ᑳᑯᓕ, ᐊᐃᐳᑕ – ᑲᓇᐃᑎᐊᓐ ᓄᐊᑦ, ᐅᑭᐅᖅᑕᖅᑐᒥ ᖃᖓᑕᓲᖅᑎᑐᐊᐸᓗᐃᑦ, ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᐋᕿᒃᓯᓯᒪᕗᑦ ᐊᖏᔪᒥᒃ ᑕᐃᒪᓗ ᑐᓴᕐᑎᑦᑎᔾᔪᑎᒋᓂᐊᖅᑕᖓᑦ ᐱᔾᔪᑎᒋᓪᓗᒍ ᐋᕿᒋᐊᕐᓂᐊᕐᒪᑕ ᐱᓕᕆᖃᑎᒌᖕᓂᖏᑦ ᑐᕌᖅᑐᑦ ᐋᕿᒃᓯᔾᔪᑕᐅᓇᓱᐊᖅᑐᖅ ᑲᓇᑕᐅᑉ ᐊᑦᑕᕐᓇᖅᑐᒦᓕᕐᑎᑦᑎᖕᒪᑕ ᖃᖓᑕᓲᖅᑎᑦ ᐊᒥᒐᓗᐊᓕᕐᓂᖏᓐᓄᑦ. ᐅᓇ ᑐᓴᕐᑎᑦᑎᔾᔪᑕᐅᔪᖅ ᑳᑯᓕ, ᐊᐃᐳᑕ, ᐊᒻᒪᓗ ᐅᖃᓪᓚᖕᓂᐊᖅᑐᖅ ᒪᐃᑯ ᕈᑎᓂᐅᒃ, ᑲᓇᐃᑎᐊᓐ ᓄᐊᑦ ᐊᖓᔪᖅᑳᖓᑦ, ᐊᒻᒪᓗ ᑭᓕ ᒍᐃᓕᐊᒻᔅ-ᒍᐃᑦ, ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓᑕ ᐊᖓᔪᖅᑳᖓ ᐃᓕᓐᓂᐊᖅᑐᓄᑦ ᐱᔅᓂᔅᒥᒃ ᐊᒻᒪᓗ ᑐᓴᐅᑎᓕᕆᓂᕐᒧᑦ ᐃᓕᓐᓂᐊᕈᑎᑦ.
ᑲᓇᑕ ᒫᓐᓇ ᓵᑦᑎᓯᒪᓕᖅᑐᖅ ᑕᒪᐃᓐᓂ ᖃᖓᑕᓲᖅᑎᑦ ᐊᒥᒐᓗᐊᓕᖅᖢᑎᒃ, ᐱᔭᐅᔪᒪᕗᑦ ᐊᔪᖏᑦᑎᐊᖅᑐᑦ ᖃᖓᑕᓲᖅᑎᑦ ᐊᑐᐃᓐᓇᐅᔭᕆᐊᖃᖅᑐᑦ ᓴᓇᕕᖓᓐᓂ. ᐊᕙᑖᓂᑦ ᐱᓕᕆᖃᑎᒌᑦ ᑲᓇᐃᑎᐊᓐ ᓄᐊᑦ ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᓇᓗᓇᐃᖅᓯᔪᖅ ᐊᖏᔪᒥᒃ ᐱᒋᐊᕈᑎᖓ ᐱᓕᕆᐊᕆᓪᓗᒍ ᑕᒪᓐᓇ ᑲᒻᐸᓂᓕᒫᓂ-ᑕᒪᐃᓐᓂ ᐱᔭᕐᓂᓐᖏᑐᑰᕈᑕᐅᔪᖅ ᑕᐃᒪᓗ ᐊᔪᕈᓐᓃᖅᑎᓐᓂᐊᕋᑦᑎᒍᑦ ᐃᓄᐃᑦ ᐃᓕᓐᓂᐊᖅᑐᑦ.
_____________________________________________________________________________________
- ᐅᓪᓗᖓ: ᑎᓴᒻᒥᖅ, ᐅᒃᑑᐸ 12, 2023
- ᓯᕿᓐᖑᔭᖓ: 1:00 ᐅᓐᓄᓴᒃᑯᑦ (ᕿᑎᐊᓂᕐᒥᐅᑦ ᓯᕿᖑᔭᖓᑎᒍᑦ [MNT])/3:00 ᐅᓐᓄᓴᒃᑯᑦ (ᑲᓇᖕᓇᖓᑕ ᓯᕿᖑᔭᖓᑦᑎᒍᑦ [EST])
- ᓇᓂ: ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ, 4825 Mount Royal Gate SW, EB 2nd Floor Atrium, Calgary, Alberta, T3E 6K6
ᖃᐅᔨᒪᓂᐊᖅᐳᑦ ᑐᓴᒐᒃᓴᓕᕆᔨᒃᑯᑦ:
- ᑐᓴᒐᒃᓴᓕᕆᔨᒃᑯᑦ ᐊᑐᐃᓐᓇᐅᓂᐊᖅᐳᑦ: ᑭᒡᒐᖅᑐᖅᑎᖏᑦ ᑲᓇᐃᑎᐊᓐ ᓄᐊᑦ, ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ, ᐊᒻᒪᓗ ᑎᒍᒥᐊᖅᑎᒻᒪᕇᑦ ᐊᑐᐃᓐᓇᐅᓂᐊᖅᑐᑦ ᐊᐱᖅᓱᖅᑕᐅᔪᓐᓇᖅᖢᑎᒃ ᐃᕐᖐᓐᓇᖅ ᑐᓴᒐᒃᓴᕐᒥᒃ ᑐᓴᕐᑎᑦᑎᓚᐅᖅᑎᓪᓗᒋᑦ.
- ᑕᕐᕆᔭᒐᒃᓴᖅ ᑕᒪᑐᖓ ᐊᑕᔪᖅ ᐃᓕᓯᔪᓐᓇᕐᕕᖓᑦ: ᐃᓚᒋᔭᐅᔪᑦ ᑐᓴᒐᒃᓴᓕᕆᔨᒃᑯᓄᑦ ᖃᐃᖁᔭᐅᕗᑦ ᐃᓕᓯᔪᓐᓇᕐᓗᑎᒃ ᑕᕐᕆᔭᒐᒃᓴᒥᒃ ᐊᑑᑎᖃᖅᑐᒥᒃ ᑖᒃᑯᓂᖓ ᑭᒡᒐᖅᑐᖅᑎᓂᒃ ᑲᓇᐃᑎᐊᓐ ᓄᐊᑦ ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᑕᐃᑲᓂ ᑳᑯᓕ ᒥᑦᑕᕐᕕᖓᓂ (YYC) ᐱᒋᐊᓚᐅᓐᖏᓂᖏᓐᓂ. ᐊᑏ ᖃᐃᓂᐊᖅᐳᓯ ᑎᑭᐅᑎᓚᐅᓐᖏᓂᖓᓂ 10:45 ᐅᓪᓛᒃᑯᑦ (ᕿᑎᕐᒥᐅᑦ ᓯᕿᖑᔭᖓ [MNT]) ᑕᒪᑐᒧᖓ 15-ᒥᓂᑦᔅ ᐱᕕᖃᖅᑎᑕᐅᕗᓯ ᒥᑦᑕᕐᕕᖕᒦᓪᓗᓯ ᖃᖓᑕᓲᖃᕐᕕᖓᓄᑦ: ᑲᓇᐃᑎᐊᓐ ᓄᐊᑦ, 620 Palmer Road NE, Unit 80, Calgary, AB T2E 7R3.
_____________________________________________________________________________________
ᐅᖃᐅᓯᖃᒃᑐᖅ ᑲᓇᐃᑎᐊᓐ ᓄᐊᑦᒥᒃ
ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᓂᕐᒥᑦ ᐱᔨᑦᓯᕋᐅᑎᖃᖅᐸᑦᑐᑦ 25-ᓂᑦ ᓄᓇᓕᐅᔪᓂᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᑦᑕᐅᖅ ᐋᑐᕚ, ᒪᓇᑐᕆᐊ, ᐃᐊᑦᒪᓐᑕᓐ, ᑭᐅᒍᕆ – ᖃᖓᑕᓲᖁᑎᖃᖅᑐᑎᒃ ᐴᖏᖕ 737 (Boeing 737), ᖃᖓᑕᓲᕋᓛᖑᓂᕐᓵᒃ ATR 42 ᐊᒻᒪ ATR 72 ᐅᓯᔩᒃ ᖃᖓᑕᓲᒃ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
_____________________________________________________________________________________
ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᒃ:
ᐋᓂ ᑖᒻᓕᓐᓴᓐ, ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ
343-551-0294
media@canadiannorth.com
