Skip to content

ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᑖᕋᓱᐊᕐᓂᖅ

ᓴᖅᑭᖅᑎᑕᐅᑦᑕᐅᑎᒋᓗᓂ,  ᓅᕕᐱᕆ XX, 2021 ᐃᓚᒋᔭᐅᓕᕆᑦ ᑎᒥᑦᑎᐊᕙᐅᔪᒧᑦ ᐊᒥᓱᓂᑦ ᐃᑲᔫᓯᐊᖃᖅᑎᑦᑎᔪᑦ, ᐃᖅᑲᓇᐃᔭᕐᕕᖓ ᐃᖅᑲᓇᐃᔭᕐᕕᑦᑎᐊᕙᐅᓪᓗᓂ, ᐊᒻᒪ ᐃᖅᑲᓇᐃᔮᒧᑦ ᓯᕗᒧᒋᐊᕐᕕᔅᓴᐅᓂᖃᕈᓐᓇᖅᑐᓂ. ᖃᐃᖅᑯᔭᐅᕗᑎᑦ ᐊᒻᒪ ᑲᑎᓪᓗᒋᑦ ᐱᓕᕆᔨᕗᑦ, ᑲᓇᐃᑎᐊᓐ ᓄᐊᑦ ᐃᖅᑲᓇᐃᔮᓂᑦ ᑕᑯᔅᓴᐅᑎᑦᑎᓂᐊᖅᑐᑦ ᓅᕕᐱᕆ 10, 2021, ᐱᒋᐊᕐᓗᓂ 10 ᐅᓪᓛᒃᑯᑦ ᑎᑭᒐᓱᐊᕐᓂᖓᓄᑦ 3:30 ᐅᓐᓄᓴᒃᑯᑦ ᓄᓇᑦᑕ ᓄᓇᕗᒻᒥ ᓯᓚᑦᑐᓴᕐᕕᒻᒥᑦ, ᓄᓇᑦᑕ ᐃᓕᓐᓂᐊᕐᕕᒃ ᓂᕆᕕᖓᓂ.

ᑕᕝᕙᓂᔅᓴᐃᓐᓇᖅ ᐊᐱᓱᖅᑕᐅᓂᖃᓂᐊᖅᑐᑦ ᓇᔅᓴᕆᐊᖃᖅᑕᓯ ᐃᖅᑲᓇᐃᔮᕆᖃᑦᑕᖅᓯᒪᔭᓯ ᑎᑎᕋᖅᓯᒪᔪᑦ. ᐃᖅᑲᓇᐃᔮᔅᓴᐃᑦ ᒫᓐᓇᐅᔪᒥᑦ ᐃᖅᑲᓇᐃᔮᖑᔪᓐᓇᖅᑐᑦ ᐅᓯᔭᐅᖃᑦᑕᖅᑐᓄᑦ ᐱᓕᕆᔨ, ᓂᐅᕕᖃᑦᑕᖅᑐᓕᕆᔨ, ᐊᒻᒪ ᐃᓂᒃᑕᓕᐅᕐᕕᓕᕆᔨ. ᑖᒃᑯᓄᖓ ᐃᖅᑲᓇᐃᔮᔅᓴᓄᑦ ᐊᒥᓱᓂᑦ ᐃᑲᔫᓯᐊᕈᑎᖃᖅᑐᑦ ᑕᑯᔅᓴᐅᔪᑦ ᐊᑖᓂ:

  • ᐊᑭᖃᙱᑦᑐᑦ/ᐊᑭᑭᓪᓕᒋᐊᖅᓯᒪᔪᑦ ᖃᖓᑦᑕᐅᑏᑦ
  • ᐊᑭᖃᙱᑦᑐᑦ/ᐊᑭᑭᓪᓕᒋᐊᖅᓯᒪᔪᑦ ᖃᖓᑐᓲᒃᑯᑦ ᐅᓯᔭᐅᔪᓄᑦ
  • ᐃᓱᓕᑦᓯᓂᕐᒧᑦ ᓄᖅᑲᖓᕈᑏᑦ
  • ᐋᓐᓂᐊᕕᒻᒧᑦ ᐊᒻᒪ ᑭᒍᓐᓂᐊᖅᑎᒧᑦ ᐱᕚᓪᓕᕈᑎᑦᓴᑦ

