃᓚᒋᐊᖅᓯᓕᕆᓪᓗᑎᒃ ᐱᔨᔅᓯᕈᑎᒥᓐᓂᒃ ᓅᒃᒧᑦ, ᐊᑯᑭᑦᑐᖅ ᒪᑯᑎᒎᓇ ᖃᖓᑕᕕᒋᓗᐋᑕᓱᖏᑎᒍ ᐱᓕᕆᖃᑎᖃᓪᓗᓂ ᖃᖓᑕᓱᖓᓂᒃ ᐊᑯᑭᑦᑐᒃᑯᑦ – ᐃᖏᕐᕋᑦᑎᐊᕈᓐᓇᑦᑐᑦ ᖃᖓᑕᓲᖁᑎᑦ ᕘᐃᖕ 737, ATR 42 ᐊᒻᒪᓗ ATR 72 ᐅᓯᔾᔪᑎ ᖃᖓᑕᓱᖅ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ, ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.

Share this News: