ᕿᑎᖅᑰᖅ, ᐃᐳᕈ 20, 2023 – ᐅᐱᕐᖔᖅ ᐱᒋᐊᓕᑕᐃᓐᓇᑎᓪᓗᒍ ᐊᒻᒪ ᓄᑕᐅᓐᖑᖅᑐᓂ, ᑲᓇᐃᑎᐊᓐ ᓄᐊᑦ ᐱᒋᐊᖅᑎᑦᑎᓂᐊᖅᑐᑦ ᓄᑖᓂᑦ ᖃᖓᑕᓲᓄᑦ ᐊᑐᖅᑕᐅᖃᑦᑕᖅᑐᓂᑦ ᓄᓇᓕᓐᓄᑦ ᐱᔨᑦᑎᖅᑕᑎᓐᓄᑦ ATR ᐱᔨᑦᑎᖅᑕᑎᓐᓄᑦ. ᓄᑖᑦ ᐊᑐᖅᑕᐅᓂᐊᖅᑐᑦ ᐊᑐᕐᓂᖃᓕᓛᖅᑐᑦ ᓯᕗᓪᓕᖅᐹᖓᓂ ᐱᓇᓱᐊᕈᓯᖓᓂ ᒪᐃ ᐊᒻᒪ ᐃᑭᒪᔪᓂᑦ ᐊᒻᒪ ᖃᖓᑕᓲᒃᑰᑎᑦᑎᔪᓂᑦ ᓱᑲᓐᓂᖅᓴᓂᑦ ᐱᔨᑦᑎᖅᑕᐅᓗᑎ ᐊᒻᒪ ᐱᐅᓂᖅᓴᐅᓗᓂ ᖃᓪᓗᓈᓄᑦ/ᐅᑭᐅᑕᖅᑐᒥ ᑲᔪᓯᓂᖃᑦᑕᐅᑎᒋᔪᑦ, ᐊᑕᖏᖅᑐᒋᑦ ᖁᕝᕙᕆᐊᖅᑐᖃᕐᓇᑎ ᖃᖓᑦᑕᐅᑎᓄᑦ ᐅᕝᕙᓘᓐᓃᑦ ᐅᓯᔭᐅᔪᓄᑦ ᐊᑭᖏᓐᓄᑦ. ᓄᑖᑦ ᐊᑐᖅᑕᐅᓂᐊᖅᑐᑦ ᐃᓚᒋᔭᖃᕐᓂᐊᖅᑐᑦ ᑐᕌᑦᑕᐅᑎᒋᒧᓂᑦ, ᓄᖅᑲᑕᖏᓂᖅᓴᐅᓗᑎ, ᐃᑲᔪᐃᓂᖃᖅᑐᑦ ᐃᓐᓇᑐᖃᑦᑎᓐᓂ ᐊᒻᒪ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᓄᑦ. ᓄᓇᓕᖃᖅᑐᓄᑦ ᕼᐊᒻᒪᓚᓂᑦ ᐱᔨᑦᑎᖅᑕᑎᓐᓂ, ᓐᓇ ᐊᓯᔾᔨᕐᓂᐅᔪᖅ ᖁᕝᕙᕆᐊᖅᑎᑦᑎᓂᐊᖅᑐᖅ ᐱᑕᖃᖅᑎᑦᑎᔪᓐᓇᕐᓂᖏᓐᓄᑦ ᑎᑭᖃᑦᑕᖅᑐᓂᑦ ᐊᒻᒪ ᐅᓪᓚᖃᑦᑕᖅᑐᓂᑦ ᓄᓇᓕᖏᓐᓂᑦ. ᖄᖓᒍᑦ ᐊᑕᖏᖅᑐᒍ, ᖁᕝᕙᕆᐊᓂᐊᖅᑐᖅ ᐱᑕᖃᕈᓐᓇᕐᓂᖏᑦ ᐅᓯᔭᐅᔪᑦ ᐅᕙᒍᑦ ᓂᐅᕕᖃᑦᑕᖅᑐᖏᓐᓄᑦ ᓴᖅᑭᖅᑎᑕᐅᓂᖓᓄᑦ ATR 72F ᖃᖓᑕᓲᒃᑰᖅᑎᑕᐅᔪᓄᑦ ᖃᖓᑕᓲᖅ.
ᑐᕌᒐᕆᓪᓗᓂᐅᒃ ᑲᓇᐃᑎᐊᓐ ᓄᐊᑦᑯᓐᓂᑦ, ᑐᕌᒐᕆᔭᖏᑦ ᑖᒃᑯᐊ ᐊᓯᔾᔨᖅᑐᑦ ᐲᔭᖅᐸᓪᓕᐊᖏᓐᓇᕐᓗᒋᑦ ᐊᐳᕈᑎᐅᔪᑦ ᐱᔪᓐᓇᖅᑎᑕᐅᓗᑎ ᐃᓄᐃᑦ ᐊᒻᒪ ᓇᒻᒥᓂᕆᔭᐅᔪᑦ ᐱᕈᖅᑎᓪᓗᒋᑦ ᐊᒻᒪ ᐊᐅᓚᓂᖃᑦᑎᐊᕐᓗᑎ. ᑲᓇᐃᑎᐊᓐ ᓄᐊᑦ ᑲᔪᖏᖅᓯᒪᔪᑦ ᐃᑲᔪᓂᕐᒥᑦ ᐃᓄᓐᓂᑦ ᐊᒻᒪ ᓄᓇᖃᖅᑳᖅᓯᒪᒧᓂᑦ ᓇᒻᒥᓂᕆᔭᐅᔪᓂᑦ ᐱᓇᓱᐊᕐᓂᖃᕐᓂᖏᓐᓄᑦ ᐃᒻᒥᓂ ᑕᑎᒋᔭᖃᓂᕐᒧᑦ ᐊᒻᒪ ᐱᕈᓂᕐᒧᑦ.
“ᐱᓕᕆᐊᕆᒋᐊᖃᖅᑕᕗᑦ ᐃᓅᓯᖅ ᐱᐅᓂᖅᓴᐅᑎᓪᓗᒍ ᓄᓇᓕᐅᔪᓂᑦ ᐱᔨᑦᑎᖅᑕᑎᓐᓂᑦ ᐊᒻᒪ ᓴᓇᓯᒪᓂᖃᖅᑎᑕᕗᑦ ᓄᑖᖅ ᐊᑐᖅᑕᐅᓂᐊᖅᑐᑦ ᑖᓐᓇ ᐃᓱᒪᒋᓪᓗᒍ. ᕿᓚᒥᐅᓂᖅᓴᐅᑎᑕᕗᑦ ᓂᐅᕕᖃᑦᑕᖅᑐᓄᑦ ᐊᐅᓪᓚᕐᓗᑎ ᐊᒻᒪ ᐊᐅᓪᓚᑎᑦᑎᓗᑎ ᐅᕙᒍᑎᒍᑦ ᐊᒻᒪ ᑲᒪᒋᓗᐊᖅᓯᒪᔭᕗᑦ ᖃᖓᑕᕕᐅᖃᑦᑕᓂᐊᖅᑐᑦ ᖃᖓᒃᑯᑦ ᐊᒻᒪ ᓇᒥ ᐱᔭᐅᔭᕆᐊᖃᖅᑎᓪᓗᑕ ᐊᑐᕐᓗᑎ ᖃᖓᑕᓲᒥᑦ ᐊᒻᒪ ᖃᖓᑕᓲᒥ ᐃᖅᑲᓇᐃᔭᖅᑎᓂᑦ ᐊᐅᓚᓂᖃᑦᑎᐊᓂᖅᓴᓂᑦ. ᐃᓕᓐᓂᑦ ᑕᑯᔪᒪᓂᐊᖅᑐᒍᑦ ᖃᖓᑕᓲᒥ ᒫᓐᓇᕈᓗᒃ” ~ ᒪᐃᑯ ᕈᑎᓂᐅᒃ, ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ, ᑲᓇᐃᑎᐊᓐ ᓄᐊᑦ
ᑲᔪᖏᖅᓯᒪᔪᒍᑦ ᐃᓕᓐᓂᑦ ᑕᐃᑯᖓᑎᑦᑎᓗᑕ ᐃᕝᕕᑦ ᓇᒧᓐᖓᕆᐊᖃᖅᑕᖓᓄᑦ ᐊᐅᓚᓂᖃᑦᑎᐊᓂᖅᓴᓂᑦ ᐱᔾᔪᑎᒋᓪᓗᒍ ᐱᕕᔅᓴᖃᕐᓂᕆᔭᐃᑦ ᓱᖁᑎᒋᒐᑦᑎᒍ.
ᐊᑕᖏᖅᑐᓂᑦ ᑎᑎᕋᖅᓯᒪᔪᓂᑦ ᐊᑐᖅᑕᐅᓂᐊᖅᑐᓂᑦ ᐊᓯᔾᔨᖅᑐᓂᑦ ᐊᒻᒪ ᑐᑭᓯᒋᐊᕈᑎᓂᑦ, ᑲᓇᐃᑎᐊᓐ ᓄᐊᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᓅᕐᓗᑎ ᒫᓐᓇ.
ᐊᓂ ᑖᒻᓕᓐᓴᓐ, ᐊᐅᓚᑦᑎᒡ, ᑐᓴᐅᒪᔾᔪᑎᓕᕆᓂᕐᒧᑦ ᑲᓇᐃᑎᐊᓐ ᓄᐊᑦ mediarelations@canadiannorth.com