ᐱᔭᕇᖅᑕᐅᑎᓪᓗᒍ ᑲᑎᑦᑎᑕᐅᓂᖏᓐᓄᑦ ᒪᕐᕉᒃ ᖃᖓᑕᓲᓕᕆᔨᑦᑎᐊᕙᐃᑦ ᐊᑕᐅᓯᕈᕐᓗᓂ ᓱᖏᔫᓗᓂ ᖃᖓᑕᓲᓕᕆᔨ ᐊᒻᒪ ᐊᑐᖅᑕᐅᒍᓐᓃᐸᓪᓕᐊᑎᓪᓗᒍ ᓄᕙᒡᔪᐊᕐᓇᖅ, ᑲᓇᐃᑎᐊᓐ ᓄᐊᑦ ᐃᓐᓄᐃᔭᕆᐊᖃᖅᑐᑦ ᐊᒥᓱᒐᓚᓐᓂᑦ ᐃᖅᑲᓇᐃᔮᔅᓴᓂᑦ ᑲᔪᓯᑎᓪᓗᒍ ᐱᔨᑦᑎᑎᐊᕐᓂᕆᔭᕗᑦ ᐃᑭᒪᖃᑦᑕᖅᑐᓄᑦ ᐊᒻᒪ ᐱᔨᑦᑎᖅᑕᓄᑦ ᓂᕆᐅᒋᓯᒪᔭᖏᓐᓂᑦ.

ᑲᓇᐃᑎᐊᓐ ᓄᐊᑦ ᐃᓕᓐᓂᑦ ᑕᑯᔪᒪᓂᐊᖅᑐᑦ ᐅᓇᐅᓕᖅᑲᑦ ᓅᕕᐱᕆ 10, 2021, ᐱᒋᐊᕐᕕᒋᔪᓐᓇᑐᐃᓐᓇᕆᐊᖃᖅᑕᖓ ᐃᕝᕕᑦ ᐃᖅᑲᓇᐃᔮᖓᓄᑦ ᐅᕙᑦᑎᓐᓄᑦ ᖃᖓᑕᓲᓕᕆᔨᓄᑦ.

-30-

ᑲᓇᐃᑎᐊᓐ ᓄᐊᑦ ᒥᔅᓵᓄᑦ:

ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ ᐱᔨᑦᑎᖃᑦᑕᖅᑕᖏᑦ 26 ᓄᓇᓖᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᓗᑦᑕᐅᖅ ᐋᑐᕚ, ᒫᓐᑐᕆᐊᓪ ᐊᒻᒪ ᐃᐊᑦᒪᑕᓪ ᐊᔾᔨᒌᖏᑦᑐᓂ ᖃᖓᑕᓲᓂᑦ Boeing 737 ᐊᒻᒪ ATR 42 ᖃᖓᑕᓲᑦ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.

ᑐᑭᓯᒋᐊᒃᑲᓐᓂᕈᒪᒐᕕᑦ ᖃᐅᔨᒋᐊᕐᕕᒋᒍᒃ:

ᑭᐊᓐ ᑲᑉᓗᑦᓯᐊᒃ
ᐊᖏᔪᖅᑳᖅ ᑐᑭᒧᐊᖅᑎᑦᑎᔨ, ᓂᐅᕐᕈᑎᖃᓂᕐᒧᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ
ᑲᓇᐃᑎᐊᓐ ᓄᐊᑦ
ᖃᐅᔨᒋᐊᕐᕕᖓ: ᐅᖄᓚᐅᑎᕋᓛᖓ 613-282-2440 | kkablutsiak@canadiannorth.com
ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓ: www.canadiannorth.com | charters.canadiannorth.com

Share this News:

Share on facebook
Share on twitter
Share on linkedin